ການກະກ່ຽມຟື້ນທີ່.
1. ເຮັກການຕັດຫຍ້າ ແລະ ກຳຈັດວັດສະພຶດອອກໃຫ້ໝົດ.
2. ຈາກນັ້ນໃຫ້ໄຖດີນ ແລະ ຕາກດີນໄວ້ປະມານ 7 ມື້.
3. ຂຸດຂຸມໃຫ້ມີຂະໜາດກວ້າງປະມານ 20 ຊມ. ຄວາມເລິກ 20 ຊມ. ໄລຍະຫ່າງລະຫວ່າງຕົ້ນປະມານ 1 ມ.
4. ໃຫ້ນ້ຳປຸຍໝັກຫຼືປຸຍຄອກເອົາມາຮອງກົ້ນຂຸມໃຫ້ເກືອບເຕີມປາກຂຸມແລ້ວເອົາດີນມາຖົມໃຫ້ເຕັມຂຸມທີ່ຂຸດໄວ້
ການປູກ.
1. ຈາກນັ້ນໃຫ້ເອົາເຜືອກອ່ອນ ( ຂະໜາດຫົວປະມານ 3 ຊມ ). ທີ່ກ່ຽມໄວ້ມາປູກໂດຍໃຫ້ເອົາຫົວເຜືອກມາວາງເທີ່ງປາກຂຸມແລ້ວເອົາດີນມາໂຮຍໃຫ້ພໍປົກຫົວເຜືອກ.
2. ຈາກນັ້ນໃຫ້ນຳເຟືອງແຫ່ງມາປົກເພື່ອຮັກສາຄວາມຊຸ່ມໃນດີນ.
3. ປະມາ 7 ມື້ເຜືອກກໍ່ຈະແຕກຕົ້ນອອກ.

ໝາຍເຫດ: ຫ້າມປູກເຜືອກໃນຂຸມເລິກເພາະຈະເຮັດໃຫ້ເຜືອກຫົວນ້ອຍ.

ການເບີ່ງແຍງຮັກສາ.
1. ການພູນກົກເປັນສີ່ງທີ່ສຳຄັນຫຼາຍ ໃນການປູກເຜືອກເພາະຖ້າຫາກວ່າເຮົາ ໝັ່ນພູນກົກຢູ່ສະເໝີໃຫ້ສູງຈະເຮັດໃຫ້ຫົວເຜືອກມີຂະໜາດໃຫຍ່ ເນື່ອງຈາກຫົວເຜືອກກໍ່ຄືລຳຕົ້ນໃຕ້ດີນທີ່ຂະຫຍາຍອອກເພື່ອສະສົມອາຫານ ຈື່ງເຕີບໃຫຍ່ຂື້ນເທີ່ງຫຼາຍກວ່າລົງຫົວເລິກລົງໄປ ໂດຍຈະເຮັດການພູນກົກຄັ້ງທີ່ 1 ຕອນໃສ່ປຸຍຄັ້ງທຳອິດ ແລະພູນກົກຄັ້ງທີ່ 2 ຕອນທີ່ໃສ່ປຸຍຄັ້ງທີ່ສອງ ແລະ ພູນກົກຄັ້ງສຸດທ້າຍເມື່ອເຜືອກມີອາຍຸໄດ້ 120 ມື້.
2. ການໃສ່ປຸຍເມື່ອປູກໄດ້ປະມານ 45 ມື້ ໃຫ້ໃສ່ປຸຍສູດ 15-15-15ຕົ້ນລະ 1 ບ່ວງແກງແລ້ວພູນດີນຖົມກົກ ແລະ ເມື່ອປູກໄດ້ 90 ມື້ໃຫ້ໃສ່ປຸຍສູດ 13-13-21 ຕົ້ນລະ 1.5 ບ່ວງແກງແລ້ວພູນດີນຖົມກົກ.
3. ການໃຫ້ນ້ຳຄວນໃຫ້ນ້ຳເມື່ອຝົນບໍ່ຕົກປະມານ 3-4 ມື້/ເທື່ອ ຖ້າຫາກວ່າປ່ອຍໃຫ້ເຜືອກຂາດນໍ້າຫຼາຍຈະເຮັດໃຫ້ເຜືອກໃບເຫຼືອງ ແລະ ມີຫົວຂະໜາດນ້ອຍ.
ການເກັບກ່ຽວ.
ສາມາດເກັບກ່ຽວໄດ້ເມື່ອເຜືອກມີອາຍຸ 150 ມື້ ຫຼື 5 ເດືອນເຊີ່ງຈະໄດ້ເຜືອກທີ່ມີຫົວຂະໜາດໃຫຍ່ປະມານ 1 ກິໂລກຼາມຕໍ່ຫົວ.

