ເຕັກນິກການປູກໝາກເລັ່ນ

ໝາກເລັ່ນເປັນພືດທີ່ຈະເລີນເຕີບໂຕໃນດິນທົ່ວໄປ ແຕ່ທີ່ເໝາະສົມທີ່ສຸດຄືດິນປົນຊາຍມີອິນຊີວັດຖຸສູງລະບາຍນໍ້າ ແລະ ອາກາດໄດ້ດີ ຖ້າໃນພື້ນທີ່ປຽກຊຸ່ມເກີນໄປຈະເຮັດໃຫ້ຮາກຂາດອົກຊີເຈນ ແລະ ເຮັດໃຫ້ຢຸດການຈະເລີນເຕີບໂຕ ດັ່ງນັ້ນຖ້າມີນໍ້າຂັງຫຼາຍວັນຕ້ອງເລັ່ງລະບາຍນໍ້າອອກ ທີ່ສຳຄັນຄືຕ້ອງບໍ່ປູກຊໍ້າບ່ອນເກົ່າຫຼາຍປີເພາະຈະເກີດການສະສົມຂອງພະຍາດທີ່ຍາກຕໍ່ການປ້ອງກັນ
1. ການກຽມດິນ
ໄຖດິນໃຫ້ເລິກປະມານ 30-40 ຊມ ຕາກດິນໄວ້ 7-10 ວັນຄາດດິນໃກ້ແລກລະອຽດຫວ່າປູນຂາວໃນປະລິມານ 100-300 ກິໂລ/ໄລ່ພ້ອມໃສ່ຝຸ່ນໝັກ ຫຼື ຝຸ່ນຄອກໃນປະລິມານ 2,000 ກິໂລ/ໄລ່ ແລະ ປຸ໋ຽສູດ 15-15-15 ໃນປະລິມານ 30 ກິໂລ/ໄລ່ຍໍາໃຫ້ເຂົ້າກັນໃນໜານ ຍົກໜານສູງປະມານ 30 ຊມ ກວ້າງ 100 ຊມ ຫົດນໍ້າ ແລະ ຄຸ້ມດ້ວຍແຜ່ນຢາງ ຫຼື ເຟືອງ ເພື່ອຮັກສາຄວາມຊຸມ ແລະ ປ້ອງກັນວັດສະພືດຄວນກຽມດິນໃຫ້ແລ້ວກ່ອນການປູກ 2-3 ອາທິດ

2. ການກຽມໜານກ້າເບ້ຍ
ການກໜມໜານກ້າເບ້ຍ ຂະໜາດຂອງໜານກວ້າງ 1 ແມັດຄວາມຍາວຂື້ນຢູ່ກັບຂະໜາດຂອງພື້ນທີ່ຄວາມກວ້າງທາງຍາງລະຫວ່າງໜານ 50 ຊມ ປົນດິນດ້ວຍຝຸ່ນຄອກ ແລະ ຊາຍໃນປະລິມານ 3:1 ທເຮັດການກ້ເບ້ຍໂດຍການໂຮຍແກ່ນເປັນແຖວໆຫ່າງກັນ 10 ຊມ ເມື່ອເບ້ຍມີອາຍຸ 25-30 ວັນຫຼືມີໃບແທ້ 2-3 ໃບໃຫ້ຍ້າຍປູກໄດ້ ຫຼັງຍ້າຍເບ້ຍໄປປູກໃໝ່ໆຄວນພາງແສງແດດໃນຊ່ວງບ່າຍເພື່ອຄວາມເກັບຄວາມຊຸ່ມ ຫຼື ຈະໃຊ້ເຟືອງຊ່ວຍປົກກະໄດ້ ໄດ້ເຊັ່ນກັນ ເມື່ອແກ່ນເລີ່ມງອກໃຫ້ເອົາເຟືອງທີ່ປົກນັ້ນອອກເພື່ອໃຫ້ເບ້ຍນັ້ນງອກມາໄດ້ງ່າຍຂື້ນ

3. ການປູກ
ການປູກປູກແບບແຖວຄູ່ໂດຍເຈາະແຜ່ນຢາງຫຼືເຟືອງປົກເປັນຂຸມລະຍະປູກລະຫວ່າງເບ້ຍ 50 ຊມ ລະຫວ່າງແຖວ 70 ຊມ ແລ້ວນໍາເບ້ຍໝາກເລັ່ນທີ່ມີອາຍຸ 30 ວັນຫຼືມີໃບແທ້ໆ 2-3ໃບມາປູກຕາມຂຸມ ຖົມດິນ ແລະ ຫົດນໍ້າລະວັງຢ່າຈັບບໍລິເວນໂຄນເບ້ຍ

4. ການບົວລະບັດ
ການເຮັດຄັ້ງ ຄວນປັກຄັ້ງທຸກຂຸມ ແລະ ເຮັດກ່ອນອອກດອກ ໂດຍໃຊ້ເຊືອກມັດກັບລຳຕົ້ນໃຫ້ຄ່ວຍກັນເປັນເລກ 8 ແລະ ມັດເງືອນກະຕຸກກັບຄັ້ງເພື່ອໃຫ້ຕົ້ນເຕີບໂຕໄດ້ດີ ແລະ ສະດວກຕໍ່ການບົວລະບັດຮັກສາງ່າຍຕໍ່ການເກັບຜົນຜະລິດ ແລະ ຊ່ວຍໃຫ້ເພີ່ມອາຍຸການເກັບຜົນຜະລິດໃຫ້ໄດ້ດົນ
– ການຫົດນໍ້າໃຫ້ຫົດນໍ້າຢ່າງສະໝໍ່າສະເໝີຕັ້ງແຕ່ເລີ່ມປູກຈົນຮອດເກັບຜົນຜະລິດ ຊ່ວງໝາກແກ່ຄວນລຸດການຫົດນໍ້າເພາະເຮັດໃຫ້ໝາກແຕກໄດ້
– ການໃສ່ຝຸ່ນ ຄວນໃສ່ປຸ໋ຍສູດ 13-13-21 ໃນປະລິມານ 100 ກິໂລ/ໄລ່ ໄລຍະທຳອິດຫຼັງຈາກຍ້າຍເບ້ຍມາປູກໄດ້ 7 ວັນ ເທື່ອທີ່ 2 ຫຼັງຈາກໃສ່ຄັ້ງທີ່ 1 ໄດ້ 15 ວັນ ເທື່ອທີ່ 3 ຫຼັງຈາກໃສ່ເທື່ອທີ່ 2 ໄດ້ 20 ວັນ

5. ການປ້ອງກັນກຳຈັດວັດສະພືດ
– ວັດສະພືດໃຊ້ມືຫຼົກເພື່ອກຳຈັດວັດສະພືດລະວັງຢ່າໃຫ້ສະເທືອນເຖີງຮາກ
– ພະຍາດ ພະຍາດໃບແຫ້ງຊີດພົ່ນດ້ວຍໄດເທນເອັມ 45 ຊີດທຸກ 7 ວັນ, ພະຍາດໂຄນເນົ່າຫົດດ້ວຍເທອຮາຄຣອຊຸບເປີເອັດ ແລະ ຫຼົກຕົ້ນທີ່ເປັນພະຍາດຖີ່ມ
– ແມງໄມ້ ແມງຫວີ່ຂາວ ເພ້ຍອ່ອນຊີດພົ່ນດ້ວຍເລນແນທປະລິມານໃນການໃຊ້ເບິ່ງໃນສະລາກກຳນົດ

6. ການເກັບກ່ຽວ
ໝາກເລັ່ນສາມາດເກັບຜົນຜະລິດໄດ້ເມື່ອມີອາຍຸປະມານ 70-90 ວັນນັບຕັ້ງແຕ່ກ້າເບ້ຍ ແລະ ສາມາດເກັບຜົນຜະລິດໄດ້ດົນປະມານ 4-5 ເດືອນ ຜົນຜະລິດປະມານ 4,000-8,000 ກິໂລ/ໄລ່

ຮຽບຮຽງໂດຍ ສີວິໄລ ອິນທະວົງ
ແຫຼ່ງຂໍ້ມູນ: ອະພິຊາດ ສີສະອາດ ປື້ມຄູ່ມືການປູກຜັກສວນຄົວ ແລະ ຜັກພື້ນບ້ານ(ໜ້າທີ 66-67)
ໝວດໝູ່: ການປູກພືດ
ຂໍ້ມູນເພີ່ມເຕີມ:
ຂໍ້ມູນເຕັກນິກ:
ວີດີໂອ:

<iframe width=”560″ height=”315″ src=”https://www.youtube.com/embed/3bk_jqyL_XU” frameborder=”0″ allow=”accelerometer; autoplay; encrypted-media; gyroscope; picture-in-picture” allowfullscreen></iframe>

ການປູກໝາກເຜັດຫວານ(ໝາກເຜັດໃຫຍ່)

ໝາກເຜັດຫວານເປັນໝາກທີ່ໃຫ່ຍມີສີສັນສົດໃສ ໝາກເຜັດຫວານມີເບຕາແຄໂຮທີ່ສູງ ມີວິນຕາມິນຊີ ທາດເຫຼັກ ແລະ ໂພແທກຊຽມ ຊຶ່ງໝາກເຜັດຫວານສີເຫຼືອງຈະມີວິຕາມິນຫຼາຍກວ່າໝາກສີສົ້ມເຖີ່ງ 4 ເທົ່າ ໃນໝາກເຜັດສີຂຽວ 100 ກຼາມ ຈະມີວິຕາມິນຊີ 100 ກຼາມ ເຊັ່ນກັນ ນອກຈາກນີ້ຍັງມີສານ ແຄບໄຊຊິນຊ່ວຍຍັບຍັງອານຸມູນອິດສະຫຼະ ລຸດຄວາມສ່ຽງການເປັນພະຍາດຫຼອດເລືອດ ພະຍາດຕໍ້ກະຈົກ ແລະ ພະຍາດມະເຮັ່ງ
ໃນໜຶ່ງເມນູນຂອງວັນຖ້າມີໝາກເຜັດຫວານເປັນສ່ວນປະກອບກໍ່ຈະຊ່ວຍກະຕຸ້ນໃນການທຳງານຂອງກະເພາະອາຫານເຮັດໃຫ້ລະບົບການຍ່ອຍອາຫານດີຂື້ນ ຊ່ວຍຈະເລີນອາຫານບໍາລຸງທາດຂັບເຄື່ອນ ຂັບລົມ ຂັບເສບຫະ ແກ້ຫືດ ແລະ ສາມາດລົດຄວາມດັນເລືອດໄດ້ ເພາະເຮັດໃຫ້ຫຼອດເລືອດອ່ອນຕົວ ແລະ ຊ່ວຍໃຫ້ລະບົບການໄຫຼວຽນຂອງເລືອດເປັນໄປໄດ້ດີ

1. ສະພາບແວດລ້ອມຂອງການປູກໝາກເຜັດຫວານ
ໝາກເຜັດຫວານມັກສະພາບທີ່ມີຄວາມຊຸ່ມຕໍ່າອຸຫະພູມທີ່ເໝາະສົມສຳລັບການປະສົມເກສອນຢູ່ສະຫວ່າງ 20-25 ອົງສາມີຄວາມຊຸ່ມສຳພັນສູງໃນສະພາບອຸຫະພູມຕໍ່າກວ່າ 18 ອົງສາ ຫຼື ສູງກວ່າ 32 ອົງສາ ຈະຈຳກັດການປະສົມເກສອນອັດຕາການຕິດໝາກຕໍ່າ ໝາກເຜັດໝາກສາມາດຈະເລີນເຕີບໂຕໄດ້ດີໃນດິນປົນຊາຍລະບາຍນໍ້າໄດ້ດີ ແລະ ມີຄ່າຄວາມເປັນກົດເປັນດ່າງຢູ່ລະຫວ່າງ 6,0-6,8
2. ການກຽມດິນປູກ
ການກຽມໜານກ້າແກ່ນຕ້ອງເຮັດເປັນໜານຂຸດດິນໃຫ້ເລີກປະມານ 15 -20 ຊມ ຕາກດິນໄວ້ໃຫ້ແຫ້ງ 5-7 ວັນ ໂຮຍຝຸ່ນຄອກໃຫ້ຫຼາຍຊາວໃຫ້ທົ່ວຍໍາດິນໃຫ້ລະອຽດ
ການກຽມໜານປູກ ຂຸດດິນໃຫ້ເລີກປະມານ 25-30 ຊມ ຕາກດິນໄວ້ໃຫ້ແຫ້ງ 7- 10 ວັນ ໃສ່ຝຸ່ນຄອກປະລິມານ 2-3 ໂຕນ/ໄລ່ຖ້າດິນມີຄວາມເປັນກົດສູງຄວນໃສ່ປູນຂາວຊ່ວຍໃນປະລິມານ 200-300 ກິໂລ/ໄລ່ ເພື່ອຊ່ວຍລົດຄວາມເປັນກົດຂອງດິນ ຈາກນັ້ນກໍ່ຄົນໃຫ້ເຂົ້າກັນ ແລະ ຍໍາດິນໃຫ້ແລກຍົກໜານສູງປະມານ 30 ຊມ ກວ້າງ 1,20 ຊມ ຄຸມດ້ວຍແຜ່ນຢາງຫຼັງຈາກນັ້ນ 15-20 ວັນຈຶ່ງປູກ
ໝາກເຜັດໄດ້

