ການກະກຽມພື້ນທີ່.
ຄວນຕ້ອງໄດ້ໄຖພວນດິນ 2 ຄັ້ງໃນການໄຖຄັ້ງທຳອິດໃຫ້ໄຖໃນເວລາທີ່ດິນມີຄວາມຊຸ່ມເໝາະສົມ ເພື່ອເປີດໜ້າດິນ, ເພື່ອກຳຈັດວັດສະພືດທີ່ປົກຄຸມຢູ່ໜ້າດິນ ແລະໄຖພວນດິນອີກຄັ້ງທີ່ 2 ເພື່ອກຳຈັດວັດສະພືດທີ່ເກີດມາໃໝ່ ຫຼັງຈາກນັ້ນກໍ່ຄາດກິນໃຫ້ລະອຽດ.

ການກຽມທ່ອນພັນ ແລະແນວພັນ.
ຫຍ້າເນເປຍທີ່ຈະເອົາມາເປັນທ່ອນພັນຄວນມີອາຍຸ 4-6 ເດືອນ, ຫຼັງຈາກນັ້ນກໍ່ເອົາມາຕັດເປັນທ່ອນ ແຕ່ລະທ່ອນຄວນມີຂໍ້ຕາຕິດມານຳປະມານ 2 ຂໍ້ ຕົ້ນຫຍ້າເນເປຍຕົ້ນໜື່ງສາມາດເອົາມາໃຊ້ເປັນທ່ອນພັນໄດ້ປະມານ 6 ທ່ອນ ຫຍ້າເນເປຍ 1 ໄລ່ ສາມາດຂະຫຍາຍພັນໄດ້ປະມານ 20 ໄລ່ (ໃຊ້ໄລຍະຫ່າງໃນການປູກປະມານ 75×75 ຊັງຕີແມັດ).

ວິທີປູກ.
ສໍາລັບການປູກຫຍ້າເນເປຍແມ່ນສາມາດປູກຂະຫຍາຍໄດ້ດ້ວຍທ່ອນພັນເທົ່ານັ້ນ ໄລຍະໃນການປູກທີ່ເໝາະສົມ 75×75 ຊັງຕີແມັດ, ປູກຂຸມລະ 2 ທ່ອນ ໃນພື້ນທີ່ 1ໄລ່ ແມ່ນຈະໃຊທ່ອນພັນປະມານ 300-500 ກິໂລກຼາມ.

ການໃສ່ຝຸ່ນ.
ການປູກຫຍ້າເນເປຍໃນພື້ນທີ່ດິນທີ່ມີລັກສະນະດິນປົນຊາຍ ຫຼືວ່າມີເນື້ອທີ່ດິນຂ້ອນຂ້າງຫຍາບຈຳເປັນຕ້ອງໄດ້ໃສ່ຝຸ່ນປະສົມສູດ 15-15-15 ໃນອັດຕາປະມານ 50-100 ກິໂລກຼາມຕໍ່ໄລ່ ເພື່ອເປັນຝຸ່ນຮອງພື້ນກ່ອນປູກ ແລະຄວນໃສ່ຝຸ່ນຄອກເພື່ອປັບປຸງ ແລະບຳລຸງດິນນຳ ແລະໃສ່ຝຸ່ນໄນໂຕຣເຈນໃນຮູບຂອງປູຍຢູເຣຍ (ສູດ 46-0-0 ໃນອັດຕາລະຫວ່າງ 10-15 ກິໂລກຼາມຕໍ່ໄລ່) ຫຼັງຈາກຕັດຫຍ້າທຸກຄັ້ງຖ້າວ່າຢູ່ໃນດິນໜຽວທີ່ມີຄວາມອຸດົມສົມບູນຂ້ອນຂ້າງສູງເຮົາກໍ່ສາມາດຫຼຸດປະລິມານ ແລະຈຳນວນຄັ້ງໃນການໃສ່ຝຸ່ນລົງໄດ້
ການກຳຈັດວັດສະພືດ.
ຄວນກຳຈັດວັດສະພືດພາຍຫຼັງທີ່ປູກຫຍ່າໄດ້ 2-4 ອາທິດ.
ການໃຫ້ນ້ຳ.
ຄວນໃຫ້ທຸກໆ 14 ມື້ ຖ້າເປັນລະດູແລ້ງຄວນປ່ອຍເຂົ້າຕາມຮ່ອງຄູ.

ການຕັດຫຍ້າເນເປຍ.
ໃນການຕັດຫຍ້າເນເປຍເພື່ອທີ່ຈະເອົາມາລ້ຽງສັດເຮົາຄວນຈະຕັດຫຍ້າເທື່ອທໍາອິດ ເມື່ອຫຍ້າມີອາຍຸຮອດ 60-70 ມື້. ຫຼັງຈາກນັ້ນໃນການຕັດຫຍ້າຄັ້ງຕໍ່ໆໄປແມ່ນຕັດທຸກໆ 30-45 ມື້ ຖ້າເປັນລະດູຝົນຫຍ້າຈະມີການຈະເລີນເຕີບໃຫຍ່ໄວ ສະນັ້ນ ເຮົາຕ້ອງຫຼຸດອາຍຸໃນການຕັດຫຍ້າລົງໃຫ້ໜ້ອຍກວ່າ 30 ມື້ ໃນການຕັດຈະຕ້ອງຕັດໃກ້ໜ້າດິນ ຫຍ້າເນເປຍແມ່ນເໝາະສົມສຳລັບການໃຊ້ລ້ຽງງົວ ແລະຄວາຍໃນຮູບແບບຫຍ້າສົດ ຫຼື ຫຍ້າໝັກແຫ້ງ.

ແຫຼ່ງຂໍ້ມູນ: http://hukased.blogspot.com

ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່:

ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ

ໝາກຖົ່ວຍາວແບບບໍ່ໃສ່ຄ້າງຄືໝາກຖົ່ວຍາວຊະນິດໜື່ງ ທີ່ຖືກປັບປຸງພັນຈົນບໍ່ຕ້ອງການການໃຊ້ຄ້າງໃນການປູກ ຈຸດປະສົງຫຼັກທີ່ສຳຄັນກໍ່ຄືຫຼຸດຄ່າໃຊ້ຈ່າຍ ໃນສ່ວນຂອງການເຮັດຄ້າງໃຫ້ໝາກຖົ່ວຍາວ ແລະ ຄວາມສະດວກໃນການປູກໝາກຖົ່ວນີ້ ດິນທີ່ເໝາະສົມຄື ດິນຜຸຜຸ່ຍລະບາຍນ້ຳໄດ້ດີມີທາດອາຫານເຊັ່ນ: ຟອດຟໍລັດ ແລະໂປຣແຕສຊ້ຽມຢູ່ຢ່າງພຽງພໍ ມີລະລັບຄວາມເປັນກົດ-ດ່າງ pH ຢູ່ລະຫວ່າງ 5-6.5
ການກຽມດິນ. ຄືກັບການປູກພຶດຜັກທົ່ວໆໄປຄື: ມີການໄຖດີນປະໄວ້ເພືອໃຫ້ວັດສະພຶດຕາຍ ແລ້ວຈື່ງໄຖພວນໃຫ້ດິນພຸ່ຍ ກ່ອນການກຽມດິນຄັ້ງສຸດທ້າຍຄວນໃສ່ປຸຍສູດ 15-15-15 ຫຼື 12-24-12 ອັດຕາ 20 ກິໂລກຼາມ/ໄລ່ ໂດຍຫວ່ານກ່ອນການໄຖພວນ.
ໜານປູກ. ໃຊ້ໄລຍະແຖວ 50 ຊມ. ໄລຍະຕົ້ນ 30 ຊມ. ຫຍອດແກ່ນຂຸມລະ 1-2 ແກ່ນ ແລ້ວຖອນແຍກໃຫ້ເຫຼືອຂຸມລະ 1 ຕົ້ນ (ຫ້າມເອົາໄວ້ເກີນ 1 ຕົ້ນເປັນອັນຂາດ ຫຼັງຈາກທີ່ປູກໄດ້ 15 ມື້ ຖ້າບໍ່ຖອນແຍກຈະເຮັດໃຫ້ລໍາຕົ້ນບໍ່ແຂງແຮງ ແລະເມືອມີລົມພັດລຳຕົ້ນຈະສຽດສີກັນເຮັດໃຫ້ເກີດບາດ ແລະເນົ່າຕາຍໃນທີ່ສຸດ)
ອັດຕາແກ່ນພັນ ແລະຄວາມເລີກໃນການຫຍອດແກ່ນໝາກຖົ່ວຍາວບໍ່ມີຄ້າງ.
– ຖ້າປູກໄລຍະ 30×50 ຊມ. ຈະໃຊ້ແກ່ນພັນປະມານ 3 ກິໂລກຼາມ/ໄລ່
– ຖ້າປູກໄລຍະ 20×50 ຊມ. ຈະໃຊ້ແກ່ນພັນປະມານ 3.5 ກິໂລກຼາມ/ໄລ່
ຖ້າດິນປູກເປັນດິນໜຽວຄວນປູກຕື້ນກວ່າດີນຊາຍ ຖ້າດີນມີຄວາມຊຸ່ມພໍດີຄວນປູກເລີກປະມານ 2-3 ຊມ. ກໍ່ພໍ ຖ້າດີນມີຄວາມຊຸ່ມຕ່ຳອາດປູກເລີກ 3-5 ຊມ ຈື່ງຈະເຮັດໃຫ້ແກ່ນງອກໄດ້ດີ.