ໝາຍເຫດ:
ຫຼັງຈາກທີ່ປູກເຜືອກໄດ້້ປະມານ 2 ເດືອນ ເຜືອກຈະເລີ້ມແທງລູກອອກດ້ານຂ້າງອ້ອມກົກ ຈາກນັ້ນໃຫ້ເຮັດການຕັດລູກອອກ ( ຢາວປະມານ 1ຄືບ ). ໂດຍຕັດທຸກໆ 15-20 ມື້ ພຽງເທົ່ານີ້ກໍ່ຈະເຮັດໃຫ້ເຜືອກທີ່ເຮົາປູກມີຫົວຂະໜາດໃຫຍ່ ໄດ້ນໍ້າໜັກດີ ແລະ ໄດ້ລູກເຜືອກທີ່ມີຄວາມສົມບູນ.

ແຫຼ່ງຂໍ້ມູນ: http://kasetban.blogspot.com/2014/03/blog-post_7787.html

ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່:

ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ

ເພື່ອຄວາມສະດວກເຮົາສາມາດນໍາໃຊ້ກະຕ່າທີ່ເຮັດດ້ວຍໄມ້ ປ່ອງ/ແອງ/ຊາມ/ຄຸ ເພື່ອນໍາໃຊ້ເຂົ້າໃນການລ້ຽງຂີ້ກໍາເດືອນ ຊື່ງປະກອບດ້ວຍວັດຖຸດັ່ງລຸ່ມນີ້:
• ບົວຫົດນ້ຳ.
• ຂີ້ຄວາຍສົດແຊນ້ຳ 24 ຊົ່ວໂມງ.
• ຖົ່ວດິນເຄືອ

ການກຽມອ່າງລ້ຽງ.
ເຟືອງແຫ້ງຕັດຂະໜາດ 20-30 ຊັງຕີແມັດແຊນໍ້າໃຫ້ອີມໂຕ 24 ຊົ່ວໂມງ. ມາປູພື້ນກະຕ່າທີ່ໃຊ້ລ້ຽງໃຫ້ໜາປະມານ 5-10 ຊັງຕີແມັດ, ແລ້ວນໍາເອົາຖົ່ວອາລາຄຼິລ ລົງໃສ່ເປັນຊັ້ນທີ່ 2, ແລ້ວເອົາຂີ້ຄວາມມາປົກໃສ່ທາງເທິງເປັນຊັ້ນທີ່ 3, ຫຼັງຈາກນັ້ນກໍ່ນຳເອົາຂີ້ກະເດືອນທີ່ໄດ້ກະກຽມໄວ້ນັ້ນມາປ່ອຍໃສ່ອ່າງ ແລ້ວໃຊ້ເຟືອງປົກເທິງອີກເທື່ອ 1, ຕາມອັດຕາສ່ວນຂີ້ຄວາຍ 50 %, ເຟືອງ 40% ແລະເອົາຖົ່ວເຄືອຄືຖົ່ວ (Arahispintoi) 10%

ການເບີ່ງແຍງ ແລະຮັກສາ.
ພາຍຫຼັງທີ່ນໍາຂີ້ກະເດືອນລົງລ້ຽງແລ້ວແຕ່ລະອາທິດຕ້ອງໄດ້ຫົດນໍ້າໃຫ້ມັນ ເນື່ອງຈາກວ່າຂີ້ກະເດືອນມັກຢູ່ບ່ອນປຽກຊຸ່ມ, ໂດຍການສັງເກດເບີ່ງຄວາມຊຸ່ມຂອງອາຫານ ໂດຍການໃຊ້ມືຈັບເບີ່ງຂີ້ກະເດືອນເຊີ່ງຈະຕ້ອງການຄວາມຊຸ່ມຢູ່ປະມານ 70% ຂອງອານໃນອ່າງ. ບ່ອນລ້ຽງຂີ້ກະເດືອນສາມາດເຮັດໄດ້ຫຼາຍແບບອີ່ງຕາມເງື່ອນໄຂ ແລະຂໍ້ສະດວກຂອງຜູ້ລ້ຽງແຕ່ຕ້ອງເຮັດໃສ່ບ່ອນທີ່ມີອາກາດລ່ວງດີເພາະຂີ້ກະເດືອນຕ້ອງການບໍອນເຢັນ ແລະປຽກຊຸ່ມ.