3. ການກຽມກ້າແກ່ນ
ການກ້າແກ່ນ ຫຼັງຈາກກຽມໜານກ້າແລ້ວໃຫ້ຫວ່ານແກ່ນໝາກເຜັດກະຈາຍທົ່ວໜານຫຼືອາດຈະເປັນແຖວຫ່າງກັນແຖວລະ 15 ຊມ ເຮັດຮອງເລີກປະມານ 1 ຊມ ແລ້ວໂຮຍແກ່ນລົງໃຫ້ຮອງແລ້ວຫວ່ານປົກດ້ວຍຝຸ່ນຄອກຫຼືດິນມຸນໜາປະມານ 0,5-1 ຊມ ຫົດນໍ້າໃຫ້ຊຸມແລ້ວປົກດ້ວຍເຟືອງບາງໆຫຼັງຈາກຕົ້ນກ້າງອກໄດ້ 15-20 ວັນ ໃຫ້ຫຼົກເບ້ຍທີ່ບໍ່ສົມບູນຫຼືຕົ້ນທີ່ເປັນພະຍາດອອກພ້ອມກັນນີ້ພະຍາຍາມຈັດລະຍະເບ້ຍໃຫ້ຫ່າງກັນປະມານ 10 ຊມ ຍ້າຍໄປປູກເມື່ອອາຍຸ 30-40 ວັ

4. ການປູກໝາກເຜັດຫວານ
ຫຼັງຈາກກຽມໜານປູກແລ້ວເຈາະແຜ່ນຢ່າງໃຫ້ມີໄລຍະຫ່າງລະຫວ່າງເບ້ຍ 50 ຊມ ລະຍະຫ່າງລະຫວ່າງແຖວ 100 ຊມ ເມື່ອເບ້ຍໄດ້ຂະໜາດດີແລ້ວກໍ່ທຳການປູກໄດ້ ເບ້ຍທີ່ນຳມາປູກຄວນເປັນເບ້ຍທີ່ແຂງແຮງອາຍຸປະມານ 30-40 ວັນ ສູງປະມານ 10-15 ຊມ ການຫຼົກເບ້ຍຄວນໃຫ້ມີດິນຕິດມານໍາ ເບ້ຍທີ່ຫຼົກມາແລ້ວຄວນມີການປູກທັນທີ ຫຼັງຈາກປູກແລ້ວຫົດນໍ້າໃຫ້ຊຸ່ມ

5. ການບົວລະບັດ
– ການຫົດນໍ້າ ຄວນຫົດນໍ້າຢ່າງພຽງພໍສະໝໍ່າສະເໝີການຫົດນໍ້າຄວນຫົດທຸກມື້ຫຼັງຈາກປູກຈົນຮອດເບ້ຍຕັ້ງໂຕໄດ້ປະມານ 5-6 ອາທິດຫຼັງຈາກນີ້ແລ້ວຈຶ່ງຄ່ອຍລົດປະລິມານນໍ້າລົງຊຶ່ງອາດຈະຫົດ 1 ວັນ ຍຸດ 2 ວັນກໍ່ໄດ້ທັ້ງນີ້ຕ້ອງເບິ່ງສະພາບຄວາມຊຸ່ມຂອງດິນດ້ວຍ
ການເຮັດຄັ້ງ ສຳລັບໝາກເຜັດຫວານການເຮັດຄັ້ງ ແລະ ການຕັດແຕ່ງກິ່ງເພື່ອປ້ອງກັນບໍ່ໃຫ້ລົ້ມຈະເຮັດໃຫ້ຜົນຜະລິດສູງ ຄວນຕັດກິ່ງແຂນອອກຕັ້ງແຕ່ໃບຂໍ້ທຳອິດຈົນເຖີ່ງໃບທີຢູ່ກ້ອງຊໍ່ດອກໃຫ້ໝົດເພາະຖ້າບໍ່ຕັດອອກຈະເຮັດໃຫ້ຊົງພຸ່ມໜາຕືບໄປເຮັດໃຫ້ຜົນຜະລິດຕໍ່າ
– ການໃສ່ຝຸ່ນ ປຸ໋ຍທີ່ແນະນໍາຄື ປຸ໋ຍສູດ 15-15-15 ຫຼື 14-14-21 ໃສ່ໃນປະລິມານ 100 ກິໂລ/ໄລ່ ທັ້ງນີ້ຂື້ນຢູ່ກັບຄວາມອຸດົມສົມບູນຂອງດິນ ໂດຍແບ່ງໃສ່ 2 ຄັ້ງ ຄັ້ງທຳອິດປະມານເຄິ່ງໜຶ່ງໃສ່ຮອງພື້ນເອົາດິນຖົມ ໃສ່ຄັ້ງທີ່ 2 ເມື່ອໝາກເຜັດອາຍຸໄດ້ 30 ວັນ ຫຼັງຈາກຍ້າຍເບ້ຍປູກໂຮຍຂ້າງໆຕົ້ນແລ້ວເອົາດິນຖົມ
6. ພະຍາດແມງໄມ້ສັດຕູທີ່ສຳຄັນ
– ວັດສະພືດ ການພວນດິນກຳຈັດວັດສະພືດຄວນເຮັດໃນໄລຍະທຳອິດຫຼັງຈາກຕົ້ນໝາກເຜັດຕັ້ງໂຕໄດ້ເພາະຈະຊ່ວຍເຮັດໃຫ້ດິນມີການລະບາຍນໍ້າ ແລະ ອາກາດດີຂື້ນຈະຊ່ວຍບໍ່ໃຫ້ວັດສະພືດຍາດນໍ້າ ແລະ ອາຫານຈາກໝາກເຜັດ ແຕ່ຄວນລະວັງຢ່າໃຫ້ທະທົບຮອດຮາກ ແລະ ຕົ້ນໝາກເຜັດ
– ພະຍາດແຫ້ວ ທີ່ເກີດຈາກເຊື້ອຣາປ້ອງກັນກຳຈັດໂດຍການຫຼົກຕົ້ນທີ່ເປັນພະຍາດຖີ່ມໃຊ້ນໍ້າປູນຂາວຫົດບໍລິເວນຮາກ ປູກພືດໝູນວຽນ ແລະ ຊີດພົ່ນດ້ວຍສານກຳຈັດເຊື້ອຣາໂດຍໃຊ້ໂຄໄຊປະສົມກັບເບສມອຣ໌ ຊີດທຸກໆ 7 ວັນ
ພະຍາດກຸງແຫ້ງ ປ້ອງກັນກຳຈັດຊີດພົ່ນດ້ວຍສານກຳຈັດເຊື້ອຣາຈຳພວກແມນໂຄເຊ໊ປ ,ເມທາເລກຊິລ
ເພ້ຍໄຟ ປ້ອງກັນກຳຈັດໂດຍຊີດພົ່ນດ້ວຍສານ ອະບາແມຄຕິນ,ເມທໂທມິລ
ໄຮຂາວ ປ້ອງກັນກຳຈັດໂດຍການຊີດພົ່ນສານ ກຳມະຖັນຜົງໂອໄມທ໌, ແຄປແທນ
7. ການເກັບກ່ຽວ
ໝາກເຜັດເປັນພືດທີ່ມີອາຍຸຍືນ ແລະ ປູກໄດ້ຜົນຜະລິດດີຕະຫຼອດປີອາຍຸການເກັບກ່ຽວປະມານ 90-100 ວັນ ພັນສີຂຽວເມື່ອຜົນຜະລິດຜີວລຽບ ແລະ ແຫ້ງ ໃຊ້ມິດຕັດ ຕັດຂັ້ວ ພັນສີແດງ ແລະ ເຫຼືອງ ເຮັດຄືກັບພັນສີຂຽວ ແຕ່ຈະເກັບກ່ຽວເມື່ອໝາກເລີ່ມມີສີຫຼາຍກວ່າ 70-80%

ຮຽບຮຽງໂດຍ: ສີວິໄລ ອິນທະວົງ
ແຫຼ່ງຂໍ້ມູນ: http://tik-farm.blogspot.com/2012/05/blog-post_13.html
ໝວດໝູ່: ການປູກພືດ
ຂໍ້ມູນເພີ່ມເຕີມ:
ຂໍ້ມູນເຕັກນິກ:
ວີດີໂອ:

<iframe width=”560″ height=”315″ src=”https://www.youtube.com/embed/0qwqq2HH4g4″ frameborder=”0″ allow=”accelerometer; autoplay; encrypted-media; gyroscope; picture-in-picture” allowfullscreen></iframe>

ການປູກໝາກເຜັດຂີ້ໜູ

ໝາກເຜັດຂີ້ໜູຊື່ວິທະຍາສາດ: Capsicum annuum L. ວົງຕະກຸນ: Solanaceae. ເປັນພືດໄມ້ລົ້ມລຸກ ຫຼື ໄມ້ຟຸ່ມຂະໜາດນ້ອຍທີ່ມີຄວາມສູງຂອງຕົ້ນປະມານ 30–90 ຊັງຕີແມັດ, ມີອາຍຸປະມານ 1–3 ປີ. ແຕກກີ່ງກ້ານສາຂາຫຼາຍ, ກີ່ງອ່ອນເປັນສີຂຽວ, ເມື່ອແກ່ຈະປ່ຽນເປັນສີນ້ຳຕານ. ໃບດ່ຽວຈັບລຽງສະຫຼັບກົງກັນຂ້າມກັນ ລັກສະນະຂອງໃບເປັນຮູບໄຂ່, ຮູບກົມຮຽວ ຫຼື ຮູບກົມຮຽວ, ປາຍໃບແຫຼມ, ຂອບໃບລຽບ, ໃບມີກວ້າງ 2–4 ຊັງຕີແມັດ ແລະ ຍາວ 3–8 ຊັງຕີແມັດ, ແຜ່ນໃບລຽບເປັນຂຽວມັນເງົາ, ກ້ານໃບຍາວ 4–7 ຊັງຕີແມັດ. ດອກເປັນຊໍ່ເປັນຈຸກຕາມຊອກໃບ, ຊໍ່ລະປະມານ 2–3 ດອກ ມີກີບດອກປະມານ 5–7 ກີບ, ກີບດອກເປັນສີຂາວສີເຫຼືອງອ່ອນອົມຂຽວ ຫຼື ສີຂຽວອ່ອນ. ເກສອນເພດຜູ້ຈະມີຢູ່ປະມານ 5 ອັນ ໂດຍຂະຂື້ນສະຫຼັບກັບກີບດອກ ສ່ວນເກສອນເພດແມ່ຈະມີຢູ່ 1 ອັນ ແລະ ມີເຕົ້າໄຂ່ 2–3 ຫ້ອງ. ໝາກຮູບຮີ-ຮູບຂອບຂະໜານ, ປາຍໝາກແຫຼມ, ມີຂະໜາດກວ້າງ 3–5 ມີນລີແມັດ ແລະ ຍາວ 2–3 ຊັງຕີແມັດ. ໝາກສົດສີຂຽວເມື່ອສຸກແລ້ວຈະປ່ຽນເປັນສີສົ້ມແດງ ຫຼື ເປັນສີແດງປົນສີນ້ຳຕານ.
ການປູກໝາກເຜັດແບບງ່າຍໆ ແລະ ເກັບຜົນໄວ ແລະ ໄດ້ຜົນຜະລິດສູງ
ໝາກເຜັດເປັນສ່ວນປະກອບອາຫານປະຈຳວັນຂອງຊາວລາວເຮົາເປັນເວລາຍາວນານ.ຕາມສະຖິຕິທີ່ຄົນລາວບໍລິໂພກໝາກເຜັດໃນປີໜຶ່ງຜ່ານມາປະມານ 1 ກິໂລ/ຄົນ.ດ້ວຍເຫດນີ້ໝາກເຜັດຈຶ່ງເປັນພືດເສດຖະກິດທີ່ສຳຄັນສະນິດໜຶ່ງທີ່ສ້າງລາຍໄດ້ໃຫ້ແກ່ຄົນລາວຈຳນວນບໍ່ໜ້ອຍນັບວ່າໂຊກດີຂອງຄົນລາວໝາກເຜັດສາມາດປູກໄດ້ໃນທົ່ວປະເທດ ແລະ ສາມາດປູກໄດ້ຫຼາຍສາຍພັນເປັນຕົ້ນ: ໝາກເຜັດຂາວ,ໝາກເຜັດໃຫ່ຍ(ໝາກເຜັດຂວ້າ),ໝາກເຜັດຂີ້ໜູ ແລະ ອື່ນໆ.