ການເບີ່ງແຍງຮັກສາໝາກຖົ່ວຍາວບໍ່ມີຄ້າງ.
ການໃຫ້ນ້ຳ: ຈະໃຫ້ນ້ຳກ່ອນປູກ ຫຼືຫຼັງປູກກໍ່ໄດ້ຢ່າໃຫ້ນ້ຳຈົນປຽກ ເພາະອາດຈະເກີດພະຍາດກົກຕົ້ນເນົ່າໄດ້ ການໃຫ້ນ້ຳແຕ່ລະເທືື່ອຄວນຂື້ນກັບຄວາມຊຸ່ມໃນດິນ ຖ້າດີນມີຄວາມຊຸ່ມຢູ່ບໍ່ຕ້ອງໃຫ້ນ້ຳ.
ແມງທີ່ສຳຄັນ: ເພີ້ຍອ່ອນຊີ່ງເປັນພາຫະນຳພະຍາດໃບດ່າງ ສັງເກດໄດ້ງ່າຍຖ້າຫາກວ່າມີໝົດດຳ ຫຼືໝົດຄັນໄຟໄຕ່ຢູ່ໃນໜານ ຫຼືຕາມຕົ້ນຖົ່ວສະແດງວ່າເພີ້ຍອ່ອນຈະເລີ້ມມາ ໃຫ້ຮີບສິດສານເຄມີກ່ອນທີ່ເພີ້ຍອ່ອນຈະປະກົດ.
ການໃສ່ປຸຍ: ຄວນໃສ່ປຸຍ 2 ເທື່ອ ເທື່ອທຳອິດໃສ່ຕອນກຽມດິນປູກ ອັດຕາ 20 ກິໂລກຼາມ/ໄລ່ ແລະຄັ້ງມີ່ 2 ໃສ່ເມື່ອປູກໄດ້ 3 ອາທິດ ການໃສ່ເທື່ອທີ່ 2 ຄວນເປີດຮ່ອງຫ່າວຕົ້ນ 15-20 ຊມ. ໃຊ້ສູດ 15-15-15 ຫຼື 12-24-12 ອັດຕາ 40 ກິໂລກຼາມ/ໄລ່. ໂດຍໂຮຍລົງໄປໃນຮ່ອງແລ້ວຖົມ ພ້ອມກັບການຖົມກົກຕົ້ນ ເພື່ອປ້ອງກັນຕົ້ນລົ້ມ.
ການກຳຈັດວັດສະພຶດ: ຫຼັງປູກໃຫ້ສີດສານປ້ອງກັນວັດສະພຶດ ແລສໂຊ ກ່ອນງອກຈະປ້ອງກັນໄດ້ 2-3 ອາທິດໂດຍໃຊ້ອັດຕາ 450 ຊີຊີ. ປະສົມນ້ຳ 60 ລິດ ສີດຫຼັງປູກ ໃນຂະນະດີນຍັງມີຄວາມຊຸ່ມຢູ່ ສ່ວນການກຳຈັດວັດສະພຶດຫຼັງງອກ ຄວນລະວັງຢ່າໃຫ້ຖືກລຳຕົ້ນ ເພາະຈະເຮັດໃຫ້ລຳຕົ້ນເປັນບາດ ແລະ ເຮັດໃຫ້ເນົ່າຕາຍໄດ້.
ການເກັບກ່ຽວ: ສາມາດເກັບໄດ້ເມື່ອອາຍຸ 42-45 ມື້ ຫຼັງປູກ ແລະຈະເກັບໄດ້ເລື່ອຍໆ ທຸກໆ 5-7 ມື້ ຫຼັງຈາກເກັບຝັກສົດຊຸດທຳອິດ ຄວນສີດສານປ້ອງກັນແມງ ແລະໜອນມາເຈາະທຳລາຍຕົ້ນ ແລະດອກ ໝາກຖົ່ວຍາວບໍ່ມີຄ້າງ ສາມາດເກັບຜົນຜະລິດໄດ້ 3-4 ເທື່ອ ເມື່ອເກັບຝັກໝົດຄວນໄຖເພື່ອໃຫ້ເປັນປຸຍບຳລຸງດິນໄດ້ອີກ.

ແຫຼ່ງຂໍ້ມູນ: http://www.vegetweb.com

ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່:

ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ

ລັກສະນະທາງວິທະຍາສາດ.
ຖົ່ວພຸ່ມມີຊື່ສາມັນວ່າ cowpea ພັນທີ່ນິຍົມປູກໃນປະເທດເຮົາຄື ໝາກຖົ່ວພຸ່ມແດງ ຫຼືລາຍ ຊື່ງເປັນພັນພື້ນເມືອງ ແລະຖົ່ວພຸ່ມດຳ ນິຍົມປູໃນພາກເໜືອ ຖົ່ວພຸ່ມເປັນໄມ້ລົ້ມລຸກ ມີລຳຕົ້ນເປັນພຸ່ມໃຫຍ່ແຕກກີ່ງການສາຂາຫຼາຍລຳຕົ້ນສູງ ປະມານ 0.5-1 ມ. ດອກມີສີເຫຼືອງ ຫຼືສີຂຽວອົມເຫຼືອງ.
ສະພາບອາກາດ ແລະດິນທີ່ເໝາະສົມ.
ຈະເລີນເຕີບໃຫຍ່ ແລະຂື້ນໄດ້ດີໃນທຸກສະພາບອາກາດ ແລະໃນດິນເກືອບທຸກຊະນິດ.
ພັນ: ພາກເໜືອນິຍົມປູຖົ່ວພຸ່ມແດງ ແລະດຳມັກດິນພຸ່ຍທີ່ມີການລະບາຍນ້ຳທີ່ດີ ຈະເລີນເຕີບໃຫຍ່ໄວ.
ລະດູປູກ: ຊ່ວງທີ່ເໝາະສົມຄືຕົ້ນລະດູຝົນ (ປະມານເດືອນພືດສະພາ) ເໝາະກັບດິນທີ່ເປັນດອນ ມີການລະບາຍນໍ້າທີ່ດີ ໄຖເມື່ອອາຍຸປະມານ 65 ມື້ (ໄລຍະອອກດອກ) ຈະໃຫ້ນໍ້າໜັກປະມານ 2.4 ຕັນ/ໄລ່.
ການກຽມດິນ ແລະປູກ.
ການກຽມດິນມີຜົນຕໍ່ການໃຫ້ມວນຊິວະພາບ ແລະຜົນຜະລິດ ມີ 3 ວິທີດັ່ງນີ້:
1. ປູກແບບຫວ່ານ. ເປັນວິທີສະດວກປະຫຍັດເວລາ ແລະແຮງງານ ໂດນຫວ່ານແກ່ນພັນໄປທົ່ວໜານອັດຕາ 8 ກິໂລກຼາມ/ໄລ່.
2. ປູກແບບໂຮຍເປັນແຖວ. ໃຊ້ແກ່ນໂຮຍເປັນແຖວໄລຍະແຖວ 50-75 ຊມ. ແລ້ວປົກດ້ວຍດິນບາງໆ ໃຊ້ແກ່ນ 6-8 ກິໂລກຼາມ/ໄລ່. ວິທີນີ້ຂ້ອນຊ້າ ແລະເປືອງແຮງງານກວ່າວິທີຫວ່ານ.

3. ປູກແບບຫຍອດເປັນຂຸມ. ວິທີນີ້ຈະຊ້າ ແລະບໍ່ສະດວກໃນທາງປະຕິບັດ ນິຍົມປະຕິບັດໃນກໍລະນີແກ່ນພັນມີຈຳກັດ ໃຊ້ໄລຍະປູກ 30×50 ຊມ ຫຍອດ 2-3 ແກ່ນຕໍ່ຂຸມໃຊ້ແກ່ນ 4-5 ກິໂລກຼາມ/ໄລ່.
ຫຼັງຈາກໝາກຖົ່ວພຸ່ມອອກດອກກໍ່ໃຫ້ໄຖ: ເຊີ່ງໃນຊ່ວງໄຖດິນຄວນໃຫ້ມີຄວາມຊຸ່ມຢູ່ ເພື່ອໃຫ້ຍ່ອຍສະຫຼາຍໄດ້ໄວຂື້ນ.
ການປູກເພື່ອເກັບແກ່ນພັນ.
ຈະຕ້ອງມີການກຽມດິນໃຫ້ດີໂດຍມີການໄຖ 1 ເທື່ອ ຕາກດິນໄວ້ປະມານ 1 ອາທິດ ເກັບວັດສະພຶດອອກໃຫ້ໝົດຈາກນັ້ນໄຖແປ ແລະຄາດອີກເທື່ອໜື່ງ ເມື່ອຄວາມຊຸ່ມໃນດີນພໍເໝາະຈື່ງປູກ ຊື່ງສາມາດປູກໄດ້ທັງແບບໂຮຍເປັນແຖວ (ໄລຍະຫ່າງແຖວ 50-70 ຊມ). ແລະປູກແບບຫຍອດຂຸມ (ໄລຍະປູກ 30-50 x 75-100 ຊມ). ຫຍອດ 2-3 ແກ່ນຕໍ່ຂຸມໃຊ້ແກ່ນ 3-4 ກິໂລກຼາມ/ໄລ່.
ການເບີ່ງແຍງຮັກສາ.
ຖອນແຍກໃຫ້ເຫຼືອ 1-2 ຕົ້ນເມື່ອໝາກຖົ່ວພຸ່ມອາຍຸໄດ້ 2-3 ອາທິດ ພວນດິນຖົມກົກຕົ້ນ ກໍາຈັດວັດສະພຶດໃສ່ປຸຍເຄມີສູດ 3-6-9 ອັດຕາ 20-25 ກິໂລກຼາກ/ໄລ່ ປະສົມສານປ້ອງກັນສັດຕູພຶດ ຖົ່ວພຸ່ມສາມາດທົນຕໍ່ພະຍາດ ແລະແມງໄດ້ປານກາງ ແຕ່ຖ້າປູກໃນລະດູແລ້ງມັກຈະພົບບັນຫາເລື່ອງປວກທຳລາຍຮາກ.
ການເກັບກ່ຽວ.
ໝາກຖົ່ວພຸ່ມມີອາຍຸ 65-80 ມື້ ເຊີ່ງໝາກຈະສຸກບໍ່ພ້ອມກັນ ເກັບເທື່ອທຳອິດເມື່ອອາຍຸ 65-70 ມື້ ເກັບປະມານ 2-3 ເທື່ອ ແຕ່ລະເທື່ອຫ່າງກັນປະມານ 1 ອາທິດ ໃຫ້ຜົນຜະລິດປະມານ 80-120 ກິໂລກຼາມ/ໄລ່ ແກ່ນພັນສາມາດເກັບ
ຮັກສາໄວ້ໄດ້ດົນ 6-12 ເດືອນ.