ຄວາມສຳຄັນຂອງການລ້ຽງຂີ້ກະເດືອນ.
ຂີ້ກະເດືອນເປັນສັດຊະນິດໜື່ງທີ່ມີຄວາມສໍາຄັນຕໍ່ການລ້ຽງສັດແມ່ນໃຊ້ເປັນອາຫານໃຫ້ແກ່ສັດ ເຮັດໃຫ້ສັດລ້ຽງມີການຈະເລີນເຕີບໂຕດີເຊັ່ນ: ກົບ, ປາ, ສັດປີກ ແລະໝູ ເພາະຂີ້ກະເດືອນມີທາດຊີ້ນສູງຫຼາຍກວ່າ 70% ຂອງນ້ຳໜັກແຫ້ງ ແລະຍັງມີທາດອາຫານອື່ນໆ ທີ່ມີຄຸນຄ່າທາງດ້ານໂພຊະນາການ ທີ່ຈຳເປັນຕໍ່ສັດລ້ຽງເຮັດໃຫ້ການຈະເລີນເຕີບໂຕຂອງສັດລ້ຽງໃຫຍ່ໄວ, ແຂງແຮງບໍ່ມັກເປັນພະຍາດ ແລະສາມາດຂະຫຍາຍພັນໄດ້ຕະຫຼອດປີ.
ທາງດ້ານກະສິກໍາຂີ້ກະເດືອນສາມາດຊ່ວຍປັບປຸງດິນ ເຮັດໃຫ້ດິນມີຄວາມອຸດົມສົມບູນ, ເຮັດໃຫ້ດິນຜຸຜຸ່ຍ ແລະດູດນໍ້າໄດ້ດີ, ຂີ້ຂວຍ (ສີ່ງທີ່ຂີ້ກະເດືອນຍ່ອຍແລ້ວ) ເອົາໄປໃສ່ສວນຜັກ ແລະຕົ້ນໄມ້ຕ່າງໆ ເຊີ່ງມັນຈະເຮັດໃຫ້ພືດຜັກ ຫຼືຕົ້ນໄມ້ຈະເລີນເຕີບໂຕດີ ແລະເຮັດໃຫ້ອຸດົມສົມບູນຂື້ນ.

ແຫຼ່ງຂໍ້ມູນ: http://hukased.blogspot.com/

ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່:

ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ

ການລ້ຽງປາຖືເປັນກິດຈະກໍາໜື່ງທີ່ຄວນບັນຈຸຢູ່ໃນພື້ນທີ່ສວນກະສິກຳ ການລ້ຽງປາສາມາດເອົາໄປບໍລິໂພກໃນຄອບຄົວຕະຫລອດ ຈົນເອົາອອກຈຳໜ່າຍສ້າງລາຍໄດ້ຕະຫລອດປີ ອາຫານປາເປັນສີ່ງທີ່ຕ້ອງຄຳນື່ງເຖີ່ງ ເພາະການລ້ຽງປາໃນເຊີ່ງເສດຖະກິດທົ່ວໄປ ຈະມີທັງຄ່າໃຊ້ຈ່າຍໃນເລື່ອງອາຫານປາຫລາຍສຳລັບການລ້ຽງປາ ເພື່ອເພີ່ງຕົນເອງຕາມແນວທາງເສດທະກິດພໍພຽງ ຈື່ງຄວນຈະຜະລິດອາຫານປາໄດ້ເອງ ເຊີ່ງຈະຊ່ວຍຫຼຸດຕົ້ນທືນການລ້ຽງເປັຍຢ່າງດີ ອາຫານປາສາມາດເຮັດໄດ້ງ່າຍ ໂດຍການໃຊ້ວັດສະດຸໃນທ້ອງຖີ່ນ ເອົາມາໝັກເປັນຮູບແບບອາຫານປາຊີວວະພາບ ເຮັດໃຫ້ສຸຂະພາບຂອງປາດີ ໄດ້ຮັບສານອາຫານທີ່ເປັນປະໂຫຍດ ທີ່ສຳຄັນຫລຸດຕົ້ນທືນກວ່າການຊື່ອາຫານປາສຳເລັດຮູບ.

ອາຫານປາຊີວະພາບສຳລັບປາກີນພຶດ ແລະ ກີນຊີ້ນ.
ສ່ວນປະກອບ.
1. ພຶດສີຂຽວເຊັ່ນ: ໃບກະຖີ່ນ, ຜັກບົ້ງ ແລະຜັກສົດອື້ນໆ 5 ກິໂລກຼາມ.
2. ຮຳລະອຽດ 2 ກິໂລກຼາມ.
3. ສາລີບົດ 1 ກິໂລກຼາມ.
4. ປາບົດ ຫຼືຫອຍເຊີລີ້ບົດ 1 ກິໂລກຼາມ.
5. ໝາກໄມ້ສຸກເຊັ່ນ: ໝາກອຶ, ໝາກກ້ວຍນ້ຳ, ໝາກຮຸ່ງ ແລະ ອື່ນໆ
6. ເຂົ້າປຽນຕົ້ມສຸກ 1 ກິໂລກຼາມ.
7. ເກືອ 2 ຂີດ.
8. ກາກນ້ຳຕານ 5 ບ່ວງແກງ.
9. ນ້ຳໝັກຊີວະພາບ 2 ບ່ວງແກ່ງ.

