Monthly Archives: January 2019
ເຂົ້າຄຳ (LG4400)
ປະຫວັດຄວາມເປັນມາ.
ແນວພັນເຂົ້າຄຳ (LG4400) ເປັນແນວພັນເຂົ້າພື້ນເມືອງຂອງທ້ອງຖິ່ນເມືອງຜົ້ງສາລີ, ແຂວງຜົ້ງສາລີ. ໃນປີ 2006 ສູນຄົ້ນຄວ້າກະສິກຳ ແລະ ປ່າໄມ້ພາກເໜືອ ໄດ້ນຳມາປູກເພື່ອຄັດເລືອກ ແລະ ໃນປີ 2008 ຈິ່ງໄດ້ນຳໄປປູກທົດສອບໃນພື້ນທີ່ໄຮ່ຂອງຊາວກະສິກອນ. ຜົນໄດ້ຮັບເຫັນວ່າແນວພັນດັ່ງກ່າວມີການຈະເລີນເຕີບໂຕດີ ແລະ ໃຫ້ຜົນຜະລິດສູງ. ໃນປີ 2009, ໂຄງການ NURIFaR ໄດ້ນຳໄປທົດສອບ ແລະ ຂະຫຍາຍໃນພື້ນທີ່ 6 ເມືອງຈຸດສຸມຂອງໂຄງການ
ລັກສະນະປະຈຳພັນ
| ປະເພດເຂົ້າ | ເຂົ້າໜຽວ |
| ຜົນຜະລິດ | 1.4-2.6 ໂຕນຕໍ່ເຮັກຕາ |
| ອາຍຸ | 130-135 ວັນ |
| ລັກສະນະແຕກກໍ | ແຕກກໍໜ້ອຍ |
| ລວງສູງ | 110-130 ຊັງຕີແມັດ |
| ລວງຍາວຂອງຮວງ | 24-26 ຊັງຕີແມັດ |
| ສີເມັດເຂົ້າເປືອກ | (ສະເລ່ຍ) ສີເຫຼືອງດຳ, ມີຂົນ |
| ຂະໜາດເມັດເຂົ້າສານ(ສະເລ່ຍ) | (ສະເລ່ຍ ຍາວ 9.54 ມີລີແມັດ, ກວ້າງ 3.70 ມີລີແມັດ, ໜາ 2.29 ມີລີແມັດ |
| ຮູບຮ່າງ | ກາງ |
| ນ້ຳໜັກ | 1,000 ເມັດ 36.2 ກຼາມ |
| ຄຸນນະພາບການກິນ | ອ່ອນ, ຫອມ |
| ເປີເຊັນການສີ | ສູງ (65.6%) |
ຈຸດດີ ແລະ ຈຸດອ່ອນ.
• ຈຸດດີ: ສາມາດປູກໄດ້ກັບດິນເຂດປ່າເລົ່າອ່ອນ ແລະ ດິນທີ່ມີຄວາມອຸດົມສົມບູນປານກາງຫາດີ
• ຈຸດອ່ອນ: ແຕກກໍໜ້ອຍ, ເມັດໃກ້ຄໍຮວງມັກລີບ, ບໍ່ເໝາະສົມກັບດິນທີ່ປູກເຂົ້າຕໍ່ເນື່ອງກັນຫຼາຍປີ, ບໍ່ທົນທານຕໍ່ແມງໄຂ່ປາ (Rood Aphid).
ວິທີການປູກ.
ສະຖານທີ່ແນະນຳປູກ
ສາມາດປູກໃນພື້ນທີ່ນາ ແລະ ພື້ນທີ່ມີຄວາມຄ້ອຍຊັນ 15% – 60% , ລະດັບຄວາມສູງຈາກໜ້ານ້ຳທະເລ 300-1.500 ແມັດ. ປູກໄດ້ດີໃນແຂວງພາກເໜືອເຊັ່ນ: ແຂວງບໍ່ແກ້ວ, ແຂວງໄຊຍະບູລີ, ແຂວງຫຼວງພະບາງ, ແຂວງອຸດົມໄຊ ແລະ ແຂວງຫຼວງນ້ຳທາ.
ການປູກ.
ຄວນນຳໃຊ້ແນວພັນປູກໃນອັດຕາ 60 ກລ/ຮຕ, ຄວາມງອກບໍ່ຕ່ຳກວ່າ 85%, ໄລຍະຫ່າງການປູກ 25 x 25 ຊມ, ຈຳນວນ 5-6 ເມັດຕໍ່ຂຸມ ແລະ ສັກເລິກປະມານ 2-3 ຊມ ເພື່ອປ້ອງກັນການທຳລາຍຂອງສັດຕູພືດ.
ລະດູການປູກ.
ລະດູການທີ່ເໝາະສົມແມ່ນທ້າຍເດືອນເມສາຫາເດືອນພຶດສະພາ, ຖ້າປູກຊ້າຈະເຮັດໃຫ້ຜົນຜະລິດຫຼຸດລົງ.
ການບົວລະບັດຮັກສາ.
ຫຼັງຈາກສັກເຂົ້າແລ້ວປະມານ 15-25 ວັນຄວນເສຍຫຍ້າຄັ້ງທີ 1, ບໍ່ຄວນໃຫ້ຫຍ້າສູງເກີນໄປເພາະຫຍ້າຈະຍາດທາດອາຫານຈາກຕົ້ນເຂົ້າ ແລະ ເປັນບ່ອນລີ້ຊ່ອນຂອງແມງໄມ້.
ການໃສ່ຝຸ່ນ.
ຖ້າເປັນພື້ນທີ່ ທີ່ມີຄວາມຄ້ອຍຊັນບໍ່ແນະນຳໃຫ້ໃສ່ຝຸ່ນເພາະຈະເຮັດໃຫ້ຝຸ່ນເຊາະໄຫຼໜີ.
ແຫຼ່ງຂໍ້ມູນ: ປື້ມຄຳແນະນຳການນຳໃຊ້ແນວພັນເຂົ້າສຳລັບພາກເໜືອຂອງລາວ. ໂຄງການຄົ້ນຄວ້າລະບົບການຜະລິດກະສິກຳ ໂດຍເອົາເຂົ້າເປັນພື້ນຖານ ໃນເຂດພູດອຍ ຢູ່ພາກເໜືອ.
ຂໍ້ມູນເພີມຕື່ມ:
ຂໍ້ມູນເຕັກນິກ:
ວີດີໂອ:
ຕິດຕໍ່:
ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ
ເຂົ້າຈ້າວພັນປັບປຸງ B6144-MR-6
ປະຫວັດຄວາມເປັນມາ.
ເຂົ້າຈ້າວ B6144-MR-6 ເປັນແນວພັນປັບປຸງເຊິ່ງນຳມາຈາກປະເທດອິນໂດເນເຊຍ ໂດຍຜ່ານສະຖາບັນຄົ້ນຄວ້າເຂົ້ານາໆຊາດ (IRRI) ທີ່ໄດ້ນຳມາສຶກສາ ແລະ ຄັດເລືອກໃນປີ 2003. ຜົນໄດ້ຮັບເຫັນວ່າປັບຕົວໄດ້ດຮໃນດິນເນີນສູງ ແລະ ດິນນາ. ເລີ່ມປູກຂະຫຍາຍເມັດພັນໃນປີ 2006.
ລັກສະນະປະຈຳພັນ.
| ປະເພດເຂົ້າ | ເຂົ້າຈ້າວ |
| ຜົນຜະລິດ | 1.4 – 3.5 ໂຕນຕໍ່ເຮັກຕາ |
| ອາຍຸ | 120-130 ວັນ. ບໍ່ມີຄວາມຮູ້ສຶກຕໍ່ຊ່ວງແສງ |
| ລັກສະນະແຕກກໍ | 10 – 15 ຕົ້ນຕໍ່ສຸມ |
| ລວງສູງ | 90-95 ຊັງຕີແມັດ |
| ລັກສະນະຂອງລຳຕົ້ນ | ນ້ອຍບາງແຕ່ແຂງແຮງດີ, ທົນຕໍ່ການລົ້ມ |
| ລັກສະນະຂອງໃບ | ກາບໃບສີມ່ວງ, ແຜ່ນໃບສີຂຽວ, ມີຂົນ |
| ລັກສະນະຂອງຮວງ | ຮວງນ້ອຍ, ເມັດຖີ່, ຮວງຍາວ 20-21 ຊັງຕີແມັດ |
| ສີເມັດເຂົ້າເປືອກ | ສີນ້ຳຕານແກ່, ມີຂົນ |
| ຂະໜາດເມັດເຂົ້າເປືອກ (ສະເລ່ຍ) | ຍາວ 9.8 ມີລີແມັດ, ກວ້າງ 2.80 ມີລີແມັດ, ໜາ 2.20 ມີລີແມັດ |
| ສີເມັດເຂົ້າສານ | ສີຂຽວຂຸ້ນ |
| ຂະໜາດເມັດເຂົ້າສານ (ສະເລ່ຍ) | ຍາວ 8.12 ມີລີແມັດ, ກວ້າງ 2.72 ມີລີແມັດ, ໜາ 2.06 ມີລີແມັດ |
| ຮູບຮ່າງ | ກາງ |
| ນ້ຳໜັກ 1,000 ເມັດ | 23 ກຼາມ |
| ຄຸນນະພາບການກິນ | ແຂງ, ບໍ່ຫອມ |
| ເປີເຊັນການສີ | ສູງ (67%) ປະລິມານທາດອາມີໂລດ 22.8% |
ຈຸດດີ ແລະ ຈຸດອ່ອນ.