ການໃຊ້ປະໂຫຍດ.
ການປູກເປັນພຶດປຸຍສົດໂດຍປູກສະຫຼັບກັບພຶດຫຼັກເຊັ່ນ: ໝາກສາລີ, ມັນຕົ້ນ ໂດຍຫວ່ານກ່ອນປູກພຶດຫຼັກ ຢ່າງໜ້ອຍ 45-60 ມື້ ແລ້ວໄຖດິນເມື່ອອາຍຸປະມານ 45-60 ມື້ ຫຼືປູກແຊມໃນລະຫວ່າງແຖວຂອງພຶດຫຼັກ ໂດຍປູກຫຼັງພຶດຫຼັກ 1-2 ອາທິດ ໂດຍຈະໃຫ້ທາດໄນໂຕຣເຈນ 10-20 ກິໂລກຼາມ/ໄລ່ ຫຼືໃຫ້ປະລິມານທາດ N, P, K, Ca, Mg ສະເລ່ຍເທົ່າກັບ 2.68, 0.39, 2.46, 0.87 ແລະ 0.48% ຕາມລໍາດັບ ແນວໃດກໍ່ຕາມນໍ້າໜັກ ມວນຊີວະພາບ ປລະປະລິມານທາດອາຫານຂື້ນຢູ່ກັບປັດໃຈຂອງດິນ ແລະການຈັດການ.

ແຫຼ່ງຂໍ້ມູນ: ສຳນັກງານພັດທະນາທີ່ດິນ ເຂດ 5 ( ປະເທດໄທ )

ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່:

ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ

ໝາກຖົ່ວແຮຈັດເປັນພຶດໃນຕະກູນຖົ່ວຊະນິດໜື່ງ ທີ່ສາມາດຈະເລີນເຕີບໃຫຍ່ຂ້າມປີໄດ້ 2-3 ປີ ທົນຕໍ່ສະພາບແຫ່ງແລ້ງ ແລະອຸນນະພູມສູງໄດ້ດີ ສາມາດປັບໂຕເຂົ້າກັບສະພາບແວດລ້ອມໄດ້ຢ່າງກວ້າງຂວາງ ຕັ້ງແຕ່ລະດັບຄວາມສູງ 0-1.000 ມ. ຈາກລະດັບນ້ຳທະເລ ຈະເລີນເຕີບໃຫຍ່ໃນດິນພຸ່ຍທີ່ມີການລະບາຍນ້ຳດີ ແຕ່ບໍ່ທົນກັບສະພາບດິນທີ່ມີນ້ຳຖ້ວມ ໝາກຖົ່ວແຮຈະເລີນເຕີບໃຫຍ່ໄດ້ດີໃນເຂດຮ້ອນເຄີ່ງແຫ່ງແລ້ງ ມີປະລິມານຝົນຕັ້ງແຕ່ 500-2.500 ມິນລິແມັດ/ປີ
ລັກສະນະທົ່ວໄປ.
ໝາກຖົ່ວແຮຈັດເປັນໄມ້ພຸ່ມຂະໜາດນ້ອຍສູງ 1-5 ມ. ລຳຕົ້ນ ແລະ ກີ່ງມີສີຂຽວອົມເຫຼືອງ ເມື່ອແກ່ຈະມີສີນໍ້າຕານອົມຂຽວ ແລະ ແຕກກີ່ງການສາຂາອອກໃນລະດັບ 1-1.5 ມ. ມີລະບົບຮາກແກ້ວທີ່ແຂງແຮງຢັ່ງເລີກລົງໃນດິນ ລັກສະນະໃບຈະເປັນແບບໃບລວມມີໃບຍ່ອຍ 3 ໃບ ຮູບໃບຍາວຮີ ຄືຫອຍປາຍແຫຼມ ຂອບໃບລຽບມີຂົນປົກຫຸ້ມ ດ້ານເທີ່ງຂອງໃບມີສີຂຽວເຂັ້ມ ດ້ານກ້ອງໃບມີສີນໍ້າເງີນ ດອກອອກເປັນຊໍ່ມີສີເຫຼືອງ ຫຼືສີແດງ ຂະໜາດດອກຍາວ 2.8-2.9 ຊມ. ກວ້າງ 0.6-0.9 ຊມ. ຂື້ນຢູ່ກັບພັນ ພາຍໃນມີແກ່ນມົນ ຫຼືຮບໄຂ່ຈໍານວນ 3-5 ແກ່ນ.

ວິທີປູກ.
ໄຖກຽມດິນ ໂດຍໄຖດະ 1 ເທື່ອ, ໄຖພວນ 1 ເທື່ອ ໃນຊ່ວງດິນມີຄວາມຊຸ່ມພຽງພໍ ໃນຕອນທີ່ກຽມດິນຄວນໃສ່ປຸຍ ຮ໊ອດຟໍເຟດ ອັດຕາ 20 ກິໂລກຼາມ/ໄລ່ ໂດຍການໄຖໄປມາໃຫ້ເຂົ້າກັບດິນ.
ໄລຍະປູກ.
ໃຊ້ໄລຍະປູກລະຫວ່າງຕົ້ນ ແລະ ໄລຍະລະຫວ່າງແຖວເທົ່າກັບ 50 x 75 ຊມ. ປູກໂດຍການໃຊ້ແກ່ນຫຍອດເປັນຂຸມໆ ລະ 2-3 ແກ່ນ ອັດຕາແກ່ນພັນແມ່ນ 8 ກິໂລກຼາມ/ໄລ່ ກ່ອນປູກຄວນຄົນແກ່ນໃສ່ກັບຢາປ້ອງກັນເຊຶ້ອລາ.

ການເບີ່ງແຍງຮັກສາ.
ຫຼັງຫຍອດແກ່ນ 7-10 ມື້ ແລ້ວຕ້ອງພວນດິນກໍາຈັດວັດສະພຶດ ເມື່ອອາຍຸໄດ້ 30 ມື້ ໃຫ້ໃສ່ປຸຍເຄມີສູດ 15-15-15 ອັດຕາ 20 ກິໂລກຼາມ/ໄລ່ ຊ່ວງກຳລັງຕິດຝັກອ່ອນຄວນສີດສານເຄມີເພື່ອກຳຈັດເພີ້ຍອ່ອນ ເພີ້ຍໄຟແລະໜອນເຈາະຝັກ
ການເກັບກ່ຽວ.
ໝາກຖົ່ວແຮທີ່ປູກໃນຕົ້ນລະດູຝົນ ເດືອນພືດສະພາ ຫາເດືອນມີຖຸນາ ຈະອອກດອກປະມານເດືອນຕຸລາ ຮອດເດືອນພະຈິກ (110-150ມື້) ຝັກຈະແກ່ເກັບກ່ຽວໄດ້ໃນເດືອນທັນວາ (180-270 ມື້) ເມື່ອຝັກແ່ປະມານ 3 ໃນ 4 ກໍ່ເກັບກ່ຽວດ້ວຍການຕັດກີ່ງຍ່ອຍທີ່ມີຝັກແກ່ທັງໝົດເອັາມາກອງຕາກແດດໃຫ້ແຫ່ງ 2-3 ແດດແລ້ວກໍ່ຂັດແຍກແກ່ນອອກຈາກຝັກ ແລະສີ່ງປະປົນ ເພື່ອບັນຈຸໃສ່ໄທ່ຕໍ່ໄປ.
ການໃຊ້ປະໂຫຍດ.
1. ປູກເປັນປຸຍພຶດສົດບຳລຸງດິນ. ເພື່ອເພີ່ມຜົນຜະລິດພຶດຫຼັກໃຫ້ສູງຂື້ນໂດຍໃຊ້ອັດຕາແກ່ນພັນ 6 ກິໂລກຼາມ/ໄລ່ ຊື່ງຈະໃຫ້ນ້ຳໝັກສົດປະມານ 5-7 ຕັນ/ໄລ່ ເຮັດການໄຖດິນຊ່ວງທີ່ອອກດອກຈົນຮອດດອກບານ 50% (ອາຍຸປະມານ 110-150 ມຶ້) ປະໄວ້ 15 ມື້ ຈື່ງປູກພຶດຫຼັກຕໍ່ໄປ ຫຼືປູກເປັນພຶດແຊມກັບພັນພຶດເຊັ່ນ: ໝາກຖົ່ວດິນ ໂດຍໃຊ້ໝາກຖົ່ວດິນ 6 ແຖວ ແຊມກັບໝາກຖົ່ວແຮ 1 ແຖວ ເປັນຕົ້ນ.
2. ເອົາແກ່ນມາເປັນອາຫານ. ໃນພັນທີ່ມີແກ່ນໃຫຍ່ ມີໂປຣຕີນສູງ 21-26% ນິຍົມບໍລິໂພກໃນອິນເດຍ ແລະອັບຟຣິກາ ແຕ່ບໍ່ຄ່ອຍຈະນິຍົມໃນລາວ ໂດນການເອົາແກ່ນໄປແຊ່ນ້ຳໄວ້ 1 ຄືນ ແລ້ວເອົາໄປຕາກແດດໃຫ້ເປືອກແຕກອອກ ແລ້ວເອົາມາບົດໃຫ້ລະອຽດແລ້ວຈື່ງເອົາໄປປຸງອາຫານ ສ່ວນພັນແກ່ນນ້ອຍນິຍົມເອົາໄປເປັນອາຫານສັດ.
3. ໃຊ້ເປັນຕົ້ນໄມ້ລ້ຽງຄັ່ງ. ໂດຍຈະໃຫ້ຜົນຜະລິດຄັ່ງປະມານ ຢ ກິໂລກຼາມຕໍ່ຕົ້ນ.
4. ໃຊ້ລຳຕົ້ນຕັດເຮັດເປັນຟື່ນ. ເປັນແຫຼ່ງເຊື່ອໄຟໄດ້ເປັນຢ່າງດີ.
5. ໃຊ້ປູກຮ່ວມກັບຕົ້ນກະຖີນ. ໂດຍໃຊ້ແກ່ນພັນທັງ 2 ຊະນິດໃນອັດຕາ 1:1 ໂຮຍຂວາງຄວາມຊັນ ເພື່ອປ້ອງກັນການເຊາະເຈື່ອນຂອງດິນ ຊື່ງນິຍົມໃນເຂດພາກເໜືອ
6. ໃຊ້ເປັນພຶດໃຫ້ຫົມເງົາໃຫ້ກັບພຶດຢືນຕົ້ນ. ໃນຊ່ວງ 2-3 ປີທໍາອິດ ເຊັ່ນ: ໄມ້ໃຫ້ໝາກ, ຊາ, ກະເຟ, ໂກໂກ້ ເປັນຕົ້ນ.