ຂັ້ນຕອນການເຮັດ.
ເອົາວັດຖຸດິບທັງໝົດມາຄົນໃນພາຊະນະຄົນໃຫ້ເປັນເນື້ອດຽວກັນ ຄົນດ້ວຍມື້ ຫຼືໃຊ້ເຄື່ອງປະສົມ ໂດຍໃຫ້ວັດຖຸດິບແຕ່ລະຢ່າງກະຈາຍຕົວທົ່ວ ເອົາໄປເຂົ້າເຄື່ອງອັດເມັດ ຕາກແດດໃຫ້ແຫ່ງ ຈາກນັ້ນຈື່ງຄ່ອຍຕັດເປັນທ່ອນນ້ອຍໆ ເພື່ອໃຫ້ເໝາະສົມໃນການກີນຂອງປາໃນແຕ່ລະຊ່ວງໄວ.
ການໃຫ້ອາຫານ.
ໃຫ້ອາຫານປາທຸກໆມື້ໆ ລະ 2 ເທື່ອ ໃນຊ່ວງເຊົ້າ ແລະແລງ ໂດຍໃຫ້ອາຫານທີ່ແຈໜອງເພື່ອໃຫ້ປາຄຸ້ນເຄີຍ.

ການເຮັດຄັງສະບຽງອາຫານປາ.
ເປັນການໃຊ້ເສດພຶດທີ່ເປັນອາຫານປາເຊັ່ນ: ເຟືອງເຂົ້າ, ໃບພຶດ ມາສຸມລົງໃນໜອງປາໃຊ້ຂີ້ຂອງສັດທັບເພື່ອໃຫ້ເກີດການທັບຖົມຍ່ອຍສະຫຼາຍ ສາມາດເປັນຄັງອາຫານສຳລັບປາໄປໄດ້ຍາວນານເປັນບ່ອນຫລີ້ຂອງປາໄດ້ ລວມໄປຮອດຊ່ວຍສ້າງສະພາບເໝາະສົມໃນການເກີດຂອງແພງຕ້ອນ ແລະໄຮນ້ຳສຳລັບເປັນອາຫານແກ່ປາຕໍ່ໄປ.

ສ່ວນປະກອບ.
1. ເຟືອງເຂົ້າແຫ້ງ 1 ກ້ອນ.
2. ຂີ້ສັດ (ມູນສັດ) 1 ກິໂລກຼາມ.
3. ໄມ້ຂະໜາດຍາວພໍທີ່ຈະສຽບຮອດດິນບໍລິເວນແຈໜອງ.
ຂັ້ນຕອນການເຮັດ.
1. ຈັດພື້ນທີ່ແຈໜອງປາໃຫ້ວ່າງສຽບໄມ້ລົງໄປເປັນຄອກລະສະນະເປັນວົງມົນສຳລັບວາງເຟືອງເຂົ້າສຸມພາຍໃນ ໂດຍທີ່ຊ່ວຍໃຫ້ເຟືອງເຂົ້າບໍ່ກະຈາຍໂຕ.
2. ພີ່ເຟືອງເຂົ້າອອກມາວາງໃຫ້ສຸມທັບໃນຄອກໄມ້ໃຫ້ທັບຖົມກັນເປັນຊັ້ນໆ ໂດຍຈະມີທັງສ່ວນທີ່ຈົມນ້ຳ ແລະລອຍນ້ຳ.
3. ເອົາຂີ້ສັດມາໂຮຍທັບເທີ່ງເຟືອງເຂົ້າທີ່ສຸມລົງໄປໃຫ້ທົ່ວ ປ່ອຍໃຫ້ເກີດການຍ່ອຍສະຫຼາຍຕາມທຳມະຊາດ ສາມາດເຮັດແບບເກົ່າໄດ້ເມື່ອມີການຍ່ອຍສະຫຼາຍຈົນເຟືອງເຂົ້າຈົມນ້ຳໝົດ.
ຂໍ່ສັງເກດ. ບໍລິເວນທີ່ເຮັດເປັນຄັງອາຫານປາໃນລັກສະນະນີ້ຈະມີກຸ່ມປາມາລອຍໄປມາຢ່າງຊຸກຊຸມ
ແຫຼ່ງຂໍ້ມູນ: http://wisdomking.or.th

ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່: 

ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ

ປັນຫາຂອງຊາວກະສິກອນກ່ຽວກັບການລ້ຽງປາ ມັກຈະໃຊ້ຕົ້ນທຶນການຜະລິດສູງໂດຍສະເພາະຄ່າອາຫານ, ຂາດແຄນນ້ຳໃນຊ່ວງໜ້າແລ້ງ ເຮັດໃຫ້ຊາວກະສິກອນຫຼາຍໆທ່ານ ມີການຈັດລະບົບການລ້ຽງໂດຍມີການພັດທະນາເຕັກນິກການລ້ຽງ ໂດຍການຄິດຄົ້ນການເຮັດອາຫານປາໃຊ້ເອງເນັ້ນຄຸນນະພາບ ແລະ ລົດຊາດທີ່ຖືກກັບຜູ້ບໍລິໂພກດ້ວຍ ເຊັ່ນການເຮັດສູດເລັ່ງຊີ້ນປາໃຫ້ມີຄວາມຫວານມັນ  ດ້ວຍໝາກພ້າວແກ່.

ວັດສະດຸໃນການເຮັດອາຫານປາອິນຊີ.
– ເຂົ້າປຽນ 5 ກິໂລກຼາມ
– ຮຳອ່ອນ 5 ກິໂລກຼາມ
– EM ສູດຂະຫຍາຍ 3 ລິດ
– ປາປົ່ນ ຫຼື ຫອຍເຊີຣີຟັກລະອຽດ 3 ກິໂລກຼາມ
– ຮຳແກ່ 3 ກິໂລກຼາມ
– ໝາກພ້າວແກ່ຂູດ 1 ກິໂລກຼາມ
ຂັ້ນຕອນການເຮັດ
ນຳເຂົ້າປຽນໄປຕົ້ມໃຫ້ເປື່ອຍແລ້ວຍົກລົງປະໄວ້ໃຫ້ເຢັນນຳຮຳອ່ອນມາປະສົມເຂົ້າກັນຕາມດ້ວຍຮຳແກ່ ແລະ ປາປົ່ນ ຫຼື ຫອຍເຊີຣີຟັກລະອຽດຄົນໃຫ້ເຂົ້າກັນແລ້ວຕື່ມ EM ຕາມລົງໄປດ້ວຍຂີ້ໝາກພ້າວຄົນໃຫ້ເຂົາກັນໃຫ້ໄດ້ຄວາມໜຽວພໍປັ້ນໄດ້. ຫຼັງ ຈາກນັ້ນປັ້ນເປັນກ້ອນຂະໜາດ 1 ກິໂລກຼາມ. ແລ້ວນຳໄປຕາກໃຫ້ພໍໝາດໆ ຈະໄດ້ອາຫານປາສຳເລັດຮູບພ້ອມຖີ້ມລົງໃນໜອງປາ.

ການນຳໄປໃຊ້.
ການໃຫ້ອາຫານປາຈະໃຫ້ວັນລະ 2 ກ້ອນຕໍ່ໜອງ. ປະມານ 8 ເດືອນສາມາດຈັບຂາຍໄດ້ໃນຂະໜາດ 2 ຫາ 3 ຕໍ່ ກິໂລກຼາມ. ຊີ້ນປາທີ່ລ້ຽງຈາກອາການສູດນີ້ຈະມີລົດຊາດຫວານ ແລະ ມັນແບບທຳມະຊາດເປັນທີ່ຊື່ນຊອບຂອງຕະຫຼາດ.

ແຫຼ່ງຂໍ້ມູນ: ທະນົງສັກ ໂພສີ ທີ່ຢູ່ ໝູ່ 4 ຕຳບົນກຣະນວນ ອຳເພີຊຳສູງ ຈັ່ງຫວັດຂອນແກ່ນ

ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່:

ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ

ຊື່ສາມັນ : ສະເມັກແດງ
ຊື່ວິທະຍາສາດ : Syzygium zeylaicum
ຊື່ພາສາອັງກິດ :
ລັກສະນະພັນພືດ : ເປັນຕົ້ນໄມ້ຢືນຕົ້ນ ສູງປະມານ 8-15 ແມັດ ລໍາງ່າສີເຫຼືອງແກມນໍ້າຕານເມື່ອເປືອກແກ່ຈະມີກາບລອກອອກ, ໃບດຽວຮູບຫອກປົ່ງກັນຂ້າມກັນ, ຊໍ່ດອກອອກຕາມຊອກໃບ ແລະ ປາຍກິ່ງ, ກີບດອກສີຂາວ, ເກສອນຜູ້ຍາວກ່ວາກີບດອກ, ໝາກກົມ Myrtaceae.
ສະພາບແວດລ້ອມ : ເກີດຢູ່ຕາມເຂດຮ້ອນຊຸ່ມ .
ການນຳໃຊ້ : ລໍາຊ່ວຍໃນການ ປົວຕັບ, ປົວອັກເສບຖົງບີ.