• ຈຸດດີ: ສາມາດປູກໄດ້ໃນພື້ນທີ່ໄຮ່, ພື້ນທີ່ນາລະດູຝົນ ແລະ ລະດູແລ້ງ. ປູກໄດ້ກັບດິນເຂດປ່າເລົ່າອ່ອນ ແລະ ປູກຕໍ່ເນື່ອງ, ລຳຕົ້ນແຂງແຮງດີ, ທົນທານຕໍ່ການລົ້ມ ແລະ ທົນທານຕໍ່ແມງໄຂ່ປາ ແລະ ພະຍາດຈຸດສີນ້ຳຕານ. ສາມາດແປຮູບໄດ້ຫຼາຍຢ່າງເຊັ່ນ: ເຂົ້າປຸ້ນ, ເຝີ ແລະ ເສັ້ນໝີ່. ຕອບສະໜອງຕໍ່ຝຸ່ນໄດ້ດີ.
• ຈຸດອ່ອນ: ເມັດນ້ອຍ, ເມັດຄາຍ, ຄຸນນະພາບການກິນແຂງເວລາຫຸງຕ້ອງໄດ້ໃສ່ນ້ຳຫຼາຍ, ບໍ່ຫອມ, ບໍ່ທົນຕໍ່ການທຳລາຍຂອງແມງບົ່ວ.
ວິທີປູກ.
ສະຖານທີ່ແນະນໍາປູກ.
ສາມາດປູກໄດ້ໃນພື້ນທີ່ມີລະດັບຄວາມສູງຈາກໜ້ານ້ຳທະເລ 200-1,300 ແມັດ. ປູກໄດ້ດີໃນທຸກພາກຂອງປະເທດ ເຊັ່ນ: ແຂວງບໍ່ແກ້ວ, ໄຊຍະບູລີ, ຫຼວງພະບາງ, ອຸດົມໄຊ, ຫຼວງນ້ຳທາ, ນະຄອນຫຼວງວຽງຈັນ, ສະຫວັນນະເຂດ ແລະ ຈຳປາສັກ.
ການປູກ.
ຄວນນຳໃຊ້ແນວພັນປູກໃນອັດຕາ 60-80 ກລ/ຮຕ. ຄວາມງອກບໍ່ຕ່ຳກວ່າ 85%, ໄລຍະຫ່າງການປູກ 25 x 25 ຊມ, ຈຳນວນ 5-6 ເມັດຕໍ່ຂຸມ ແລະ ສັກເລິກປະມານ 2-3 ຊມ. ເພື່ອປ້ອງກັນການທຳລາຍຂອງສັດຕູພືດ.
ລະດູການປູກ.
ລະດູການປູກທີ່ເໝາະສົມແມ່ນທ້າຍເດືອນເມສາ ຫາ ເດືອນພຶດສະພາ, ຖ້າປູກຊ້າຈະເຮັດໃຫ້ຜົນຜະລິດຫຼຸດລົງ.
ການບົວລະບັດຮັກສາ.
ຫຼັງຈາກສັກເຂົ້າແລ້ວປະມານ 15-25 ວັນ ຄວນເສຍຫຍ້າຄັ້ງທີ 1, ບໍ່ຄວນໃຫ້ຫຍ້າສູງເກີນໄປເພາະຫຍ້າຈະຍາດທາດອາຫານຈາກຕົ້ນເຂົ້າ ແລະ ເປັນບ່ອນລີ້ຊ່ອນຂອງແມງໄມ້.
ການໃສ່ຝຸ່ນ.
ຖ້າເປັນພື້ນທີ່ມີຄວາມຄ້ອຍຊັນບໍ່ແນະນຳໃຫ້ໃສ່ຝຸ່ນເພາະຈະເຮັດໃຫ້ຝຸ່ນເຊາະໄຫຼໜີ. ຖ້າເປັນພື້ນທີ່ຮາບພຽງ ຫຼື ພື້ນທີ່ນາທີ່ມີຄວາມອຸດົມສົມບູນຂອງດິນຕ່ຳຫາປານກາງ ມີການກຽມດິນ, ແນະນຳໃຫ້ໃຊ້ຝຸ່ນສູດ 15-15-15 ຮອງພືນກ່ອນການປູກຈຳນວນ 100 ກລ/ຮຕ ແລະ ຝຸ່ນເລັ່ງຈໍານວນ 50 ກລ/ຮຕ ( ຝຸ່ນຢູເຣຍ 46-00-00 ) ໃສ່ຫຼັງຈາກປູກ 45 ວັນ.
ໝາຍເຫດ: ການປູກເຂົ້າແນວພັນນີ້ຮ່ວມກັບແນວພັນເຂົ້າປີຈະເຮັດໃຫ້ຜົນຜະລິດເຂົ້າເສຍຫາຍຫຼາຍ ຍ້ອນການທຳລາຍຂອງນົກ ແລະ ໜູ.
ແຫຼ່ງຂໍ້ມູນ: ຄຳແນະນຳ ການນຳໃຊ້ແນວພັນເຂົ້າສຳລັບພາກເໜືອຂອງລາວ, ໂຄງການຄົ້ນຄວ້າລະບົບການຜະລິດກະສິກຳ ໂດຍເອົາເຂົ້າເປັນພື້ນຖານ ໃນເຂດພູດອຍ ຢູ່ພາກເໜືອ.
ຂໍ້ມູນເພີມຕື່ມ:
ຂໍ້ມູນເຕັກນິກ:
ວີດີໂອ
ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ
ເຂົ້າຈ້າວພັນປັບປຸງ IR55423-1
ປະຫວັດຄວາມເປັນມາ.
ເຂົ້າຈ້າວ IR55423-1 ເປັນແນວພັນປັບປຸງເຊິ່ງນຳມາຈາກສະຖາບັນຄົ້ນຄວ້າເຂົ້ານາໆຊາດ (IRRI) ເພື່ອສຶກສາ ແລະ ຄັດເລືອກໃນປີ 2003. ຜົນໄດ້ຮັບເຫັນວ່າປັບຕົວ ແລະ ຈະເລີນເຕີບໂຕໄດ້ດີໃນເຂດເນີນສູງ ແລະ ດິນນາ. ໄດ້ເລີ່ມປູກຂະຫຍາຍເມັດພັນ ໃນປີ 2006.
ລັກສະນະປະຈຳພັນ.
| ປະເພດເຂົ້າ | ເຂົ້າຈ້າວ |
| ຜົນຜະລິດ | 2.1- 3.4 ໂຕນຕໍ່ເຮັກຕາ |
| ອາຍຸ | 125-130 ວັນ. ບໍ່ມີຄວາມຮູ້ສຶກຕໍ່ຊ່ວງແສງ |
| ລັກສະນະແຕກກໍ | 10 – 15 ຕົ້ນຕໍ່ສຸມ |
| ລວງສູງ | 80-85 ຊັງຕີແມັດ |
| ລັກສະນະຂອງລຳຕົ້ນ | ນ້ອຍບາງແຕ່ແຂງແຮງດີ, ທົນຕໍ່ການລົ້ມ |
| ລັກສະນະຂອງໃບ | ກາບໃບສີມ່ວງ, ແຜ່ນໃບສີຂຽວ, ແຜ່ນໃບມີຂົນ, ໃບແຄບ |
| ລັກສະນະຂອງຮວງ | ຮວງນ້ອຍ, ເມັດຖີ່, ຮວງຍາວ 21-23 ຊັງຕີແມັດ |
| ສີເມັດເຂົ້າເປືອກ | ສີເຫຼືອງ, ມີຂົນ |
| ຂະໜາດເມັດເຂົ້າເປືອກ (ສະເລ່ຍ) | ຍາວ 8.8 ມີລີແມັດ, ກວ້າງ 2.8 ມີລີແມັດ, ໜາ 2 ມີລີແມັດ |
| ສີເມັດເຂົ້າສານ | ສີຂຽວຂຸ້ນ |
| ຂະໜາດເມັດເຂົ້າສານ (ສະເລ່ຍ) | ຍາວ 8.44 ມີລີແມັດ, ກວ້າງ 2.75 ມີລີແມັດ, ໜາ 1.94 ມີລີແມັດ |
| ຮູບຮ່າງ | ຮຽວ |
| ນ້ຳໜັກ 1,000 ເມັດ | 21 ກຼາມ |
| ຄຸນນະພາບການກິນ | ແຂງ, ບໍ່ຫອມ, ເວລາຫຸງເມັດເຂົ້າຕື່ງດີ, ມີລົດຫວານ |
ຈຸດດີ ແລະ ຈຸດອ່ອນ.
• ຈຸດດີ: ສາມາດປູກໄດ້ໃນພື້ນທີ່ໄຮ່, ພື້ນທີ່ນາລະດູແລ້ງ ແລະ ນາລະດູຝົນ. ປູກໄດ້ກັບດິນເຂດປ່າເລົ່າອ່ອນ ແລະ ປູກຕໍ່ເນື່ອງ. ລຳຕົ້ນແຂງແຮງດີ, ທົນຕໍ່ການລົ້ມ, ທົນຕໍ່ແມງໄຂ່ປາ ແລະ ພະຍາດຈຸດສີນ້ຳຕານ. ສາມາດແປຮູບໄດ້ຫຼາຍຢ່າງເຊັ່ນ: ເຂົ້າປຸ້ນ ແລະ ເສັ້ນໝີ່. ຕອບສະໜອງຝຸ່ນໄດ້ດີ.
• ຈຸດອ່ອນ: ເມັດນ້ອຍ, ເມັດຄາຍ, ຄຸນນະພາບການກິນແຂງ, ເວລາຫຸງຕ້ອງໄດ້ໃສ່ນ້ຳຫຼາຍ, ບໍ່ຫອມ, ບໍ່ທົນຕໍ່ການທຳລາຍຂອງແມງບົ່ວ.
ວິທີການປູກ.
ສະຖານທີ່ແນະນຳປູກ.
ສາມາດປູກໄດ້ໃນພື້ນທີ່ ທີ່ມີລະດັບຄວາມສູງຈາກໜ້ານ້ຳທະເລ 200-1,300 ແມັດ. ປູກໄດ້ດີໃນທຸກພາກຂອງປະເທດເຊັ່ນ: ແຂວງບໍ່ແກ້ວ, ໄຊຍະບູລີ, ຫຼວງພະບາງ, ອຸດົມໄຊ, ຫຼວງນ້ຳທາ, ຊຽງຂວາງ, ນະຄອນຫຼວງວຽງຈັນ, ສະຫວັນນະເຂດ ແລະ ຈຳປາສັກ.