ແຫຼ່ງຂໍ້ມູນ: https://www.thai-thaifood.com

ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່:

ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ

ໝາກເຂືອຍາວມີລັກສະນະເປັນຮູບຍາວມົນ ມີທັງສີຂຽວ ສີມ້ວງ ແລະສີຂາວ ໝາກເຂືອຍາວຂຽວເປັນພັນທີ່ແພ່ຫຼາຍທີ່ສຸດໃນປະເທດລາວ ສ່ວນໝາກເຂືອຍາວມ້ວງກໍ່ໄດ້ຮັບຄວາມນິຍົມຄືກັນ ສ່ວນຫຼາຍມັກເອົາໄປປຸງສຸກເປັນອາຫານຊະນິດຕ່າງເຊັ່ນ: ຂົ້ວໝາກເຂືອຍາວ ໝາກເຂືອເຜົ່າ ໃຊ້ເປັນຜັກໃນແກງເຜັດ ຫຼືຈະເອົາມາຊຸບແປ້ງທອດ ກີນເກັບແຈ່ວ ການປູກໝາກເຂືອມ້ວງມີວິທີດັ່ງນີ້.
ການກຽມໜານເພາະກ້າ.
ຂຸດດິນເລີກປະມານ 15-20 ຊັງຕີແມັດ, ຈາກນັ້ນໃສ່ຝຸ່ນຄອກ ຫຼືຝຸ່ນໝັກທີ່ລະລາຍຕົວດີໃສ່ໃນໜານ ພວນດິນປະສົມໃຫ້ເຂົ້າກັນດີ ເຮັດການຄາດດິນໃຫ້ລະອຽດ ຍົກເປັນໜານຕາມຂະໜາດ ແລະຄວາມຕ້ອງການປັບໜ້າດິນໃຫ້ລຽບ ຫວ່ານແກ່ນພັນໃຫ້ກະຈາຍທົ່ວໜານ ແລ້ວກຫວ່ານແກບ, ຝຸ່ນຄອກ ຫຼືຝຸ່ນໝັກປົກໜ້າ ແລ້ວຫົດນ້ຳໃກ້ຊຸ່ມ ເບີ່ງແຍງຮັກສາກ້າດານປະມານ 25-30 ມື້ ເມື່ອຕົ້ນກ້າເລີ້ມອອກໃບປະມານ 2-3 ໃບຈື່ງຍ້າຍລົງໜານປູກ.

ການກຽມໜານປູກ.
ການກຽມດິນປູກໃຫ້ໄຖພວນໃຫ້ໜ້າດິນເລິກ 30-40 ຊັງຕີແມັດ ຕາກດິນໄວ້ 7-10 ມື້ ຄາດດິນໃຫ້ລະອຽດ ຫວ່ານຝຸ່ນໝັກ ຫຼືຝຸ່ນຄອກ ອັດຕາ 2.000 ກິໂລກຼາມ/ໄລ່ ໃສ່ຝຸ່ນສູດ 15-15-15 ອັດຕາ 30 ກິໂລກຼາມ/ໄລ່ ປະສົມກັບດິນໃນໜານປູກ ຍົກຮອງສູງປະມານ 30 ຊັງຕີແມັດ ຄວາມກວ້າງ 120 ຊັງຕີແມັດ, ໃຫ້ໄລຍະຫ່າງລະຫວ່າງຕົ້ນ 70-80 ຊັງຕີແມັດ, ລະຫວ່າງແຖວ 90-100 ຊັງຕີແມັດ, ເອົາກ້າໝາກເຂືອມ້ວງອາຍຸ 35 ມື້ ມາປູກລົງຂຸມທີ່ກໍານົດຖົມດິນແລ້ວຫົດນ້ຳ, ເມື່ອໝາກເຂືອມວ້ງເລີ້ມຕິດດອກ ອອກໝາກ ໃຫ້ໃຊ້ໄມ້ປັກຫຼັກແລ້ວມັດກັບຕົ້ນເພື່ອບໍ່ໃຫ້ໝາກເຂືອສຳພັດກັບດິນ.

ການເບີ່ງແຍງ ແລະຮັກສາ.
• ການໃສ່ຝຸ່ນ ໃຊ້ຝຸ່ນສູດ 15-15-15 ຫຼື 13-13-21 ອັດຕາ 1 ບ່ວງຊາ/ຕົ້ນ ທຸກໆ 15-20 ມື້ ໂຮຍຫ່າງກົກຕົ້ນ 5-10 ຊັງຕີແມັດ ຫຼືໃສ່ຝຸ່ນຄອກ ຝຸ່ນໝັກ ຢ່າງສະໝ່ຳສະເໝີ ໂຍຍໃຊ້ຝຸ່ນວິມະຍາສາດໜ້ອຍລົງກໍ່ໄດ້.
• ການໃຫ້ນ້ຳ ຄວນໃຫ້ນ້ຳຢ່າງສະໝ່ຳສະເໝີທຸກໆມື້.
• ການພວນດິນກຳຈັດວັດສະພືດ ຫຼັງຈາກປູກແລ້ວ ຖ້າພົບເຫັນວັດສະພືດໃຫ້ຮີບກຳຈັດຢ່າປ່ອຍໃຫ້ລົບກວນ ເພາະຈະເຮັດໃຫ້ຍາດນ້ຳອາຫານ ແລະຄວນພວນດິນໄປນຳເພື່ອໃຫ້ດິນຜຸ່ຍລະບາຍນ້ຳໄດ້ດີ.

ການເກັບກ່ຽວໝາກເຂືອມ່ວງ.
ອາຍຸເກັບກ່ຽວຂອງໝາກເຂືອມ້ວງປະມານ 60-80 ມື້ ພາຍຫຼັງການຍ້າຍລົງປູກ ໃຫ້ເລືອກເກັບໜ່ວຍທີ່ມີຂະໜາດພໍດີຕາມຄວາມຕ້ອງການຂອງຕະຫຼາດຫຼັງຈາກດອກບານ 7-10 ມື້ ຈະສາມາດເກັບກ່ຽວຜົນຜະລິດໄດ້ ການເກັບກ່ຽວຄວນໃຫ້ມີຂວົ້ນຕິມມານຳ ໝາກເຂືອມ້ວງຈະໃຫ້ຜົນຜະລິດປະມານ 5.00-7.000 ກິໂລກຼາມ/ໄລ່.

ແຫຼ່ງຂໍ້ມູນ: ສອນສັກ ບຸນທິພັກ ທີ່ຢູ່ ໝູ່ 5 ຕຳບົນ 2 ພີ່ນ້ອງ ອຳເທີທ່າແຊະ ຈັ່ງຫວັດຊຸມພອນ

ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່:

ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ

ໝາກເຂືອເປາະທີ່ປູກໃນບ້ານເຮົາສ່ວນຫຼາຍ ຈະເປັນໝາກເຂືອພື້ນເມືອງທີ່ປູກຕໍ່ໆກັນມາ ຊື່ຂອງໝາກເຂືອເປາະມັກຈະຕັ້ງຕາມລັກສະນະຂອງພັນ ຫຼືທ້ອງຖີ່ນນັ້ນໆ.
ໝາກເຂືອເປາະສາມາດປູກໄດ້ໃນດີນເກືອບທຸກຊະນິດ ທີ່ມີຄວາມຊຸ່ມສູງພໍສົມຄວນ ບໍ່ປຽກເກີນໄປ ຫຼືແຫ່ງເກີນໄປ ຄ່າ pH ປະມານ 5.5-6.8 ຕ້ອງການແສງແດດເຕີມທີ່ໃນການເພາະກ້າ.
ໝາກເຂືອເປັນພຶດທີ່ມີລະບົບຮາກປານກາງ ການເພາະກ້າຄວນຂຸດໄຖດີນເລີກປະມານ 15 ຊມ. ຕາກດິນໄວ້ 10-15 ມື້ ໃສ່ປຸຍຄອກຄົນໃນດີນເພື່ອຊ້ວຍໃຫ້ດີນອ່ອນບໍ່ແໜ່ນ ພວນດີນໃຫ້ລະອຽດ ຫວ່ານແກ່ນໝາກເຂືອໃຫ້ກົ່ວໜານ ແລ້ວຫວ່ານປຸຍຄອກປົກໜ້າ.
ການປູກໝາກເຂືອເປາະ.
ເມື່ອເບ້ຍໝາກເຂືອອາຍຸໄດ້ 30 ມື້ໃຫ້ຍ້າຍເບ້ຍໂດຍມີດິນຕິດຮາກມານໍາໃຫ້ຫຼາຍທີ່ສຸດ ຄວນຍ້າຍເບ້ຍຊ່ວງຕອນສວຍຫາຕອນແລງເມື່ອຍ້າຍແລ້ວຫົດນ້ຳໃຫ້ຊຸ່ມທັນທີ ຄວນກັນແສງໃຫ້ເບ້ຍໝາກເຂືອໃນຊ່ວງ 3 ມື້ທຳອິດເພື່ອໃຫ້ເບ້ຍຕັ້ງໂຕໄດ້ໄວຂື້ນໄລຍະປູກທີ່ເໝາະສົມຄື ໄລຍະຫວ່າງຕົ້ນ 50 ຊມ. ລະຫວ່າງແຖວ 80-100 ຊມ.

