1. ລັກສະນະທົ່ວໄປ.
ກົກຕີ້ວເປັນໄມ້ຢືນຕົ້ນສູງ 10-15 ມ. ເສັ້ນຜ່າກາງ 40-50 ຊມ. ເປືອກລໍາຕົ້ນແຕກເປັນເກັດແລບໆ ສີເຫຼືອງແກມແດງ ແລະ ມີໝາມຕາມລໍາຕົ້ນ ຖາກເປືອກມີຢາງສີແດງ. ໃບດຽ່ວປົ່ງກົງກັນຂ້າມ, ຮູບຮີ ຮູບຂອບຂະໝານ ແລະ ຮູບໄຂ່ແກມຫອກ, ໝາ ແລະ ໝຽວ, ຜີວໃບກ້ຽງ ຍອດອອ່ນມີສີນໍ້າຕານແດງແກມເຫຼືອງ ໃບແກ່ ໝ້າໃບຂຽວເຂັ້ມ ຫຼັງໃບຂຽວອອ່ນ ຂອບໃບລຽບ ປາຍໃບແຫຼມ ກົກໃບມົນ ໃບຍາວ 9-16.5 ຊມ ກວ້າງ 4-4.7 ຊມ ລະຫວ່າງງ່າມໃບມີຫຼໃບ 1 ຄູ່. ຊໍ່ດອກເປັນຈູ້ມ (raceme) ເກີດຕາມງ່າມໃບ. ງ່າມກີ່ງ ມີດອກຊໍ່ລະ 1-6 ດອກ ກາບດອກມີ 5 ກີບ ກີບດອກມີ 5 ກີບ ສີຂາວແກມຊົມພູ-ຊົມພູແກ່. ໝາກຮູບຮີ ຍາວ 1-1.6 ຊມ. ເສັ້ນຜ່າກາງ 0.4-0.6 ຊມ ກາບດອກຕິດຢູ່ກັບໝາກຈົນກວ່າໝາກແກ່ຫຼົ່ນຈາກຕົ້ນ ພາຍໃນມີ 3 ຫ້ອງ ໝາກແກ່ຈະແຕກອອກເປັນ 3 ແສກ. ແກ່ນຮູບຫອກປີ້ນ ແລະ ມີປີກ ຫ້ອງໝື່ງມີ 12-17 ແກ່ນ.

2. ການນໍາໃຊ້.
ໃບອອ່ນ ແລະ ຍອດອອ່ນກິນກັບລາບ. ກອ້ຍ. ພັນເຂົ້າປຸ້ນ ຫຼື ໃສ່ແກງປາ. ແກງໄກ່ ຊື່ງເປັນທີ່ນິຍົມຂອງຄົນລາວ ຮາກ ແລະ ໃບຕົ້ມກິນ ເປັນຢາແກ້ເຈັບທ້ອງ ຊວ່ຍລະລາຍອາຫານ, ກິນເຂົ້າແຊບ, ແກ້ອາການອິດເມື່ອຍຫຼັງຄອດລູກ ແລະ ເປັນໄຂ້ໂຊ ຕົ້ມກິນມື້ໝື່ງ 15-30 ກຼາມ ຢາງຈາກເປືອກລໍາຕົ້ນທາແກ້ຄັນ ນໍ້າຕົ້ມເປືອກ ກິນແກ້ພິການ ເປືອກ ແລະ ໃບຕໍາປະສົມນໍ້າມັນໝາກພ້າວທາແກ້ໂລກຜິວໝັງບາງຊະນິດ(ຕໍາລາຢາພື້ນເມືອງ)
3. ການຂະຫຍາຍພັນ.
ຂະຫຍາຍພັນດວ້ຍແກ່ນ ຫຼື ຂຸດຕົ້ນນອ້ຍທີ່ເກີດເອງຕາມທໍາມະຊາດເອົາມາປູກກໍ່ໄດ້ຄືກັນ.
4. ການປູກ.
ຜັກຕີ້ວສາມາດຈະເລີ່ມເຕີບໂຕໄດ້ດີໃນດິນທຸກສະພາບ ມີລະບົບຮາກທີ່ຍາວ ຝັ່ງແໝ່ນຖ້າເອົາມາລົງດິນຈະໄດ້ຕົ້ນໄມ້ທີ່ສູງໃຫ່ຍ ຈະໃຊ້ເບ້ຍທີ່ກ້າ ຫຼື ເພາະແກ່ນປູກກໍ່ໄດ້ ແຕ່ຖ້າເອົາມາລົງກະຖາງກໍ່ຈະໄດ້ຕົ້ນທີ່ສູງພຽງ 25-40 ຊຕມ. ຖ້າໄດ້ຮັບແສງແດດທີ່ພໍດີ ຕົ້ນຜັກຕີ້ວຈະແຕກຍອດ ແລະ ໃບອອ່ນໃຫ້ເກັບຢູ່ສະເໝີ.

5. ການເກັບກ່ຽວ.
ຮາກ ດອກ ແລະ ໃບເກັບໄດ້ຕະຫຼອດປີ ເກັບດອກ ຫຼື ເກັບໃບສົດໆມາຕາກແດດໃຫ້ແຫ້ງແລ້ວເກັບຮັກສາໄວ້ບອ່ນອາກາດລວ່ງດີ. ຕົ້ມກິນແທນນໍ້າຊາ.

6. ການຕະຫຼາດ.
ໃບຕີ້ວສົດໆ ດອກ ມີຂາຍຕາມຕະຫຼາດ ພາຍໃນປະເທດ ແຕ່ເໝືອເຖິງໃຕ້. ຮາກ ໃບ ແລະ ດອກຂາຍໄດ້ຕະຫອຼດປີ.

ຮຽບຮຽງໂດຍ: ເດືອນເພັງ ສີຫາລາດ
ໝວດໝູ່: ການປູກພືດຜັກ
ແຫຼ່ງຂໍ້ມູນ http://www.rakbankerd.com
ຂໍ້ມູນເພີມຕື່ມ:
ຂໍ້ມູນແນວພັນ:
ວິດີໂອ:

ຕິດຕໍ່:

1. ວິທີການປູກຢາສູບ
ຢາສູບເປັນພືດໃບລ້ຽງຄູ່ ມີຊື່ວິທະຍາສາດວ່າ ນີໂຄແຕນາທາເບຄຳ ( Nicotianatabacum) ເປັນພືດໃນຕະກູນໂຊລະນາຊີ (Salicaceae) ເປັນພືດລະດູດຽວ ເມື່ອເຮົາສຳພັດມີຄວາມໜຽວມີລົດຊາດຂົມ.
2. ວິທີການປູກ:
1. ການກະກຽມດິນ: ຊາວສວນຈະຕ້ອງກຽມດິນໃນໄລຍະເດືອນພະຈິກ ຫາ ທັນວາໄຖພວນດິນ ຕາກແດດໄວ້ 2 ເທື່ອຄື: ເທື່ອທຳອິດໄຖດິນໃຫ້ໄດ້ຄວາມເລິກ 30 – 40 ຊັງຕີແມັດ ຕາກແດດປະໄວ້ 1-2 ອາທິດ ເພື່ອຂ້າເຊື້ອໂລກຂອງ ໄຂ່ແມງແດງ ແລະ ວັດຊະພືດຕ່າງ ຫຼັງຈາກນັ້ນໄຖອີກເທື່ອໃໝ່ເຮັດໜານໃຫ້ສູງ 15-20 ຊັງຕີແມັດ ຂະໜາດຄວາມກວ້າງ 1 ແມັດ ຄວາມຍາວແມ່ນຂຶ້ນກັບພື້ນທີ່ ແລະ ຄວາມຕ້ອງການຂອງຜູ້ປູກ.

2. ການກ້າເບ້ຍ: ເລີ່ມກ້າເບ້ຍຢາສູບໃນໄລຍະເດືອນຕຸລາ ຫາ ພະຈິກ ກ້າເບ້ຍໄວ້ 4-5 ໜານ ຫຼັງຈາກກຽມແນວພັນແລ້ວໃຫ້ໄຖພວນດິນຕາກແດດໄວ້ແລ້ວແປງໜານກ້າປັບລະດັບໜ້າດິນໃຫ້ສະໝ່ຳສະເໝີ ວ່ານເມັດຢາສູບໃຫ້ທົ່ວໜານຫົດນ້ຳທຸກມື້ຈົນເບ້ຍຢາສູບ ມີອາຍຸ 25-30 ມື້ໄລຍະຫ່າງລະຫວ່າງຕົ້ນປູກປະມານ 50-60 ຊັງຕີແມັດ ຈຳນວນເບ້ຍ 3-4 ພັນ ຕົ້ນຕໍ່ 1 ໄລ່.

3. ການເບິ່ງແຍງ: ຫຼັງຈາກປູກໄດ້ 7 ມື້ໃຫ້ໃສ່ປຸ໋ຍເຄມີສູດ 4-6-24+Mgo+0.5B ໃນອັດຕາ 50 ກິໂລກຣາມຕໍ່ 1 ໄລ່ໃສ່ພຽງຄັ້ງດຽວເທົ່ານັ້ນຫົດນ້ຳໃຫ້ມັນທຸກເຊົ້າ ແລະ ແລງຖ້າເປັນໄປໄດ້ ຫຼື ຫົດມື້ລະເທື່ອກໍໄດ້ຈົນກວ່າໝັ້ນໃຈວ່າຕົ້ນຢາສູບບໍ່ຕາຍ ພາຍຫຼັງທີ່ພຶດເຕີບໃຫຍ່ໄດ້ພໍປະມານແລ້ວໃຫ້ປ່ອຍນ້ຳເຂົ້າຕາມສວນຢາ 3 ເທື່ອ ຈົນກວ່າຈະເກັບກ່ຽວ.

4. ການເກັບກ່ຽວ: ເມື່ອຕົ້ນຢາສູບມີອາຍຸ 60 ມື້ ໃນໄລຍະນີ້ໃຫ້ເອົາໃບທີ່ເກັບກ່ຽວມາບົ່ມ ແລະ ຕາກຈະມີຄຸນນະພາບດີການເກັບກ່ຽວແມ່ນໃຫ້ເກັບແຕ່ໃບທຳອິດຈົນເຖິງໃບຍອດໃຫ້ເກັບຄັ້ງລະ 3-5 ໃບ ແລະ ປະໄລຍະຫ່າງ 7 ວັນ ແລ້ວຈິ່ງເກັບໃໝ່ຈົນກວ່າໃບຢາສູບຈະໝົດ.