ແຫຼ່ງທີ່ມາ:
ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່: ສູນຄົ້ນຄົ້ນວິທະຍາສາດປ່າໄມ້ ບ້ານໂພນທອງ, ເມືອງນາຊາຍທອງ, ນະຄອນຫຼວງວຽງຈັນ

Tel: (856) 21 770094

Fax: (856) 21 770892

Email: vongvilay7566@gmail.com

ຊື່ສາມັນ : ຜັກຫວານ
ຊື່ວິທະຍາສາດ :  Melientha acuminata
ຊື່ພາສາອັງກິດ :
ລັກສະນະພັນພືດ :  ຕົ້ນຜັກຫວານ ເປັນພືດຫຼົ່ນໃບ , ມີຂະໜາດຄວາມສູງປະມານ 13 ແມັດ, ມີເຮືອນຮູບເປັນຮູບຊົງບັ້ງ, ກິ່ງງ່າຫຼຸບ ຫຼື ກ່ອງລົງລຸ່ມ, ໃບຂອງມັນແຂງ ແລະ ມີຮູບໄຂ່ມີຂະໜາດ 4-16 x 2.5-7 ຊັງຕີແມັດ, ຊໍ່ດອກເປັນຈຸ້ມປະກອບດ້ວຍ 4-5 ດອກ ທີ່ມີຄວາມຍາວ 15-20 ຊັງຕີແມັດ ແລະ ເກີດຢ່າງບໍ່ເປັນລະບຽບ ຕາມປຸ່ມຂອງລໍາຕົ້ນ, ງ່າ ຫຼື ຮູບໃບ, ດອກມີຂະໜາດ 1.5 ມິນລີແມັດ, ເປັນສີອ່ອນ ມີກິ່ນຫອມ, ໝາກເປັນໜ່ວຍກົມໆ ສີຂຽວອົມເຫຼືອງ ມີເນື້ອຫຼາຍ ເປັນພົ້ວ ມີຂະໜາດ 2.3-4 x 1.5-2 ຊັງຕີແມັດ ແລະ ມີແກ່ນດຽວ OPILIACEAE.
ສະພາບແວດລ້ອມ:  ມັນເກີດທົ່ວໄປ ຕາມປ່າຜັດໃບ ແລະ ຕາມພື້ນທີ່ດິນຫີນ.
ການນຳໃຊ້:  ຜັກຫວານເປັນຜັກປ່າຊະນິດໜື່ງເຊີ່ງຍອດອ່ອນ, ຊໍ່ດອກ ແລະ ໝາກອ່ອນຂອງມັນ ໄດ້ຖືກນໍາມາປຸງແຕ່ງເປັນອາຫານ ໃສ່ກັບປາຫຼື ແຈ່ວຍອດຫວາຍ. ໝາກສຸກຂອງມັນ ກໍ່ກີນໄດ້ເຊັ່ນກັນ. ໃບຂອງມັນ ໃຊ້ສໍາຫຼັບປົວອາການເຈັບຄໍຂອງເດັກນ້ອຍ ແລະ ຮາກນັ້ນບາງເທື່ອກໍ່ໃຊ້ປີ່ນປົວອາການເປັນໄຂ້.

ແຫຼ່ງທີ່ມາ:
ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່: ສູນຄົ້ນຄົ້ນວິທະຍາສາດປ່າໄມ້ ບ້ານໂພນທອງ, ເມືອງນາຊາຍທອງ, ນະຄອນຫຼວງວຽງຈັນ

Tel: (856) 21 770094

Fax: (856) 21 770892

Email: vongvilay7566@gmail.com

ຊື່ສາມັນ : ໝາກຕູມ
ຊື່ວິທະຍາສາດ :  Aegle marmelos
ຊື່ພາສາອັງກິດ :
ລັກສະນະພັນພືດ :  ໝາກຕູມເປັນຕົ້ນໄມ້ຢືນຕົ້ນສູງປະມານ 10-20 ແມັດ ລໍາຕົ້ນມີເປືອກສີຂາວໆ , ກິ່ງກ້ານມີໜາມແຫຼມຄົມຍາວ, ໃບສີຂຽວອ່ອນກີບດອກສີຂາວ, ຫອມ, ໝາກໃຫຍ່ຄືຮູບໄຂ່ ຫຼື ຮູບກົມ, ເປືອກແຂງ, ເນື້ອໃນສີເຫຼືອງນວນ, ພາຍໃນມີເມັດມີຢາງຫຸ້ມເມັດ, ເປັນເມືອກສີຂາວ, ມີລົດຂົມ Rutaceae.
ສະພາບແວດລ້ອມ : ເກີດຢູ່ຕາມເຂດຮ້ອນຊູ່ມ .
ການນຳໃຊ້:  ລໍາຊ່ວຍເປັນຢາບໍາລຸງຮ່າງກາຍ.