ການດູແລ.
ຊ້ວງທຳອິດຄວນໃຫ້ນ້ຳສະໝ່ຳ ສະເໝີ ແລະພຽງພໍ ລະວັງບໍ່ໃຫ້ປຽກເກີນໄປຄວນໃຊ້ປຸຍສູດ 13-13-21 ອັດຕາ 50-100 ກິໂລກຼາມ/ໄລ່ ເປັນປຸຍຮອງພື້ນຕອນປູກ ແລະຫຼັງຍ້າຍກ້າ 30 ມື້ທຳອິດໃສ່ປຸຍຢູ່ເລຍ ເພື້ອຊ່ວຍເລັ່ງການຈະເລີນເຕີບໃຫຍ່ຂອງຕົ້ນກ້າ ໄລຍະທຳອິດຄວນພວນດີນ ກຳຈັດວັດສະພຶດໃນໄລຍະທີ່ຕົ້ນຍັງນ້ອຍ ເພື່ອຊ່ວຍໃຫ້ຖາຍເທອາກາດ ແລະ ນ້ຳໄດ້ດີຕົ້ນຈະແຂງແຮງ.
ການເກັບກ່ຽວ.
ປົກກະຕິເກັບກ່ຽງໄດ້ເມື່ອອາຍຸປະມາ 60-85 ມື້ ຄວນເລືອກເກັບໝາກທີ່ຍັງບໍ່ທັນແກ່ ເພາະວ່າໝາກທີ່ເລີ້ມແກ່ຄຸນນະພາຍສິຫຼຸດລົງ ແລະບໍ່ແຊບ ບໍ່ຄວນປ່ອຍໃຫ້ໝາກແກ່ຄາຕົ້ນເພາະຈະເຮັດໃຫ້ຜົນຜະລິດຫຼຸດລົງ.

ການເກັບແກ່ນພັນ.
ຊ້ວງອາຍຸປະມານ 90-100 ມື້ ດອກໝາກເຂືອເປາະຈະເລີ້ມບານ ເຊີ່ງຈະບານບໍ່ພ້ອມກັນ ໝາກຈະເລີ້ມແກ່ເມື່ອອາຍຸໄດ້ 180 ມື້ ຕ້ອງພະຢາຢາມເກັບໝາກທີ່ເປັນສີເຫຼືອງທັງໜ່ວຍຈາກນັ້ນເອົາມາປະໄວ້ໃນຮົ່ມປະມານ 2-3 ມື້ ແລ້ວນວດໝາກເພື່ອໃຫ້ແກ່ນຫລຸດອອກຈາກໜ່ວຍ ແລ້ວຜ່າເອົາແກ່ນອອກ ຈາກນັ້ນລ້າງໃຫ້ສະອາດ ແກ່ນທີ່ຈົມນ້ຳຈະເປັນແກ່ນທີ່ດີ ສ່ວນແ່ນທີ່ລອຍນ້ຳເປັນແກ່ນທີ່ບໍ່ດີ ໃຫ້ເອົາຖີມຈາກນັ້ນໃສ່ກະຕ່າລ້າງນ້ຳຜ່ານອີກເທື່ອໜື່ງ ປະໄວ້ໃຫ້ແຫງມາດແລ້ວຄ່ອຍເອົາມາຕາກແດດ ( ໃນການຕາກຄວນໃຊ້ຜ້າຮອງແກ່ນ ) ຕາກໄວ້ປະມານ 3-4 ແດດ ແລ້ວກວດເບີ່ງຄວາມສະອາດອີກເທື່ອໜື່ງ ແລ້ວຄ່ອຍເກັບໃສ່ຖົງເຈ້ຍຂຽນຊື່ ແລະ ວັນເດືອນປີທີ່ເກັບ ແລ້ວພັບໃສ່ໃນຖົງ ໃຫ້ເກັບໄວ້ໃນຕູ້ເຢັນເພື່ອຮັກສາອັດຕາການງອກ ແລະຫລຸດການຫາຍໃຈຂອງເມັດພັນໃຫ້ໜອຍທີ່ສຸດ ຈະສາມາດເກັບແກ່ນພັນໄວໃຊ້ໄດ້ດົນນານເກີນ 2 ປີຂື້ນໄປ.
ໝານເຫດ: ຕົ້ນໝາກເຂືອສາມາດຕັດແຕ່ງກີ່ງງ່າໄດ້ຫຼັງການເກັບກ່ຽງລຸ້ນທີ່ໜື່ງ ໃຊ້ມີດຕັດ ຕັດແຕ່ງກີ່ງແລະໃສ່ປຸຍໝັກເພື່ອໃຫ້ກີ່ງໃໝ່ອອກມາເຊີ່ງຈະສາມາດເກັບໝາກເຂືອເປາະໄດ້ອີກ.

ແຫຼ່ງຂໍ້ມູນ:http://www.kasetporpeangclub.com

ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່:

ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ

ຕົ້ນສະບູດໍາເປັນພືດທີ່ເຂົ້າກັບສະພາບແຫ່ງແລ້ງໄດ້ດີ ຈະເລີ່ນເຕີບໃຫຍ່ໄດ້ດີໃນເຂດຮ້ອນ ສາມາດໃຫ້ຜົນຜະລິດໄດ້ຕະຫຼອດປີປະມານ 2-4 ກິໂລກຼາມ/ຕົ້ນ/ປີ ໂດຍສາຍພັນທີ່ມັກພົບເຫັນໃນບ້ານເຮົາມີລັກສະນະຂອງໝາກ 3 ລັກສະນະໄດ້ແກ່ ພັນທີ່ມີໝາກມົນຂະໜາດປານກາງ, ໝາກມົນຂະໜາດນ້ອຍ ແລະ ໝາກມົນຂະໜາດປານກາງ ແລະ ມີເປືອກໜາ ສຳລັບການຂະຫຍາຍພັນສາມາດເຮັດໄດ້ຫຼາຍວິທີດັ່ງນີ້:
1. ບົ່ມແກ່ນໂດຍຄັດເລືອກຈາກຝັກທີ່ມີສີເຫຼືອງແກ່ແກມສີນ້ຳຕານ ເປັນໄລຍະແກ່ເຕັມທີ່ ບໍ່ມີໄລຍະພັກໂຕ ຈືງງອກໄດ້ທັນທີ່ພາຍໃນ 10 ມື້ ຫຼັງຈາກບົ່ມໃນດີນການງອກຈະມີສ່ວນຂອງໃບລ້ຽງຄູ່ສອງໃບພົ້ນດີນ ໂດຍຕົ້ນກ້າຈະເຕິບໃຫຍ່ຢ່າງໄວ້ ເຊີ່ງຄວນອານຸບານຕົ້ນກ້າໃຫ້ມີອາຍຸປະມານ 2-3 ເດືອນ ຫຼືໃຫ້ມີຄວາມສູງປະມານ 30-40 ຊມ ກ່ອນຈະເອົາໄປປູກໃນໜານ ເພາະຈະເຮັດໃຫ້ຕົ້ນກ້າປັບສະພາບໃນໜານໄດ້ດີ ແລະ ໃຫຍ່ໄວ້ເຊີ່ງເລີ້ມໃຫ້ຜົນຜະລິດຫຼັງປູກປະມານ 8-10 ເດືອນສຳລັບຖົງບົ່ມ ຫຼືກະບະຊາຍໃຊ້ອັດຕາສ່ວນດີນ:ຊາຍ:ແກບ:ປຸຍຄອກ = 3 : 3 : 3 : 1
2. ການປັກຊຳຄວນໃຊ້ກ້ານພັນທີ່ມີສີຂຽວປັນນ້ຳຕານເລັກນ້ອຍຈະແຕກຮາກໄດ້ງ່າຍ ສຳລັບຄວາມຢາວຂອງກີ່ງປັກຊຳທີ່ເໝາະສົມຄື 30 ຊມ. ໂດຍປັກລົງໃນຖົງບົ່ມ ຫຼືກະບະຊາຍໃຊ້ອັດຕາສ່ວນດຽວກັນກັບດິນປະສົມບົ່ມແກ່ນໃຊ້ເວລາປັກຊຳປະມານ 2 ເດືອນ ຈືງສາມາດເອົາໄປປູກ ແລະ ໃຫ້ຜົນຜະລິດຫຼັງປູກ 6-8 ເດືອນ.
3. ການເພາະລ້ຽງເນື້ອເຍື່ອ ສາມາດຂະຫຍາຍພັນໂດຍເລືອກໃຊ້ສ່ວນຂອງຍອດອ່ອນ, ໃບ ແລະ ການໃບຂອງຕົ້ນສະບູດຳ ປູກລ້ຽງໃນອາຄານສັງເຄາະ

4. ໄລຍະປູກ: ໃນໜານໄດ້ແກ່ 2 x 2 ມ. ( 400ໂຕນ/ໄລ່ ) ໃນປະເທດອື່ນນິຍົມປູກພືດຊະນິດອື່ນລະຫວ່າງແຖວ