ຮຽບຮຽງໂດຍ: ເດືອນເພັງ ສີຫາລາດ
ໝວດໝູ່: ການປູກພືດຜັກ
ແຫຼ່ງຂໍ້ມູນ https://www.rakbankerd.com/agriculture/page.php?id=5569&s=tblplant
ຂໍ້ມູນເພີມຕື່ມ:
ຂໍ້ມູນແນວພັນ:
ວິດີໂອ:

ຕິດຕໍ່:

1. ຫຍ້າກີນີສີມ່ວງ.

ຫຍ້າກີນີສີມ່ວງ ເປັນຫຍ້າທີ່ມີອາຍຸຫລາຍປີລັກສະນະລຳຕົ້ນເປັນກໍຕັ້ງຊື່ແຕກກໍໃບດົກ ທົນຕໍ່ສະພາບຮົ່ມເງົາໄດ້ດີຈະເລີນເຕີບໂຕໃນພື້ນທີ່ດິນຫນຽວ ແລະ ດິນຊາຍ ມີການຕອບສະຫນອງຕໍ່ການໃຫ້ນ້ຳ ແລະ ຝຸ່ນໄວສາມາດປູກຂະຫຍາຍພັນດ້ວຍເມັດ ແລະ ເຫງົ້າເຫມາະສຳລັບປູກລ້ຽງສັດແບບຕັດໃຫ້ກິນ.

2. ລະດູປູກ: ປູກໃນຕົ້ນລະດູຝົນ ໄລຍະທີ່ເຫມາະສົມທີ່ສຸດຄື: ເດືອນພຶດສະພາ ຫາ ເດືອນກໍລະກົດ ເປັນໄລຍະທີ່ດິນຍັງມີຄວາມອົບອຸ່ນເຫມາະສົມຕໍ່ການແຕກງອກຂອງເມັດ ແລະ ການຂະຫຍາຍຕົວຂອງຮາກຫຍ້າ.
3. ການກຽມດິນ: ເລີ່ມໄຖບຸກເບີກຫນ້າດິນເມື່ອມີຝົນຕົກໃນໄລຍະກາງເດືອນເມສາ ເພື່ອປີ້ນຫນ້າດິນກຳຈັດວັດສະພືດທີ່ປົກຄຸມດິນຕາກໄວ້ປະມານ 3-4 ອາທິດ. ຫລັງຈາກນັ້ນໄຖພວນດິນເທື່ອທີ 2-3 ເພື່ອທຳລາຍວັດສະພືດທີ່ຂຶ້ນມາໃຫມ່ ພ້ອມທັງປັບສະພາບດິນໃຫ້ຮາບພຽງ ແລະ ເກັບເສດວັດສະພືດອອກຈາກພື້ນທີ່ກຽມປູກ.
ວິທີປູກຫຍ້າກີນີ ເປັນເມັດຫຍ້າກິ່ນຫອມ ເຊິ່ງເປັນທີ່ຕ້ອງການຂອງມົດ ແລະ ແມງໄມ້ຫລາຍທີ່ສຸດ ດັ່ງນັ້ນ ການປູກດ້ວຍເມັດໂດຍກົງອາດຈະບໍ່ໄດ້ຮັບຜົນ ເອກະສານຂໍແນະນຳການປູກໂດຍໃຊ້ຕົ້ນກ້າ.
4. ການກ້າເມັດ: ໃຊ້ເມັດພັນ 0,5 ກິໂລ ແຊ່ໃນນ້ຳຢາມ້ອມມຸ້ງປະໄວ້ 1 ຄືນ ແລ້ວນຳໄປຫວ່ານໃນຫນານກ້າທີ່ກຽມໄວ້ໃນເນື້ອທີ່ 100 ຕາແມັດ ໃຫ້ທົ່ວຢ່າງສະຫມ່ຳສະເຫມີ ໂຮຍທັບດ້ວຍຝຸ່ນຄອກ (ດີແທ້ໃຫ້ໃຊ້ຝຸ່ນຂີ້ຫມູ )ປົກປະມານ 0,5 ຊັງຕີແມັດ. ພ້ອມທັງຫົດນ້ຳຫນານກ້າໃຫ້ມີຄວາມຊຸ່ມຢູ່ສະເຫມີເມື່ອຕົນກ້າມີ ອາຍຸ 1 ເດືອນ ກໍ່ສາມາດຍ້າຍໄປປູກໄດ້ໃນເນື້ອທີ່ 1 ໄຮ່.
5. ການປູກ: ໄລຍະຫ່າງ 50 x 50 ຊັງຕີ ແມັດ. ໃສ່ຂຸມລະ 3 ຕົ້ນ ແລະ ຄວນປູກໃນຄະນະທີ່ດິນມີຄວາມຊຸ່ມເຫມາະສົມ. ຫຍ້າກີນີຍັງສາມາດປູກປະສົມປະສານກັບພືດໄດ້ເຊັ່ນ: ປູກໃນສວນຢາງພາລາ ແລະ ປູກໃນສວນໄມ້ໃຫ້ຫມາກອື່ນໆ.
6. ການໃສ່ຝຸ່ນ: ກ່ອນປູກຄວນໃສ່ຝຸ່ນຮອງພື້ນສູດ 15-15-15 ອັດຕາ 50 ກິໂລຕໍ່ໄຮ່ ອາດຈະໃຫ້ຝຸ່ນຄອກຕື່ມອີກ ເພື່ອເພີ່ມອິນຊີວັດຖຸໃນດິນ ແລະ ໃສ່ປຸ໋ຍຢູເຣຍ (ສູດ 46-0-0) ອັດຕາ 10 ກິໂລຕໍ່ໄຮ່ ຫລັງຈາກຕັດຫຍ້າທຸກເທື່ອ ໂດຍໂຮຍໃສ່ຕາມເຫງົ້າຫຍ້າທີ່ຕັດເທົ່ານັ້ນ. ໃນປີຕໍ່ໆໄປໃຫ້ໃສ່ປຸ໋ຍສູດ 15-15-15 ໃນໄລຍະຕົ້ນລະດູຝົນ.

7. ການຈຳກັດວັດສະພືດ: ຄວນກຳຈັດວັດສະພືດເທື່ອທຳອິດຫລັງຈາກປູກແລ້ວ 2-3 ອາທິດ ແລະ ກຳຈັດວັດສະພືດຕື່ມອີກໃນເທື່ອຕໍ່ໆໄປເທົ່າທີ່ຈຳເປັນ
8. ການໃຫ້ນ້ຳ: ຫຍ້າກີນີເປັນທີ່ຕອບສະຫນອງຕໍ່ການໃຫ້ນ້ຳ ແລະ ປຸ໋ຍໄດ້ດີ ດັ່ງນັ້ນໃນໄລຍະລະດູແລ້ງ ຫລື ລະດູຝົນທີ່ຝົນຂາດ, ໄລ¬ຍະເປັນເວລາດົນນານຄວນມີການໃຫ້ນ້ຳໂດຍໃຊ້ລະບົບຝົນຝອຍໃນທຸກໆ 3-5 ມື້ ຫຍ້າຈະຂຽວງາມ ແລະ ໃຫ້ຜົນຜະລິດຕະຫລອດປີ
9. ການນຳໃຊ້ປະໂຫຍດ: ເລີ່ມຕັດໃຫ້ສັດກິນເທື່ອທຳອິດເມື່ອຫຍ້າມີອາຍຸປະມານ 40-45 ວັນຫລັງຈາກປູກ ແລະ ຕັດເທື່ອຕໍ່ໄປທຸກໆ 30-35 ວັນ ໂດຍຕັດສູງຈາກຫນ້າດິນ 10 ຊັງຕີແມັດ ຖ້າປູກໃນພື້ນທີ່ທີ່ອາໄສນ້ຳຝົນຢ່າງດຽວຈະໃຫ້ຜົນຜະລິດນ້ຳຫນັກຫຍ້າສົດປະມານ 8-10 ໂຕນຕໍ່ໄຮ່ຕໍ່ປີ ແລະ ຖ້າປູກໃນເຂດຊົນລະປະທານທີ່ສາມາດໃຫ້ນ້ຳໄດ້ຕະຫລອດປີຈະໃຫ້ຜົນ ຜະລິດຫຍ້າສົດປະມານ 12-14 ໂຕນຕໍ່ໄຮ່ຕໍ່ປີ.

ຮຽບຮຽງໂດຍ: ເດືອນເພັງ ສີຫາລາດ
ໝວດໝູ່: ການປູກພືດອາຫານສັດ
ແຫຼ່ງຂໍ້ມູນ: ຄູ່ມືເຕັກນິກພື້ນຖານໃນການປູກພືດອາຫານສັດ
ຂໍ້ມູນເພີມຕື່ມ:
ຂໍ້ມູນແນວພັນ:
ວິດີໂອ:

ຕິດຕໍ່:

1. ລັກສະນະທົ່ວໄປ.
ການປູກດອກພຸດນັ້ນປູກຄັ້ງດຽວກໍ່ສາມາດເກັບດອກໄດ້ດົນ ຫາກຮູ້ຈັກວິທີການປູກ ແລະ ການດູແລຮັກສາແຕ່ຖ້າເບິ່ງແຍງບໍ່ຖືກວິທີກໍ່ຈະເກີດປັນຫາຕາມມາຢ່າງຫລວງຫລາຍ ເຊິ່ງຊາວສວນບາງຄົນບໍ່ໄດ້ຮັບການອົບຮົມການປູກດອກພຸດຍັງຂາດປະສົບການໃນການປູກ ຈິ່ງເກີດປັນຫາຕ່າງໆເປັນເຫດເຮັດໃຫ້ຊາວກະສິກອນໃຊ້ຕົ້ນທຶນສູງ ສະນັ້ນ ການປູກດອກພຸດໃຫ້ໄດ້ຮັບຜົນຜະລິດສູງ ແລະ ຫລຸດຕົ້ນທຶນມີເຕັກນິກດັ່ງນີ້:

2. ການເພາະກ້າ ແລະ ກຽມວັດສະດຸ.
ກຽມວັດສະດຸສຳລັບເພາະກ້າ ໂດຍໃຊ້ຊາຍປະສົມຂີ້ແກບໃນປະລິມານເທົ່າກັນບັນຈຸໃນຖັງກ້າລາສະຕິກທີ່ກຽມໄວ້ແລ້ວຫົດນ້ຳໃຫ້ຊຸ່ມ ຈາກນັ້ນ ໃຫ້ກຽມກິ່ງພັນກິ່ງພັນທີ່ໃຊ້ຈະເປັນກິ່ງແກ່ ຫລື ກິ່ງອ່ອນຕັດເປັນບ່ອນປະມານ 4 ນິ້ວ ຫລື ມີຂໍ້ຢ່າງນ້ອຍ 3 ຂໍ້ ການຕັດກິ່ງຄວນຈະຕັດໃຫ້ໃກ້ຂໍ້, ປິດໃບສ່ວນລຸ່ມອອກໃຫ້ເຫລືອໃບຄູ່ເທິງສຸດ 1 ຄູ່, ຕັດໃບອອກໃຫ້ເຫລືອພຽງ 1/2 ໃບເພື່ອຫລຸດການຄາຍນ້ຳ ແຕ່ຖ້າຕ້ອງການເລ່ງຮາກຄວນນຳກິ່ງດອກພຸດໄປຈຸ່ມນ້ຳໃນຮອກໂມນ ປະລິມານ 1/1 ຄວາມເຂັ້ມຂຸ້ນ 4,500 PPM ຈາກນັ້ນ ນຳກິ່ງດອກພຸດທີ່ກຽມໄວ້ປັກຊຳລົງໃນພາຊະນະເພາະກ້າ ໂດຍການປັກຮຽງເປັນແຖວໃຫ້ມີໄລຍະຫ່າງລະຫວ່າງແຖວ ແລະ ກິ່ງ 2 x 2 ນິ້ວ ຈາກນັ້ນ ຫົດນ້ຳ ແລະ ສານປ້ອງກັນເຊື້ອລາເຊັ່ນ: ແຄບແທນ ແລະ ສານເຄມີກຳຈັດແມງຕົ້ນຕໍແມ່ນເຊຟວິນ.
ຮັກສາຄວາມຊຸ່ມໃຫ້ເຫມາະສົມ ແລະ ຄົງທີ່ໂດຍການນຳເອົາພາຊະນະເພາະຊຳໄປວາງໄວ້ໃນຖົງພລາສຕິກຂະຫນາດ ໃຫຍ່ມັດປາກຖົງໃຫ້ແຫນ້ນແລ້ວນຳໄປມັດໄວ້ກັບກິ່ງໄມ້ ຫລື ທ່ອນໄມ້ໃຫ້ປາກຖົງເຕັງກັບກິ່ງຊຳ ຈາກນັ້ນ ຈິ່ງນຳໄປໄວ້ໃນບ່ອນຮົ່ມ ຖ້າເປັນດອກພຸດນ້ອຍຈະອອກຮາກພາຍໃນ 3 ອາທິດ ແຕ່ຖ້າເປັນດອກພຸດໃຫຍ່ຈະໃຊ້ເວລາປະມານ 1 ເດືອນ ຫລັງຈາກກິ່ງປັກຊຳອອກຮາກແລ້ວໃຫ້ນຳໄປລ້ຽງຕໍ່ໃນຖົງຢາງຂະຫນາດ 2 x 3 ນິ້ວ ໂດຍໃສ່ດິນ, ໃຍຫມາກພ້າວ ແລະ ຝຸ່ນຄອກປະລິມານ 3:1:1 ຈົນຕົ້ນດອກພຸດແຂງແຮງດີແລ້ວຈິ່ງນຳໄປປູກຕໍ່ໄປ.
3. ການຂະຫຍາຍພັນ.
ການຂະຫຍາຍພັນ ເພື່ອເປັນສິນຄ້າໃຫ້ປັກຊຳໃນກະບະປັກຊຳທີ່ສ້າງໄວ້ໃນທີ່ຮົ່ມ ເຊັ່ນ: ໃນເຮືອນເພາະຊຳຂະຫນາດຂອງກະບະອາດຈະໃຊ້ຂະຫນາດກວ້າງ 1 ແມັດ, ຍາວ 20 ແມັດ ແລະ ສູງ 80 ຊັງຕີແມັດ ຫລື ຂະຫນາດອື່ນ ກໍ່ໄດ້ຕາມຄວາມເຫມາະສົມ, ໃຊ້ຂີ້ເທົ່າແກບເກົ່າໆເປັນວັດສະດຸປັກຊຳ ໂດຍໃສ່ລົງໃນກະບະປະມານ 50 ຊັງຕີແມັດ ໄລຍະຫ່າງຂອງກິ່ງທີ່ໃຊ້ປັກຊຳປະມານ 2 ນິ້ວ ແລະ ໄລຍະຫ່າງລະຫວ່າງແຖວປະມານ 2 ນິ້ວ, ເມື່ອສຳເລັດແລ້ວໃຫ້ໃຊ້ພລາສຕິກໃສປິດກະບະໃຫ້ແຈບປະໄວ້ 3 ອາທິດ ກິ່ງດອກພຸດຈະອອກຮາກປະມານ 90% ຂອງດອກພຸດທັງຫມົດ ເມື່ອອອກຮາກແລ້ວໃຫ້ສັງເກດເບິ່ງຄວາມສົມບູນຂອງຮາກກ່ອນທີ່ຈະຍ້າຍລົງປູກໃນຖົງພລາສະຕິກ ຫລື ໃນຫນານການປັກຊຳວິທີນີ້ຈະໄດ້ຈຳນວນຕົ້ນຄັ້ງລະຫລາຍໆ ແລະ ເປີເຊັນຂອງການອອກຮາກສູງ, ແຕ່ກໍ່ມີຂໍ້ຄວນລະວັງຄື ການປັກຊຳໃນກະບະຊ້ຳໆກັນຫລາຍຄັ້ງອາດເກີດເຊື້ອລາຂຶ້ນໄດ້ ດັ່ງນັ້ນ ຄວນໃຊ້ສານເຄມີປ້ອງກັນດ້ວຍການສິດພົ່ນລົງໃນກະບະຂະນະປັກຊຳດ້ວຍ.

4. ວິທີການປູກ.
ການປູກຄວນຈະປູກໃຫ້ດອກພຸດໄດ້ຮັບແສງແດດເຕັມທີ່ ເພື່ອດອກຈະໄດ້ດົກຕາມຄວາມຕ້ອງການດອກພຸດມັກດິນລ້ວນທີ່ມີການລະບາຍນ້ຳໄດ້ດີ ມີອິນຊີວັດຖຸ ແລະ ທາດອາຫານສົມບູນ, ຫາກຈະປູກດອກພຸດໃຫ້ມີອາຍຸຍືນຍາວຄວນຂຸດຂຸມເລິກ, ກວ້າງ ແລະ ຍາວດ້ານລະ 50 ຊັງຕີແມັດ, ໃສ່ຝຸ່ນຄອກ, ໃບໄມ້ຫລົ່ນ ຫລື ປຸຍຫມັກ ແລະ ວັດສະດຸອື່ນໆ ໃນປະລິມານສ່ວນ 1:1:1 ພ້ອມກັບຕື່ມປຸຍຊຸບເປີຟໍສະເຟດ (0-46-0) ແລະ ປຸຍປະສົມສູດ 15-15-15 ຢ່າງລະ 1 ກຳມືຄົນໃຫ້ເຂົ້າກັນແລ້ວໃສ່ປິ້ນລົງໄປໃນຂຸມໃຫມ່ປະໄວ້ປະມານ 7-10 ວັນ ຈິ່ງນຳເອົາຕົ້ນດອກພຸດທີ່ຊື້ມາ ຫລື ໄດ້ຈາກການປັກຊຳລົງປູກ

5. ການກຳຈັດວັດສະພືດ.
ການກຳຈັດວັດສະພືດປົກກະຕິແລ້ວຊາວສວນຈະນິຍົມໃຊ້ຢາຂ້າຫຍ້າສີດຕາມຮ່ອງປູກທຸກໆເດືອນ ໂດຍບໍ່ໃຫ້ຖືກຕົ້ນດອກພຸດ ສ່ວນການໃສ່ປຸຍໃຫ້ໃຊ້ປຸຍ ສູດເຄມີ ຫລື ເລ່ງສູດ 15 – 15 – 15 ຫລື 16 – 16 – 16 ແລະ ອັດຕາຂອງການໃສ່ແມ່ນຂຶ້ນຢູ່ກັບຂະຫນາດຂອງບໍລິເວນເງົາພຸ່ມ, ຄວນໃສ່ເດືອນລະຄັ້ງ ໂດຍການຫວ່ານ ແລະ ຕາມດ້ວຍການຫົດນ້ຳ.
6. ການຫົດນໍ້າ.
ສະເພາະດອກພຸດຕ້ອງການນ້ຳພໍສົມຄວນ ຫາກດິນຍັງປຽກຢູ່ບໍ່ຄວນຫົດນ້ຳ ແລະ ຄວນຖ້າຈົນກວ່າດິນຈະແຫ້ງຫມາດໆເສຍກ່ອນ ນອກຈາກນີ້ ອາດໃຫ້ນ້ຳວັນລະ 1 – 2 ຄັ້ງ ຫລື ອາທິດລະຄັ້ງກໍ່ໄດ້ຂຶ້ນຢູ່ກັບສະພາບຂອງດິນ ແຕ່ຢ່າໃຫ້ນ້ຳຖ້ວມ ຫລື ມີນ້ຳຂັງຢູ່ໃນຫນານດົນໆ ເພາະຈະເຮັດໃຫ້ຕົ້ນດອກພຸດໃບເຫລືອງ ແລະ ຕາຍໄດ້.

ຮຽບຮຽງໂດຍ: ເດືອນເພັງ ສີຫາລາດ
ໝວດໝູ່: ການປູກດອກໄມ້ປະດັບ
ແຫຼ່ງຂໍ້ມູນ:https://www.google.com/search?biw=1369&bih=723&ei=XbDUXdvZNoaC4-EP88O1qAM&q=%E0%B8%94%E0%B8%AD%E0%B8%81%E0%B8%9E%E0%B8%B8%E0%B8%94&oq=%E0%B8%94%E0%B8%AD%E0%B8%81%E0%B8%9E%E0%B8%B8&gs_l=psy-ab.1.0.0i19l10.7056.18757..22872…1.1..0.2076.4194.0j3j5-1j1j9-1……0….1..gws-wiz…..0..0i71.4lhNZGez_Fs
ຂໍ້ມູນເພີມຕື່ມ:
ຂໍ້ມູນແນວພັນ:
ວິດີໂອ:

ຕິດຕໍ່:

1. ເຕັກນິກການປູກບຣອກໂຄລີ.