ການປູກ.
ຄວນນຳໃຊ້ແນວພັນປູກໃນອັດຕາ 60 ກລ/ຮຕ, ຄວາມງອກບໍ່ຕ່ຳກວ່າ 85%, ໄລຍະຫ່າງການປູກ 25 x 25 ຊມ, ຈຳນວນ 5-6 ເມັດຕໍ່ຂຸມ ແລະ ສັກເລິກປະມານ 2-3 ຊມ. ເພື່ອປ້ອງກັນການທຳລາຍຂອງສັດຕູພືດ.
ລະດູການປູກ.
ລະດູການປູກທີ່ເໝາະສົມແມ່ນທ້າຍເດືອເມສາຫາເດືອນພຶດສະພາ. ຖ້າປູກຊ້າຈະເຮັດໃຫ້ຜົນຜະລິດຫຼຸດລົງ.
ການບົວລະບັດຮັກສາ.
ຫຼັງຈາກສັກເຂົ້າແລ້ວປະມານ 15-25 ວັນ ຄວນເສຍຫຍ້າຄັ້ງທີ 1, ບໍ່ຄວນໃຫ້ຫຍ້າສູງເກີນໄປເພາະຫຍ້າຈະຍາດທາດອາຫານຈາກຕົ້ນເຂົ້າ ແລະ ເປັນບ່ອນລີ້ຊ່ອນຂອງແມງໄມ້.
ການໃສ່ຝຸ່ນ.
ຖ້າເປັນພື້ນທີ່ມີຄວາມຄ້ອຍຊັນບໍ່ແນະນຳໃຫ້ໃສ່ຝຸ່ນເພາະຈະເຮັດໃຫ້ຝຸ່ນເຊາະໄຫຼໜີ. ຖ້າເປັນພື້ນທີ່ຮາບພຽງ ຫຼື ພື້ນທີ່ນາທີ່ມີຄວາມອຸດົມສົມບູນຂອງດິນຕ່ຳຫາປານກາງ ມີການກຽມດິນ, ແນະນຳໃຫ້ໃຊ້ຝຸ່ນສູດ 15-15-15 ຮອງພືນກ່ອນການປູກຈຳນວນ 100 ກລ/ຮຕ ແລະ ຝຸ່ນເລັ່ງຈໍານວນ 50 ກລ/ຮຕ ( ຝຸ່ນຢູເຣຍ 46-00-00 ) ໃສ່ຫຼັງຈາກປູກ 45 ວັນ.
ໝາຍເຫດ: ການປູກເຂົ້າແນວພັນນີ້ຮ່ວມກັບແນວພັນເຂົ້າປີຈະເຮັດໃຫ້ຜົນຜະລິດເຂົ້າເສຍຫາຍຫຼາຍ ຍ້ອນການທຳລາຍຂອງນົກ ແລະ ໜູ.
ແຫຼ່ງຂໍ້ມູນ: ຄຳແນະນຳ ການນຳໃຊ້ແນວພັນເຂົ້າສຳລັບພາກເໜືອຂອງລາວ, ໂຄງການຄົ້ນຄວ້າລະບົບການຜະລິດກະສິກຳ ໂດຍເອົາເຂົ້າເປັນພື້ນຖານ ໃນເຂດພູດອຍ ຢູ່ພາກເໜືອ.
ຂໍ້ມູນເພີມຕື່ມ:
ຂໍ້ມູນເຕັກນິກ:
ວີດີໂອ:
ຕິດຕໍ່:
ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ
ເຂົ້າຈ້າວພັນປັບປຸງ IR60080-46A
1. ປະຫວັດຄວາມເປັນມາ.
ເຂົ້າຈ້າວ IR60080-46A ເປັນແນວພັນປັບປຸງ ເຊັ່ນນຳມາຈາກສະຖາບັນຄົ້ນຄວ້າເຂົ້ານາໆຊາດ (IRRI) ເພື່ອສຶກສາ ແລະ ຄັດເລືອກໃນປີ 2003. ຜົນໄດ້ຮັບເຫັນວ່າປັບຕົວໄດ້ດີ ແລະ ໄດ້ເລີ່ມປູກຂະຫຍາຍເມັດພັນ ໃນປີ 2006.
2. ລັກສະນະປະຈຳພັນ.
| ປະເພດເຂົ້າ | ເຂົ້າຈ້າວ |
| ຜົນຜະລິດ | 1.5-3.0 ໂຕນຕໍ່ເຮັກຕາ |
| ອາຍຸ | 125-130 ວັນ. ບໍ່ມີຄວາມຮູ້ສຶກຕໍ່ຊ່ວງແສງ |
| ລັກສະນະແຕກກໍ | 9 – 12 ຕົ້ນຕໍ່ສຸມ |
| ລວງສູງ | ປະມານ 89.6 ຊັງຕີແມັດ |
| ລັກສະນະຂອງລຳຕົ້ນ | ແຂງແຮງດີທົນຕໍ່ການລົ້ມ |
| ລັກສະນະຂອງໃບ | ກາບໃບສີຂຽວ, ໃບສີຂຽວເຂັ້ມ, ແຜ່ນໃບບໍ່ມີຂົນ |
| ຄວາມຍາວຂອງຮວງ | 23-25 ຊັງຕີແມັດ |
| ສີເມັດເຂົ້າເປືອກ | ສີເຫຼືອງ, ບໍ່ມີຂົນ |
| ຂະໜາດເມັດເຂົ້າເປືອກ (ສະເລ່ຍ) | ຍາວ 10.67 ມີລີແມັດ, ກວ້າງ 3.3 ມີລີແມັດ, ໜາ 2.30 ມີລີແມັດ |
| ສີເມັດເຂົ້າສານ | ສີເຫຼືອງ, ບໍ່ມີຂົນ |
| ຂະໜາດເມັດເຂົ້າສານ (ສະເລ່ຍ) | ຍາວ 10.09 ມີລີແມັດ, ກວ້າງ 2.84 ມີລີແມັດ, ໜາ 2.13 ມີລີແມັດ |
| ຮູບຮ່າງ | ຮຽວ |
| ນ້ຳໜັກ 1,000 ເມັດ | 30 ກຼາມ |
| ຄຸນນະພາບການກິນ | ອ່ອນ |
| ເປີເຊັນການສີ | ສູງ (70%) ປະລິມານທາດອາມີໂລດ 14.5% |
3. ຈຸດດີ ແລະ ຈຸດອ່ອນ.
• ຈຸດດີ: ສາມາດປູກໄດ້ໃນພື້ນທີ່ໄຮ່, ພື້ນທີ່ນາລະດູຝົນ ແລະ ນາລະດູແລ້ງ. ປູກກັບດິນເຂດປ່າເລົ່າອ່ອນ ແລະ ປູກຕໍ່ເນື່ອງ. ລຳຕົ້ນແຂງແຮງດີ, ທົນທານຕໍ່ການລົ້ມ.
• ຈຸດອ່ອນ: ບໍ່ທົນຕໍ່ການທຳລາຍຂອງແມງບົ່ວ ແລະ ບໍ່ທົນຕໍ່ແມງໄຂ່ປາ.
4. ວິທີການປູກ
4.1. ສະຖານທີ່ແນະນຳປູກ.
ສາມາດປູກໄດ້ໃນພື້ນທີ່ ທີ່ມີລະດັບຄວາມສູງຈາກໜ້ານ້ຳທະເລ 200 – 1,500 ແມັດ. ປູກໄດ້ໃນເຂດພາກເໜືອເຊັ່ນ: ແຂວງບໍ່ແກ້ວ, ຫຼວງພະບາງ, ໄຊຍະບູລີ, ອຸດົມໄຊ, ຫຼວງນ້ຳທາ ແລະ ຊຽງຂວາງ.
4.2. ການປູກ.
ຄວນນຳໃຊ້ແນວພັນປູກໃນອັດຕາ 60-80 ກລ/ຮຕ, ຄວາມງອກບໍ່ຕ່ຳກວ່າ 85%, ໄລຍະຫ່າງການປູກ 25 x 25 ຊມ, ຈຳນວນ 5-6 ເມັດຕໍ່ຂຸມ ແລະ ສັກເລິກປະມານ 2-3 ຊມ ເພື່ອປ້ອງກັນການທຳລາຍຂອງສັດຕູພືດ.
4.3. ລະດູການປູກ.
ລະດູການປູກທີ່ເໝາະສົມແມ່ນທ້າຍເດືອນເມສາຫາເດືອນພຶດສະພາ. ຖ້າປູກຊ້າຈະເຮັດໃຫ້ຜົນຜະລິດຫຼຸດລົງ.
4.4. ການບົວລະບັດຮັກສາ.
ຫຼັງຈາກສັກເຂົ້າແລ້ວປະມານ 15-25 ວັນ ຄວນເສຍຫຍ້າຄັ້ງທີ 1, ບໍ່ຄວນປ່ອຍໃຫ້ຫຍ້າຂື້ນສູງເກີນໄປ, ເພາະຫຍ້າຈະຍາດທາດອາຫານຈາກຕົ້ນເຂົ້າ ແລະ ເປັນບ່ອນລີ້ຊ່ອນຂອງແມງໄມ້.
ຖ້າເປັນພື້ນທີ່ມີຄວາມຄ້ອຍຊັນບໍ່ແນະນຳໃຫ້ໃສ່ຝຸ່ນເພາະຈະເຮັດໃຫ້ຝຸ່ນເຊາະໄຫຼໜີ. ຖ້າເປັນພື້ນທີ່ຮາບພຽງ ຫຼື ພື້ນທີ່ນາທີ່ມີຄວາມອຸດົມສົມບູນຂອງດິນຕ່ຳຫາປານກາງ ມີການກຽມດິນ, ແນະນຳໃຫ້ໃຊ້ຝຸ່ນສູດ 15-15-15 ຮອງພືນກ່ອນການປູກຈຳນວນ 100 ກລ/ຮຕ ແລະ ຝຸ່ນເລັ່ງຈໍານວນ 50 ກລ/ຮຕ ( ຝຸ່ນຢູເຣຍ 46-00-00 ) ໃສ່ຫຼັງຈາກປູກ 45 ວັນ.