5. ລະດູປູກທີ່ເໝາະສົມ: ລະດູຝົນຕັ້ງແຕ່ເດືອນ ເມສາ-ພຶດສະພາ ຫຼັງປູກຄວນໃຫ້ນ້ຳທຸກໆ 10-15 ມື້ ຄວບຄູ່ກັບການກຳຈັດວັດສະພຶດບໍລິເວດໂຄນຕົ້ນ ໂດຍການຖາກ ຫຼືຖົມໂຄນຕົ້ນດ້ວຍເສດຊາກພຶດ ຫຼືແກບເປັນການຊ່ວຍຮັກສາຄວາມຊຸ່ມ ແລະ ເພີ່ມທາດອາຫານໃນດີນ.
6. ຫຼັງຈາກປູກໄດ້ 1 ເດືອນຄວນໃສ່ປຸຍບໍາລຸງຕົ້ນ ສູນ 15-15-15 ອັດຕາ 50 ກິໂລກຼາມ/ໄລ່ ແລະ ໃສ່ອີກຄັ້ງຫຼັງຈາດເກັບກ່ຽວຄັ້ງທຳອິດ ທັງນີ້ຕົ້ນສະບູດຳມີຄວາມຕ້ອງການປຸຍໄນໂຕຼເຈນແລະໂພແທສຊ້ຽມ ໃນປະລິມານສູງກວ່າຟອດຟໍຣັດ ແຕ່ຍັງບໍ່ມີຂໍ້ມູນເຖີ່ງປະລິມານປຸຍທີ່ເໝາະສົມສຳຫຼັບການປູກສະບູດຳໃນ
7. ພື້ນທີ່ການປູກຄວານເປັນພື້ນທີ່ດອນ ນ້ຳບໍ່ຖວມຂັງ ແລະໄດ້ຮັບແສງເແດດຕະຫຼອດໝົດມື້ ຈາກຂໍ້ມູນການສຶກສາເຫັນວ່າຄວນຕັດແຕ່ງກີ່ງຫຼັງຈາກການເກັບກ່ຽວຄັ້ງທີ່ 2 ຫຼືເມື່ອອາຍຸໄດ້ 1 ປີ ໂດຍພັດທະນາການຂອງລຳຕົ້ນໃນໄລຍະນີ້ສາມາດຕັດແຕ່ງກີ່ງໄດ້ 3 ລະດັບຄື ຕັດແຕ່ກີ່ງທີ່ຂໍແຍກທີ່ 1, ຂໍແຍກທີ່ 2 ແລະ ຂໍແຍກທີ່ 3 ແລະ ເກັບກ່ຽງຜົນຜະລິດໄດ້ພານຫຼັງການຕັດແຕ່ງ 6 ອາທິດ.

ແຫຼ່ງຂໍ້ມູນ: www.jatropha.center.ku.ac.th

ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່:

ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ

ການປູກ. (ໄລຍະປູກ) ໄລຍະລະຫວ່າງຕົ້ນ 50-60 ຊມ. ໄລຍະລະຫວ່າງແຖວ 80 ຊມ.

ການກະກຽມດິນ.ໄຖດີນເລີກປະມານ 30-40 ຊມ. ຕາກດີນໄວ້ 7-10 ມື້ ຍ່ອຍດີນໃຫ້ລະອຽດ ຫາກດິນເປັນກົດໃຫ້ໃຊ້ປູນຂາວໂຮຍໃນອັດຕາ 100-300 ກິໂລກຼາມ/ໄລ່ ຍົກໜານປູກໃຫ້ສູງ 30 ຊມ. ກວ້າງ 120 ຊມ. ໃສ່ປຸຍສູດ 15-15-15 ອັດຕາ 30-50 ກິໂລກຼາມ/ໄລ່ ຄົນໃຫ້ເຂົ້າກັນດີໃນໜານ ເມື່ອກຽມໜານແລ້ວກ່ອນ 2-3 ອາທິດ.
ການກຽມເບ້ຍ. ກຽມຖາດເພາະເບ້ຍ ແລະດີນປະສົມ( ດີນທີ່ຮອນແລ້ວ 3 ສ່ວນ ປຸຍຄອກ 1 ສ່ວນ ຊາຍຫຼືແກບ 1 ສ່ວນ ) ໃສ່ດິນປະສົມລົງໃນຖາດເພາະເບ້ຍ ຫົດນ້ຳ ແລະ ຫຍອດແກ່ນລົງຂຸມ ຂຸມລະ 1 ແກ່ນແລ້ວຫົດນ້ຳ.

ການປູກ. ເຈາະພລາສຕິກຕາມໄລຍະປູກ ເອົາເບ້ຍໝາກເລັ່ນເຊີເລີ້ມາປູກຕາມຂຸມ ແລ້ວຫົດນ້ຳ.

ການດູແລຮັກສາ. ໃຫ້ນ້ຳທຸກໆມື້ຢ່າງສະໝ່ຳສະເໝີ ຢ່າງໜ່ອຍມື້ລະ ຢ ເທື່ອ.
ການໃສ່ປຸຍ. ຫຼັງຈາກຍ້າຍເບ້ຍໄປປູກໄດ້ 7 ມື້ ໃສ່ປຸຍສູດ 15-15-15 ອັດຕາ 25-30 ກິໂລກຼາມ/ໄລ່ ຫຼັງຈາກນັ້ນ 11-20 ມື້ ໃຫ້ໃສ່ປຸຍສູດ 7-22-35 ອັດຕາ 50 ກຼາມ/ນໍ້າ 20 ລິດ ແລະແຄຊ້ຽມໂບຮອນ ອັດຕາ 40 ຊີຊີ/ນໍ້າ 20 ລິດ ອາທິດລະ 1 ເທື່ອ ແລະທຸກໆ 20 ມື້ໃຫ້ໃສ່ປຸຍ 13-13-21 ອັດຕາ 30 ກິໂລກຼາມ/ໄລ່.
ການເຮັດຄ້າງ. ເຮັດຄ້າງເມື່ອຕົ້ນອາຍຸໄດ້ 10-15 ມື້ ຫຼັງຍ້າຍປູກ ໂດຍສຽບໄມ້ຄ້າງທຸກຂຸມງຽງປາຍຄ້າງເຂົ້າຫາກັນແລ້ວມັດ ດ້ານເທີ່ງ ແລະດ້ານຂ້າງໃຊ້ໄມ້ພາດຂວາງຕາມແນວ ປະມານ 2-3 ແນວ ໄລຍະຫ່າງ 30-40 ຊມ.
ການປ້ອງກັນ ແລະກຳຈັດສັດຕູພຶດ. ວັດສະພຶດໃຫ້ກຳຈັດທຸກຄັ້ງທີ່ມີການໃສ່ປຸຍ ຫຼືເມື່ອມີວັດສະພຶດເກີດຂື້ນສ່ວນເລື່ອງຂອງພະຍາດອາດຈະມີ “ພະຍາດເນົ່າຄໍດີນ ພະຍາດກົກຕົ້ນເນົ່າ” ວິທີປ້ອງກັນຄື: ໃຫ້ໃຊ້ນໍ້າປູນໃສ 1 ສ່ວນ ປະສົມນໍ້າ 5 ສ່ວນ ຫົດຕົ້ນ ຫຼືໃຊ້ສານກຳຈັດເຊື້ອລາ ເຊັ່ນ: ເທີຣາດຄໍ ຊູບເປີ້ເອັ, ອີກພະຍາດຄື “ພະຍາດໃບແຫ່ງ” ສາມາດປ້ອງກັນໄດ້ໂດຍການກຳຈັດເຊື້ອລາເຊັ່ນ: ໄດເທນເອັມ 45 ສິດທຸກໆ 7 ມື້.
ການເກັບກ່ຽວ. ເກັບກ່ຽວເມື່ອອາຍຸ 70-90 ມື້ ເລີ່ມຈາກປູກຮອດເກັບກ່ຽວປະມານ 4-5 ເດືອນ.

ແຫຼ່ງຂໍ້ມູນ: www.pednapic.com , www.duorecommend.com , www.matichon.co.th

ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່:

ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ

ພື້ນທີ່ ແລະ ລະດູໃນການປູກເຜືອກຫອມ.
ເຜືອກຫອມຈະເລີນເຕີບໃຫຍ່ໄດ້ດີໃນດິນຜຸ່ຍປົນຊາຍ ເປັນພືດທີ່ຕ້ອງການນ້ຳຫຼາຍ ຫາກຂາດນ້ຳຈະບໍ່ຈະເລີນເຕີບໃຫຍ່ ຫຼືຫາກປູກໃນດິນໜຽວຫົວຈະຈ່ອຍຍາວ ຕົ້ນເຜືອກມັກດິນທີ່ມີການລະບາຍນ້ຳໄດ້ດີ ບໍ່ຖ້ວມຂັງເມື່ອຝົນຕົກມີອາຫານອຸດົມສົມບູນຖ້າປູກເຜືອກຫອມ ຫຼັງຈາກການເຮັດນາ ຄວນເລີ້ມປູກຕັ້ງແຕ່ເດືອນກຸມພາ ຫຼື ຊ້າກວ່ານີ້ໄດ້ເລັກນ້ອຍ ແຕ່ບໍ່ໃຫ້ເກີນເດືອນເມສາ ເພາະຖ້າປູກຊ້າກວ່ານີ້ຈະເຮັດໃຫ້ປູກເຂົ້າບໍ່ທັນຝົນ ເມື່ອເກັບກ່ຽວເຜືອກໝົດແລ້ວ ແລະຖ້າຝົນຕົກມີນ້ຳຂັງໃນນາ ໃນໄລຍະທີ່ຍັງບໍ່ໄດ້ເກັບກ່ຽວຜົນຜະລິດຈະເຮັດໃຫ້ເກີດການເນົ່າເສຍ ແຕ່ຖ້າປູກໃນລະດູແລ້ງຕ້ອງຫົດນ້ຳຢ່າງໃຫ້ຂາດ.
ພັນເຜືອກ.
ເຜືອກທີ່ເອົາມາເຮັດພັນເປັນເຜືອກລູກຊໍທີ່ແຕກອອກຈາກຫົວເຜືອກ ພັນເຜືອກທີ່ຊາວກະສິກອນຈະຫາຊື່ພັນໄດ້ມາຈາດພື້ນທີ່ທີ່ມີການປູກເປັນຈຳນວນຫຼາຍ.
ວິທີຊຳຕົ້ນເຜືອກ.
ເມື່ອໄດ້ພັນເຜືອກມາແລ້ວເອົາມາວາງເທີ່ງດິນທີ່ປຽກຊຸ່ມໃນບ່ອນຫົ່ມໃຫ້ວາງເປັນແຖວໆ ປົກດ້ວຍເຟືອງເຂົ້າຫົດນ້ຳໃຫ້ຊຸ່ມປະມານ 5-6 ມື້ ເຜືອກຈະເລີ້ມແຕກໜໍ່ເຕີບໃຫຍ່ເປັນຕົ້ນອ່ອນສູງປະມານ 10-12 ຊມ. ຖ້າປູກເຜືອກແຕກໜໍ່ຫຼາຍຍອດຄວນເດັດອອກໃຫ່ເຫຼືອຍອດດຽວແລ້ວເອົງລົງປູກໄດ້.