ບຣອກໂຄລີ ເປັນພືດຜັກທີ່ບໍລິໂພກສ່ວນຂອງດອກ ແລະ ກ້ານຂອງດອກເຊັ່ນ: ດຽວກັນກັບກະລ່ຳດອກເປັນຜັກຊະນິດຫນຶ່ງ ນຕະກຸນກະລ່ຳ, ສວ່ນດອກປະກອບດ້ວຍດອກສີຂຽວຈຳນວນຫລາຍທີ່ຮວມກັນເປັນກຸ່ມໃຫຍ່ຜັກຊະນິດນີ້ນິຍົມບໍລິໂພກຫລາຍໃນເຂດຢູໂຣບ

2. ລັກສະນະທົ່ວໄປ: ບຣອກໂຄລີເປັນພືດຜັກທີ່ຢູ່ໃນຕະກຸນ Cruciferae ມີຊື່ທາງວິທະຍາສາດວ່າ: Brassica oleracea var. italica ສາມາດຈະເລີນເຕີບໂຕໄດ້ໃນດິນທຸກຊະນິດ ແຕ່ມັກດິນລ້ວນທີ່ມີຄວາມອຸດົມສົມບູນສູງ ປະຕິກິລິຍາຂອງດິນ (pH) 6.0 – 6,5 ມີຄວາມຊຸ່ມຊື່ນໃນດິນສູງ, ອຸນຫະພູມທີ່ເຫມາະສົມແມ່ນ 18 – 27 ອົງສາ, ມີອາກາດຂ້ອນຂ້າງຫນາວ, ໄລຍະປູກທີ່ເຫມາະສົມຄືລະຫວ່າງ ເດືອນພະຈິກ ຫາ ເດືອນທັນວາ.
3. ພັນທີ່ໃຊ້ປູກ: ສ່ວນຫລາຍເປັນພັນລູກປະສົມເຊັ່ນ: ພັນເດຊິກໂຄ (De Cicco), ພັນກຣິນໂຄເມດທີບຣິດ (Green Comet Hybrid) ເປັນຕົ້ນ
4. ການໄຖດິນ: ຂຸດ ຫລື ໄຖເລິກປະມານ 10-15 ຊັງຕີແມັດ, ຕາກດິນໄວ້ 5-7 ມື້ ຍ່ອຍດິນໃຫ້ລະອຽດຫວ່ານຝຸ່ນຄອກ ຫລື ຝຸ່ນບົ່ມໃຫ້ຫລາຍແລ້ວພວນປະສົມເຂົ້າກັບດິນໃຫ້ສະຫມ່ຳສະເຫມີແລ້ວຍົກເປັນຫນານ.
5. ການກຽມໝານປູກ: ຂຸດ – ໄຖໃຫ້ເລິກປະມານ 15-20 ຊັງຕີແມັດ ຕາກດິນໄວ້ 7-10 ມື້, ຫວ່ານຝຸ່ນຄອກ ຫລື ຝຸ່ນບົ່ມໃຫ້ຫລາຍຍ່ອຍໃຫ້ລະອຽດພວນດິນໃຫ້ດີເພື່ອໃຫ້ດິນຜຸຜົງເຮັດເປັນຫນານເກັບຫຍ້າ ແລະ ເສດໄມ້ອື່ນອອກໃຫ້ຫມົດ.

6. ການປູກ: ເນື່ອງຈາກບຣອກໂຄລີຂະຫຍາຍພັນດ້ວຍເມັດການປູກແບ່ງອອກເປັນ 2 ຂັ້ນຕອນຄື: ການກຽມຫນານກ້າ ແລະ ການປູກລົງຫນານ.
1. ການກ້າເບ້ຍ: ຫລັງຈາກກຽມດິນກ້າແລ້ວໃຫ້ຫວ່ານເມັດພັນກະຈາຍສະຫມ່ຳສະເຫມີທົ່ວຫນານແລ້ວປົກດ້ວຍດິນບາງໆ ຫຼື ຝຸ່ນບົ່ມທີ່ລະລາຍຕົວດີ ແລະ ຫນາປະມານ 0,5 – 1,0 ຊັງຕີແມັດ ຫົດນ້ຳດ້ວຍບົວຝອຍລະອຽດໃຫ້ທົ່ວຫນານປົກດ້ວຍເຟືອງແຫ້ງ ຫລື ຫຍ້າແຫ້ງ ຫົດນ້ຳສະຫມ່ຳສະເຫມີກວດເບິ່ງເບ້ຍໃດທີ່ອ່ອນແອ ຫລື ບໍ່ສົມບູນໃຫ້ຫລົກຖິ້ມ.
2. ການປູກລົງຫນານປູກ: ຫລັງຈາກຫວ່ານເມັດໄດ້ປະມານ 30-35 ມື້ ໃຫ້ເລືອກເອົາຕົ້ນທີ່ສົມບູນຫລົກຍ້າຍໄປປູກໃນຫນານປູກ ໃຊ້ໄລຍະຫ່າງລະຫວ່າງຕົ້ນຕໍ່ຕົ້ນ 50 ຊັງຕີແມັດ, ລະຫວ່າງແຖວຕໍ່ແຖວ 60 ຊັງຕີແມັດ, ການຫລົກເບ້ຍຄວນຫລົກຕອນແລງ ຫລື ມື້ໃດຟ້າບົດແລ້ວເອົາໄປປູກໃນຫນານທັນທີ, ບີບດິນບໍລິເວນເຫງົ້າຕົ້ນໃຫ້ແຫນ້ນແລ້ວເອົາເຟືອງແຫ້ງ ຫລື ຫຍ້າແຫ້ງມາປົກແລ້ວຫົດນ້ຳທັນທີ.

7. ການບົວລະບັດຮັກສາ:
1. ການໃສ່ຝຸ່ນ: ຝຸ່ນທີ່ໃຊ້ແມ່ນຝຸ່ນເຄມີສູດ 10:10:21 ຫລື 13:13:21 ຫລື ສູດອື່ນໆທີ່ໃກ້ຄຽງກັນ ໂດຍໃສ່ໃນຈຳນວນ 300-500 ກິໂລຕໍ່ເຮັກຕາ ຂຶ້ນຢູ່ກັບຄວາມອຸດົມສົມບູນຂອງດິນການໃສ່ຝຸ່ນແບ່ງອອກເປັນ 2ເທື່ອຄື: ເທື່ອທີ 1: ໃສ່ເຄິ່ງຫນຶ່ງເພື່ອເປັນຝຸ່ນຮອງພື້ນຕອນກຽມດິນ (ຮອງກົ້ນຂຸມປູກ), ເທື່ອທີ 2: ໃສ່ເມື່ອອາຍຸໄດ້ 20-30ມື້ ຫລັງຈາກຍ້າຍໄປປູກໂດຍໃສ່ແບບໂຮຍຂ້າງຕົ້ນ ແລະ ພວນດິນປົກ. ນອກຈາກນີ້ອາດຈະໃສ່ຝຸ່ນໄນໂຕຣເຈນ (N) ເພີ່ມອີກເຊັ່ນ: ຝຸ່ນຢູເຣຍ 120 ກິໂລຕໍ່ເຮັກຕາ ຫລັງຈາກປູກໄດ້ 7 ມື້ ແລະ 30 ມື້.
2. ການຫົດນ້ຳ: ຫລັງຈາກປູກແລ້ວຄວນໃຫ້ນ້ຳຢ່າງພຽງພໍ ແລະ ສະຫມ່ຳສະເຫມີ ເຊົ້າ ແລະ ແລງ.
3. ການພວນດິນ ແລະ ກຳຈັດຫຍ້າ: ໃນໄລຍະທຳອິດເມື່ອຕົ້ນພືດຍັງນ້ອຍພວນດິນພ້ອມທັງເສຍຫຍ້າໄປໃນຕົວ ເພື່ອຈະເຮັດໃຫ້ດິນຜຸຜົງ ແລະ ສາມາດຖ່າຍເທອາກາດໄດ້ດີພືດສາມາດຈະເລີນເຕີບໂຕໄດ້ໄວຫລັງຈາກບຣອກໂຄລີໃຫຍ່ຈົນມີໃບຄຸມພື້ນທີ່ຫນາແລ້ວກໍ່ບໍ່ຈຳເປັນຕ້ອງເຮັດອີກ.
8. ການເກັບກ່ຽວ: ບຣອກໂຄລີທີ່ປູກໃນບ້ານເຮົາສ່ວນຫລາຍເປັນພັນທີ່ມີອາຍຸການເກັບກ່ຽວປະມານ 80-90 ມື້ ຫລັງຈາກປູກ. ແຕ່ຖ້າເປັນພັນປີຕ້ອງໃຊ້ເວລາຫລາຍກວ່ານີ້ການເກັບກ່ຽວແມ່ນໃຫ້ເລືອກດອກທີ່ກົມ, ດອກທີ່ເກາະກັນແຫນ້ນ, ໃຫຍ່ໄດ້ຂະຫນາດເຕັມທີ່, ການຕັດຄວນຕັດໃຫ້ມີກ້ານດອກຍາວປະມານ 15-20 ຊັງຕີແມັດ, ຕັດໃບຂ້າງກ້ານດອກຖິ້ມເຫລືອໄວ້ພຽງ 3-4 ໃບກໍ່ພໍ ເພື່ອໃຫ້ຫຸ້ມຫໍ່ດອກເພື່ອປ້ອງກັນການເສຍຫາຍໃນເວລາຂົນສົ່ງ. ເມື່ອຕັດດອກອອກໄປແລ້ວແຫນງຈາກຕາຂ້າງຈະເລີ່ມຈະເລີນເຕີບໂຕອອກເປັນຊໍ່ດອກໃຫມ່ອີກແຕ່ມີຂະຫນາດນ້ອຍລົງເຊິ່ງສາມາດເກັບກ່ຽວໄດ້ ພາຍໃນ 1 ເດືອນ ຫລື ດົນກວ່ານັ້ນ.

ຮຽບຮຽງໂດຍ: ເດືອນເພັງ ສີຫາລາດ
ໝວດໝູ່: ການປູກພືດຜັກ
ແຫຼ່ງຂໍ້ມູນ https://www.rakbankerd.com/agriculture/kaset_group.php?category_id=9&section_id=423
ຂໍ້ມູນເພີມຕື່ມ:
ຂໍ້ມູນແນວພັນ:
ວິດີໂອ:

ຕິດຕໍ່:

1. ເຕັກນິກການປູກຫມາກຜາງ.