ແຫຼ່ງຂໍ້ມູນ: ຄຳແນະນຳ ການນຳໃຊ້ແນວພັນເຂົ້າສຳລັບພາກເໜືອຂອງລາວ, ໂຄງການຄົ້ນຄວ້າລະບົບການຜະລິດກະສິກຳ ໂດຍເອົາເຂົ້າເປັນພື້ນຖານ ໃນເຂດພູດອຍ ຢູ່ພາກເໜືອ.
ຂໍ້ມູນເພີມຕື່ມ:
ຂໍ້ມູນເຕັກນິກ:
ວີດີໂອ:
ຕິດຕໍ່:
ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ
ເຂົ້າທ່າດອກຄຳ 5 (TDK 5 )
ປະຫວັດຄວາມເປັນມາ.
ແນວພັນເຂົ້າໜຽວທ່າດອກຄຳ 5 ເປັນແນວພັນປັບປຸງ ( ແນວພັນປັບປຸງພັນທຳອິດ ) ຂອງລາວທີ່ໄດ້ມາຈາກການປະສົມລະຫວ່າງ RD10/B1014. ເປັນແນວພັນປະສົມທີ່ສະຖານີຄົ້ນຄວ້າ ແລະ ທົດລອງເຂົ້າສາລາຄຳ, ເລີ່ມທົດສອບໃນປີ 1993 ແລະ ແນະນຳໃຊ້ປຕ່ປີ 2000 ເປັນຕົ້ນມາ.
ລັກສະນະປະຈຳພັນ.
ປະເພດເຂົ້າ ເຂົ້າໜຽວ
ຜົນຜະລິດ 4-5 ໂຕນຕໍ່ເຮັກຕາ
ອາຍຸ 130-135 ວັນ
ລັກສະນະແຕກກໍ ແຕກກໍໄດ້ຫຼາຍ ແລະ ມີຊົງຕົ້ນຕັ້ງຊື່ດີ
ລວງສູງ ປະມານ 115 ແມັດ
ລັກສະນະຂອງລຳຕົ້ນ ແຂງແຮງລະດັບກາງ
ລັກສະນະຂອງໃບ ສີຂຽວເຂັ້ມ ແລະ ໃບຕັ້ງຊື່ດີ
ສີເມັດເຂົ້າເປືອກ ສີເຫຼືອງ
ຂະໜາດເມັດເຂົ້າສານ ຍາວ 9.99 ມີລີແມັດ, ກວ້າງ 3.19 ມີລີແມັດ, ໜາ 2.1 ມີລີແມັດ
ຮູບຮ່າງ ຮຽວ
ນ້ຳໜັກ 1,000 ເມັດ 26.5 ກຼາມ
ຄຸນນະພາບການກິນ ອ່ອນນຸ່ມດີ
ເປີເຊັນການສີ ສູງ (65%)
| ປະເພດເຂົ້າ | ເຂົ້າໜຽວ |
| ຜົນຜະລິດ | 4-5 ໂຕນຕໍ່ເຮັກຕາ |
| ອາຍຸ | 130-135 ວັນ |
| ລັກສະນະແຕກກໍ | ແຕກກໍໄດ້ຫຼາຍ ແລະ ມີຊົງຕົ້ນຕັ້ງຊື່ດີ |
| ລວງສູງ | ປະມານ 115 ແມັດ |
| ລັກສະນະຂອງລຳຕົ້ນ | ແຂງແຮງລະດັບກາງ |
| ລັກສະນະຂອງໃບ | ສີຂຽວເຂັ້ມ ແລະ ໃບຕັ້ງຊື່ດີ |
| ສີເມັດເຂົ້າເປືອກ | ສີເຫຼືອງ |
| ຂະໜາດເມັດເຂົ້າສານ | ຍາວ 9.99 ມີລີແມັດ, ກວ້າງ 3.19 ມີລີແມັດ, ໜາ 2.1 ມີລີແມັດ |
| ຮູບຮ່າງ | ຮຽວ |
| ນ້ຳໜັກ | 1,000 ເມັດ 26.5 ກຼາມ |
| ຄຸນນະພາບການກິນ | ອ່ອນນຸ່ມດີ |
| ເປີເຊັນການສີ | ສູງ (65%) |
ຈຸດດີ ແລະ ຈຸດອ່ອນ.
ຈຸດດີ: ຜົນຜະລິດດີ, ເມັດເຕັມດີ, ແຕກກໍດີ, ນ້ຳໜັກສູງເວລາສີ, ກິນອ່ອນ, ທົນທານຕໍ່ພະຍາດໃໝ້ໃນລະດັບກາງ, ປັບຕົວໄດ້ດີໃນທຸກເຂດທົ່ວປະເທດ.
ຈຸດອ່ອນ: ບໍ່ທົນຕໍ່ແມງບົ່ວ, ບໍ່ທົນຕໍ່ເພ້ຍຈັກກະຈັ່ນສີຂຽວ ແລະ ສີນ້ຳຕານ, ບໍ່ທົນຕໍ່ດ້ວງກໍ, ຖອກຮວງບໍ່ສະໝ່ຳສະເໝີໃນພື້ນທີ່ ທີ່ມີຄວາມອຸດົມສົມບູນບໍ່ສະມ່ຳສະເໝີ ແລະ ຕົ້ນຈ່າງ ມັກລົ້ມເວລາເກັບກ່ຽວ.
ວິທີປູກ.
ລະດູຕົກກ້າ ແລະ ປັກດຳ.
• ນາປີ: ເຂດພາກເໜືອແນະນຳໃຫ້ເລີ່ມຕົກກ້າກາງເດືອນມິຖຸນາ, ປັກດຳທ້າຍເດືອນມິຖຸນາ ແລະ ເກັບກ່ຽວຊ່ວງທ້າຍເດືອນຕຸລາ.
• ນາແຊງ: ຕົກກ້າໃນກາງເດືອນພະຈິກ, ປັກດຳທ້າຍເດືອນທັນວາ ແລະ ເກັບກ່ຽວທ້າຍເດືອນພຶດສະພາ.
• ອາຍຸເໝາະສົມໃນການປັກດຳ: 21-25 ວັນ ສໍາລັບນາຝົນ ແລະ 25-30 ວັນ ສໍາລັບນາແຊງ. ໃນເຂດ ໜາວອາຍຸກ້າອາດຈະຍາວກວ່າ, ແຕ່ຕ້ອງສັງເກດເບີ່ງຈຳນວນໃບກ້າທີ່ມີ 4.5 – 5.5 ໃບ ( ນັບທັງໃບເຄົ້າ ).
• ໄລຍະປັກດຳ: 20 x 20 ຊັງຕີແມັດ ຫຼື 25 ສຸມຕໍ່ຕາລາງແມັດ
• ຈຳນວນກີບກ້າປັກດຳ: 3-4 ກີບກ້າຕໍ່ສຸມ.
ອັດຕາຝຸ່ນເຄມີ.
• ຝຸ່ນຮອງພື້ນ: ປຸ໋ຍສູດ 16-20-00 ໃນອັດຕາ 50 ກລ/ຮຕ ( ສໍາລັບນາດິນໜຽວ ) ຫຼື 200 ກລ/ຮຕ ຂອງປຸ໋ຍສູດ 15-15-15 ( ສໍາລັບນາດິນຊາຍ ) ຫວ່ານໃນເວລາປັກດໍາ.
• ຝຸ່ນເລັ່ງ: ຫວ່ານຝຖ່ນເລັ່ງ 2 ຄັ້ງ ໃນເວລາ 25-30 ວັນ ແລະ 45-50 ວັນ ຫຼັງປັກດໍາໃນອັດຕາ 50 ກລ/ຮຕ ໃນແຕ່ລະຄັ້ງ.
ໝາຍເຫດ: ນາຕີນບ້ານດິນທີ່ມີຄວາມອຖດົມສົມບູນບໍ່ຕ້ອງໃສ່ຝຸ່ນ ( ເມື່ອສັງເກດເຫັນໃບເຂົ້າຂຽວຢູ່ຕະຫຼອດ ). ນາດິນບໍ່ອຸດົມສົມບູນຄວນໃສ່ຝຸ່ນຄອກໃນອັດຕາ 3-5 ຕ/ຮຕ ກ່ອນ.
ຂໍ້ຄວນເອົາໃຈໃສ່: ແຂວງຫຼວງນ້ຳທາປູກເຂົ້າທ່າດອກຄຳ 5 (TDK5) ຫຼາຍກວ່າເຂົ້າອົບປົບ ແລະ ເຂົ້ານາຊາງ. ເມືອງໄຊ, ແຂວງອຸດົມໄຊ ປູກເຂົ້ານາຊາງກວມປະມານ 60% ທັງນາປີ ແລະ ນາແຊງ, ສ່ວນເຂົ້າທ່າດອກຄຳ 5 ກໍ່ເໝາະສົມ ແລະ ກຳລັງເລີ່ມຂະຫຍາຍ.
ແຫຼ່ງຂໍ້ມູນ: ປື້ມຄຳແນະນຳການນຳໃຊ້ແນວພັນເຂົ້າສຳລັບພາກເໜືອຂອງລາວ. ໂຄງການຄົ້ນຄວ້າລະບົບການຜະລິດກະສິກຳ ໂດຍເອົາເຂົ້າເປັນພື້ນຖານ ໃນເຂດພູດອຍ ຢູ່ພາກເໜືອ.
ຂໍ້ມູນເພີມຕື່ມ:
ຂໍ້ມູນເຕັກນິກ:
ວີດີໂອ
ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ
ການປູກໝາກເຜັດຢວກ
ການກຽມດິນ.