1. ຈຸດດີຂອງໝາກເຜັດຂີ້ໜູ.
ໝາກເຜັດຂີ້ໜູປະສົມພັນ ລັງສີ ມາເປັນສາຍພັນໝາກເຜັດລ່າສຸດທີ່ ໄດ້ຄົ້ນຄວ້າຂື້ນມາ ແລະ ຊາວກະສິກອນສ່ວນຫຼາຍກໍ່ໃຫ້ການຍອມຮັບວ່າໝາກເຜັດຂີ້ໜູລູກປະສົມພັນລັງສີມາເປັນໝາກເຜັດທີ່ໄດ້ຜົນຜະລິດດີເກັບຜົນໄດ້ໄວ້ມີພຽງແຕ່ 70 ວັນຫຼັງກ້າສຳລັບໝາກຂຽວ ແລະ 90 ວັນສຳລັບໝາກແດງ,ເດັດງ່າຍ,ສີຂ້ອນຂ້າງເຂັ້ມມີເສັ້ນຜ່າໃຈກາງປະມານ 1 ຊມ ແລະ ຍາວປະມານ 7 ຊມ ນໍ້າໜັກສະເລ່ຍ 3 ກຼາມ/ຕົ້ນ ແລະ ການເກັບຜົນຄັ້ງທີ 2 ກໍ່ໄດ້ຜົນຜະລິດດີສົມຄວນ.ເປັນໝາກເຜັດທີ່ເຜັດ ແລະ ເຮັດໃຫ້ຜົນຜະລິດໄດ້ຫຼາຍ ແລະ ຂາຍໄດ້ລາຄາ.
ໝາກເຜັດລູກປະສົມລັງສີມາເປັນໝາກເຜັດພຸ່ມທີ່ເລີ່ມແຕກງ່າອອກມາຕັ້ງແຕ່ກົກຂື້ນຈົນສຸດປາຍເຮັດໃຫ້ແຕກງ່າອອກຖີ່ໆ ແລະ ເວລາອອກໝາກກໍ່ດົກ,ນໍ້າໜັກດີ,ໝາກເຂັ້ມຂຸ້ນ ແລະ ຕົ້ນກໍ່ສູງຂື້ນເລື້ອຍໆ ແລະ ການເກັບຜົນຜະລິດກໍ່ໄດ້ໄວ້ເບິ່ງລວມແລ້ວສູງກວ່າສາຍພັນອື່ນໆ.ເຖິງວ່າຈະພົບກັບສະພາບອາກາດທີ່ແຫ້ງແລ້ງກໍ່ຕາມຍັງເຮັດໃຫ້ການເກັບຜົນງ່າຍ ແລະ ໝາກເຜັດກໍ່ບໍ່ເສຍຫຍາຍແຕ່ຖ້າເປັນສາຍພັນອື່ນອາດຈະມີຜົນເສບຫຍາຍເຊັ່ນ: ໜຽວ,ເດັດຫຍາກເຮັດໃຫ້ຍອດຂອງໝາກເຜັດຫັກ,ເດັດກໍ່ຕິດກັບໝາກອ່ອນທີ່ກຳລັງປົ່ງຂື້ນຫັກຂາດອອກນຳ ແລະ ຖ້າຍອດຫັກກໍ່ຈະລໍຖ້າຕື່ມອີກປະມານ 1 ເດືອນໝາກເຜັດຈຶ່ງຈະແຕກຍອດອອກມາໃໝ່ ແລະ ເຮັດໃຫ້ເສຍເວລາໃນການເກັບຜົນ.

2. ວິທີການປູກ ແລະ ການບົວລະບັດຮັກສາແບບງ່າຍໆ.
ການກ້າເບ້ຍແມ່ນເລີ່ມກ້າໃນຊ່ວງເດືອນທັນວາໂດຍໃຊ້ສາຍພັນ 2 ກະປອງປະມານ 100 g ປູກໃນເນື້ອທີ ປະມານ 4 ໄລ່ ຂັ້ນຕອນການກະກຽມໃນການກ້າແມ່ນເລີ່ມຕົ້ນແຊ່ໃສ່ນໍ້າອຸ່ນທີ່ມີອຸ່ນຫະພູມຢູ່ 50 ອົງສາ ຫຼັງຈາກນັ້ນ,ປະໄວ້ປະມານ 30 ນາທີ ແລ້ວຈຶ່ງນຳໄປແຊ່ໃນນໍ້າສານລະລາຍໂທນິດປະໄວ້ປະມານ 6 ຊົ່ວໂມງ.ຫຼັງຈາກນັ້ນຫຸ້ມດ້ວຍຜ້າປຽກໜາດໆນ້ອຍໜຶ່ງບົ່ມໄວ້ 2-3 ວັນ.ແລ້ວຈະມີໜໍ່ຂາວໆພົົ່ນອອກມາເມື່ອເຫັນໃນໝາກໜໍ່ໝາກເຜັດໜີ່ອອກມາພໍປະມານຈຶ່ງນຳໄປເພາະພັນໃນສະຖານທີ່ທີກຽມໄວ້ ປະໄວ້ປະມານ 5-6 ວັນແລ້ວຈຶ່ງຈະເຫັນໜໍ່ໝາກເຜັດເລີ່ມເປັນເບ້ຍນ້ອຍໆ ແລະ ໃນເວລານີ້ຕ້ອງໄດ້ຫົດນໍ້າຢ່າງສະໝໍ່າສະເໝີ ເຊົ້າ-ແລງ ວັນລະ 1-2 ຄັ້ງ ຈົນເບ້ຍໝາກເຜັດໄດ້ປະມານ 3-4 ໃບ ຈຶ່ງນຳໄປປູກໄດ້. ແລະ ໃນໄລຍະເລີ່ມຕົ້ນຕ້ອງໄດ້ໃສ່ປຸ໋ຍເຄມີ ສູດ 15-15-15 ປະມານ 1 ອາທິດ/ຄັ້ງໂດຍທີ່ໃຫ້ປຸ໋ຍລະລາຍໃນນໍ້າແລ້ວຄ່ອຍຢອດຫຼືຫົດໃສ່ຕົ້ນເມື່ອເຫັນວ່າຕົ້ນໝາກເຜັດເລີ່ມຂະຫຍາຍໂຕຈຶ່ງສືບຕໍ່ໃສ່ປຸ໋ຍເຄມີ 15-15-15 ເພີ່ມຂື້ນໂດຍໃຊ້ວິທີຫວ່ານປະມານ 15 ວັນ/ຄັ້ງສ່ວນວິທີຫົດນໍ້າຖ້າວ່າເປັນພື້ນທີທີ່ມີແຫຼ່ງນໍ້າອຸດົມສົມບູນຄວນຫົດນໍ້າທຸກວັນເພາະຈະເຮັດໃຫ້ຕົ້ນໝາກເຜັດແຕກກິ່ງງ່າໄດ້ໄວ,ຕົ້ນໜາ,ໝາກດົກຕົ້ນໝາກເຜັດຈະຂະຫຍາຍໂຕຕໍ່ເນື້ອງ.ດັ່ງນັ້ນການປູກໝາກການປູກໝາກເຜັດຈຶ່ງຫົກນໍ້າອາທິດລະ 2 ຄັ້ງເທົ່ານັ້ນ ແຕ່ໝາກເຜັດຂີ້ໜູລູກປະສົມພັນທຸລັງສີມາຍັງໄດ້ຜົນຜະລິດສູງພໍສົມຄວນ.

3. ວິທີປ້ອງກັນໂລກ.
ວິທີການປ້ອງກັນເຊື້ອໂລກ ແລະ ແມງໄມ້ທີ່ມາລົບກວນ ແລະ ທຳລາຍຂອງສັດຕູພືດເປັນປະຈຳຖ້າສັງເກດເຫັນວ່າຜິດປົກກະຕິຄວນຫາວິທີປ້ອງກັນ ແລະ ກຳຈັດໂດຍທີ່ບໍ່ໃຊ້ສານເຄມີທາງທີດີຄວນຫາວິທີການປາບເຊື້ອໂລກ ແລະ ສັດຕູບາງຊະນິດໂດຍການນຳໃຊ້ຢາພື້ນເມືອງທີ່ຜະລິດຈາກເຄືອເຂົາຮໍ,ຂົມກະເດົາ,ຫົວສີໄຄ,ຢາສູບຫຼືແບບປະສົມປະສານກໍ່ໄດ້ຮັບຜົນເຊັ່ນດຽວກັນ.ຈຸດດີຂອງໝາກເຜັດຂີ້ໜູກໍ່ຍ້ອນຂອງໝາກເຜັດນ້ອຍຮັກສາໄດ້ງ່າຍ.

4. ການເກັບຜົນຜະລິດ:
ຊາວກະສິກອນໃນໄລຍະນີ້ນິຍົມກັນເກັບໝາກເຜັດແດງອອກຂາຍໂດຍເລີ່ມເກັບຄັ້ງທຳອິດເມື່ອໝາກເຜັດມີອາຍຸໄດ້ປະມານ 80-90 ວັນຫຼັງຈາກທີ່ຍ້ານເບ້ຍ ແລະ ການເກັບຄັ້ງທຳອິດແມ່ນໝາກເຜັດແດງເພາະເປັນໜ່ວຍທີ່ເຂັ້ມງາມ ແລະ ສາມາດເກັບໝາກແດງອອກຂາຍເຖີງ 10 ຄັ້ງ ພໍຜົນຜະລິດຄັ້ງຕໍ່ມາໝາກເຜັດຈະແຕກງ່າກິ່ງຫຼາຍກວ່າເກົ່າເຮັດໃຫ້ການເກັບກ່ຽວແກ່ຍາວ ແລະ ປະລິມານກໍ່ຫຼາຍຂື້ນໂດຍໝາກເຜັດແຕ່ລະຕົ້ນຈະໄດ້ຜົນຜະລິດປະມານ 3-5 ຄັ້ງຈຶ່ງສາມາດເກັບໄດ້ປະມານ 6 ເດືອນ ແລະ ອີກບັນຫາໜຶ່ງກໍ່ຂື້ນກັບການບົວລະບັດຮັກສາໃຫ້ດີ ແລະ ການປູກໝາກເຜັດໃນເນື້ອທີ່ 4 ໄລ່ ການເກັບໝາກເຜັດອອກຂາຍຄັ້ງທຳອິດຈະໄດ້ປະມານ 2 ໂຕນຖືວ່າໄດ້ຮັບຜົນຜະລິດສູງສົມຄວນ ແລະ ຖ້າທຽບໃສ່ໝາກເຜັດສາຍພັນອື່ນຍັງໄດ້ຜົນຜະລິດດີກວ່້າໂດຍທີ່ວ່າໃຫ້ຜົນຜະລິດພຽງແຕ່ 1,7 ໂຕນເທົ່ານັ້ນ.

ຮຽບລຽງໂດຍ: ສີວິໄລ ອິນທະວົງ
ແຫຼ່ງຂໍ້ມູນ: ພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ
ໝວດໝູ່: ການປູພພືດ
ຂໍ້ມູນເພີ່ມເຕີມ:
ຂໍ້ມູນເຕັກນິກ:
ວີດີໂອ:

<iframe width=”560″ height=”315″ src=”https://www.youtube.com/embed/Y-VHIi_AFIg” frameborder=”0″ allow=”accelerometer; autoplay; encrypted-media; gyroscope; picture-in-picture” allowfullscreen></iframe>

ການປູກໝາກເຂືອເປຣາະ

ໝາກເຂືອເປຣາະເປັນຜັກທີ່ປູກງ່າຍໃຫ່ຍໄວໃຫ້ຜົນຕອບແທນໄວ້ ແລະ ສາມາດເກັບກ່ຽວຜົນຜະລິດໄດ້ດົນ

1. ການກຽມດິນ
ໄຖດິນໃຫ້ເລີກປະມານ 30-40 ຊມ ຕາກດິນປະໄວ້ 7-10 ວັນ ຄາດດິນໃຫ້ລະອຽດຫວ່ານປູກຂາວໃນປະລິມານ 100-200 ກິໂລ/ໄລ່ ພ້ອມໃສ່ຝຸ່ນໝັກຫຼືຝຸ່ນຄອກໃນປະລິມານ 2,000 ກິໂລ/ໄລ່ ແລະ ປຸ໋ຍສູດ 15-15-15 ປະລິມານ 30-50 ກິໂລ/ໄລ່ ແລ້ວຍົກໜານປູກສູງປະມານ 10-15 ຊມ ກວ້າງ 120 ຊມ ແລ້ວຫົດນໍ້າ ແລະ ປົກດ້ວຍເຟືອງແຫ້ງເພື່ອຮັກສາຄວາມຊຸ່ມ
– ການກຽມໜານກ້າ
ໃສ່ດິນປະສົມລົງໃນພາສະ(ດິນທີ່ຮ່ອນແລ້ວ 3 ສ່ວນ ຝຸ່ນຄອກ 1 ສ່ວນ ຊາຍຫຼືແກບ 1 ສ່ວນ)ຫົດນໍ້າ ແລ້ວຫວ່ານແກ່ນລົງຫົດນໍ້າເຊົ້າ-ແລ້ງ