ຕົ້ນຜາງເປັນຕົ້ນໄມ້ໃຫ້ຫມາກທີ່ມີຫນ່ວຍສີສົ້ມ, ໃສຫນ້າກິນອຸດົມໄປດ້ວຍວິຕາມິນຊີ, ຊ່ວຍຮັກສາຄວາມເສື່ອມໂຊມຂອງຮ່າງກາຍ, ມີຄຸນປະໂຫຍດຊ່ວຍປົວບາດແຜໃຫ້ເຊົ່າໄວຂຶ້ນ ແລະ ມີທາດວິຕາມິນຊີ ເຮັດໃຫ້ຫ່າງໄກຈາກໂລກເລືອດອອກຕາມວ່າງແຂ້ວ, ສ່ວນສີເຫລືອງ ຂອງຫມາກຝາງເປັນແຫລ່ງສະສົມຂອງເບຕ້າແຄໂລທິນທີ່ ຈະປ່ຽນໄປເປັນວິຕາມິນເອ ບຳລຸງສາຍຕາ ແລະ ຜິວໃຫ້ມີສຸຂະພາບດີສະເຫມີ, ສ່ວນຮາກຂອງຫມາກຜາງນັບເປັນຢາລະບາຍຄວາມຮ້ອນໄດ້ດີ ເພາະວ່າໃນຮາກມີສັບພະຄຸນເປັນຢາເຢັນຈິ່ງຊ່ວຍຫລຸດ ແລະ ແກ້ພິດໄຂ້ໄດ້ດີຫລາຍ.
2. ວິທີປູກ.
ສຳລັບລະດູທີ່ເຫມາະສົມໃນການປູກຫມາກຜາງ ແມ່ນຄວນຈະປູກໃນຕົ້ນລະດູຝົນ, ຄວນຕອນເຊົ້າ ຫລື ຕອນແລງ, ເຊິ່ງເປັນໄລຍະທີ່ອາກາດບໍ່ຮ້ອນ, ສ່ວນວິທີປູກແມ່ນຈະໃຊ້ກິ່ງແນວພັນວາງລົງໃນປາກຂຸມ, ຖ້າເປັນກິ່ງຕອນ ຫລື ຕໍ່ ຄວນໃຊ້ມີດປາດຖົງຢາງທີ່ພັນຕາມລຳຕົ້ນອອກ, ແຕ່ຖ້າເປັນກິ່ງພັນທີ່ຊຳຢູ່ໃນຖົງຢາງພລາສະຕິກສີດຳໃຫ້ໃຊ້ມີດ ປາດດ້ານຂ້າງ ແລະ ກົ້ນຖົງໂດຍຮອບກົ້ນຖົງ, ຕໍ່ຈາກນັ້ນ ຍົກຕົ້ນຫມາກຜາງໄປປູກລົງກາງຂຸມ ແລ້ວເກື່ອນດິນປົກຂຸມເລັກນ້ອຍ ຈາກນັ້ນໃຫ້ດຶງຖົງດຳທີ່ເຫລືອຂຶ້ນມາແລ້ວໃຊ້ມີດຕັດອອກ, ເມື່ອປູກແລ້ວໃຫ້ກວດດິນປູກລົງຂຸມໃຫ້ສູງກວ່າລະດັບເກົ່າເລັກນ້ອຍ ແລ້ວໃຊ້ມືເນັ່ນບໍລິເວນອ້ອມຮອບລຳຕົ້ນໃຫ້ແຫນ້ນ ຈາກນັ້ນນຳຫລັກໄມ້ໄຜ່ມາປັກຂ້າງຕົ້ນແລ້ວມັດໃຫ້ຕິດກັນເພື່ອກັນ ບໍ່ໃຫ້ຕົ້ນຫມາກຜາງລົ້ມ, ຫລັງຈາກນັ້ນ ຫົດນ້ຳຢ່າງສະຫມ່ຳສະເຫມີ.

3. ການດູແລຮັກສາ.
ເມື່ອປູກຫມາກຜາງແລ້ວຄວນດູແລຮັກສາຢ່າງໃກ້ສິດໂດຍສະເພາະການ ໃຫ້ນ້ຳ ໂດຍທົ່ວໄປຫມາກຜາງເປັນຕົ້ນໄມ້ໃຫ້ຫມາກທີ່ທົນທານຕໍ່ຄວາມ ແຫ້ງແລ້ງ ແຕ່ຖ້າຫາກຫມາກຜາງຂາດນ້ຳກໍ່ຈະເຮັດໃຫ້ບໍ່ມີການແຕກຍອດໃຫມ່, ຢຸດການຈະເລີນເຕີບໂຕ, ດັ່ງນັ້ນ ຫມາກຜາງຈິ່ງມີຄວາມຈຳເປັນໃນການໃຊ້ນ້ຳໃນໄລຍະທຳອິດທີ່ປູກໄດ້ 2-3 ເດືອນ, ຄວນມີການໃຫ້ນ້ຳໃຫ້ຊຸ່ມຢູ່ສະຫມ່ຳສະເຫມີສະເລ່ຍ 3-5 ວັນຕໍ່ຄັ້ງ, ພໍໄດ້ 3-6ເດືອນໃຫ້ຫົດນ້ຳ 7-10 ວັນຕໍ່ຄັ້ງ, ຍົກເວັ້ນໄລຍະຝົນຕົກ ແລະ ງົດການໃຫ້ນ້ຳເມື່ອຕົ້ນຫມາກຜາງມີອາຍຸໄດ້ 1 ປີຂຶ້ນໄປ ແຕ່ລະດູແລ້ງຄວນມີການຫົດນ້ຳ 15-20 ວັນຕໍ່ຄັ້ງ, ແຕ່ຍົກເວັ້ນນ້ຳບາດານ, ເພາະນ້ຳຊະນິດອື່ນໆຈະມີແຮ່ທາດອາຫານປົນມານຳ.
4. ການຕຽມດິນ ແລະ ໃຫ້ຝຸ່ນ.
ຫມາກຜາງຂຶ້ນໄດ້ໃນດິນຫລາຍຊະນິດລວມທັງດິນຫນຽວ, ດິນລ້ວນ ແລະ ດິນປົນຊາຍ, ຖ້າປູກຫມາກຜາງໃນແຫລ່ງອຸດົມສົມບູນສູງ, ພ້ອມມີທາດອາຫານຢ່າງພຽງພໍ ຕົ້ນຫມາກຜາງກໍ່ຈະເລີນເຕີບໂຕໄດ້ດີ, ແຕ່ປະຈຸບັນແຫລ່ງດິນທີ່ອຸດົມສົມບູນຫາຍາກ, ສ່ວນວິທີທີ່ຈະປັບປຸງຄຸນນະພາບຂອງດິນຄືຕ້ອງໃສ່ປຸ໋ຍບຳລຸງ ດິນ, ສ່ວນການໃສ່ຝຸ່ນໃຫ້ໃສ່ຝຸ່ນຄອກ ແລະ ຝຸ່ນບົ່ມເປັນຫລັກ, ສ່ວນປຸ໋ຍເຄມີແມ່ນໃຫ້ໃຊ້ສຳຮອງໂດຍຖືເອົາໄລຍະພືດກຳລັງຈະເລີນ ເຕີບໂຕຄວນໃຊ້ປຸ໋ຍທີ່ມີ N-P-K ໃນອັດຕາສ່ວນ 1:1:1 ຢ່າງປຸ໋ຍສູດ 15-15-15 ເພື່ອເສີມສ້າງ ແລະ ທົດແທນສ່ວນທີ່ພືດນຳໄປໃຊ້ໃນການແຕກຍອດ, ໃບ ແລະ ກ້ານ, ສຳລັບໄລຍະໃກ້ອອກດອກຄວນໃຊ້ປຸ໋ຍທີ່ມີອັດຕາສ່ວນຂອງຟົດສະຟໍ ລັດສູງເຊັ່ນປຸ໋ຍສູດ 8-24-24 ແລະ ໄລຍະພືດກຳລັງຕິດຫມາກແລ້ວໃຫ້ໃຊ້ປຸ໋ຍທີ່ມີທາດໂປເຕຊຽມເຊັ່ນ ປຸ໋ຍສູດ 13-13-21 ຫລື 12-17-2 ເພື່ອເພີ່ມຜົນຜະລິດ.
ໃນເມື່ອໃສ່ຝຸ່ນທຸກຄັ້ງຄວນພວນດິນ ແລ້ວຫາເຟືອງເຂົ້າ ຫລື ເສດຫຍ້າມາປົກບໍລິເວນລຳຕົ້ນທີ່ເຮັດການພວນດິນເພື່ອຮັກສາຄວາມ ຊຸ່ມ, ການພວນດິນອ້ອມຮອບລຳ ຕົ້ນຄວນເຮັດທຸກປີ, ປີລະ 3ຄັ້ງຄືໄລຍະຕົ້ນລະດູຝົນ, ທ້າຍລະດູຝົນ ແລະ ລະດູຮ້ອນ, ຖ້າເປັນໄປໄດ້ການພວນດິນນັ້ນ ຄວນເຮັດພ້ອມໆກັນກັບການໃສ່ປຸ໋ຍ.

ຮຽບຮຽງໂດຍ: ເດືອນເພັງ ສີຫາລາດ
ໝວດໝູ່: ການປູກໄມ້ໃຫ້ໝາກ
ແຫຼ່ງຂໍ້ມູນ https://www.rakbankerd.com/agriculture/kaset_group.php?category_id=15&section_id=283
ຂໍ້ມູນເພີມຕື່ມ:
ຂໍ້ມູນແນວພັນ:
ວິດີໂອ:

ຕິດຕໍ່:

ໝາກອຶເປັນພືດທີ່ຢູ່ໃນຕະກຸນ Cucurbitaceae ມີຊື່ວິທະຍາສາດ Cucurbita moschata Duchesne. ໝາກອືເປັນພືດເຄືອເລືອ ມີລຳຕົ້ນເລືອໄປຕາມພື້ນດິນ ແລະ ມີໜວດຍາວທີ່ຂໍ້ໄວ້ສຳລັບຍືດເກາະ. ເປັນພືດລົ້ມລຸກປູກປີດຽວ ລຳຕົ້ນເປັນເຄືອເລືອຍາວປະມານ 3-6 ແມັດ ທີ່ຂໍ້ປາຍໜວດແຍກ 3-4 ແສກ ລຳຕົ້ນອ່ອນມັກເປັນ 5 ຫລ່ຽມ ຫຼື ກົມ. ໃບມີຂົນຄ້າຍມືຢູ່ທົ່ວໄປ ເນື້ອໃບນິ້ມ ມີຮູບຮ່າງ 5-7 ຫລ່ຽມ ຫຼື ຮູບຮ່າງເກືອກົມ ຮິມໃບມີຫຍັກເວົ້າລີກ 5-7 ຫຍັກ ໃບກວ້າງ 10-20 ຊມ ຍາວປະມານ 15-30 ຊມ. ໝາກມີຮູບຮ່າງຂະໜາດແຕກຕ່າງກັນຂື້ນກັບສາຍພັນ. ອາດມີຮູບຮ່າງຕັ້ງແຕ່ກົມແປ້ນຈົນເຖິງຄ້ອນຂ້າງແປ້ນ ຜີວມັກເປັນຕຸ່ມນູນ ແລະ ຍົກເປັນຮ່ອງ ເນື້ອໃນມີສີເຫຼືອງ ຈົນເຖິງເຫຼືອງອົມສົ້ມ ຫຼື ອົມຂຽວ ແກ່ນມີຮູບຮ່າງຄ້່ໍາຍໄຂ່ແບນເປັນຈຳນວນຫຼາຍ. ດອກມີທັງດອກຜູ້ ແລະ ແມ່ ມີຮູບຮ່າງຄ້າຍກະດິງ ສີເຫຼືອງ ໂດຍຢູ່ພາຍໃນຕົ້ນດຽວກັນ ດອກເພດແມ່ເປັນດອກດຽວເກີດບໍລິເວນມຸມ ຫຼື ຂໍ້ໃບ ມີກີບລ້ຽງສີຂຽວ, ກີບດອກສີເຫຼືອງ 5 ກີບ, ຮັງໄຂ່ມີລັກສະນກົມຍາວ 2-5 ຊມ ມີລັກສະນະຄືໝາກອຶຂະໜາດນ້ອຍ ສ່ວນຂອງຍອດເກສອນແມ່ມີ 2-5 ແສກ. ໝາກອຶປະສົມຂ້າມຕາມທຳມະຊາດໂດຍອາໃສລົມ ແລະ ແມງໄມ້.