ຂຸດໄຖດິນໃຫ້ເລິກປະມານ 25 ຫາ 30 ຊມ, ຕາກດິນໄວ້ປະມານ 7 ຫາ 10 ວັນ, ໃສ່ຝຸ່ນຄອກ ຫຼື ຝຸ່ນບົ່ມທີ່ລະລາຍຕົວດີແລ້ວຈຳນວນ 12 ຫາ 13 ໂຕນ/ເຮັກຕາ. ຖ້າດິນມີຄວາມເປັນກົດສູງຄວນໃຊ້ປູນຂາວຊ່ວຍໃນຈຳນວນ 1,200 ຫາ 1,300 ກິໂລ/ເຮັກຕາ ເພື່ອຊ່ວຍຫຼຸດຜ່ອນຄວາມເປັນກົດຂອງດິນ. ຈາກນັ້ນກໍ່ປະສົມກັບດິນ ແລະ ຍ່ອງດິນໃຫ້ມິຂະໜາດນ້ອຍຫຼັງຈາກໃສ່ປູນຂາວແລ້ວ 15 ຫາ 20 ມື້ ຈິ່ງປູກເບ້ຍໝາກເປັດໄດ້.
ການກ້າເບ້ຍ.
ຫຼັງຈາກກຽມໜານກ້າແລ້ວໃຫ້ຫວ່ານເມັດພັນໃຫ້ກະຈາຍທົ່ວໜານ ຫຼື ເຮັດເປັນແຖວຫ່າງກັນ 15 ຊັງຕີແມັດ, ເຮັຮ່ອງເລິກປະມານ 1 ຊັງຕີແມັດ. ແລ້ວໂຮຍເມັດພັນລົງໃນຮ່ອງແລ້ວປົກດ້ວຍຝຸ່ນຄອກ, ຝຸ່ນບົ່ມ ຫຼື ດິນລະອຽດກໍ່ໄດ້ໃຫ້ໜາປະມານ 0.5 ຫາ 1.0 ຊັງຕີແມັດ. ຫົດນ້ຳໃຫ້ຊຸ່ມແລ້ວປົກດ້ວຍເຟືອງ ຫຼື ຫຍ້າແຫ້ງບາງໆ. ຫຼັງຈາກເບ້ຍງອກໄດ້ 15 ຫາ 20 ມື້ໃຫ້ຫຼົກແຍກຕົ້ນທີ່ບໍ່ສົມບູນອອກພ້ອມກັນນັ້ນໃຫ້ພະຍາຍາມຈັດໄລຍະຫ່າງເບ້ຍໃຫ້ຫ່າງກັນປະມານ 10 ຊັງຕີແມັດ.
ການປູກຕົ້ນໝາກເຜັດຢວກ.
ໄລຍະປູກທີ່ເໝາະສົມສຳລັບຕົ້ນໝາກເຜັດຢວກຄວນໃຊ້ໄລຍະຫ່າງລະຫວ່າງຕົ້ນຕໍ່ຕົ້ນ 50 ຊັງຕີແມັດ, ລະຫວ່າງແຖວຕໍ່ແຖວ 60 ຊັງຕີແມັດ. ຫຼັງຈາກ.ຍມໜານປູກແລ້ວກໍ່ນຳເອົາເບ້ຍທີ່ໄດ້ຂະໜາດດີແລ້ວໄປປູກໄດ້ເລີຍ. ຕົ້ນເບ້ຍທີ່ຈະຍ້າຍມາປູກຄວນເປັນຕົ້ນທີ່ແຂງແຮງອາຍຸປະມານ 30 ຫາ 40 ມື້ ສູງປະມານ 10 ຫາ 15 ຊັງຕີແມັດ, ການຫຼົກເອົາເບ້ຍຄວນໃຫ້ມີດິນຕິດຫຼາຍທີ່ສຸດ ແລະ ເຮັດຢ່າງລະມັດລະວັງ. ເບ້ຍທີ່ຫຼົກມາຕ້ອງຮີບປູກທັນທີ, ການປູກຄວນບີບດິນອ້ອມຕົ້ນເບ້ຍໃຫ້ແໜ້ນ ແລະ ລະວັງຢ່າໃຫ້ຮາກຂາດເພາະຈະເຮັດໃຫ້ຕົ້ນໝາກເຜັດລົ້ມໄດ້ງ່າຍເພາະວ່າຕົ້ນໝາກເຜັດມີຮາກແຜ່ກະຈາຍຢູ່ໜ້າດິນ. ຫຼັງຈາກປູກແລ້ວຫົດນ້ຳໃຫ້ຊຸ່ມໃຊ້ເຟືອງ ຫຼື ຫຍ້າແຫ້ງປົກຄຸມດິນເຮັດຮ້ານບັງແດດ ເພື່ອປ້ອງກັນບໍ່ໃຫ້ເບ້ຍຖືກແດດກ້າໃນໄລຍະເລີ່ມຍ້າຍປູກໃໝ່ໆເພາະວ່າເບ້ຍຈະໃຫຍ່ຊ້າ ຫຼື ແຫ້ງຕາຍ.
ການບົວລະບັດຮັກສາ.
ການໃສ່ຝຸ່ນ.
ຝຸ່ນທີ່ແນະນຳຄືຝຸ່ນເຄມີສູດ 15-15-15 ຫຼື 14-14-21 ໃສ່ໃນຈຳນວນ 300 ຫາ 500 ກລ/ຮຕ ຂຶ້ນກັບຄວາມອຸດົມສົມບູນຂອງດິນໂດຍແບ່ງໃສ່ 2 ເທື່ອ. ເທື່ອທີ 1 ໃສ່ປະມານເຄິ່ງໜຶ່ງຮອງພື້ນແລ້ວພວນດິນປົກ. ເທື່ອທີ 2 ໃສ່ອີກເຄິ່ງໜຶ່ງທີ່ຍັງເຫຼືອໃສ່ເມື່ອຕົ້ນໝາກເຜັດມີອາຍຸໄດ້ 30 ວັນ ຫຼັງຈາກຍ້າຍປູກໃສ່ແບບໂຮຍຂ້າງຕົ້ນແລ້ວພວນດິນປົກ.
ການໃຫ້ນ້ຳ.
ຄວນໃຫ້ທຖກໆວັນຫຼັງຈາກປູກຈົນເຖີງເບ້ຍຕັ້ງໂຕໄດ້ປະມານ 5 ຫາ 6 ອາທິດ. ຫຼັງຈາກນັ້ນຈິ່ງຫຼຸດຜ່ອນປະລິມານນ້ຳລົງຊຶ່ງອາດຈະໃຫ້ນ້ຳ 3 ເທື່ອຕໍ່ມື້ກໍ່ໄດ້ຕ້ອງຫຼຸດສະພາບຄວາມຊຸ່ມຊື້ນຂອງດິນອີກດ້ວຍ. ຢ່າໃຫ້ນ້ຳປຽກ ຫຼື ແຫ້ງເກີນໄປເພາະຈະເຮັດໃຫ້ຕົ້ນໝາກເຜັດຢຸດສະງັກການຈະເລີນເຕີບໂຕ.
ການເກັບກ່ຽວ
ອາຍຸການເກັບກ່ຽວຂອງໝາກເຜັດຢວກແຕ່ວັນງອກເຖີງວັນເກັບກ່ຽວ 90 ຫາ 120 ມື້. ການເກັບເດັດເອົາເທື່ອລະໝາກໃຊ້ເລັບມືເດັດເອົາຮອຍຕໍ່ກ້ານໝາກກັບກິ່ງ.
ແຫຼ່ງຂໍ້ມູນ: ຄັດຈາກປື້ມ: ຂໍ້ແນະນຳເຕັກນິກການປູກໝາກເຜັກຢວກ, ໂຄງການສົ່ງເສີມກະສິກຳ
ຂໍ້ມູນເພີມຕື່ມ:
ຂໍ້ມູນເຕັກນິກ:
ວີດີໂອ:
ຕິດຕໍ່:
ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ
ເຂົ້າທ່າດອກຄຳ 8 (TDK8)
ປະຫວັດຄວາມເປັນມາ.
ແນວພັນເຂົ້າໜຽວທ່າດອກຄຳ 8 (TDK8) ແມ່ນໄດ້ພັດທະນາຈາກນັກປັບປຸງພັນເຂົ້າຂອງລາວ ທີ່ສູນຄົ້ນຄວ້າກະສິກຳ ( ສູນນາພອກ ). ຊື່ສາຍພັນ TDK37-B-3-2-1-B ທີ່ໄດ້ຈາກການປະສົມຈາກແນວພັນ RD10/TDK1 ໃນປີ 1996. ຫຼັງຈາກໄດ້ສາຍພັນຄົງຕົວແລ້ວໄດ້ສົ່ງອອກທົດລອງຂັ້ນທ້ອງຖິ່ນ ໃນຂອບເຂດທົ່ວປະເທດ ແລະ ເຫັນວ່າເປັນສາຍພັນທີ່ດີ. ຈົນມາເຖີງປີ 2006-2007 ຈິ່ງໄດ້ຮັບຮອງ ແລະ ສົ່ງອອກເປັນແນວພັນ.