2. ການປູກ
ລະຍະປູກລະຫວ່າງເບ້ຍ 70-80 ຊມ ລະຫວ່າງແຖວ 90-100 ຊມ ຂຸດຂຸມຕາມລະຍະປູກນໍາເບ້ຍໝາກເຂືອເປຣາະທີ່ມີອາຍຸ 15 ວັນ ຫຼືມີໃບແທ້ 3-4 ໃບ ມາປູກຕາມຂຸມທີ່ກຳນົດຖົມດິນແລ້ວຫົດນໍ້າ

3. ການບົວລະບັດ
– ການຫົດນໍ້າ ຕ້ອງຫົດນໍ້າໃຫ້ສະໝໍ່າສະເໝີຫຼັງຍ້າຍເບ້ຍທຸກເຊົ້າ-ແລງເມື່ອເບ້ຍຕັ້ງໂຕດີແລ້ວຈຶ່ງຫົດນໍ້າມື້ລະເທື່ອ
– ການໃສ່ຝຸ່ນ ຫຼັງຈາກປູກໄດ້ປະມານ 7-10 ວັນໃສ່ປຸ໋ຍສູດ 46-0-0 ໃນປະລິມານ 30 ກິໂລ/ໄລ່ ເພື່ອເລັ່ງການຈະເລີນເຕີບໂຕ, ໃສ່ປຸ໋ຍສູດ 8-24-24 ໃນປະລິມານ 50-100 ກິໂລ/ໄລ່ໂດຍທະຍອຍແບ່ງໃສ່ໃນຊ່ວງອອກດອກ ແລະ ອອກໝາກທຸກໆ 20 ວັນ

4. ການປ້ອງກັນ ແລະ ກຳຈັດສັດຕູພືດ
– ວັດສະພືດ ກຳຈັດວັດສະພືດທຸກຄັ້ງທີ່ມີການໃສ່ປຸ໋ຍ ຫຼື ເມື່ອວັດສະພືດເກີດຂື້ນ
– ພະຍາດ ພະຍາດໝາກເນົ່າແຫ້ງສີດຳຫຼືປາຍໝາກດຳປ້ອງກັນ ແລະ ກຳຈັດໂດຍໃສ່ປູນຂາວຮອງພື້ນຂຸມໆລະ 1-2 ບ່ວງແກງ/ຂຸມ ຊີດພົ່ນທາດແຄນຊຽມໃນຊ່ວງລະຍະອອກ
ໝາກໄປຈົນເຖີງການເກັບກ່ຽວ
ພະຍາດໃບແຫ້ງ ພະຍາດໃບຈຸດປ້ອງກັນ ແລະ ກຳຈັດໂດຍໃຊ້ສານປ້ອງກັນເຊື້ອຮຣາເຊັ່ນ ກຳມພຖັນຊະນິດລະລາຍນໍ້າ ຄາລາເບນ ສຳລັບກຳມະຖັນຄວນຊີດພົ່ນແຕ່ເຊົ້າໆຫຼືມີອາກາດເຢັນ
5. ການເກັບກ່ຽວ
ຫຼັງຈາກດອກບານ 7-10 ວັນຈະສາມາດເກັບຜົນຜະລິດໄດ້ ໂດຍການເກັບຜົນຜະລິດໄດ້ທີ່ມີຂະໜາດພໍດີບໍ່ອ່ອນຫຼືແກ່ເກີນໄປ ໂດຍການເກັບກ່ຽວໃຫ້ມີຂັ້ວໝາກເຂືອຕິດມາກັບໝາກດ້ວຍຜົນຜະລິດ 8,000-1,000 ກິໂລ/ໄລ່

ຮຽບລຽງໂດຍ: ສີວິໄລ ອິນທະວົງ
ແຫຼ່ງຂໍ້ມູນ: ອະພິຊາດ ສີສະອາດ ປື້ມຄູ່ມືການປູກຜັກສວນຄົວ ແລະ ຜັກພື້ນບ້ານ (ໜ້າທີ 72-73)
ໝວດໝູ່: ການປູກພືດ
ຂໍ້ມູນເພີ່ມເຕີມ:
ຂໍ້ມູນເຕັກນິກ:
ວີດີໂອ:

<iframe width=”560″ height=”315″ src=”https://www.youtube.com/embed/yijs3UTZlOA” frameborder=”0″ allow=”accelerometer; autoplay; encrypted-media; gyroscope; picture-in-picture” allowfullscreen></iframe>

ວິທີການປູກໝາກມັງກອນ

ໝາກມັງກອນເປັນໝາກໄມ້ຕ່າງປະເທດ ທີ່ນິຍົມປູກໃນປະເທດເຮົາ ໝາກມັງກອນເປັນໝາກໄມ້ທີ່ມີຄຸນຄ່າດ້ານການຮັກສາສຸຂະພາບ ການຮັບປະທານອາຫານເປັນປະຈຳຈະຊ່ວຍໃຫ້ມີສຸຂະພາບດີ ຊ່ວຍລະບັບຂັບຖ່າຍ ບັນເທົາອາຫານຂອງພະຍາດເບົາຫວານ ລົດໄຂມັນ ເພາະວ່າມີກາກໄຍອາຫານຫຼາຍ ເມື່ອຮັບປະທານແລ້ວຮູ້ສຶກອີ່ມຊ່ວຍລົດນໍ້າໜັກໄດ້

I. ວິທີການປູກ
– ຂັ້ນຕອນການກຽມເສົາ
1. ໃຊ້ເສົາສີມັງກວ້າງ 4-6 ນີ້ວ ສູງ 1,5-2,0 ແມັດຕາມຄວາມມັກ ແລະ ງົບປະມານຂອງແຕ່ລະລຸ້ນ
2. ນໍາເສົາມາເຈາະຮູທີ່ປາຍເສົາ 4 ຮູເພື່ອໃຊ້ເຫຼັກເສັ້ນສອດເຂົ້າໄປ
3. ຕັດເຫຼັກເສັ້ນໃຫ້ໄດ້ຂະໜາດຕາມຢາງລົດໃສ່ເສົາລະ 2 ເສັ້ນ
4. ນໍາເຫຼັກເສັ້ນສອດເຂົ້າໄປແລ້ວນໍາຢາງລົດມາວາງໃຊ້ລວດມັດໃຫ້ແໜ້ນໜາແຂງແຮງ

– ຂັ້ນຕອນການປູກ(ຄວນປູກໃນລະດູຝົນ)
1. ຂຸດຂຸມໃຫ້ໄດ້ຂະໜາດ 60 X 60 ຊມ
2. ນໍາເສົາທີ່ເຈາະຮູແລ້ວໃສ່ລົງໄປໃນຂຸມແລ້ວໃຊ້ດິນປົກຫຼັກນ້ອຍ
3. ນໍາຝຸ່ນຄອກໃສ່ລົງໄປໃນຂຸມຈົນເກືບເຕັມຂຸມ
4. ນໍາຕົ້ນໝາກມັງກອນ 4-5 ຕົ້ນປູກອ້ອມໆໂຄນເສົາໃຊ້ດິນປົກໃຫ້ເຕັມຂຸມ
5. ໃຊ້ເຊືອກຫຼືຜ້າມັດຕົ້ນໝາກມັງກອນໄວ້ເພື່ອບໍ່ໃຫ້ມັນລົມ ຫຼື ຫັກ

II. ການຂະຫຍາຍພັນ
ວິທີການຂະຫຍາຍພັນໝາກມັງກອນທີ່ງ່າຍ ແລະ ສະດວກຄືການປັກຊໍາແຕ່ມີເທັກນິກທີ່ສຳຄັນຫຼາຍປະການຄື ຊາວກະສິກອນຕ້ອງເລືອກກິ່ງທີ່ແກ່ເທົ່ານັ້ນ ຢ່າໃຊ້ກິ່ງອ່ອນເພາະວ່າຈະເນົ່າເສຍກ່ອນເມື່ອໄດ້ກິ່ງແກ່ມາປັກຊໍາສ່ວນໃຫ່ຍຈະຫຼອດຕາຍ 100% ກິ່ງແກ່ໃນແຕ່ລະກິ່ງສາມາດຕັດເປັນທ່ອນໄດ້ຫຼາຍທ່ອນ ຕັດໃຫ້ມີຄວາມຍາວປະມານ 30 ຊມ ກ່ອນທີ່ຈະປັກຊໍາໃຫ້ເອົາທາງກົກປັກລົງ(ສັງເກດທາງກົາຈະມີໝາມຕັ້ງຂື້ນ) ກ່ອນທີ່ຈະນໍາກິ່ງມາປັກຊໍານັ້ນຄວນຈະນໍາກິ່ງແກ່ມາຈຸ່ມນໍ້າທີ່ປະສົມນໍ້າຢາເລັ່ງຮາກ(ໃຊ້ນໍ້າຢາເລັ່ງຮາກໃນອັດຕາເຂັມຂົນກວ່າປົກກະຕິ) ຈຸ່ມກິ່ງໝາກມັງກອນລົງໄປໃນນໍ່າຢາເລີກປະມານ 10 ຊມ ແລ້ວນໍາມາຕັ້ງລຽນໄວ້ໃນຮົ່ມເປັນເວລາ 7-10 ວັນຈົນກິ່ງເລີ່ມແຫ້ວຕັ້ງກິ່ງໃຫ້ຊື່
ສໍາລັບຊາວກະສິກອນທີ່ເລີ່ມປູກຄວນຈະເລືອກຊື່ກິ່ງປະເພດນີ້ທີ່ຜ່ານການແຊ່ນໍ້າຢາເລັ່ງຮາກແລ້ວ ເພາະຈະສະດວກຕໍ່ການເຄືອນຍ້າຍໄດ້ຮັບການກະທົບກະເທືອນນ້ອຍທີ່ສຸດ ແລະ ຂົນໄດ້ຄັ້ງລະປະລິທານຫຼາຍ ຫຼັງຈາກໄດ້ກິ່ງໄປແລ້ວນໍາໄປປັກຊໍາໃນພື້ນທີ່ປູກທີ່ກຽມເອົາໄວ້
ສຳລັບກິ່ງປະເພດທີ່ນຳລົງຖົງຢາງ ແລ້ວການເຄື່ອນຍ້າຍຈະຄ່ອຍຂ້າງລຳບາກ ແລະ ຂົນໄດ້ຄັ້ງລະປະລິມານນ້ອຍລວມທັ້ງມີລາຄາແພງກວ່າບໍ່ເໝາະສຳລັບຊາວກະສິກອນທີ່ປູກໃນພື້ນທີ່ຫຼາຍ
ການກຽມໜານປັກຊໍາກິ່ງຫຼັງຈາກປັບພື້ນທີ່ດິນໃຫ້ລະອຽດແລ້ວໃສ່ຂື້ແກບດຳລົງໄປໃນໜານໃຫ້ມີຄວາມໜາປະມານ 1 ຄືບ ຖ້າໜານປັກຊໍາຢູ່ບໍລິເວນແຈ້ງຈະຕ້ອງມຸງດ້ວຍຜ້າຜາງແສງຊະນິດ 60% ຈາກນັ້ນນຳກິ່ງທີ່ແຊ່ນໍ້າຢາເລັ່ງຮາກແລ້ວໄປປັກຊໍາໃຫ້ເລີກປະມານ 10 ຊມ ຫົດນໍ້າ 2-3 ວັນ/ຄັ້ງກໍ່ພຽງພໍແລ້ວຫຼັງຈາກປັກຊໍາໄດ້ປະມານ 1 ເດືອນກໍ່ຈະອອກຮາກນໍາໄປປູກໄດ້
ວິທີສັງເກດວ່າກິ່ງໝາກມັງກອນທີ່ນໍາໄປປັກຊໍານັ້ນມີຮາກທີ່ສົມບູນແລ້ວສັງເກດໄດ້ວ່າຈະມີການແຕກຍອດອ່ອນອອກມາໃໝ່ຄັດເລືອກເອົາແຕ່ກິ່ງທີ່ແຕກຍອດອອກມານັ້ນໄປປູກ