ແຫຼ່ງທີ່ມາ:
ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່: ສູນຄົ້ນຄົ້ນວິທະຍາສາດປ່າໄມ້ ບ້ານໂພນທອງ, ເມືອງນາຊາຍທອງ, ນະຄອນຫຼວງວຽງຈັນ

Tel: (856) 21 770094

Fax: (856) 21 770892

Email: vongvilay7566@gmail.com

ຊື່ສາມັນ : ໝາກລີ້ນໄມ້
ຊື່ວິທະຍາສາດ :  Oroxylum indicum
ຊື່ພາສາອັງກິດ :
ລັກສະນະພັນພືດ:  ຕົ້ນລີ້ນໄມ້ເປັນພືດທີ່ມີໃບຂຽວຕະຫຼອດປີ ຫຼື ລົ່ນໃບຊ່ວງສັ້ນໆ ສູງປະມານ 5-10 ແມັດ ໜ້າຕ່າງພຽງເອິກ 10-15 ຊັງຕີແມັດ ຕົ້້ນອ່ອນມັກມີລໍາຕົ້ນດ່ຽວ ມີໃບເກີດຈຸ້ມກັນຢູ່ສ່ວນປາຍ ເບິ່ງແລ້ວຄ້າຍຄືຕົ້ນຂາມ ແລະ ມີເປືອກເປັນສີມົນ, ໃບເປັນໃບປະສົມ ຍາວ 60-170 ຊັງຕີແມັດ, ມີໃບຍ່ອຍຮູບໄຂ່ – ສາມຫຼ່ຽມ ຍາວ 5-13 ຊັງຕີແມັດ ແລະ ປ່ຽນເປັນສີຟ້າເມື່ອມັນແຫ້ງ ຊໍ່ດອກປະກອບມີຫຼາຍພົ້ວ ມີຄວາມຍາວ 40-150 ຊັງຕີແມັດ ຊີ້ພົ້ນຂື້ນກາຍເຮືອນຍອດ, ດອກຂອງມັນມີຂະໜາດຄວາມຍາວ 3-9 ຊັງຕີແມັດ ແລະ ກ້ວາງ 1-10 ຊັງຕີແມັດ, ເປັນຮູບຈວຍ, ເປັນເນື້ອ ແລະ ໜາ, ບານໃນເວລາກາງຄືນ ແລະ ມີກິ່ນເໝັນ, ປາຍດອກເປັນຊີກ 5 ກີບ ເປັນຫຍໍ່ໆ ແລະ ມີສີເຫຼືອງ ຫຼື ສີມ່ວງອົມແດງ, ຝັກຂອງມັນຈະແກ່ຈາກຝັກທີ່ຢູ່ລຸ່ມຂື້ນໄປຄື ຊໍ່ດອກ, ເປັນຝັກແປຊື່ ມີສີນໍ້າຕານແກ່ ຍາວ 40-120 ຊັງຕີແມັດ , ກ້ວາງ 5-9 ຊັງຕີແມັດ ແລະ ໜາ 1 ຊັງຕີແມັດ, ແຕ່ລະຝັກມີຫຼາຍແກ່ນເປັນຮູບມົນແປ ສີຂາວ ແລະ ຫຸ້ມດ້ວຍປີກບາງໆ ຂະໜາດ 4-5 x 3-5 ຊັງຕີແມັດ BIGNIACACEAE.
ສະພາບແວດລ້ອມ : ເກີດຢູ່ຕາມເຂດຮ້ອນຊຸ່ມ.
ການນຳໃຊ້:  ໃບອ່ອນ, ດອກ ແລະ ຝັກ ນໍາມາລວກກີນກັບແຈ່ວ, ລາບ ຫຼື ປາແດກໄດ້, ຝັກຂອງມັນໄຊ້ເປັນຢາລະບາຍທ້ອງອຶດ , ລົດຄວາມຮ້ອນໃນຮ່າງກາຍ ແລະ ພວກຜູ້ເຖົ້າ ຜູ້ແກ່ມັກກີນ ເພື່ອຊ່ວຍໃຫ້ຮ່າງກາຍແຂງແຮງ, ແກ່ນຂອງມັນຈະບົດກັບພືດເປັນຢາອື່ນໆ ເປັນເຄື່ອງດື່ມ .