ລັກສະນະປະຈຳພັນ.
| ປະເພດເຂົ້າ | ເຂົ້າໜຽວ |
| ຜົນຜະລິດ | 4 – 6 ໂຕນ/ເຮັກຕາ |
| ອາຍຸ | 135 – 140 ວັນ |
| ລັກສະນະແຕກກໍ | ແຕກກໍໄດ້ຫຼາຍ ແລະ ມີຊົງຕົ້ງຕັ້ງຊື່ |
| ລວງສູງ | 90 – 110 ຊັງຕີແມັດ |
| ລັກສະນະຂອງລຳຕົ້ນ | ແຂງແຮງ ແລະ ບໍ່ລົ້ມເວລາສຸກແກ່ |
| ລັກສະນະຂອງໃບ | ສີຂຽວເຂັ້ມ ແລະ ໃບຕັ້ງຊື່ດີ |
| ສີເມັດເຂົ້າເປືອກ | ສີນ້ຳຕານເຂັ້ມ |
| ຂະໜາດເມັດເຂົ້າສານ | ຍາວ 11.35 ມີລີແມັດ, ກວ້າງ 2.68 ມີລີແມັດ, ໜາ 2.25 ມີລີແມັດ |
| ຮູບຮ່າງ | ຮຽວ |
| ນ້ຳໜັກ | 1,000 ເມັດ 27 ກຼາມ |
| ຄຸນນະພາບການກິນ | ອ່ອນນຸ່ມດີ |
| ເປີເຊັນການສີ | ສູງ (66%) ສູງກວ່າ TDK1 (58%) ແລະ TDK6 |
ຈຸດດີ ແລະ ຈຸດອ່ອນ
• ຈຸດດີ: ເປັນແນວພັນໃຫ້ຜົນຜະລິດສູງ, ສາມາດປູກທັງນາປີ ແລະ ນາແຊງ, ເວລາສີແມ່ນໄດ້ເຂົ້າສານຫຼາຍກວ່າແນວພັນອື່ນໆ, ຕອບສະໜອງຕໍ່ຝຸ່ນໄນໂຕຼເຈນ
(Nitrogen) ໄດ້ດີ. ເປັນແນວພັນຕົ້ນແຂງ, ບໍ່ລົ້ມ ແລະ ເໝາະສົມໃນການປູກໃສ່ດິນທີ່ມີຄວາມອຸດົມສົມບູນສູງ. ທົນທານຕໍ່ເພ້ຍຈັກກະຈັ່ນ ແລະ ພະຍາດໃໝ້ໃນລະດັບກາງ. ສຳຄັນແມ່ນກິນອ່ອນນຸ່ມດີ. ປັບຕົວໄດ້ດີເໝາະສົມໃນເຂດພາກກາງ ແລະ ພາກໃຕ້ ແລະ ບາງເຂດໃນພາກເໜືອເຊັ່ນ: ແຂວງຫຼວງພະບາງ, ໄຊຍະບູລີ ແລະ ບາງເມືອງຂອງແຂວງບໍ່ແກ້ວ.
• ຈຸດອ່ອນ: ບໍ່ທົນຕໍ່ແມງບົ່ວ ແລະ ດ້ວງກໍ, ບໍ່ເໝາະສົມປູກໃນດິນທີ່ມີຄວາມອຸດົມສົມບູນຕ່ຳ.
ວິທີປູກ.
ລະດູຕົກກ້າ ແລະ ປັກດຳ.
• ລະດູຝົນ: ເຂດພາກເໜືອເລີ່ມຕົກກ້າກາງເດືອນພຶດສະພາຫາຕົ້ນເດືອນມິຖຸນາ ແລະ ປັກດຳກາງເດືອນມິຖຸນາຫາຕົ້ນເດືອນກໍລະກົດ. ເຂດພາກກາງ ແລະ ພາກໃຕ້ຕົກກ້າໃນເດືອນມິຖຸນາ ແລະ ປັກດຳທ້າຍເດືອນກໍລະກົດ.
• ນາແຊງ: ຕົກກ້າໃນກາງເດືອນພະຈິກ ແລະ ປັກດຳໃນກາງເດືອນທັນວາ.
• ອາຍຸກ້າເໝາະສົມໃນການປັກດຳ: 21-25 ວັນ ສໍາລັບນາປີ ແລະ 25-30 ວັນ ສໍາລັບນາແຊງ. ໃນເຂດໜາວອາຍຸກ້າອາດຈະຍາວກວ່າ, ແຕ່ຕ້ອງສັງເກດເບີ່ງຈຳນວນໃບກ້າທີ່ມີ 4.5 – 5.5 ໃບ ( ນັບທັງໃບເຄົ້າ )
• ໄລຍະປັກດຳ: 20 x 20 ຊມ ຫຼື 25 ສຸມຕໍ່ຕາງແມັດ
• ຈຳນວນກີບກ້າປັກດຳ: 3-4 ກີບກ້າຕໍ່ສຸມ
ອັດຕາຝຸ່ນເຄມີ.
• ຝຸ່ນຮອງພື້ນ: ປຸ໋ຍສູດ 16-20-00 ໃນອັດຕາ 150 ກລ/ຮຕ( ສໍາລັບດິນໜຽວ ) ຫຼື 200 ກລ/ຮຕ ຂອງປຸ໋ຍ15-15-15 ( ສຳລັບນາດິນຊາຍ ). ຫວ່ານໃນເວລາປັກດຳ.
• ຝຸ່ນເລັ່ງ: ຫວ່ານຝຸ່ນເລັ່ງ 2 ຄັ້ງ ໃນເວລາ 25-30 ວັນ ແລະ 45-50 ວັນ ຫຼັງປັກດໍາໃນອັດຕາ 150 ກລ/ຮຕ ໃນແຕ່ລະຄັ້ງ.
ໝາຍເຫດ: ນາຕີນບ້ານ ດິນທີ່ມີຄວາມອຸດົມສົມບູນສູງບໍ່ຕ້ອງໃສ່ຝຸ່ນ ( ເມື່ອສັງເກດເຫັນໃບເຂົ້າຂຽວຢູ່ຕະຫຼອດ ). ນາດິນບໍ່ອຸດົມສົມບູນຄວນໃສ່ຝຸ່ນຄອກໃນອັດຕາ 3-5 ຕ/ຮຕ ກ່ອນ.
ຂໍ້ຄວນເອົາໃຈໃສ່: ແນວພັນເຂົ້າທ່າດອກຄຳ 8 (TDK8) ອາດຈະບໍ່ເໝາະສົມຢູ່ແຂວງອຸດົມໄຊ, ແຂວງບໍ່ແກ້ວ ແລະ ຫຼວງພະບາງ ເນື່ອງຈາກວ່າແນວພັນດັ່ງກ່າວບໍ່ທົນຕໍ່ສະພາບອາກາດໜາວ ແລະ ບໍ່ທົນຕໍ່ແມງບົ່ວ.
ແຫຼ່ງຂໍ້ມູນ: ປື້ມຄຳແນະນຳການນຳໃຊ້ແນວພັນເຂົ້າສຳລັບພາກເໜືອຂອງລາວ. ໂຄງການຄົ້ນຄວ້າລະບົບການຜະລິດກະສິກຳ ໂດຍເອົາເຂົ້າເປັນພື້ນຖານ ໃນເຂດພູດອຍ ຢູ່ພາກເໜືອ.
ຂໍ້ມູນເພີມຕື່ມ:
ຂໍ້ມູນເຕັກນິກ:
ວີດີໂອ:
ຕິດຕໍ່:
ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ
ເຂົ້າທ່າດອກຄຳ 11 (TDK11)
ປະຫວັດຄວາມເປັນມາ.
ແນວພັນເຂົ້າໜຽວ ທ່າດອກ 11 (TDK11) ແມ່ນພັດທະນາຈາກນັກປັບປຸງພັນເຂົ້າຂອງລາວ ທີ່ສູນຄົ້ນຄວ້າກະສິກຳ ( ສູນນາພອກ ). ຊື່ສາຍພັນ TDK74-B-6-1-2 ປະສົມພັນຈາກແນວພັນ RD23/TDK5/TDK1 ໃນປີ 1996. ຫຼັງຈາກໄດ້ສາຍພັນຄົງຕົວແລ້ວໄດ້ສົ່ງອອກທົດລອງຂັ້ນທ້ອງຖິ່ນ ໃນຂອບເຂດທົ່ວປະເທດ ແລະ ເຫັນວ່າເປັນສາຍພັນທີ່ດີ. ຈົນມາເຖີງປີ 2008-2009 ຈິ່ງໄດ້ຮັບຮອງ ແລະ ສົ່ງອອກເປັນແນວພັນ.
ລັກສະນະປະຈຳພັນ.
| ປະເພດເຂົ້າ | ເຂົ້າໜຽວ |
| ຜົນຜະລິດ | 4-6 ໂຕນ/ເຮັກຕາ |
| ອາຍຸ | 125-135 ວັນ |
| ລັກສະນະແຕກກໍ | ແຕກກໍໄດ້ຫຼາຍ ແລະ ມີຊົງຕົ້ນຕັ້ງຊື່ດີ |
| ລວງສູງ | 90-120 ຊັງຕີແມັດ |
| ລັກສະນະຂອງລຳຕົ້ນ | ບໍ່ແຂງແຮງປານໃດ ແລະ ມັກລົ້ມເວລາເຂົ້າສຸກແກ່ |
| ສີໃບ ແລະ ລັກສະນະໃບ | ສີຂຽວເຂັ້ມ ແລະ ໃບຕັ້ງຊື່ດີ |
| ສີເມັດເຂົ້າເປືອກ | ສີເຫຼືອງ |
| ຂະໜາດເມັດເຂົ້າສານ | ຍາວ 11.64 ມີລີແມັດ, ກວ້າງ 2.71 ມີລີແມັດ, ໜາ 2.20 ມີລີແມັດ |
| ຮູບຮ່າງ | ຮຽວ |
| ນ້ຳໜັກ | 1,000 ເມັດ 29 ກຼາມ |
| ຄຸນນະພາບການກິນ | ອ່ອນນຸ່ມດີ |
| ເປີເຊັນການສີ | ສູງ (67%) |
ຈຸດດີ ແລະ ຈຸດອ່ອນ.
• ຈຸດດີ: ເປັນແນວພັນໃຫ້ຜົນຜະລິດສູງ, ອາຍຸສັ້ນກວ່າແນວພັນອື່ນໆ ສະນັ້ນ, ຈິ່ງເໝາະສົມປູກຢູ່ເຂດນາໂນນ ແລະ ເຂດດິນບໍ່ອຸດົມສົມບູນປານໃດ, ສາມາດປູກໄດ້ທັງນາປີ ແລະ ນາແຊງ. ທົນທານຕໍ່ເຈ້ຍຈັກກະຈັ່ນ ແລະ ພະຍາດໃໝ້ໃນລະດັບປານກາງ. ເວລາສີແມ່ນໃຫ້ເຂົ້າສານຫຼາຍ ແລະ ສຳຄັນແມ່ນຄຸນນະພາບການກິນອ່ອນນຸ່ມດີ, ປັບຕົວໄດ້ກວ້າງ, ເໝາະສົມໃນເຂດພາກກາງ, ພາກໃຕ້ ແລະ ບາງເຂດໃນພາກ ເໜືອ ເຊັ່ນ: ແຂວງຫຼວງພະບາງ ແລະ ແຂວງໄຊຍະບູລີ.