III. ການບົວລະບັດໝາກມັງກອນ
ຕົ້ນໝາກມັງກອນເປັນຕົ້ນໄມ້ປະເພດດຽວກັນກັບກະບອງເພັດຈຶ່ງບໍ່ມັກນໍ້າໃນລະດູໜາວ ແລະ ລະດູຮ້ອນຄວນຫົດນໍ້າອາທິດລະຄັ້ງ ສ່ວນໃນລະດູຝົນບໍ່ຕ້ອງຫົດນໍ້າເລີຍ
ການໃສ່ຝຸ່ນ ຄວນໃສ່ຝຸ່ນປີລະ 2-3 ຄັ້ງ ຄັ້ງທີ່ 1 ໃນຊ່ວງເດືອນຕຸລາ-ເດືອນພະຈິກ ຄວນໃສ່ຝຸ່ນຄອກ ຫຼື ປຸ໋ຍເຄມີສູດ 15-15-15 ຖ້າໃສ່ຝຸ່ນຄອກລົດຂອງໝາກມັງກອນຈະອອກຫວານອົມສົ້ມນ້ອຍໜຶ່ງ ຄັ້ງທີ່ 2 ໃນເດືອນ ມັງກອນເປັນການບໍາລຸງຕົ້ນໃຫ້ສົມບູນ ແລະ ໃສ່ຝຸ່ນຄອກ ຫຼື ປຸ໋ຍເຄມີສູດ 15-15-15 ຄັ້ງທີ່ 3 ໃສ່ໃນເດືອນເມສາເປັນການກຽມ ແລະ ເລັ່ງຮາກໃຫ້ຕົ້ນໝາກມັງກອນອອກດອກໃສ່ປຸ໋ຽສູດ 15-17-18 ຫຼື ສູດ 10-10-40 ເປັນຕົ້ນ
ຖ້າຕົ້ນໝາກມັງກອນອອກຍອດສູງພົ້ນກາຍເສົານ້ອຍໜຶ່ງແລ້ວໃຫ້ໃຊ້ມືຕັດປາຍຍອດຖີ່ມເພື່ອເປັນການເຮັດໃຫ້ໝາກມັງກອນແຕກຍອດອອກຫຼາຍ
ຫຍ້າທີ່ຂື້ນໃກ້ໆໂຄນຕົ້ນຄວນຫຼົກອອກເປັນປະຈຳເພື່ອໃຫ້ຕົ້ນໝາກມັງກອນໄດ້ຮັບອາຫານທີ່ເຕັມທີ່ບໍ່ຕ້ອງແບ່ງປັນໃຫ້ກັບຫຍ້າເມື່ອຄົບ 2 ປີຫຼັງຈາກຕົ້ນໝາກມັງກອນອອກໝາກຈົນໝົດ ໃນຊ່ວງເດືອນຕຸລາ ຄວນຕັດແຕ່ງກິ່ງໃຫ້ສວຍງາມເພື່ອເປັນການເຮັດໃຫ້ຕົ້ນໝາກມັງກອນແຕກກິ່ງໄດ້ຫຼາຍ ແລະ ຄວນຕັດທຸກໆ 2 ປີ

http://www.pop-photo.com.cn/main/bbs/articleview.shtml?articleid=231664&lastpage=on

IV. ສັດຕູຂອງໝາກມັງກອນ
ມົດຄັນໄຟ ເພ້ຍອ່ອນ (ຕາມຍອດ), ດ້ວງຄ່ອມທອງ(ເຈາະເປືອກ ແລະ ໃນ) ,ໜອນ (ກັດກິນກີບໝາກ), ເພ້ຍຫອຍ (ເກາະທີ່ປາຍໝາກ), ພວກມ້ວນນັກກ້າມ(ສັນນິຖານວ່າເຮັດໃຫ້ຜີວຂອງໝາກມັງກອນເປັນຈຸດ), ເພ້ຍໄຟ(ເຈາະທຳລາຍໝາກ) ແລະ ຕ້ອງລະມັດລະວັງບໍ່ໃຫ້ສັດລ້ຽງ ເປັດ ໄກ່ ມາເຂ່ຍໂຄນຕົ້ນໄດ້ລວມທັ້ງພະຍາດພືດຊະນິດອື່ນໆ
V. ການເກັບກ່ຽວ
ຕ້ອງໃຫ້ໝາກມັງກອນມີສີແດງທັ້ງໝາຫ ຊຶ່ງອາຍຸຂອງໝາກມັງກອນຕັ້ງແຕ່ອອກດອກຈົນເກັບຜົນຜະລິດໄດ້ປະມານ 2 ເດືອນ ເມື່ອໝາກມັງກອນສຸກເຕັມທີ່ແລ້ວໃຫ້ໃຊ້ມິດຕັດກິ່ງຕັດໝາກມັງກອນອອກຈາກກິ່ງ(ຢ່າໃຫ້ກິ່ງເສຍຫາຍ)

ຮຽບຮຽງໂດຍ: ສີວິໄລ ອິນທະວົງ
ແຫຼ່ງຂໍ້ມູນ: http://puechkaset.com
ໝວດໝູ່: ການປູກພືດ
ຂໍ້ມູນເພີ່ມເຕີມ:
ຂໍ້ມູນເຕັກນິກ:
ວີດີໂອ:

<iframe width=”560″ height=”315″ src=”https://www.youtube.com/embed/rk_WXCN7s2o” frameborder=”0″ allow=”accelerometer; autoplay; encrypted-media; gyroscope; picture-in-picture” allowfullscreen></iframe>

ວິທີການປູກໝາກມ່ວງ
ໝາກມ່ວງ ຊື່ສາມັນ: Mango, ຊື່ວິທະຍາສາດ: Mangifera indica L. , ວົງຕະກຸນ: ANACARDIACEAE.

I. ການຂຸດຂຸມປູກ
ການຂຸດຂຸມປູກທັ້ງແບບປູກເທີ່ງຄູ ແລະ ປູກໃນພື້ນທີ່ທຳມະດາ ຄວນປູກໃຫ້ເປັນແຖວເປັນແນວເພື່ອສະດວກໃນການບົວລະບັດ ແລະ ການປະຕິບັດງານ ຂຸດຂຸມປູກໃຫ້ມີຂະໜາດກ້ວາງຍາວ ແລະ ເລີກ 50-100 ຊມ ທັ່ງນີ້ແມ່ນຂື້ນກັບຄວາມອຸດົມສົມບູນຂອງດິນ ຖ້າວ່າດິນດີມີອິນຊີວັດຖຸຫຼາຍກໍ່ຂຸດຂຸມຂະໜາດນ້ອຍໄດ້ສ່ວນດິນທີ່ບໍ່ຄ່ອຍດີໃຫ່ຂຸຂຸມຂະໜາດໃຫ່ຍເພື່ອຈະໄດ້ປັບປຸງດິນໃນຂຸມໃຫ້ດີຂື້ນດິນທີ່ຂຸດຂື້ນມາຂຸມນັ້ນໃຫ້ແຍກເປັນສອງກອງ ຄື ດິນຊັ້ນທຳອິດແຍກໄວ້ກອງໜຶ່ງ ດິນຊັ້ນທີ່ສອງໃຫ້ແຍກໄວ້ກອງໜຶ່ງຕາກດິນທີ່ຂຸດຂື້ນມາ ປະມານ 15-20 ວັນແລ້ວປະສົມດິນທັ້ງສອງກອງດ້ວຍຝຸ່ນຄອກ ຝຸ່ນໝັກ ໃສ່ຝຸ່ນຄອກຝຸ່ນໝັກຮອງພື້ນໄວດ້ວຍແລ້ວຈິ່ງເອົາດິນລົງໄປໃນຂຸມຄືເກົ່າໂດຍເອົາດິນຊັ້ນທຳອິດລົງກ່ອນ ແລະ ດິນຊັ້ນທີ່ສອງລົງດິນທີ່ຖົ່ມລົງໄປຈະສູງກວ່າປາກຂຸມຄວນປະໄວ້ໃຫ້ດິນຍຸບເສຍກ່ອນ ຫຼື ຫົດນໍ້າໃຫ້ດິນຍຸບຕົວເສຍກ່ອນຈຶ່ງລົງມີປູກ.

II. ໄລຍະປູກ ໄລຍະປູກມີຫຼາຍໄລຍະດ້ວຍກັນ ແລ້ວແຕ່ວັດຖຸປະສົງໃນການປູກ
1. ລະຍະປູກແບບຖີ່ເຊັ່ນ: 2,5X 2,5 ແມັດ, 4 x 4 ແມັດ ຫຼືຫຼາຍກວ່ານັ້ນຕາມຄວາມເໝາະສົມ
2. ລະຍະປູກແບບຫ່າງເຊັ່ນ: 8 X 8 ແມັດ, 10 X 10 ແມັດຫຼືຫຼາຍກວ່ານັ້ນຕາມຄວາມເໝາະສົມ

III. ວິທີປູກ
ການປູກໝາກມ່ວງບໍ່ວ່າຈະປູກດ້ວຍຕອນກິ່ງຫຼື ທາມກິ່ງ ຫຼືຕົ້ນທີ່ກ້າດ້ວຍແກ່ນກໍ່ຕາມຕ້ອງເຮັດດ້ວຍຄວາມສະມັດລະວັງຢ່າໃຫ້ຮາກຂາດຫຼາຍ ເພາະຈະເຮັດໃຫ້ຕົ້ນສະງັດການຈະເລີນເຕີບໂຕຫຼືຕາຍໄດ້ຕົ້ນໝາກມ່ວງທີ່ປູກໃນພາສະນະຕ່າງໆດິນຈະຈັບຕົວກັນແຂງ ແລະ ຮາກກໍ່ພັນກັນໄປມາໃຫ້ພະຍາຍາມແຍກອອກເທົ່າທີ່ຈະເຮັດໄດ້ເພື່ອຈະໄດ້ຈະເລີນເຕີບໂຕຕໍ່ໄປຢ່າງໄວວາ.
1. ການປູກດ້ວຍກິ່ງທາມ ກິ່ງຕິດຕາ ໃຫ້ປູກລີກລະດັບດຽວກັນກັບດິນເດີມຫຼືສູງກວ່າດິນເດີມເລັກ
ນ້ອຍແຕ່ຕ້ອງບໍ່ໃຫ້ວິດຮອຍທີ່ຕິດຕາຫຼືຕໍ່ກິ່ງໄວ້ເພື່ອຈະໄດ້ເຫັນວ່າກິ່ງທີ່ແຕກອອກມານັ້ນແຕກອອກມາຈາກກິ່ງພັນຫຼືຈາກຕົ້ຕຕໍຖ້າເປັນກິ່ງທີ່ແຕກອອກມາຈາກຕົ້ນຕໍໃຫ້ຕັດຖີ່ມ.
2. ການປູກດ້ວຍກິ່ງຕອນ ໃຫ້ປູກລີກລະດັບດຽວກັບດິນເດີມຫຼືໃຫ້ເຫຼືອຈຸດເປືອກໝາກພ້າວທີ່ໃຊ້ໃນການຕອນໂຜ່ຢູ່ເລັກນ້ອຍບໍ່ຄວນປົກດິນຈົນປົກເປືອກໝາກພ້າວເພາະຈະເຮັດໃຫ້ເນົ່າໄດ້ງ່າຍ
ເມື່ອປູກແລ້ວໃຫ້ປັກໄມ້ເປັນຫຼັກມັດຕົ້ນກັນລົມແລ້ວຫົດນໍ້າໃຫ້ຊຸ່ມຕົ້ນທີ່ນຳມາປູກຖ້າເຫັນວ່າຍັງຕັ້ງຕົ້ນບໍ່ດີຄືສະແດງອາການຫ້າວແຫ້ງຕອນແດດກ້າຄວນຫາໃບພ້າວມາປັກບັງແດດກໍ່ຈະຊ່ວຍໃຫ້ຕົ້ນຕັ້ງໂຕໄດ້ໄວຂື້ນໃນໄລຍະທີ່ຕົ້ນຍັງນ້ອຍຢູ່ນີ້ໃຫ້ໝັນຫົດນໍ້າຢູ່ສະເໝີຢ່າໃຫ້ດິນແຫ້ງໄດ້ ການປູກໃນລະດູຝົນຈຶ່ງເໝາະທີ່ສຸດເພື່ອຈະປະຍັດໃນການຫົດນໍ້າໄດ້ຫຼາຍ ແລະ ຕົ້ນຈະຕັ້ງໂຕໄດ້ໄວ ໂດຍສະເພາະການປູກໃນທີ່ແຫ້ງແລ້ງບໍ່ມີນໍ້າທີ່ຈະຫົດຕົ້ນໝາກມ່ວງໄດ້ຕະຫຼອດປີໃຫ້ປູກໃນໄລຍະຕົ້ນລະດູຝົນ ໄລຍະທຳອິດອາດຕ້ອງຫົດນໍ້າໃຫ້ແດ່ ເມື່ອຝົນເລີ່ມຕົກໝັກກໍ່ບໍ່ຕ້ອງຫົດນໍ້າອີກ ຕົ້ນຈະສາມາດຕັ້ງໂຕໄດ້ເຕັມທີກ່ອນຈະໝົດລະດູຝົນ ແລະ ສາມາດຈະຜ່ານລະດູແລ້ງໄດ້ໂດຍບໍ່ຕາຍສ່ວນທີ່ໆມີນໍ້າອຸດົມສົມບູນຈະປູກຕອນໃດກໍ່ໄດ້ແລ້ວແຕ່ຄວາມສະດວກ.