ຊື່ສາມັນ : ໝາກກອກ
ຊື່ວິທະຍາສາດ:  Spondias pinnata
ຊື່ພາສາອັງກິດ :
ລັກສະນະພັນພືດ :  ຕົ້ນໝາກກອກເປັນພືດລົ່ນໃບ ສູງລະຫວ່າງ 15-25 ແມັດ ໜ້າເອິກ 40 ຊັງຕີແມັດ ໃຫຍ່ເຕັມທີ່ ໃບປະສົມຍາວ 30-40 ຊັງຕີແມັດ ມີໃບຍ່ອຍເປັນຮູບມົນ ມີຂະໜາດ 7-13 x 3-4 ຊັງຕີແມັດ 9-13 ໃບ ທີ່ມີກ້ານໃບຍາວ ຂະໜາດ 10-15 ຊັງຕີແມັດ ຊໍ່ດອກຂອງມັນຍາວ ປະມານ 25-35 ຊັງຕີແມັດ ແລະ ມີກິ່ງດອກເປັນກຸ່ມດົກໜາ, ດອກຂອງມັນມີສີຂາວ ຂະໜາດກ້ວາງ 3 ມມ , ໝາກຂອງມັນມີເນື້ອເປັນຮູບໄຂ່ ມີຂະໜາດ 3.5-7 x 3.5 ຊັງຕີແມັດ ເມື່ອໝາກແກ່ ແລະ ສຸກ ຈະເປັນສີເຫຼືອງປົນຂຽວ, ມີແກ່ນແຂງແກ່ນດຽວ, ຈັດໃນສະກູນ ANACARDIACEAE.
ສະພາບແວດລ້ອມ :  ເກີດຢູ່ຕາມເຂດຮ້ອນຊູ່ມ.
ການນຳໃຊ້:  ເພີ່ນນໍາໃຊ້ໝາກກອກຕໍາໝາກຮຸ່ງ, ຕົ້ມຍໍາ, ແກງປາ, ຕໍາແຈ່ວ ຫຼື ແຈ່ວປາແດກ.

ແຫຼ່ງທີ່ມາ:
ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່: ສູນຄົ້ນຄົ້ນວິທະຍາສາດປ່າໄມ້ ບ້ານໂພນທອງ, ເມືອງນາຊາຍທອງ, ນະຄອນຫຼວງວຽງຈັນ

Tel: (856) 21 770094

Fax: (856) 21 770892

Email: vongvilay7566@gmail.com

ຊື່ສາມັນ :  ໝາກເຟືອງ
ຊື່ວິທະຍາສາດ :  Averrhoa carambola L.
ຊື່ພາສາອັງກິດ :   Star fruit 
ລັກສະນະພັນພືດ :  ໝາກເຟືອງເປັນໄມ້ຢືນຕົ້ນຂະໜາດກາງ ສູງ 10-15 ແມັດ , ມີກິ່ງງ່າອອກຈໍານວນຫຼາຍ, ກ່າງໃບລວມຍາວ 11-17 ຊັງຕີແມັດ, ມີ 3-6 ໃບຍອ່ຍຍາວ 2-9 ຊັງຕີແມັດ, ກ້ວາງ 1,5-35 ຊັງຕີແມັດດອກສີແດງແກມສີບົວ, ໝາກສົດເປັນຮູບດາວມີຫ້າຫຼ່ຽມ, ຂະໜາດ 12,5×6 ຊັງຕີແມັດ ເວລາສຸກສີເຫຼືອງ ແລະ ແກ່ນສີດໍາຂະໜາດ 0,5 ຊັງຕີແມັດ.
ສະພາບແວດລ້ອມ :  ເກີດທົ່ວໄປໃນປະເທດເຮົາ, ເປັນຕົ້ນໄມ້ກິນໝາກປູກດ້ວຍວິທີກ້າແກ່ນ.
ການນຳໃຊ້ : ໃບປະສົມກັບເຂົ້າສານຈ້າວຕໍາແລ້ວເອົາ ເຫຼົ້າປະສົມໃສ່ທາຕຸ່ມມື່ນມ່ານ, ໃຊ້ໃບ ແລະ ໝາກຕົ້ມອາບແກ້ອາການເປັນຕຸ່ມ.

ແຫຼ່ງທີ່ມາ:
ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່: ສູນຄົ້ນຄົ້ນວິທະຍາສາດປ່າໄມ້ ບ້ານໂພນທອງ, ເມືອງນາຊາຍທອງ, ນະຄອນຫຼວງວຽງຈັນ

Tel: (856) 21 770094

Fax: (856) 21 770892

Email: vongvilay7566@gmail.com