I ການກຽມດິນປູກ ແລະ ການປູກໝາກອື
ໝາກອືເປັນຜັກທີ່ມັກອາກາດຮ້ອນຖ້າອາກາດເຢັນອັດຕາການຈະເລີນເຕີບໂດລະລຸດລົງຫຼືອາດບໍ່ໄດ້ຜົນຜະລິດອຸນຫະພຸມທີ່ເໝາະສົມກັບການຈເລີນເຕີບໂຕຢູ່ປະມານ30ອົງສາໃນບ້ານເຮົາປູກໄດ້ດີທີ່ສຸດໃນຊ່ວງ
ເດືອນພະຈິກເຖີງເດືອນກຸມພາ ແລະ ສາມາດປຸກໄດ້ຕັ້ງແຕ່ເດືອນສິງຫາເຖີງເດືອຮພືດສະພາ ໝາກອືມັກ
ດິນປົນຊາຍມັກອາກາດແລ້ງແຕ່ຕ້ອງມີຄວາມຊຸ່ມໃນດິນພຽງພໍແລະຕ້ອງການແສງແດດເຕັມທີ່ຕະຫຼອດທັ້ງວັນ
ການກຽມດິນໃນການປູກນັ້ນ ຄວນກຽມດິນໂດຍການຂຸດໄຖໃຫ້ເລິກປະມານ 25-30 ຊມ ແລະ ໃນການຍໍາດິນຄວນໃສ່ຝຸ່ນຄອກ ແລະ ຝຸ່ນໝັກທີ່ລະລາຍຕົວດີແລ້ວລົງໄປດ້ວຍໂດຍໃຊ້ອັດຕາ 2-4 ຕົ້ນ/ໄລ່ ທັ້ງນີ້ກໍ່ເພື່ອໃຫ້ດິນນັ້ນຜຸຜຸຍ ແລະ ເຮັດໃຫ້ດິນສາມາດລະບາຍນໍ້າໄດ້ດີອີກທັ້ງຍັງເພີ່ມຄວາມອຸດົມສົມບູນໃຫ້ກັບດິນ ຝຸ່ນຄອກ ແລະ ຝຸ່ນໝັກບາງສ່ວນຄວນນຳມາໃຊ້ໃນການຮອງພື້ນຂຸມຕອນປູກ ແລະ ຖ້າຫາກດິນນັ້ນເຄີຍໃຊ້ເພາະປູກມາດົນສົມຄວນໃສ່ປູນຂາວເພື່ອປັບສະພາບຄວາມເປັນກົດດ້ວຍ

ການປູກນັ້ນນິຍົມປູກແບບຍອດແກ່ນເປັນຂຸມໃນໜານປູກເລີຍ ໂດຍປູກຂຸມລະ 3-5 ແກ່ນເລິກລົງ
ໃນດິນປະມານ 2.5-5 ຊມ ແລະ ປົກດ້ວຍຝຸ່ນຄອກຫົດນໍ້າໃຫ້ຊຸ່ມປົກໜ້າດິນດ້ວຍເຟືອງເພື່ອຮັກສາ
ຄວາມຊຸ່ມຂອງຜິວໜ້າດິນເມື່ອເບ້ຍໝາກອືງອກມີໃບແທ້ແລ້ວ 2-3 ໃບໃຫ້ລົກຕົ້ນທີ່ອ່ອນແອໃຫ້ເຫຼືອຂຸມລະ 1-2 ຕົ້ນເທົ່ນນັ້ນ
– ສ່ວນລະຍະຫ່າງລະຫວ່າງຕົ້ນໃນການປູກນັ້ນຄວນພິຈາລະນາວ່າເປັນໝາກອືປະເພດໃດ ຖ້າເປັນພວກເຄືອເລືອຈະໃຊ້ລະຍະຫ່າງປະມານ 1.5 ແມັດໂດຍອາດປູກເທິງຄູເປັນຄູລະແຖວ ຫຼື ຄູລະ 2 ແຖວຫຼືແຖວດຽວກະໄດ້ເຊັ່ນກັນ

II ການບົວລະບັດຮັກສາໝາກອື
– ການໃສ່ຝຸ່ນຄວນໃສ່ຝຸ່ນຄອກແລະຝຸ່ນໝັກໃນການກຽມດິນໃນອັດຕາທີ່ສູງໃນໄລຍະທຳອິດຂອງການຈະເລີນເຕີບໂຕຄວນໃຫ້ປຸ໋ຍໄນໂຕເຈນ ເຊັ່ນ ປຸ໋ຍຍູເຮຍຫຼືແອມໂມນຽນໄນເຕຣດໃນອັດຕາປະມານ 10-15 ກິໂລ/ໄລ່ ໂດຍຈະໃສ່ເມື່ອຕົ້ນໝາກອືອາຍຸ 10-14 ວັນຫຼັງຈາກງອກປຸ໋ຍປະສົມສູດ 14-14-21 ໃສ່ໃນໜານປູກໃນອັດຕາ 100-150ກິໂລ/ໄລ່ຄວນແປງປຸ໋ຍປະສົມນີ້ໃສ່ 2 ຄັ້ງ ໂດຍຄັ້ງທຳອິດໃສ່ເປັນປຸ໋ຍຮອງພື້ນຄິ່ງໜຶ່ງ ແລະ ອີກຄິ່ງໜຶ່ງທີ່ເຫຼືອໃຫ້ໃສ່ຕອນທີ່ໝາກອືມີອາຍຸໄດ້ 21-25 ວັນໂດຍໃຊ້ດ້ວຍການໂຮຍຂ້າງແຖວແລ້ວພວນດິນກົບຫົດນໍ້າໃຫ້ຊຸ່ມ
– ການຫົດນໍ້າ ໝາກອືເປັນຜັກທີ່ບໍ່ມັກດິນທີ່ຂັງນໍ້າ ແລະ ດັ່ງນັ້ນຄວນຫົດນໍ້າໃຫ້ພໍສົມຄວນໃນໄລຍະອອກ
ດອກ ແລະ ເປັນໝາກຕ້ອງລະວັງບໍ່ໃຫ້ຂາດນໍ້າໄດ້ ລະບົບການຫົດນໍ້າທີ່ດີຄື ເອັມນໍ້າຕາມຄູ(Furrow system)ເພາະໃບໝາກອືຈະບໍ່ປຽກນໍ້າບໍ່ຄວນໃຊ້ລະບົບພົ່ນນໍ້າຝອຍເພາະຈະເຮັດໃຫ້ໃບເປັນພະຍາດເນົ່າໄດ້ງ່າຍ.
– ການພວນດິນແລະການກຳຈັດວັດສະພືດນັ້ນໃຫ້ເຮັດໃນຍາມເບ້ຍຍັງນ້ອຍຢູ່ແລະຄວນເຮັດຢ່າງສະໝໍ່າສະເໝີ ແລະ ເມື່ອໝາກອືເລີ່ມເລືອຄຸມດິນແລ້ວຈະບໍ່ມີວັດສະພືດຂື້ນຊຶ່ງບໍ່ຈຳເປັນຕ້ອງພວນດິນອີກຕໍ່ໄປ

III ການເກັບກ່ຽວໝາກອື
ການເກັບກ່ຽວນັ້ນສາມາດເລີ່ມເກັບກ່ຽວໄດ້ເມືອມີອາຍຸໄດ້ 45-60 ວັນຊຶ່ງມັກຈະເປັນພວກພັນຟຸມ ສຳລັບພວກພັນເລືອມັກຈະເກັບກ່ຽວເມື່ອອາຍຸໄດ້120-180ວັນໃນການເກັບກ່ຽວນັ້ນຖ້າຕ້ອງການເກັບແບບເປັນໝາກອ່ອນ ສາມາດເຮັດການເກັບໄດ້ໂດຍການສັງເກດວ່າມີເປືອກຈະນິ່ມຫຼືແຂງ ຖ້າອ່ອນຜີວຈະນິ່ມເນື້ອພາຍໃນຈະນຸ້ມໆ ຜີວຂອງໝາກຈະເປັນສີຂຽວ ສ່ວນຸ້າຈະເກັບແບບໝາກແກ່ ຕ້ອງເກັບໃນຕອນທີ່ໝາກແກ່ຈັດເຕັມທີ່ຊິ່ງໝາກທີ່ແກ່ຈັດຈະມີເປືອກທີ່ແຂງ ການເກັບກ່ຽວໝາແກ່ນັ້ນຈະເກັບແບບໃຫ້ເຫຼືອເຄືອຂັ່ວນຕິດມານໍາໂດຍເຫຼືອກັນໃຫ້ຍາວ 7-10 ຊມ ທັ້ງນີ້ກໍ່ເພື່ອໃຫ້ໝາກທີ່ແກ່ຢູ່ໄດ້ດົນນັ້ນເອງ

ຮຽບລຽງໂດຍ: ສີວິໄລ ອິນທະວົງ
ແຫຼ່ງຂໍ້ມູນ: https://www.rakbankerd.com/agriculture/page.php?id=1723&s=tblplant
ໝວດໝູ່: ການປູກພືດ
ຂໍ້ມູນເພີ່ມເຕີ່ມ:
ຂໍ້ມູນເຕັກນິກ
ວີດີໂອ:

ເບີໂທຕິດຕໍ່:

I ອຸປະກອນທີ່ໃຊ້ໃນການຕໍ່ກິງ
1. ມິດຄົມໆ
2. ຍຸ້ງໝາກພ້າວ
3. ຖົງຢ່າງພະລາສະຕິກ
4. ເຊືອກຝາງ
5. ນໍ້າ
II ວິທີການຕໍ່ກິ່ງ
1. ແຊ່ຍຸ້ງໝາກພ້າວກັບນໍ້າຢ່າງນ້ອຍ 1 ຄືນ
2. ເລືອກກິ່ງທີ່ສົມບູນປາສະຈາກພະຍາດແມງໄມ້ໂດຍກິ່ງທີ່ໃຊ້ຕໍ່ຈະຕ້ອງໃຫ້ກິ່ງເປັນສີນໍ້າຕານຈະສາມາດແຕກຮາກໄດ້ດີ
3. ຄັ່ວນກິ່ງດ້ວຍມິດຄົມໆຍາວປະມານ 2 ຊມ ໂດຍປາດເອົາເປືອກນອກອອກແລ້ວຂູດເອົາເຍື້ອຫຸ້ມກິ່ງອອກປະໄວ້ປະມານ 1 ອາທິດເພື່ອໃຫ້ກິ່ງແຫ້ງ
4. ນໍາຍຸ້ງໝາກພ້າວບີບນໍ້າອອກພໍມາດໆຍັດໃສ່ໃນຖົງຢາງໃສ່ມັດປາກຖົງໃຫ້ແໜ້ນ
5. ໃຊ້ມິດຜ່າຕາມຄວາມຍາວແລ້ວນໍາໄປຫຸ້ມເທິງຮອຍບາດຂອງກິ່ງຕໍ່ມັດດ້ວຍເຊືອກຟາງຫົວທ້າຍໃຫ້ແໜ້ນ
6. ກິ່ງທີ່ຕໍ່ຈະໃຊ້ເວລາປະມານ 20 ວັນ ຈະມີຮາກງອກແທງຜ່ານວັດຖຸ ແລະ ເລີ່ມແກ່ເປັນສີເຫຼືອງ ສີນໍ້າຕານປາຍຮາກມີສີຂາວ ແລະ ມີຈຳນວນຫຼາຍຈິ່ງຕັດກິ່ງຕໍ່ໄດ້
7. ນໍາກິ່ງຕອນໄປຊໍາໃນຖົງຢາງເພື່ອຖ້າການປູກຕໍ່ໄປ

III ການຊໍາກິ່ງຕໍ່
1. ຕັດກິ່ງຕໍ່ຍາວປະມານ 30 ຊມ ຕັດກິ່ງນ້ອຍໆ ແລະ ໃບອອກໃຫ້ໝົດ
2. ໃຊ້ຂີ້ສັດແຫ້ງປະສົມກັບຂີ້ແກບເຜົາໃນອັດຕາ 3 :1 ຄຸຄົນໃຫ້ເຂົ້າກັນ
3. ແກະຖົງຢາງທີ່ຫຸ້ມຮາກຂອງກິ່ງຕໍ່ອອກນໍາກິ່ງຕໍ່ໃສ່ຖົງໃນແນວຕັ້ງຈາກນັ້ນໃສ່ວັດຖຸທີ່ກຽມໄວ້ໃຫ້ເຕັມຖົງໃຊ້ມືກົດໃຫ້ແໜ່ນ
4. ຫົດນໍ້າໃຫ້ຊຸ່ມເພື່ອໃຫ້ຮາກງອກຕໍ່ໄປ
5. ເມືອຫົດນໍ້າ 10-15 ວັນ ກິ່ງຕໍ່ທີ່ປູກຈະແຕກຍອດອ່ອນ ແລະ ອີກປະມານ 50 ວັນຈະແຕກຮາກອີກປະມານ 60 ວັນກໍ່ສາມາດນໍາໄປປູກໄດ້

IV ການປູກຜັກຂະ
– ໃຊ້ກິ່ງພັນທີ່ໄດ້ຈາກການຕໍ່ປູກລະຍະ 1 X 1 ແມັດຄວນປູກໃນລະດູຮ້ອນ ແລະ ຫົດນໍ້າຊ່ວຍຈະມີອັດຕາການຈະເລີນເຕີບໂຕໄດ້ດີກວ່າປູກໃນລະດູຝົນ

V ການບົວລະບັດ
1. ໂດຍການກຳຈັດວັດສະພືດອ້ອມໆໂຄນຕົ້ນແລ້ວປົກດ້ວຍຫຍ້າ ແລະ ໃບໄມ້ແຫ້ງໃສ່ຝຸ່ນຄອກປີລະຄັ້ງກໍ່ພຽງພໍແລ້ວ
2. ຫົດນໍ້າຢ່ານ້ອຍ 3-5 ວັນເພື່ອໃຫ້ຜັກຂະແຕກຍອດຫຼາຍເທື່ອຂື້ນ
3. ຜັກຂະສາມາດແຕກຍອດໃໝ່ໄດ້ຫຼັງຈາກເດັດຍອດຢ່າງນ້ອຍ 1 ອາທິດ
VI ອາຍຸການເກັບກ່ຽວ
– ຫຼັງປູກກິ່ງຕໍ່ໄດ້ປະມານ 10-15 ວັນ ກໍ່ສາມາດຕັດຍອດຂາຍໄດ້ຫາກມີການບໍາລຸງຮັກສາທີ່ດີໃຫ້ຜັກຂະຈະເລີນເຕີບໂຕໄດ້ດີຈະສາມາດຕັດຍອດຜັກຂະໄດ້ທຸກໆ 3-4 ວັນ

ຮຽບລຽງໂດຍ: ສີວິໄລອິນທະວົງ
ແຫຼ່ງຂໍ້ມູນ: https://rakbankerd.com/agriculture/page.php?id=5574&s=tblplant
ໝວດໝູ່: ການຂະຫຍາຍພັນ
ຂໍ້ມູນເພີ່ມເຕີ່ມ:
ຂໍ້ມູນເຕັກນິກ
ວີດີໂອ:

ຕົ້ນໝາກລະມຸດຈັດຢູ່ໃນວົງຕະກຸນ SAPOTACEAE, ມີຊື່ວິທະຍາສາດ Manilkara achras (Mill.) Fosberg). ຕົ້ນລະໝາກລະມຸດຈັດເປັນພັນໄມ້ຢືນຕົ້ນຂະໜາດກາງ ມີກິ່ງກ້ານແຕກອອກເປັນຊັ້ນໆ ຮອບໆລຳຕົ້ນ. ໃບເປັນໃບດ່ຽວມັກອອກເປັນກະຈຸກຕາມປາຍກິ່ງ ທ້ອງໃບມີສີນໍ້າຕານອົມຂຽວ. ລັກສະນະຂອງດອກໝາກລະມຸດເປັນດອກດ່ຽວ ອອກດອກຕາມງ່າມກິ່ງ ມີກີບຮອງດອກລຽນກັນ 2 ຊັ້ນ ກີບດອກຈະເຊື່ອມກັນ ແລະ ຍົກຕັ້ງຂື້ນ ມີ 6 ກີບສີເຫຼືອງນວນ. ໝາກລະມຸດມີລັກສະນະເປັນຮູບໄຂ່ ຫຼື ມີປາຍແຫຼມ ຜີວມີສີນໍ້າຕານ ໝາກດີບຈະມີຍາງສີຂາວຄ້າຍນໍ້ານົມ ມີລົດຝາດ ແຂງ ສ່ວນໝາກສຸກຈະນຸ້ມ ມີລົດຫວານ ບໍ່ມີຢາງ ທາງໃນໝາກມີຮູບຍາວສີດຳຝັງຢູ່ໃນເນື້ອ ໃ 1 ໝາກຈະມີແກ່ນປະມານ 2-6 ແກ່ນ.
ການປູກໄມ້ໃຫ້ໝາກ ການເຮັດໄຮ່ ນາສວນປະສົມ ໂດຍໃຊ້ຫຼັກການທຳມະຊາດ ເຊັ່ນ ໃຊ້ເສດໃບໄມ້ ເສດພືດຜັກເປັນຝຸ່ນປົກຕາມໂຄນໄມ້ໃຫ້ໝາກເພື່ອຊ່ວຍບໍາລຸງ ແລະ ຫຼັງໃຫ້ສານເຄມີຢ່າງສີ້ນເຊີງ. ເທັກນິກການປູກ ແລະ ການບົວລະບັດໝາກລະມຸດໃຫ້ມີຜົນຜະລິດດີສາມາດນໍາອອກຈຳໜ່າຍໄດ້ຢ່າງມີຄຸນນະພາບ

I ການປູກ
1. ຂຸດຂຸມກວ້າງ 50 ຊມ ເລິກ 50 ຊມ ໂດຍໃສ່ປຸ໋ຍອິນຊີ ຫຼື ຂີ້ສັດທີ່ຜ່ານການໝັກແລ້ວປະມານ 1 ກິໂລ/ຂຸມ
2. ນໍາກິ່ງພັນໝາກລະມຸດທີ່ໄດ້ຈາກການຕອນ ຫຼື ການຊໍາມາປູກ ຕັ້ງໃຫ້ຊື່ຖົມດິນໃຫ້ສະເໝີກັບຕຸ່ມຂອງກິ່ງຕອນການຖົມດິນຄວນໃຊ້ດິນມຸ້ນຖົມຮາກໃຫ້ແໜ່ນເພື່ອໃຫ້ຮາກຈັບດິນຮາກຈະໄດ້ອາຫານໄດ້ໄວ
3. ປັກຫຼັກໃຫ້ໃກ້ກັບຕົ້ນຍັ່ງລົງໄປໃນດິນພ້ອມມັດກິ່ງຕອນໃຫ້ຕິດກັບຫຼັກເພື່ອປ້ອງກັນລົມພັດ ແລະ ຄວນເຮັດທີ່ບັງລົມໃຫ້ດ້ວຍເພາະການເຮັດກັນແສງແດດເຮັດໃຫ້ຕົ້ນໝາກລະໝຸດຈະຕັ້ງໂຕ ແລະ ຈະເລີນເຕີບໂຕໄດ້ໄວ
4. ເມື່ອປູກແລ້ວຫົດນໍ້າໃຫ້ຊຸ່ມແຕ່ຢ່າໃຫ້ນໍ້າຖ້ວມຂັງເພາະອາດເຮັດໃຫ້ຕົ້ນໄມ້ຂາດອາກາດຫາຍໃຈໄດ້
5. ຖ້າດິນຍຸບຄວນເອົາດິນຖົມລົງໃກ້ເຕັມຄືເກົ່າຫຼັງຈາກນັ້ນກໍ່ບົວລະບັດຕາມປົກກະຕິ