• ຈຸດອ່ອນ: ບໍ່ທົນຕໍ່ແມງບົ່ວ ແລະ ດ້ວງກໍ ( ດ້ວງກໍໃນລະດູນາແຊງ ແລະ ບົ່ວໃນລະດູນາປີ ) ແລະ ບໍ່ຕອບສະໜອງຕໍ່ຝຸ່ນໄນໂຕຼເຈນ (Nitrogen) ໄດ້ດີ.
ວິທີປູກ.
ລະດູຕົກກ້າ ແລະ ປັກດຳ.
• ລະດູຝົນ: ເຂດເໜືອ, ເລີ່ມຕົກກ້າໃນກາງເດືອນພຶດສະພາຫາຕົ້ນເດືອນມິຖຸນາ ແລະ ປັກດຳກາງເດືອນມິຖຸນາຫາເດືອນກໍລະກົດ. ເຂດພາກກາງ ແລະ ພາກໃຕ້ຕົກກ້າໃນເດືອນມິຖຸນາ ແລະ ປັກດຳໃນທ້າຍເດືອນກໍລະກົດ.
• ນາແຊງ: ຕົກກ້າໃນກາງເດືອນພະຈິກ ແລະ ປັກດຳໃນກາງເດືອນທັນວາ.
• ອາຍຸກ້າເໝາະສົມໃນການປັກດຳ: 21-25 ວັນ ສໍາລັບນາປີ ແລະ 25-30 ວັນ ສໍາລັບນາແຊງ. ໃນເຂດໜາວອາຍຸກ້າອາດຈະຍາວກວ່າແຕ່ຕ້ອງສັງເກດເບີ່ງຈຳນວນໃບກ້າທີ່ມີ 4.5 – 5.5 ໃບ ( ນັບທັງໃບເຄົ້າ ).
• ໄລຍະປັກດຳ: 20 x 20 ຊັງຕີແມັດ ຫຼື 25 ສຸມຕໍ່ຕາລາງແມັດ
• ຈຳນວນກີບກ້າປັກດຳ: 3-4 ກີບກ້າຕໍ່ສຸມ.
ອັດຕາຝຸ່ນເຄມີ.
• ຝຸ່ນຮອງພື້ນ: ປຸ໋ຍສູດ 16-20-00 ໃນອັດຕາ 150 ກລ/ຮຕ ( ສໍາລັບນາດິນໜຽວ ) ຫຼື 200 ກລ/ຮຕ ຂອງປຸ໋ຍສູດ 15-15-15 ( ສໍາລັບນາດິນຊາຍ ) ຫວ່ານໃນເວລາປັກດໍາ.
• ຝຸ່ນເລັ່ງ: ຫວ່ານຝຸ່ນເລັ່ງ 2 ຄັ້ງ ໃນເວລາ 25-30 ວັນ ແລະ 45-50 ວັນ ຫຼັງປັກດໍາ ໃນອັດຕາ 50 ກລ/ຮຕ ໃນແຕ່ລະຄັ້ງ.
ໝາຍເຫດ: ນາຕີນບ້ານ ດິນທີ່ມີຄວາມອຸດົມສົມບູນສູງບໍ່ຕ້ອງໃສ່ຝຸ່ນ ( ເມື່ອສັງເກດເຫັນໃບເຂົ້າຂຽວຢູ່ຕະຫຼອດ ). ນາດິນບໍ່ອຸດົມສົມບູນຄວນໃສ່ຝຸ່ນຄອກໃນອັດຕາ 3-5 ໂຕນ/ເຮັກຕາ ກ່ອນ.
ຂໍ້ຄວນເອົາໃຈໃສ່: ເນື່ອງຈາກແນວພັນເຂົ້າທ່າດອກຄຳ 11 (TDK11) ບໍ່ທົນຕໍ່ບົ່ວ ແລະ ດ້ວງກໍ, ຢູ່ແຂວງຫຼວງນ້ຳທາສ່ວນຫຼາຍປູກແຕ່ລະດູນາປີ, ສ່ວນນາແຊງແມ່ນປູກແນວພັນເຂົ້າທ່າດອກຄຳ 5 (TDK5).
ແຫຼ່ງຂໍ້ມູນ: ປື້ມຄໍາແນະນໍາການນໍາໃຊ້ແນວພັນເຂົ້າສໍາລັບພາກເໜືອຂອງລາວ. ໂຄງການຄົ້ນຄວ້າ
ລະບົບການຜະລິດກະສິກໍາ ໂດຍເອົາເຂົ້າເປັນພື້ນຖານ ໃນເຂດພູດອຍ ຢູ່ພາກເໜືອ.
ຂໍ້ມູນເພີມຕື່ມ:
ຂໍ້ມູນເຕັກນິກ:
ວີດີໂອ:
ຕິດຕໍ່:
ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ
ເຂົ້ານາຊາງ (Naxang)
ປະຫວັດຄວາມເປັນມາ.
ແນວພັນເຂົ້າໜຽວນາຊາງມາຈາກ ສປ ຈີນ ທີ່ປະຊາຊົນບ້ານອ່າຍ ແລະ ບ້ານນາສະຫວ່າງ, ເມືອງໄຊໄດ້ນຳເຂົ້າມາຈາກພີ່ນ້ອງຢູ່ 12 ພັນນາ ໃນປີ 2006 – 2007 ແລະ ໃນປີ 2008 – 2009 ໂຄງການອີຣີ-ອີຟາດ ກໍ່ໄດ້ແນະນຳປູກຢູ່ເມືອງອື່ນໆ ໃນແຂວງອຸດົມໄຊ. ປູກແນວພັນເຂົ້ານາຊາງປະມານ 60% ທັງນາປີ ແລະ ນາແຊງ.
ລັກສະນະປະຈຳພັນ.
| ປະເພດເຂົ້າ | ເຂົ້າໜຽວ |
| ຜົນຜະລິດ | 4 – 5,5 ໂຕ່ນຕໍ່ເຮັກຕາ |
| ອາຍຸ | 135 – 140 |
| ລັກສະນະແຕກກໍ | ແຕກກໍປານກາງ ແລະ ມີຊົງລຳຕົ້ນຕັ້ງຊື່ດີ |
| ລວງສູງ | ປະມານ 89 ຊັງຕີແມັດ |
| ລັກສະນະຂອງລຳຕົ້ນ | ແຂງແຮງດີ ແລະ ບໍ່ລົ້ມເວລາສຸກແກ່ |
| ລັກສະນະຂອງໃບ | ສີຂຽວຈາງ, ໃບ ແລະ ໃບວີຕັ້ງຊື່ |
| ສີເມັດເຂົ້າເປືອກ | ສີເຫຼືອງແກ່ |
| ຂະໜາດເມັດເຂົ້າສານ | ຍາວ 10.81 ມີລີແມັດ, ກວ້າງ 3.1 ມີລີແມັດ, ໜາ 2.16 ມີລີແມັດ |
| ຮູບຮ່າງ | ຮຽວ |
| ນ້ຳໜັກ | 1,000 ເມັດ 37 ກຼາມ |
| ຄຸນນະພາບການກິນ | ອ່ອນນຸ້ມດີ |
| ເປີເຊັນການສີ | ສູງ (60% ) |
ຈຸດດີ ແລະ ຈຸດອ່ອນ
ຈຸດດີ: ເປັນແນວພັນໃຫ້ຜົນຜະລິດສູງ, ສາມາດປູກໄດ້ທັງນາປີ ແລະ ນາແຊງ, ຕອບສະໜອງຕໍ່ຝຸ່ນໄນໂຕຼເຈນ (Nitrogen) ໄດ້ດີ ແລະ ສາມາດປັບຕົວໄດ້ດີໃນສະພາບແວດລ້ອມທີ່ກວ້າງຂວາງ. ຕົ້ນສຳໝ່ຳສະເໝີ, ຖອກຮວງພ້ອມກັນ, ຄວາມສູງປານກາງ, ຕົ້ນແຂງ, ບໍ່ລົ້ມເວລາເກັບກ່ຽວ, ແຕກກໍຫຼາຍກວ່າພັນທ້ອງຖິ່ນ. ປູກບໍ່ເລືອກດິນ, ປູກຢູ່ບ່ອນແຫ້ງແລ້ງໄດ້ ( ແຫ້ງແລ້ງໃນຊ່ວງອອກຮວງແຕ່ບໍ່ສົ່ງຜົນສະທ້ອນຕໍ່ຜົນຜະລິດ ). ທົນທານຕໍ່ເພ້ຍຈັກກະຈັ່ນ ແລະ ພະຍາດໃໝ້ໃນລະດັບປານກາງ, ທົນຕໍ່ດ້ວງກໍ ( ທຽບໃສ່ທ່າດອກຄຳ 5 ) ໃນລະດັບກາງ. ສຳຄັນແມ່ນກິນອ່ອນນຸ້ມດີ. ແນວພັນນີ້ເໝາະສົມໃນເຂດພາກເໜືອເຊັ່ນ: ແຂວງອຸດົມໄຊ, ແຂວງຫຼວງນ້ຳທາ ແລະ ແຂວງບໍ່ແກ້ວ.
ຈຸດອ່ອນ: ບໍ່ທົນຕໍ່ແມງບົ່ວ, ສີໄດ້ເຂົ້າສານໜ້ອຍກວ່າເຂົ້າທ້ອງຖິ່ນເນື່ອງຈາກມີເປືອກໜາ ແລະ ເມັດລີບ, ເກີດເຂົ້າ ແລະ ແມງແຄງມັກ, ນ້ຳໜັກເບົາ ( ທຽບໃສ່ທ່າດອກຄຳ 5 ).
ວິທີປູກ.