ການກຽມດິນປູກ.
ຍົກຮອງເຮັດໜານປູກກວ້າງປະມານ 5 ແມັດ. ຍາວໄປຕາມພື້ນທີ່ດິນ ໄລຍະຫ່າງຂອງຮອງຫ່າງກັນປະມານ 1-1.5 ແມັດ. ເມື່ອຝົນຕົກໜັກນ້ຳຈະໄດ້ບໍ່ຂັງເທີ່ງໜານປູກຂຸດຂຸມປູກກວ້າງ 50 ຊມ. ຫາກດິນໃນພື້ນທີ່ມີຄວາມເປັນກົດສູງ ຄວນແກ່ໄຂດ້ອຍການໃສ່ຫີນປູນ ຫຼືປູນຂາວປະສົມກັນໃນຕອນທີ່ໄຖ ປະມານໄລ່ລະ 500 ກິໂລກຼາມ ເພາະຖ້າດິນມີຄວາມເປັນກົດສູງພືດຈະບໍ່ສາມາດດູດສານອາຫານ ແລະ ແຮ່ທາດໄປລ້ຽງລຳຕົ້ນໄດ້.
ການປູກເຜືອກຫອມ.

ຍ້ານຕົ້ນອ່ອນທີ່ຊຳໄວ້ລົງປູກໃນຂຸມໃຫ້ລຳຕົ້ນຕັ້ງຊື ແລ້ວຖົມພໍມິດຫົວເຜືອກ ຄວນປູກໃນຕອນແລງ ຕ້ອງໝັ່ນຫົດນ້ຳໃຫ້ດິນຊຸ່ມຢູ່ສະເໝີເມື່ອເຜືອກຕັ້ງໂຕໄດ້ຈື່ງຂ່ອຍເວັ້ນໄລຍະຫ່າງອອກໄປ ການຫົດນ້ຳແມ່ນຕ້ອງໃຊ້ຝັກບົວໃຫ້ນ້ຳອອກມາເປັຍຝອຍເຮັດໃຫ້ສະດວກໃນການຫົດນ້ຳຕົ້ນເຜືອກຫຼາຍ ບໍ່ດົນເຜືອກຈະແຕກໜໍ່ເປັນກໍ ຄວນຕັດໜໍ່ທີ່ແຕກອອກຈົ່ງໄວ້ແຕ່ໜໍ່ດຽວ ເພາະຖເາມີຫຼາຍໜໍ່ເຜືອກຈະມີຫົວນ້ອຍຂາຍບໍ່ໄດ້ລາຄາ.
ການໃສ່ຝຸ່ນ.
ດິນປູກເຜືອກຕ້ອງເປັນດິນທີ່ມີຄວາມອຸດົມສົມບູນມີ່ທາດອາຫານສູງ ດັ່ງນັ້ນການໃສ່ຝຸ່ນຈື່ງເປັນສີ່ງທີ່ຈຳເປັນທີ່ຄວນເຮັດດັ່ງຕໍ່ໄປນີ້:
• ກ່ອນປູກເຜືອກໃຫ້ໃສ່ຝຸ່ນຄອກຮອງກົ້ນຂຸມ ຫຼືປະສົມໃນຂຸມປູກຂຸມລະ 2-3 ກໍາມື້.
• ໃສ່ເດືອນລະ 1 ເທື່ອຫຼັງຈາກປູກເຜືອກແລ້ວຄວນໃສ່ຝຸ່ນຄອກ ແລະ ປຸ໋ຍວິທະຍາສາດຮວມກັບປຸ໋ຍວິທະຍາສາດຄວນເປັນນໍ້າ ເພາະມີທາດໄນໂຕຣເຈນສູງໃສ່ຕົ້ນລພ 1 ບ່ວງແກງ ຝຸ່ນຄອກຕົ້ນລະ 1 ກຳມື້ໂດຍປະສົມປຸ໋ຍທັງ 2 ຊະນິດເຂົ້າກັນຂຸດຮອງອ້ອມຕົ້ນຫ່າງຕົ້ນ 1 ຝາມື້ ໂຮຍປຸ໋ຍໃສ່ລົງໄປແລ້ວຖົມຫົດນ້ຳໃຫ້ຊຸ່ມທຸກເທື່ອ.
• ໃສ່ປຸ໋ຍບຳລຸງທີ່ມີສ່ວນປະສົມຂອງທາດໂປຣແຕດຊ້ຽມຢູ່ນຳເມື່ອເຜືອກອາຍຸໄດ້ 2-4 ເດືອນ ວິທີສັງເກດການຊື້ປຸ໋ຍຮວມ ຫຼືປຸ່ຍປະສົມວ່າມີທາດໂປຣແຕດຊ້ຽມຢູ່ນຳ ຫຼືບໍ່ ໃຫ້ເບີ່ງເລກຢູ່ຖົງປຸ໋ຍເຊັ່ນ ຖ້າພິມໄວ້ວ່າ 8-10-12 ຕົວເລກຫຼັງສຸດແມ່ນ 12 ສະແດງວ່າມີປຸ໋ຍໂປຣແຕດຊ້ຽມໃຊ້ບຳລຸງຫົວ ແຕ່ຖ້າພິມວ່າ 16-20-0 ຕົວເລກຫຼັງສຸດແມ່ນ 0 ສະແດງວ່າບໍ່ມີປຸ໋ຍໂປຣແຕດຊ້ຽມ ຖ້າຮ້ານຄ້າມີສະເພາະປຸ໋ຍໂປຣແຕດຊ້ຽມຂາຍຈະເປັນໂປຣແຕດຊ້ຽມຄໍໄລ ຫຼືໂປຣແຕດຊ້ຽມຊັນເຟດກໍ່ໄດ້ ໂຮຍອ້ອດຕົ້ນໆ ລະ 1 ບ່ວງແກງ ພູນດິນປົກ ຫົດນ້ຳໃຫ້ຊຸ່ມ.

ຂໍ້ຄວນລະວັງໃນການປູກເຜືອກຫອມ.
ບໍ່ຄວນໃຊ້ຢາຊະນິດເມັດຍອດບໍລິເວນຫົວເຜືອກໃນການປ້ອງກັນພະຍາດຫົວເນົ່າເຊັ່ນ ຢາເທມມິດ 10 ຈີ ໄທເມດ 10 ຈີ ແລະ ບີ.ເອດ.ຊີ ເພາະມີປະລິມານຕົກຄ້າງຍາວນານເຖີ່ງ 120 ມື້ ຫຼືຫຼາຍກວ່ານັ້ນ ຖ້າຊາວກະສິກອນເກັບເຜືອກໄປຂາຍໃຫ້ຜູ່ບໍລິໂພກອາດເປັນອັນຕະລາຍເຖີ່ງຕາຍໄດ້ ຫາກຈຳເປັນຕ້ອງໃຊ້ຢານີ້ຄວນໃຊ້ກ່ອນມື້ເກັບກ່ຽວຕັ້ງແຕ່ 120 ມື້ຂື້ນໄປ.

ການເກັບກ່ຽວເຜືອກຫອມ.

ເມື່ອເຜືອກໃກ້ອາຍຸທີ່ຈະເກັບກ່ຽວໄດ້ໃບຈະຂ່ຶຍໆເປັນສີເຫຼືອງຕັ້ງແຕ່ໃບລຸ່ມຂື້ນໄປຈົນເຫຼືອແຕ່ສ່ວນຍອດ 2-3 ໃບ ສະແດງວ່າຫົວເຜືອກແກ່ແລ້ວ ຄວນຂຸດໄດ້ແລ້ວຊື່ງນັບຈາກມື້ປູກຈົນຮອດມື້ເກັບກ່ຽວປະມານ 7 ເດືອນ ຖ້າປ່ອຍໄວ້ດົນຈະເຮັດໃຫ້ນ້ຳໜັກຂອງເຜືອກຫຼຸດລົງ
ວິທີຂຸດກຫົວເຜືອກ ໃຊ້ຈົກ ຫຼືສ່ຽມຂຸຸດໃກ້ຕົ້ນເຜືອກແລ້ວງັດຫົວເຜືອກຂື້ນ ຂຸດກອງລວມກັນໄວ້ຫຼັງຈາກເກັບຫົວເຜືອກແລ້ວ ໃຫ້ເກັບລູກເຜືອກ ຫຼືຊໍ ຊອກເຟືອງ ຫຼືຫຍ້າມາປົກດິນໄວ້ກັນຄວາມຮ້ອນຈາກແສງແດດ ຈະສາມາດເກັບປູກໄວ້ໃນດິນໄດ້ດົນສຳລັບເຮັດພັນເທື່ອຕໍ່ໄປຖ້າຝົນຕົກຫຼາຍຄວນເກັບລູກເຜືອກອອກຈາກດິນ ເພາະລູກເຜືອກຈະເນົ່າເສຍໄດ້ ໃຫ້ເອົາໄປໄວ້ບ່ອນຫົ່ມອາກາດຖ່າຍເທສະດວກ.