IV. ການຫົດນໍ້າ ຫຼັກທີ່ຄວນຍຶດຖືມີດັ່ງນີ້:
1. ເມື່ອເກັບກ່ຽວຜົນຜະລິດແລ້ວຄວນຈະໃສ່ຝຸ່ນໝັກ ຝຸ່ນຄອກ ແລະ ປຸ໋ຍເຄມີສູດສະເໝີກັນ ແລະ ທຸກຄັ້ງທີ່ໃສ່ຝຸ່ນຕ້ອງຫົດນໍ້າຖ້າຝົນບໍ່ຕົກຫຼືດິນບໍ່ມີຄວາມຊຸ່ມພໍ ແລະ ຄວນຫົດນໍ້າຢ່າສະໝໍ່າສະເໝີກັບໝາກມ່ວງໃນໄລຍະເລັ່ງການຈະເລີນເຕີບໂຕທາງລຳ,ຕົ້ນ,ກິ່ງ ແລະ ໃບໂດຍຫົດນໍ້າຕັ້ງແຕ່ເກັບກ່ຽວຜົນຜະລິດແລ້ວໄປຈົນເຖິງເດືອນກັນຍາ
2. ໝາກມ່ວງກ່ອນອອກດອກ ຕ້ອງໃຫ້ຫົດນໍ້າເພາະໝາກມ່ວງຕ້ອງການພັກໂຕຫຼືຍຸດການຈະເລີນເຕີບໂຕທາງລໍາຕົ້ນ ກິ່ງ ແລະ ໃບເພື່ອສະສົມອາຫານກຽມແທງຊໍ່ດອກ ດັ່ງນັ້ນ ຊ່ວງງົດນໍ້າໃຫ້ກັບຕົ້ນໝາກມ່ວງເປັນເວລາ 1 ເດືອນ ແລະ ອາດໃຊ້ວິທີຮົມຄວນຫຼືສຸມໄຟໃຫ້ຄວນຮ້ອນໄລ່ຄວາມຊຸ່ມໃນດິນ
3. ເມື່ອໝາກມ່ວງເລີ່ມອອກດອກ ແລະ ດອກເລີ່ມບານເລີ່ມໃຫ້ນໍ້າໂດຍໃຫ້ເທື່ອລະນ້ອຍພໍໜ້າດິນປຽກໂດຍໃຊ້ນໍ້າຊີດລ້າງຊໍ່ດອກກໍ່ໄດ້ຈົນກວ່າໝາກຕິດເປັນໝາກນ້ອຍໆຈຶ່ງຄ່ອຍເພີ່ມການໃຫ້ນໍ້າຂື້ນທີ່ລະນ້ອຍແຕ່ຍັງບໍ່ຕ້ອງຫຼາຍຫຼັງຈາກນັ້ນ 47 ວັນ ໝາກມ່ວງໄດ້ຂະໜາດກັດເປາະ ນັບຈາກວັນທີ່ອອກດອກບານຕົ້ນໝາກມ່ວງຕ້ອງການນໍ້າຫຼາຍຂື້ນເລື້ອຍໆຢ່າງສະໝໍ່າສະເໝີຈົນກວ່າໝາກມ່ວງອາຍຸໄດ້ 70 ວັນ ນັບແຕ່ດອກບານໃຫ້ລົດປະລິມານການໃຫ້ນໍ້າລົງເທື່ອລະນ້ອຍຈົນກວ່າໝາກອາຍຸໄດ້ 90 ວັນ ຫຼັງຈາກດອກບານ ໄລຍະເກັບກ່ຽວປະມານ 100-115 ວັນ ການສັງເກດວ່ານໍ້າຫຼາຍເກີນໄປຫຼືນ້ອຍເກີນໄປໃຫ້ສັງເກດທີ່ຄ່ອນດອກ ແລະ ຄ່ອນໝາກຫຼືຖ້າຄ່ອນແຫ້ງສະແດງວ່ານໍ້ານ້ອຍແຕ່ຖ້າວ່າຄ່ອນເປັ່ງປັງສະແດງວ່າມີນໍ້າມີນວນສີຂຽວອອກເຫຼືອງສະແດງວ່ານໍ້າຫຼາຍເກີນໄປ.
V. ການໃສ່ຝຸ່ນ
1. ກ່ອນເກັບກ່ຽວໝາກມ່ວງຫຼືໄລຍະເກັບກ່ຽວໃຫ້ໃສ່ຝຸ່ນໝັກຝຸ່ນຄອກໄປກອງໄວ້ອ້ອມໆຕົ້ນ(ຍັງບໍ່ຕ້ອງຫົດນໍ້າ) ຈົນກວ່າຈະເກັບກ່ຽວໝົດຈຶ່ງເອົາຝຸ່ນໝັກຝຸ່ນຄອກປົກດິນເລັກນ້ອຍພ້ອມຫົດນໍ້າໄປດ້ວຍໝາກມ່ວງ 5 ປີຂື້ນໄປຕົ້ນລະ 2-3 ຄອກ ແລະ ໃສ່ປຸ໋ຍສູດ 15-15-15,17-17-17 ໃສ່ດ້ວຍໂດຍດູຄວາມສົມບູນຂອງຕົ້ນອາດໃສ່ເຄິ່ງໜຶ່ງຂອງຊົງພຸ່ມຈາກນັ້ນໃສ່ປຸ໋ຍເຄມີສູດ 10-20-30,12-26-32 ປະສົມນໍ້າຊີດພົ່ນໃນຊ່ວງເດືອນ ກໍລະກົດຫາຕົ້ນເດືອນກັນຍາ 1-2 ຄັ້ງກ່ອນຊີດໂປແຕສຊຽມເລັ່ງການອອກດອກ.
2. ເມື່ອໝາກມ່ວງເລີ່ມຈັບໝາກອ່ອນເລີ່ມໃຫ້ຝຸ່ນໝັກຝຸ່ນຄອກຮ່ວມກັບປຸ໋ຍເຄມີສູດສະເໝີ ເຊັ່ນ 15-15-15,17-17-17 ອີກຄັ້ງໜຶ່ງເພື່ອເລັ່ງການຈະເລີນເຕີບໂຕຂອງໝາກອ່ອນ.
3. ເມື່ອໝາກໃຫ່ຍຂະໜາດ 2 ໃນ 3 ຂອງໝາກໃຫ່ຍເຕັມທີໃຫ້ໃສ່ປຸ໋ຍ ສູດ 10-20-30,12-22-32 ຊີດພົ່ນເພື່ອຊ່ວຍໃຫ້ຄຸນນະພາບ ແລະ ລົດຊາດຫວານຂື້ນ

ຮຽບລຽງໂດຍ: ສີວິໄລ ອິນທະວົງ
ແຫຼ່ງຂໍ້ມູນ: https://sites.google.com/a/benchama.ac.th/chotikan48617/my-friend
ໝວດໝູ່: ການປູກພືດ
ຂໍ້ມູນເພີ່ມເຕີມ:
ຂໍ້ມູນເຕັກນິກ:
ວີດີໂອ:

<iframe width=”560″ height=”315″ src=”https://www.youtube.com/embed/fLWyRj30WI4″ frameborder=”0″ allow=”accelerometer; autoplay; encrypted-media; gyroscope; picture-in-picture” allowfullscreen></iframe>

I ຄຸນປະໂຫຍດ
ການປູກຫວາຍໂຕ່ນ ເພື່ອ, ນໍາໃຊ້ເສັ້ນເຂົ້າໃນຫັດຖະກຳຈັກສານ ແລະ ເພື່ອນໍາໃຊ້ຍອດຕັດບໍລິໂພກ ຂາຍຍ່ອຍ ຫຼື ປຸງແຕ່ງໃຫ້ແຫ້ງເກັບຮັກສາ ແລະ ສົ່ງຂ່າຍ
– ປັດໃຈທີ່ຄວນເລືອກ
1.ເນື້ອທີ່ຈະຕ້ອງຢູ່ກາງແຈ້ງສໍາລັບຫວາຍເອົາຍອດ
2.ເນື້ອທີ່ຕ້ອງຢູ່ກ້ອງຮົ່ມໄມ້ຖ້າປູກເພື່ອຕັດຍອດ
3.ລັກສະນະຂອງດິນ ຂ້ອນຂ້າງອຸດົມສົມບູນດີ
4.ນໍ້າບໍ່ຖ້ວມຢູ່ບ່ອນທີ່ສູງຍິ່ງເປັນການດີ
II ເຕັກນິກການປູກ
ແນວພັນ ແລະ ລະດູການ
1.ກະກຽມແນວພັນໃຫ້ໄດ້ອາຍຸ 9-12 ເດືອນ
2.ລະດູການທີ່ເໝາະສົມ ເດືອນ 5(ພຶດສະພາ)
ການຂຸດຂຸມ ແລະ ການປູກ
1.ຂຸດຂຸມຂະໜາດ 30x30x30 ຊມ (ກວ້າງ ຍາວ ເລິກ)
2.ໃສ່ຝຸ່ນຄອກຮອງກົ້ນຂຸມ 0,5 ກກ/ຂຸມ
ໄລຍະຫ່າງການປູກ
ໄລຍະຫ່າງການປູກແມ່ນ 2×3 ແມັດ ຫຼັງຈາກປູກແລ້ວຖົມດິນໃຫ້ແໜ້ນແລ້ວຫົດນໍ້າ 1-2 ຄັ້ງ/ອາທິດ(ຖ້າຝົນບໍ່ຕົກ) ພື້ນທີ່ປູກທີ່ເໝາະສົມສາມາດປູກໄດ້ຢູ່ໃນທົ່ວປະເທດ
III ການບົວລະບັດຮັກສາ
ຫຼັງຈາກປູກໄດ້ 3 ເດືອນໃຫ້ເອົາຝຸ່ນຄອກໃສ່ໃນອັດຕາສ່ວນ 1 ກກ/ຕົ້ນ ຫຼື ຝຸ່ນວິທະຍາສາດໃສ່ອີກ 1 ຄັ້ງໃນອັດຕາສ່ວນ 200 ກຼາມ/ຕົ້ນ(ສູດ 15-15-15 ຫຼື 18-64-00) ພ້ອມທັ້ງເສຍຫຍ້າ ຫວາຍຊະນິດນີ້ຫຼັງຈາກປູກໄດ້ 2 ປີ ຈຶ່ງສາມາດຕັດຍອດໄດ້
IV ສະພາບສວນປູກຫວາຍ
ສວນປູກຫວາຍສາມາດຈັດຕັ້ງປະຕິບັດໄດ້ເອງລະດັບຄອບຄົວ ຫຼື ເປັນພື້ນທີ່ກ້ວາງໃນທາງທຸລະກິດໂດຍບໍ່ຕ້ອງໃຊ້ແຮງງານຫຼາຍ ເປັນການລົງທຶນໜ້ອຍສາມາດເກັບກູ້ຜົນຜະລິດໄດ້\ຫຼາຍຍ້ອຍຫວາຍຊະນິດນີ້ໃຫ່ຍ ລາຄາແພງກວ່າຫວາຍແຍ້ສ້າງລາຍຮັບໄດ້ຫຼາຍປີ. ເຊິ່ງສາມາດປູກດຽວ ຫຼື ປູກປະສົມກັບພືດອື່ນໆໄດ້ໃນເນື້ອທີ່ 1 ໄລ່ຂື້ນໄປ(ຊຶ່ງໃຊ້ເບ້ຍປູກປະມານ160 ເບ້ຍ/ໄລ່ ໄລຍະທີ່ເໝາະສົມ 2×3 ແມັດ) ຫວາຍຊະນິດນີ້ສາມາດປູກເພື່ອບໍລິໂພກ ຫຼື ຮັກສາໄວ້ຂາຍເສັ້ນໄດ້ ໝາຍຄວາມວ່າໃນ 24 ເດືອນຈະສາມາດຕັດຍອດໄດ້ປະມານ 2-4 ໜໍ່/ຂຸມ ຫຼື ຫຼາຍກວ່ານີ້ຖ້າຫາກຄວາມຊຸ່ມພຽງພໍ

V ວິທີການຕັດຍອດຂາຍ
1.ສັງເກດເຫັນວ່າມີຈຳນວນຍອດສະເລ່ຍ 2-4 ຍອດ
2.ຄວນເລືອກຕັດລໍາເດີມທີ່ນໍາມາປູກນັ້ນເສຍກ່ອນຍ້ອນມັນຈະເປັນລໍາອາຍຸແກ່ກວ່າໝູຖ້າເຫັນວ່າລໍາເດີມໄດ້ເກີດໜໍ່ແລ້ວ
3.ຄັດເລືອກຕັດລໍາທີ່ມີໃບຍ່ອຍກຳລັງຈູມຍາວປະມານ 20 ຊມ
4.ຄວນຕັດຍອດໃກ້ຄຽງກັບໜໍ່ໃໝ່ທີ່ກຳລັງເກີດຂື້ນ ແລະ ສູງຈາກໜ້ານດິນ 5 ຊມ
5.ຕັດຍອດໃນລະດູຝົນຈະໄດ້ໜໍ່ໃຫ່ຍ ແລະ ໄດ້ປະລິມານຍອດອ່ອນຫຼາຍ
VI ຜົນໄດ້ຮັບຈາກການປູກຫວາຍ
1.ຜົນໄດ້ຮັບຈາກການຕັດຍອດ
ສວນປູກຫວາຍທີ່ຖືກຕ້ອງຕາມເຕັກນິກທີ່ໄດ້ແນະນຳຈະສາມາດຕັດຍອດໄດ້ຍາວນານເຖີງ 20-40 ປີ ແລະ ຈາກການລົງທືນພຽງຄັ້ງດຽວ ແຕ່ເກັບລາຍຮັບໄດ້ຍາວນານ ຫວາຍໂຕ່ນຈະບໍ່ທົນນໍ້າຖ້ວມ ຖ້າມີນໍ້າຖ້ວມດົນຕົ້ນຫວາຍນ້ອຍກໍ່ຈະຕາຍ