ລະດູຕົກກ້າ ແລະ ປັກດຳ.
ນາປີ: ເຂດພາກເໜືອເລີ່ມຕົກກ້າກາງເດືອນມິຖຸນາ, ປັກດຳທ້າຍເດືອນມິຖຸນາ ແລະ ເກັບກ່ຽວຊ່ວງທ້າຍເດືອນຕຸລາ.
ນາແຊງ: ຕົກກ້າໃນກາງເດືອນພະຈິກ, ປັກດຳໃນກາງເດືອນທັນວາ ແລະ ເກັບກ່ຽວທ້າຍເດືອນພຶດສະພາ.
ອາຍຸກ້າເໝາະສົມໃນການປັກດຳ: 21 – 25 ວັນສຳລັບນາປີ ແລະ 25 – 30 ວັນສຳລັບນາແຊງ. ໃນເຂດໜາວອາຍຸກ້າອາດຈະຍາວກວ່າ, ແຕ່ຕ້ອງສັງເກດເບິ່ງຈຳນວນໃບກ້າທີ່ມີ 4.5 – 5.5 ໃບ ( ນັບທັງໃບເຄົ້າ )
ໄລຍະປັກດຳ: 20 x 20 ຊັງຕີແມັດ ຫຼື 25 ສຸມຕໍ່ຕາລາງແມັດ
ຈຳນວນກີບກ້າປັກດຳ: 3 – 4 ກີບກ້າຕໍ່ສຸມ
ອັດຕາຝຸ່ນເຄມີ:
• ຝຸ່ນຮອງພື້ນ: ປຸ໋ຍສູດ 16-20-00 ໃນອັດຕາ 150 ກລ/ຮຕ (ສໍາລັບນາດິນໜຽວ) ຫຼື 200 ກລ/ຮຕ ຂອງປຸ໋ຍສູດ 15 -15-15 ( ສໍາລັບນາດິນຊາຍ ) ຫວ່ານໃນເວລາປັກດໍາ.
• ຝຸ່ນເລັ່ງ: ຫວ່ານຝຸ່ນເລັ່ງ 2 ຄັ້ງ, ໃນເວລາ 25 – 30 ວັນ ແລະ 45 – 50 ວັນ ຫຼັງປັກດໍາ ໃນອັດຕາ 50 ກລ/ຮຕ ໃນແຕ່ລະຄັ້ງ.
ໝາຍເຫດ: ນາຕີນບ້ານ ຫຼື ດິນທີ່ມີຄວາມອຸດົມສົມບູນສູງບໍ່ຕ້ອງໃສ່ຝຸ່ນ ( ເມື່ອສັງເກດເຫັນໃບເຂົ້າຂຽວຢູ່ຕະຫຼອດ ). ສ່ວນນາດິນບໍ່ດີຄວນໃສ່ຝຸ່ນຄອກໃນອັດຕາ 3 – 5 ໂຕນ/ເຮັກຕາ ກ່ອນ.
ແຫຼ່ງຂໍ້ມູນ: ປື້ມຄຳແນະນຳການນຳໃຊ້ແນວພັນເຂົ້າສຳລັບພາກເໜືອຂອງລາວ. ໂຄງການຄົ້ນຄວ້າລະບົບການຜະລິດກະສິກຳ ໂດຍເອົາເຂົ້າເປັນພື້ນຖານ ໃນເຂດພູດອຍ ຢູ່ພາກເໜືອ.
ຂໍ້ມູນເພີມຕື່ມ:
ຂໍ້ມູນເຕັກນິກ:
ວີດີໂອ:
ຕິດຕໍ່:
ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ
ເຂົ້າປົມລາຍ (LG1767)
ປະຫວັດຄວາມເປັນມາ.
ແນວພັນເຂົ້າປົມລາຍ (LG1767) ເປັນແນວພັນເຂົ້າພື້ນເມືອງຂອງທ້ອງຖິ່ນເມືອງກາສີ, ແຂວງວຽງຈັນ. ໃນປີ 2006, ສູນຄົ້ນຄວ້າກະສິກຳ ແລະ ປ່າໄມ້ ພາກເໜືອ ໄດ້ນຳມາປູກ ເພື່ອຄັດເລືອກ ແລະ ໃນປຮ 2008, ຈິ່ງໄດ້ນຳໄປທົດສອບໃນພື້ນທີ່ໄຮ່ຂອງຊາວກະສິກອນ. ຜົນໄດ້ຮັບເຫັນວ່າແນວພັນດັ່ງກ່າວມີການຈະເລີນເຕີບໂຕດີ ແລະ ໃຫ້ຜົນຜະລິດສູງ. ໃນປີ 2009 ໂຄງການ NURIFaR ໄດ້ນຳໄປທົດສອບ ແລະ ຂະຫຍາຍໃນພື້ນທີ່ 6 ເມືອງເປົ້າໝາຍຂອງໂຄງການ.
ລັກສະນະປະຈຳພັນ.
| ປະເພດ | ເຂົ້າໜຽວ |
| ຜົນຜະລິດ | 1.5-2.5 ໂຕນຕໍ່ເຮັກຕາ |
| ອາຍຸ | 130 – 135 ວັນ |
| ລັກສະນະແຕກກໍ | ແຕກກໍໜ້ອຍ |
| ລວງສູງ | 115-130 ຊັງຕີແມັດ |
| ລວງຍາວຂອງຮວງ | ປະມານ 26 ຊັງຕີແມັດ |
| ສີເມັດເຂົ້າເປືອກ | ສີເຫຼືອງ, ມີຂົນ |
| ຂະໜາດເມັດເຂົ້າເປືອກ(ສະເລ່ຍ) | ຍາວ 9.53 ມີລີແມັດ, ກວ້າງ 4.10 ມີລີແມັດ, ໜາ 2.46 ມີລີແມັດ |
| ຂະໜາດເມັດເຂົ້າສານ (ສະເລ່ຍ) | ຍາວ 8.87 ມີລີແມັດ, ກວ້າງ 3.85 ມີລີແມັດ, ໜາ 2.45 ມີລີແມັດ |
| ຮູບຮ່າງ | ກາງ |
| ນ້ຳໜັກ | 1,000 ເມັດ 37.5 ກຼາມ |
| ຄຸນນະພາບການກິນ | ອ່ອນ, ຫອມ |
| ເປີເຊັນການສີ | (67.8%) |
ຈຸດດີ ແລະ ຈຸດອ່ອນ.
• ຈຸດດີ: ສາມາດປູກໄດ້ກັບດິນເຂດປ່າເລົ່າອ່ອນ ແລະ ດິນທີ່ມີຄວາມອຸດົມສົມບູນປານກາງຫາດີ
• ຈຸດອ່ອນ: ແຕກກໍໜ້ອຍ, ບໍ່ເໝາະສົມກັບດິນທີ່ປູກເຂົ້າຕໍ່ເນື່ອງກັນຫຼາຍປີ, ບໍ່ທົນທານຕໍ່ແມງໄຂ່ປາ (Rood Aphid)
ວິທີການປູກ.
ສະຖານທີ່ແນະນຳປູກ.
ສາມາດປູກໄດ້ໃນພື້ນທີ່ນາ ແລະ ພື້ນທີ່ ທີ່ມີຄວາມຄ້ອຍຊັນ 15%-60%, ລະດັບຄວາມສູງຈາກໜ້ານ້ຳທະເລ 300-1.500 ແມັດ. ປູກໄດ້ດີໃນແຂວງພາກເໜືອ ເຊັ່ນ: ແຂວງບໍ່ແກ້ວ, ໄຊຍະບູລີ, ອຸດົມໄຊ, ຫຼວງພະບາງ ແລະ ຫຼວງນ້ຳທາ.
ການປູກ.
ຄວນນຳໃຊ້ແນວພັນປູກໃນອັດຕາ 60 ກລ/ຮຕ, ຄວາມງອກບໍ່ຕ່ຳກວ່າ 85%, ໄລຍະຫ່າງການປູກ 25 x 25 ຊັງຕີແມັດ, ຈຳນວນ 5-6 ເມັດຕໍ່ຂຸມ ແລະ ສັກເລິກປະມານ 2-3 ຊມ ເພື່ອປ້ອງກັນການທຳລາຍຂອງສັດຕູພືດ.
ລະດູການປູກ.
ລະດູການປູກທີ່ເໝາະສົມແມ່ນທ້າຍເດືອນເມສາ ຫາ ເດືອນພຶດສະພາ, ຖ້າປູກຊ້າຈະເຮັດໃຫ້ຜົນຜະລິດຫຼຸດລົງ.
ການບົວລະບັດຮັກສາ.
ຫຼັງຈາກສັກເຂົ້າແລ້ວປະມານ 15-25 ວັນຄວນເສຍຫຍ້າຄັ້ງທີ 1, ບໍ່ຄວນໃຫ້ຫຍ້າສູງເກີນໄປເພາະຫຍ້າຈະຍາດທາດອາຫານຈາກຕົ້ນເຂົ້າ ແລະ ເປັນບ່ອນລີ້ຊ່ອນຂອງແມງໄມ້.
ການໃສ່ຝຸ່ນ.
ຖ້າເປັນພື້ນທີ່ຄ້ອຍຊັນບໍ່ແນະນຳໃຫ້ໃສ່ຝຸ່ນເພາະຈະເຮັດໃຫ້ຝຸ່ນເຊາະໄຫຼໜີ.
ແຫຼ່ງຂໍ້ມູນ: ປື້ມຄຳແນະນຳການນຳໃຊ້ແນວພັນເຂົ້າສຳລັບພາກເໜືອຂອງລາວ. ໂຄງການຄົ້ນຄວ້າລະບົບການຜະລິດກະສິກຳ ໂດຍເອົາເຂົ້າເປັນພື້ນຖານ ໃນເຂດພູດອຍ ຢູ່ພາກເໜືອ.
ຂໍ້ມູນເພີມຕື່ມ:
ຂໍ້ມູນເຕັກນິກ:
ວີດີໂອ:
ຕິດຕໍ່:
ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