ແຫຼ່ງຂໍ້ມູນ: http://www.vichakaset.com

ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່:

ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ

ເຫັດມີຄຸນຄ່າທາງດ້ານອາຫານສູງມີລົດຊາດແຊບ ດີປະກອບດ້ວຍທາດອາຫານຕ່າງໆເຊັ່ນ: ທາດໂປຣຕິນ, ຄາໂບໄຮເດດ, ວິຕາມິນ ແລະ ແຮ່ທາດອື່ນໆ, ໃນສະໄໝບູຮານມີຜູ້ໃຊ້ເຫັດປຸງແຕ່ງເປັນຢາປົວພະຍາດບາງຊະນິດ. ໃນປັດຈຸບັນວິທະຍາການຕ່າງໆກ້າວໜ້າຂຶ້ນ. ມະນຸດສາມາດເອົາມາປູກໄດ້ຫຼາຍໆຊະນິດເຊັ່ນ: ເຫັດເຟືອງ, ເຫັດນາງຣົມ, ເຫັດຫູໜູ,ເຫັດຫອມເນື່ອງຈາກມີວັດຖຸຕ່າງໆ.ດັ່ງນັ້ນຈິ່ງມີຜູ້ປະກອບອາຊີບຜະລິດເຫັດຂາຍ ນັບມື້ຂະຫຍາຍຕົວໄປເລື້ອຍໆ ຕະຫຼອດຮອດຊາວໄຮ່ນາກໍ່ສາມາດປະກອບອາຊີບປູກເຫັດ ຂາຍຕາມທ້ອງຕະຫຼາດໄດ້ຕະຫຼອດປີ. ເພາະວ່າການປູກເຫັດບໍ່ໄດ້ລົງທຶນຫຼາຍ ແລະ ບໍ່ໄດ້ໃຊ້ແຮງຫຼາຍ ໂດຍສະເພາະຢ່າງຍິ່ງປະເທດລາວເຮົາເປັນປະເທດກະສິກຳ ສາມາດນຳເອົາເຟືອງ, ຂີ້ເລື່ອຍ ຊື່ງມີຢູ່ທົ່ວໆໄປ ບໍ່ໄດ້ໃຊ້ພື້ນທີ່ຫຼາຍ ພຽງແຕ່ເຮັດໃຫ້ຖືກວິທີກໍຈະປະສົບຜົນສຳເລັດໄດ້.
ລັກສະນະເຮືອນເຫັດ.
ເຮືອນທີ່ໃຊ້ປູກເຫັດຄວນມີຂະໜາດກວ້າງ 4 ແມັດ, ຍາວ 6 ແມັດ, ສູງ 3 ແມັດ ຫຼັງຄາມຸງດ້ວຍໄພຫຍ້າ, ດ້ານຂ້າງເຮືອນເຫັດຄວນເປັນປາລາສະຕິກເຄືອບສາມາດເປີດ – ປິດ ໄດ້ສະດວກ.
ການຜະລິດຖົງເຊື້ອເຫັດ.
ມີສູດອາຫານທີ່ໃຊ້ເຮັດກ້ອນເຊື້ອປູກເຫັດດັ່ງນີ້:

• ສູດທີ 1

– ຂີ້ເລື່ອຍໄມ້ເນື້ອອ່ອນ 100 ກິໂລ
– ຮຳລະອຽດ 75 ກິໂລ
– ປູນຂາວ 2 ກິໂລ
– ຢິບຊຳ 500 ກິໂລ
– ດີເກືອ 200 ກິໂລ
– ຄວາມຊຸ່ມ 65 – 75 ເປີເຊັນ

•  ສູດທີ 2

ຂີ້ເລື່ອຍໄມ້ເນື້ອອ່ອນ 100 ກິໂລ
– ຮຳລະອຽດ 3 ກິໂລ
– ນ້ຳຕານຊາຍ 2 ກິໂລ
– ປູນຂາວ 1 ກິໂລ
– ຢິບຊຳ 2 ກິໂລ
– ດີເກືອ 200 ກິໂລ
– ຄວາມຊຸ່ມ 65 – 75 ເປີເຊັນ

ຮູບ: ຖົງເຊື້ອເຫັດ

ນຳຂີ້ເລື່ອຍມາປະສົມກັບອາຫານເສີມຄົນໃຫ້ເຂົ້າກັນດີຕື່ມນ້ຳລົງໄປຈົນກະທັ້ງມີຄວາມຊຸ່ມພໍດີຄື: ຂະນະກຳຂີ້ເລື່ອຍໄວ້ໃນມືຈະບໍ່ມີນ້ຳໄຫຼອອກມາຕາມຫວ່າງມືເມື່ອແບມືອອກຂີ້ເລື່ອຍຍັງຈັບຕົວກັນເປັນກ້ອນ ຫຼື ແຕກປະມານ 2 ຫາ 3 ກ້ອນ. ຈາກນັ້ນນຳສ່ວນປະສົມດັ່ງກ່າວບັນຈຸຖົງພາສຕິກທົນຮ້ອນໃຫ້ແໜ້ນພໍສົມຄວນປະມານຖົງລະ 800 ກຣາມ. ພ້ອມໃສ່ຄໍພາສຕິກ ແລະ ຈຸສຳລີນຳໄປໜື້ງຂ້າເຊື້ອດ້ວຍອຸນນະພູມ 100 ອົງສາເຊ ເປັນເວລາ 2 ຊົ່ວໂມງ ແລ້ວນຳໄປໃສ່ເຊື້ອງເຂົ້າຝ້າງຖົງລະປະມານ 10 – 20 ເມັດຕໍ່ໄປ.
ການບົ່ມພັກກ້ອນເຊື້ອເຫັດ.
ຫຼັງຈາກທີ່ໄດ້ທຳການເຂ່ຍເຊື້ອລົງກ້ອນຖົງເຫັດລົງນຳຖົງກ້ອນເຊື້ອໄປບົ່ມພັກໄວ້ໃນເຮືອນເຫັດທີ່ມີອຸນນະພູມປະມານ 28 – 30 ອົງສາ ( ອຸນນະພູມຫ້ອງ ) ໃຫ້ມີການຖ່າຍເທ, ລະບາຍອາກາດຢ່າງພຽງພໍ, ບົ່ມພັກກ້ອນເຊື້ອເຫັດປະມານ 25 – 30 ວັນ ເຊື້ອເຫັດຈະ ຈະເລີນເຕັມຖົງບົ່ມຕໍ່ໄປອີກປະມານ 1 – 2 ເດືອນ ເພື່ອໃຫ້ເສັ້ນໄຍເດີນໜ້າແໜ້ນ ແລະ ແຂງແຮງ( ເສັ້ນໄຍຮັດຕົວ ). ຈາກນັ້ນຈິ່ງຂົນຍ້າາຍເຂົ້າໃນເຮືອນສຳລັບເປີດດອກ.

ຮູບ: ການບົ່ມພັກກ້ອນເຊື້ອເຫັດ

ການຜະລິດດອກເຫັດ.
ເມື່ອນຳກ້ອນເຊື້ອເຫັດທີ່ເດີນເຕັມຖົງ ແລະ ແໜ້ນໂຕແລ້ວເຂົ້າເຮືອນເຫັດ ເປີດດອກໃຫ້ຈຸກສຳລີອອກ, ຫົດນ້ຳໃຫ້ຊຸ່ມ ອຸນນະພູມພາຍໃນເຮືອນຄວນຢູ່ປະມານ 37 – 40 ອົງສາເຊ. 7 – 10 ວັນເຫັດກໍ່ຈະເກີດຕຸ່ມດອກນ້ອຍໆ. ບໍລິເວນປາກຖົງໃຫ້ເອົາມີດປາດປາກຖົງອອກໃຫ້ໝົດ ພໍດອກເຫັດເລີ່ມໃຫຍ່ໃຫ້ເປີດເຮືອນເຫັດໂດຍການມ້ວນພາສຕິກດ້ານຂ້າງຂຶ້ນເພື່ອຖ່າຍເທລະບາຍອາກາດ. ເຫັດສາມາດເກີດດອກໄດ້ຫຼັງຈາກເສັ້ນໄຍແໜ້ນຕົວແລ້ວ 1 – 2 ເດືອນ.
ການເກັບຜົນຜະລິດ.
ໃຫ້ເກັບວັນລະ 2 ຄັ້ງຄື: ເຊົ້າ ແລະ ແລງ ໂດຍໃຊ້ມືດືງດອກເຫັດທີ່ໃຫຍ່ເຕັມທີ່ອອກທະຍອຍເກັບເລື້ອຍໆຈົນໝົດ ຈາກນັ້ນຈິ່ງປ່ອຍປະໄວ້ໂດຍບໍ່ຕ້ອງຫົດນ້ຳ 7 – 10 ວັນ ແລ້ວຄ່ອຍໆຫົດນ້ຳ ແລະ ຄວບຄຸມອຸນນະພູມໃຫ້ຢູ່ປະມານ 37 – 40 ອົງສາເຊ ຈົນເຫັດເກີດຕຸ່ມດອກ ແລະ ເມື່ອດອກເຫັດເລີ່ມໃຫຍ່ຈຶ່ງເປີດພາສຕິກດ້ານຂ້າງອອກເພື່ອຖ່າຍເທລະບາຍອາກາດອີກຄັ້ງ.

ແຫຼ່ງຂໍ້ມູນ: ເຕັກນິກການປູກເຫັດບົດ, ກອງສົ່ງເສີມກະສິກຳ ແລະ ປ່າໄມ້ ແຫ່ງຊາດ, ພະແນກສົ່ງເສີມ ແລະ ຄຸ້ມຄອງໂຄງການ, ໜ່ວຍງານວິຊາຊີບ. ໂທ: 021 740 253

ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຕິດຕໍ່:

ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