2.ຜົນໄດ້ຮັບຈາກການຕັດເສັ້ນຫວາຍ
ການປູກຫວາຍເພື່ອຕັດເສັ້ນຈະມີຄວາມແຕກຕ່າງທາງດ້ານສະຖານທີ່ ຫຼື ປູກໃສ່ກ້ອງປ່າ ຖ້າຫາກເຮົາປະໄວ້ 5 ປີ ຂື້ນໄປ ແລະ ໃສ່ຝຸ່ນຢ່າງໜ້ອຍປີລະຄັ້ງເຮົາຈະສາມາດເລືອກຕັດເສັ້ນຫວາຍໄດ້ສຸມໜຶ່ງປະມານ 3-5 ເສັ້ນຄວາມຍາວສະເລ່ຍ 10-15 ຊມ ສະເພາະສວນປູກຫວາຍ

ຮຽບຮຽງໂດຍ:ສີວິໄລ ອິນທະວົງ
ແຫຼ່ງຂໍ້ມູນ: ກອງສົ່ງເສີມກະສິກຳ ແລະ ປ່າໄມ້
ໝວດໝູ່: ການປູກພືດ
ຂໍ້ມູນເພີ່ມເຕີມ:
ຂໍ້ມູນເຕັກນິກ:
ວີດີໂອ:

<iframe width=”560″ height=”315″ src=”https://www.youtube.com/embed/j91_6tuHBrM” frameborder=”0″ allow=”accelerometer; autoplay; encrypted-media; gyroscope; picture-in-picture” allowfullscreen></iframe>

ການປູກຫວາຍໜາມຫ່າງ

ເນື່ອງຈາກວ່າຫວາຍໜາມຫ່າງເປັນຫວາຍທີ່ເກີດເປັນສຸມເໝາະສົມຕໍ່ການປູກເພື່ອຕັດເສັ້ນ ຫວາຍຊະນິດນີ້ເປັນຫວາຍທີ່ໃຫ່ຍໄວ ເສັ້ນຫວາຍຈັດຢູ່ໃນຫວາຍເສັ້ນນ້ອຍໜ້າຕ່າງແຕ່ 0,5-1,5 ຊມ ແລະ ເປັນຫວາຍທີ່ໂຮງງານປຸງແຕ່ງຫວາຍນິຍົມນໍາມາໃຊ້ໃນການຈັດສານ ແລະ ຈັດຢູ່ໃນຫວາຍເສັ້ນນ້ອຍອັນດັບ 3 ຮອງຈາກຫວາຍຫອມ ແລະ ຫວາຍທອກ.
ສະນັ້ນການປູກຫວາຍຊະນິດນີ້ງ່າຍຄືກັນກັບການປູກຫວາຍທອກ ຈະແຕກຕ່າງແຕ່ໄລຍະຫ່າງຂອງການປູກນັ້ນຈະຫ່າງຫຼາຍກວ່າຫວາຍທອກ ຍ້ອນວ່າຫວາຍຊະນິດນີ້ເກີດເປັນສຸມ ແລະ ຈະຕ້ອງໄດ້ອາໃສຕົ້ນໄມ້ເພື່ອເປັນບ່ອນປີນປ່າຍຂອງລໍ່ຫວາຍ ຫວາມໜາມຫ່າງຈະມັກພົບເຫັນຢູ່ໃນປ່າປະສົມ ປ່າໂຄກທີ່ມັກມີຫວາຍທອກເກີດຢູ່ນໍາກັນ
I ປັດໃຈທີ່ຄວນເລືອກ
1. ເນື້ອທີ່ສວນປູກຈະຕ້ອງເປັນປ່າເລົ່າແກ່ ຫຼື ປ່າປະສົມທີ່ມີແສງສະຫວ່າງຜ່ານລົງປະມານ 50-70 %
2. ລັກສະນະຂອງດິນຊາຍແກມຫີນແຮ່
3. ມີຕົ້ນໄມ້ສໍາລັບປີນປ່າຍ

II ເຕັກນິກການປູກ
ແນວພັນ ແລະ ລະດູການ
1. ການກຽມແນວພັນໃຫ້ໄດ້ 9-12 ເດືອນ
2. ລະດູການທີ່ເໝາະສົມເດືອນ 5(ພຶດສະພາ)
ໄລຍະຫ່າງການປູກ ໄລຍະຫ່າງຂອງຖັນ ແລະ ແຖວ 2X2 ແມັດ.
ການຂຸດຂຸມ ແລະ ການປູກ
ຂຸດຂຸມປູກຂະໜາດ 30X30X30 ຊມ (ກວ້າງ ຍາວ ເລີກ)
III ການບົວລະບັດຮັກສາ
– ຫົດນໍ້າຫຼັງຈາກປູກແລ້ວ 1-2 ຄັ້ງ/ອາທິດ(ຖ້າຝົນບໍ່ຕົກ
– ພາຍຫຼັງປູກຫວາຍແລ້ວ 3 ເດືອນໃຫ້ເອົາຝຸ່ນຄອກໃສ່ໃນອັດຕາສ່ວນ 1 ກກ/ຕົ້ນ ຫຼື ຝຸ່ນເຄມີໃສ່ອີກ 1 ຄັ້ງ ຫຼື 200 ກຼາມ/ຕົ້ນ(ສູດ 15-15-15 ຫຼື 18-46-00) ພ້ອມທັ້ງອານາໄມຫຍ້າບ່ອນທີ່ຢູ່ໃກ້ກັບຕົ້ນຫວາຍນັ້ນອອກ ຫວາຍໜາມຫ່າງເມື່ອປູກໄດ້ 6 ປີ ກໍ່ສາມາດຕັດເສັ້ນຫວາຍມານໍາໃຊ້ໄດ້
IV ການເກັບກູ້ເສັ້ນຫວາຍ
ເສັ້ນຂອງຫວາຍໜາມຫ່າງຈະແຂງ ແລະ ໜັ້ນໜຽວໃນເມື່ອອາຍຸໄດ້ 10 ປີຂື້ນໄປ ການວັດແທກທົດລອງເຫັນວ່າມີຄວາມຍາວສະເລ່ຍ 11-12 ແມັດ ຫຼື ອາດຈະຫຼາຍກວ່ານັ້ນ ແລະ ຖ້າມີການດູແລດີ
ຖ້າປູກຫວາຍໜາມຫ່າງ 1 ຮຕ ເທົ່ນກັບ 2,500 ຕົ້ນ. 1 ເສັ້ນ ເທົ່າກັບ 1,5 ກກ
ຖ້າຫາກຂາຍ ກິໂລລະ 4,000 ກີບ ສາມາດສ້າງລາຍຮັບໄດ້ 15 ລ້ານກີບ/ເຮັກຕາ

ຮຽບຮຽງໂດຍ: ສີວິໄລ ອິນທະວົງ
ແຫຼ່ງຂໍ້ມູນ: ກອງສົ່ງເສີມກະສິກຳ ແລະ ປ່າໄມ້
ໝວດໝູ່: ການປູກພືດ
ຂໍ້ມູນເພີ່ມເຕີມ:
ຂໍ້ມູນເຕັກນິກ:
ວີດີໂອ:

<iframe width=”560″ height=”315″ src=”https://www.youtube.com/embed/kVq0-uqOoy8″ frameborder=”0″ allow=”accelerometer; autoplay; encrypted-media; gyroscope; picture-in-picture” allowfullscreen></iframe>

ການປູກຫວາຍປ່າຕັດຍອດ

ຫວາຍປ່າເປັນພືດທີ່ໜ້າສົນໃຈໃນການປູກເປັນສິນຄ້າຊະນິດໜຶ່ງ ເນື່ອງຈາກມີອາຍຸຍືນຫຼາຍປີ ປູກຄັ້ງດຽງສາມາດເກັບກ່ຽວຜົນຜະລິດໄດ້ຕະຫຼອດປີ ນັບວ່າເປັນພືດສ້າງລາຍໄດ້ດີ.
ການປູກຫວາຍປ່າຖ້າວ່າປູກດ້ວຍແກ່ນຈະມີການຈະເລີນເຕີບໂຕດີທີ່ສຸດ ແລະ ສາມາດກ້າແກ່ນໄດ້ທັນທີໂດຍບໍ່ຕ້ອງແກະເປືອກ ແລະ ເນື້ອຫຸ້ມແກ່ນອອກແຕ່ຕ້ອງກ້າໃຫ້ໄວ້ທີ່ສຸດຫຼັງຈາກເກັບແກ່ນໄດ້ ແລະ ແກ່ນນັ້ນຈະຕ້ອງບໍ່ເກີນ 6 ເດືອນ ເພາະຖ້າເກັບໄວ້ດົນອັດຕາການງອກຂອງແກ່ນຈະຍິ່ງລຸດລົງຈາກ 40%ເຫຼືອພຽງ 15%ເທົ່ານັ້ນ.

I ການກ້າແກ່ນຫວາຍປ່າ.
1. ວັດຖຸທີ່ໃຊ້ໃນການກ້າປະກອບດ້ວຍ ດິນ+ ຝຸ໋ຍຄອກ+ຂີ້ແກບເຜົາ+ຊາຍ.ໃນອັດຕາສ່ວນ 1/1/1 ໜານກ້າຄວນເຮັດໃນບໍລິເວນທີ່ໄດ້ຮັບແສງແດດປະມານ 70%-80% ເມື່ອກຽມໜານ ແລະ ວັດຖຸສຳລັບແລ້ວ ປັບໜ້າດິນໃຫ້ລຽບ.
2. ໃຊໄມ້ຂີດເປັນຮ່ອງເລິກປະມານ 1 ນີ້ວຫ່າງລະຫວ່າງແຖວລະ 3-4 ນີ້ວແລ້ວໂຮຍຫວາຍທີ່ເກັບໄດ້ໃໝ່ໄປຕາມແນວຮ່ອງໂຮຍປິດທັບອີກຄັ້ງດ້ວຍວັດສະຖຸກ້າດັ່ງກ່າວໜານ 1 ນີ້ວ ຫົດນໍ້າໃຫ້ຊຸ່ມສະເໝີ ແກ່ນຫວາຍຈະເລີ່ມງອກພາຍໃນ 1,5-2 ເດືອນ ແລະ ຈະມີຂະໜາດໃຫ່ຍພໍທີ່ຈະຍ້າຍລົງຖົງຊໍາໄດ້
3. ຫວາຍປ່າເປັນລະບົບຮາກແຂງຫຼາຍປະສານຢູ່ຕາມຫຼັກສະນະຂອງພືດຕະກຸນປາມທົ່ວໆໄປສ່ວນຍອດກໍ່ຍັງສາມາດຈະເລີນເຕີບໂຕເປັນລຳຕົ້ນຕໍ່ໄປໄດ້ເລື້ອຍໆ
4. ເມື່ອອາຍຸໄດ້ປະມານ 2-3 ປີ ຈະເລີາມອອກດອກ ແລະ ໝາກທີ່ສາມາດນໍາໄປຂະຫຍາຍພັນໄດ້
5. ເກັບກັບການຕັດ ແລະ ການເກັບຜົນຜະລິດໜໍ່ຫວາຍໃນຊ່ວງທີ່ມີອາຍຸປະມານ 1-1,5 ປີກໍຫວາຍຈະເລີນເຕີບໂຕ ແລະ ແຕກກໍເພີ່ມຈຳນວນໜໍ່ເປັນ 6-10 ໜໍ່ ພາຍໃນອາຍຸ 2-3 ປີ ໃນການຕັດເກັບຜົນຜະລິດໜໍ່ຫວາຍຊຸດຕໍ່ໄປຈະເກັບໄດ້ພາຍໃນ 6-8 ເດືອນຫຼັງໜໍ່ພົ່ນດິນຈຳນວນຜົນຜະລິດໜໍ່ຫວາຍໃນແຕ່ລະກໍຈະມີຈຳນວນຫຼາຍຂື້ນຕາມອາຍຸຂອງຫວາຍທີ່ຫຼາຍຂື້ນເມື່ອອາຍຸ 8 ປີຂື້ນໄປຫວາຍຄົງຈະເລີນເຕີບໂຕໄດ້ຂະໜາດພໍຕັດເກັບໄດ້
6. ອາຍຸຂອງໜໍ່ຫວາຍນັບແຕ່ວັນພົ້ນດິນຈົນເຖີງວັນຕັດຜົນຜະລິດໄດ້ມີອາຍຸປະມານ 6-8 ເດືອນຕາມລະດູການ ແລະ ການບົວລະບັດ ຍົກເວັນຫວາຍໜໍ່ທຳອິດຄືຕົ້ນທຳອິດທີ່ຖືກຕັດຄືຕັດໄດ້ເມື່ອອາຍຸ 1-1,5 ປີຫຼັງຈາກປູກ

II ການບົວລະບັດ
– ການຫົດນໍ້າ ນໍ້າເປັນປັດໃຈທີ່ສຳຄັນຫຼາຍຕໍ່ການຈະເລີນເຕີບໂຕຂອງຫວາຍຫາກມີການດູດນໍ້າຂື້ນມາຫົດຫວາຍໄດ້ໃນລະດູແລ້ງຈະເຮັດໃຫ້ຜົນຜະລິດໜໍ່ຫວາຍອອກມາຢ່າງຕໍ່ເນື້ອງຕະຫຼອດປີ
– ການກຳຈັດວັດສະພືດ ລົດຍັນມາຊ່ວຍກຳຈັດວັດສະພືດໂດຍການໄຖພວນເພື່ອກຳຈັດວັດສະພືດຢ່າງໜ້ອຍປີລະຄັ້ງໃນຕົ້ນລະດູຝົນຖ້າບໍ່ເຮັດການໄຖພວນການຕັດທາງກາງລະຫວ່າງແຖວກະໄດ້ ໃນກໍລະນີ້ນີຈຶ່ງຄວນໄຖພວນທາງກາງລະຫວ່າງແຖວຫວາຍຢ່າງໜ້ອຍປີລະ 2 ຄັ້ງເພື່ອປ້ອງກັນບັນຫາດັ່ງກ່າວ
– ການໃສ່ຝຸ່ນ ການໃຊ່ຝຸ່ນຄອກເປັນປະຈຳ ແລະ ຕໍ່ເນື້ອງເພາະຈະເຮັດໃຫ້ຫວາຍງອກງາມໄດ້ດົນກວ່າຝຸ່ນວິທະຍາສາດ ແລະ ການໃສ່ຝຸ່ນວິທະຍາສາດຈະໄດ້ຢ່າງໜ້ອຍປີລະຄັ້ງ ວິທີການໃສາຝຸ່ນດ້ວຍວິທີນີ້ຈະເຮັດໃຫ້ສະດວກ ແລະ ປະຫຍັດແຮງງານໄດ້ຫຼາຍ ແລະ ເຫັນວ່າຕົ້ນຫວາຍຈະເລີນເຕີບໂຕງອກງາມໄດ້ບໍ່ແພ້ວິທີອື່ນແຕ່ຫາກມີແຮງງານຫຼາຍຄວນໃສ່ຝຸ່ນອ້ອມທັ້ງຊຸຸມແລ້ວພວນດິນປົກ

ຮຽບຮຽງໂດຍ: ສີວິໄລ ອິນທະວົງ
ແຫຼ່ງຂໍ້ມູນ: https://www.rakbankerd.com/agriculture/print.php?id=5019&s=tblplant
ໝວດໝູ່: ການປູກພືດ
ຂໍ້ມູນເພີ່ມເຕີມ:
ຂໍ້ມູນເຕັກນິກ:
ວີດີໂອ:

<iframe width=”560″ height=”315″ src=”https://www.youtube.com/embed/Ew3xdvA9GzQ” frameborder=”0″ allow=”accelerometer; autoplay; encrypted-media; gyroscope; picture-in-picture” allowfullscreen></iframe>

ການປູກຫວາຍນໍ້າເຜີ້ງ

ຫວາຍນໍ້າເຜີ້ງ ນໍາໃຊ້ເສັ້ນເຂົ້າໃນການເຮັດຫັດຖະກຳຈັກສານ ເພື່ອນໍາໃຊ້ຍອດ ຕັດບໍລິໂພກ ຂາຍຍ່ອຍ ຫຼື ປຸ່ງແຕ່ງໃຫ້ແຫ້ງເກັບຮັກສາ ແລະ ສົ່ງຂາຍ

I. ປັດໃຈທີ່ຄວນເລືອກ
– ເນື້້ອທີ່ປູກຢູ່ກາງແຈ້ງສໍາລັບຫວາຍເພື່ອເອົາຍອດ
– ເນື້ອທີ່ກ້ອງຮົ່ມໄມ້ສໍາລັບຫວາຍເພື່ອຕັດເສັ້ນ
– ລັກສະນະດິນຂ້ອນຂ້າງອຸດົມສົມບູນດີມີນໍ້າຖ້ວມຍິ່ງດີ
II. ເຕັກນິກການປູກ
– ແນວພັນ ແລະ ລະດູການ
1. ກະກຽມແນວພັນໃຫ້ໄດ້ 9-10 ເດືອນ
2. ລະດູທີ່ເໝາະສົມ ເດືອນ 5 (ພຶດສະພາ)
– ໄລຍະປູກ
1. ໄລຍະຫ່າງຂອງຂຸມປູກ 2 X3 ແມັດ
– ການຂຸດຂຸມ ແລະ ປູກ
1. ຂຸມປູກຂະໜາດ 30X30X30 ຊມ (ກວ້າງ ຍາວ ເລີກ)

2. ໃສ່ຝຸ່ນຄອກຮອງກົ້ນຂຸມ 0,5 ກກ/ຂຸມ
ພາຍຫຼັງປູກແລ້ວຖົມດິນໃຫ້ແໜ້ນແລ້ວຫົດນໍ້າ 2 ຄັ້ງ/ອາທິດ(ຖ້າຝນບໍ່ຕົກ) ພື້ນທີ່ປູກທີ່ເໝາະສົມແຕ່ພາກກາງຈົນຮອດພາກໄຕ້. ຫວາຍຊະນິດນີ້ຈະເກີດຢູ່ໃນພື້ນທີ່ຈຳກັດຊຶ່ງພົບເຫັນຢູ່ແຂວງອັດຕະປືຂອງປະເທດລາວ(ແຄມນໍ້າ)ເຊຂະໝານ ແລະ ຢູ່ໃນໂຄງການອາຊຽນ-ອີຢູ ຫວາຍຊະນິດນີ້ເຫັນວ່າເຕີບໂຕດີ
– ການບົວລະບັດຮັກສາ
ຫຼັງຈາກປູກໄດ້ 3 ເດືອນໃຫ້ເອົາຝຸ່ນຄອກໃສ່ໃນອັດຕາສ່ວນ 1 ກກ/ຕົ້ນ ຫຼື ປຝຸ່ນວິທະຍາສາດໃສ່ອີກ 1 ຄັ້ງໃນອັດຕາສ່ວນ 200 ກຼາມ /ຕົ້ນ(ສູດ 15-15-15 ຫຼື 18-64-00) ພ້ອມທັ້ງການເສຍຫຍ້າ
III. ສະພາບສວນປູກຫວາຍ
ເປັນຄອບຄົວ ຫຼື ເປັນພື້ນທີ່ກວ້າງລະດັບທຸລະກິດໂດຍບໍ່ຕ້ອງໃຊ້ແຮງງານຫຼາຍ ເປັນການລົງທຶນໜ້ອຍສາມາດເກັບກູ້ຜົນຜະລິດໄດ້ຫຼາຍຍ້ອຍຫວາຍຊະນິດນີ້ໃຫ່ຍ ລາຄາແພງສ້າງລາຍຮັບໄດ້ຫຼາຍປີ ຊຶາງສາມາດປູກດຽວຫຼືປູກປະສົມກັບພຶດອື່ນໆໄດ້ໃນເນື້ອທີ່ 1 ໄລ່ຂື້ນໄປ(ຊຶ່ງໃຊ້ເບ້ຍປູກປະມານ 260ເບ້ຍ/ໄລ່ )ໄລຍະຫ່າງທີ່ເໝາະສົມ 2 X3 ການຮັກສາລໍາຫວາຍເພື່ອຕັດເສັ້ນນັ້ນແຕ່ລະປີຈະຕ້ອງໄດ້ອານາໄມ ແລະ ໃຊ້ຝຸ່ນຢ່າງໜ້ອຍ 1 ຄັ້ງ/ປີ ໃຫ້ເລືອກຕັດລໍາທີ່ມີເສັ້ນຍາວກວ່າ 10 ແມັດ ຫຼື ອາຍຸປະມານ 5 ປີຂື້ນໄປ. ຫາກມີການດູແລດີຫຼັງຈາກປູກໄດ້ 6 ເດືອນຈະເລີ່ມອອກດອກ ແລະ ຈະອອກໝາກຫຼັງຈາກ 2 ເດືອນຕໍ່ມາ
ຫວາຍຊະນິດນີ້ສາມາດຕັດຍອດເພື່ອບໍລິໂພກ ຫຼື ຮັກສາໄວ້ຂາຍເສັ້ນໄດ້ ໝາຍວ່າ ໃນເວລາ 8-12 ເດືອນຈະຕັດຍອດອອກໄດ້ປະມານ 2-3 ຍອດ/ສຸມ ຫຼື ໄດ້ ຫຼາຍກວ່ານັ້ນຖ້າຫາກມີຄວາມຊຸ່ມ ຫຼື ຝຸ່ນພຽງພໍ

IV. ວິທີການຕັດຍອດ
1. ຄວນເລືອກຕັດລໍາເດີມທີ່ນໍາມາປູກນັ້ນເສຍກ່ອນຍ້ອນມັນຈະເປັນລໍາອາຍຸແກ່ກ່ອນໝູ່ ຖ້າເຫັນວ່າລໍາຕົ້ນເດີມໄດ້ເກີດໜໍ່ແລ້ວ
2. ຄັດເລືອກຕັດລໍາທີ່ມີໃບຍ່ອຍກຳລັງຈູມຍາວປະມານ 20 ຊມ
3. ຄວນຕັດຍອດໃກ້ຄຽງກັບໜໍ່ໃໝ່ທີ່ກຳລັງເກີດຂື້ນໃໝ່ ແລະ ສູງຈາກໜ້າດິນ 20-30 ຊມ
4. ຕັດຍອດໃນລະດູຝົນຈະໄດ້ໜໍ່ໃຫ່ຍ ແລະ ໄດ້ປະລິມານຍອດອ່ອນຫຼາຍ

V. ຜົນໄດ້ຮັບຈາກການປູກຫວາຍ
1. ຜົນໄດ້ຮັບຈາກການຕັດຍອດຫວາຍ
ຖ້າປະຕິບັດຕາມເຕັກນິກທີ່ໄດ້ແນະນໍາຈະສາມາດຕັດຍອດໄດ້ຍາວນານເຖີງ 20-40 ປີ ແລະ ຈາກການລົງທຶນພຽງຄັ້ງດຽວແຕ່ເກັບລາຍໄດ້ດົນ ແລະ ຖ້າທຽບໃສ່ການປູກພືດຊະນິດອື່ນໆໃນເນື້ອທີ່ດິນທີ່ປູກເຂົ້າບໍ່ໄດ້. ຫວາຍນໍ້າເຜີ້ງຈະທົນທານຕໍ່ນໍ້າຖ້ວມ. ຖ້າມີນໍ້າຖ້ວມຕົ້ນຫວາຍປະເພດນີ້ຈະງາມກວ່າປົກກະຕິ ຍອດຫວາຍທີ່ມີໃນທ້ອງຕະຫຼາດປະຈຸບັນນີ້ຍັງບໍ່ທັນພຽງພໍກັບຄວາມຕ້ອງການຂອງຜູ້ບໍລິໂພກ

2. ຜົນໄດ້ຮັບຈາການຕັດເສັ້ນຫວາຍ
ຫວາຍນໍ້າເຜີ້ງຈະເປັນຫວາຍທີ່ໃຫ່ຍ ແລະ ສາມາດຕັດຍອດ ແລະ ເສັ້ນໄດ້ຍ້ອນວ່າເສັ້ນຫວາຍຊະນິດນີ້ມີຄຸນນະພາບທີ່ດີ ແລະ ຄົນນິຍົມນໍາມາໃຊ້. ພາຍຫຼັງທີ່ປູກໄດ້ 5 ປີ ຈະສາມາດຕັດເສັ້ນຫວາຍໄດ້ ແລະ ຖ້າຫາກມີຕົ້ນໄມ້ໃຫ້ຫວາຍປີນປ່າຍຂື້ນຈະດີ

ຮຽບຮຽງໂດຍ: ສີວິໄລ ອິນທະວົງ
ແຫຼ່ງຂໍ້ມູນ: ກອງສົ່ງເສີ່ມກະສິກຳ ແລະ ປ່າໄມ້
ໝວດໝູ່: ການປູກພືດ
ຂໍ້ມູນເພີ່ມເຕີມ:
ຂໍ້ມູນເຕັກນິກ:
ວີດີໂອ:

<iframe width=”560″ height=”315″ src=”https://www.youtube.com/embed/PbxuiZej-As” frameborder=”0″ allow=”accelerometer; autoplay; encrypted-media; gyroscope; picture-in-picture” allowfullscreen></iframe>