II ການບົວລະບັດ
ການຫົດນໍ້າ ຕົ້ນໝາກລະມຸດທີ່ປູກໃໝ່ໆຕ້ອງໄດ້ຫົດນໍ້າທຸກວັນໃນຕອນແລງແຕ່ກໍ່ຂື້ນຢູ່ກັບຄວາມຊຸ່ນຊື່ນຂອງດິນ ແລະ ສະພາບແວດລ້ອມຕ່າງໆດ້ວຍ ຊ່ວງເວລາທີ່ເໝາະໃນການປູກໝາກລະມຸດຄື ປະມານເດືອນມີນາຫາເດືອນເມສາ ເມື່ອເຖີງລະດູຝົນຈະເຮັດໃຫ້ລະບົບຮາກສາມາດຫາອາຫານໄດ້ ແລະ ເປັນໄລຍະທີ່ປອດໄພຈາກການຖືກນໍ້າຖ້ວມຂັງຕາຍໄດ້
ການໃສ່ຝຸ່ນ ຈະຫວ່ານຝຸ່ນຄອກໃຫ້ຫ່າງຈາກໄລຍະໂຄນຕົ້ນປະມານ 20-30 ຊມ ຫຼື ຕາມຂະໜາດຂອງຊົງພຸ່ມ ຫຼື ຖາງຫຍ້າແລ້ວປະໄວ້ບໍລິເວນໂຄນຕົ້ນເພື່ອຊ່ວຍຄຸມດິນຮັກສາຄວາມຊຸ່ມຊື່ນຂອງດິນໄວ້ໄດ້ດົນ ແລະ ສາມາດປ່ອຍໃຫ້ຍ່ອຍສະຫຼາຍເປັນຝຸ່ນໄດ້ ຫຼັງຈາກປູກໝາກລະມຸດໄດ້ປະມານ 3 ເດືອນ ກໍ່ໃຫ້ໃຊ້ນໍ້າໝັກເລັ່ງຮາກການອອກໝາກຊີດ

– ສູດນໍ້າໝັກເລັ່ງຮາກການອອກໝາກຂອງລະມຸດ
1. ໝາກຮຸງ,ໝາກກຽງ ແລະ ໝາກກ້ວຍ ລວມກັນ 30 ກິໂລ
2. ກາການໍ້າຕານ 10 ລິດ
3. ນໍ້າທ່າ 10 ລິດ
4. ຖັງໝັກ 1 ຖັງ
– ວິທີເຮັດ
ນໍາໝາກຮຸງ ໝາກກຽງ ແລະ ໝາກກ້ວຍລວມກັນ 30 ກິໂລ ກາກນໍ້າຕານ 10 ລິດ ນໍ້າທ່າ 10 ລິດເທລົງໄປໃນຖັງສຳລັບໝັກຈາກນັ້ນຄົນສ່ວນປະສົມທັ້ງໝົດໃຫ້ເຂົ້າກັນແລ້ວປິດຝາຖັງປະໄວ້ໃນທີ່ຮົ່ມເປັນເວລາ 1 ເດືອນກໍ່ຈະໄດ້ນໍ້າໝັກເລັ່ງການອອກໝາກ
– ອັດຕາການໃຊ້
ໃຊ້ນໍ້າໝັກເລັ່ງການອອກດອກ 1 ກະປ໋ອງນົມປະສົມກັບນໍ້າ 1 ຄຸຄົນສ່ວນປະສົມໃຫ້ເຂົ້າກັນແລ້ວນໍາໄປຊີດໃສ່ຕົ້ນໝາກລະມຸດໃນຕອນເຊົ້າ ຫຼື ຕອນແລງ ອາທິດລະ 1 ຄັ້ງ
– ຄຸນປະໂຍດ
ຊ່ວຍເລັ່ງການອອກດອກອອກໝາກກັບໄມ້ໃຫ້ໝາກໄດ້ເປັນຢ່າງດີ ເຮັດໃຫ້ໄມ້ໃຫ້ໝາກທີ່ປູກໄວ້ມີຜົນຜະລິດທີ່ດີ ແລະ ຍັງຊ່ວຍໃຫ້ຊາວກະສິກອນລຸດການໃຊ້ສານເຄມີໃນພື້ນທີ່ໄດ້ດ້ວຍ

ຮຽບຮຽງໂດຍ: ສີວິໄລ ອິນທະວົງ
ແຫຼ່ງຂໍ້ມູນ: https://www.rakbankerd.com/agriculture/page.php?id=5103&s=tblplant

ละมุด สรรพคุณและประโยชน์ของละมุด 8 ข้อ !

ໝວດໝູ: ການປູກພືດ
ຂໍ້ມູນເພີ່ມເຕີມ:
ຂໍ້ມູນເຕັກນິກ:
ວິດີໂອ:

ຂີ້ໝີ້ນຈັດຢູ່ໃນວົງຕະກຸນ: Zingiberaceae, ຊື່ວິທະຍາສາດ: Curcuma longa L. ລັກສະນະທົ່ວໄປຂອງຂີ້ໝີ້ນເປັນພືດທີ່ມີຫົວ ຫຼື ເຫງົ້າໃຕ້ດິນ, ລຳຕົ້ນເໜືອດິນສູງ 40-60 ຊັງຕິແມັດ ອອກດຽວ. ໃບມີ 4-7 ໃບຕໍ່ຕົ້ນ, ຈັບແບບລະນາບດຽວ. ແຜ່ນໃບຮູບໃບຫອກ, ກວ້າງ 14-16 ຊັງຕິແມັດ, ຍາວ 42-50 ຊັງຕິແມັດ, ປາຍຮຽວແຫຼມ, ໂຄນມົນ, ຂອບລຽບ. ກ້ານໃບຍາວ 20-45 ຊັງຕິແມັດ, ທາງດ້ານເທີງເປັນຮ່ອງ, ມີຂົນ, ສີຂຽວ. ລີ້ນໃບເປັນສອງແສກສັ້ນໆ, ມີຂົນ. ຊໍ່ດອກຕັ້ງຊື, ເກີດລະຫວ່າງຊອກໃບທີ່ປາຍລຳຕົ້ນເໜືອດິນ. ກ້ານຊໍ່ດອກຍາວປະມານ 25 ຊັງຕິແມັດ. ດອກສີຂາວນວນອົມເຫຼືອງ. ກາບດອກຍາວປະມານ 9 ມີນລີແມັດ, ໂຄນເຊື່ອມຕິດກັນເປັນຫຼອດ, ປາຍແຍກອອກເປັນແສກເລີກດ້ານດ່ຽວ ຍາວປະມານ 4 ມີນລີແມັດ. ກິບດອກຖານເຊື່ອມຕິດກັນເປັນຫຼອດ ຍາວປະມານ 3,5 ຊັງຕິແມັດ, ປາຍແຍກເປັນສາມແສກ ສີຂາວນວນ, ຮູບໄຂ່, ກວ້າງປະມານ 1 ຊັງຕິແມັດ, ຍາວປະມານ 1,4 ຊັງຕິແມັດ, ສີຂາວ. ກີບປາກສີຂາວນວນ ຫຼື ສີເຫຼືອງອ່ອນ, ຖາງກິບປາກແຖບສີເຫຼືອງ ກິບຮູບໄຂ່ກວ້າງ, ກວ້າງ ແລະ ຍາວ 1,3-2,5 ຊັງຕິແມັດ, ປາຍຍື່ນ ແລະ ແຍກເປັນສອງແສກ. ກີບຄູ່ຂ້າງທີ່ເກີດຈາກເກສອນຜູ້ທີ່ເປັນໜັນຮູບໄຂ່ກັບ, ຍາວປະມານ 1,2 ຊັງຕິແມັດ. ເກສອນເພດຜູ້ຍາວປະມານ 8 ມີນລີແມັດ, ມີເດືອຍ, ກ້ຽງ, ສີເຫຼືອງອ່ອນ. ເຕົ້າໄຂ່ຍາວປະມານ 2 ມີນລີແມັດ. ໃບປະດັບທີຢູ່ດ້ານລຸ່ມເປັນສີຂຽວ, ຊໍ່ດອກຮູບຊົງກະບອກຍາວ 25-34 ຊັງຕິແມັດ, ໃບປະດັບຮູບໄຂ່ກວ້າງ, ກວ້າງ 2-2,5 ຊັງຕິແມັດ, ຍາວ 3,8-5 ຊັງຕິແມັດ, ປາຍມົນ, ໃບປະດັບຍ່ອຍຍາວ ຮູບໄຂ່ກັບ ຍາວປະມານ 2 ຊັງຕິແມັດ, ກ້ຽງ, ສີຂາວ.
ຂີ້ໝີ້ນສາມາດປູກໄດ້ທຸກແຂວງຂອງປະເທດ ສ່ວນໃຫ່ຍປູກເປັນພືດແຊມ ໃນສວນ ຫຼື ພືດເສີມລາຍໄດ້ ແຕ່ປະຈຸບັນມີການສົ່ງເສີມການໃຊ້ປະໂຫຍດຈາກຂີ້ມິ່ນຫຼາຍຂື້ນ ຈຶ່ງຍາກໃຫ້ຊາວກະສິກອນຫັນມາປູກໃຫ້ເປັນລັກສະນະການຄ້າ
I ລະດູການປູກຂີ້ໝິ້ນ
ການປູກຂີ້ມິ່ນ ເລີ່ມປູກໃນຊ່ວງຕົ້ນລະດູຝົນປະມາຍທ້າຍເດືອນເມສາ ຫາຕົ້ນເດືອນ ພືດສະພາຂອງທຸກໆປີ ແລະ ຈະເກັບກ່ຽວຫົວຂີ້ມິ່ນໃນຊ່ວງລະດູໜາວ ຫຼື ປະມານທ້າຍເດືອນ ທັນວາ ຫາເດືອນ ມັງກອນ ຊຶ່ງຊ່ວງນີ້ຫົວຂໍ້ມິ່ນຈະແຫ້ງສະນິດ
II ດິນ ແລະ ການກຽມດິນ
ຂີ້ມິ່ນສາມາດຂື້ນໄດ້ໃນດິນທຸກຊະນິດ ແຕ່ທີ່ເໝາະສົມຄວນເປັນດິນທີ່ລະບາຍນໍ້າໄດ້ດີ ນໍ້າບໍ່ຖ້ວມຂັງ ຖ້າເປັນດິນໜຽວຄວນໃສ່ຝຸ່ນຄອກ ປະມານ 1 ໂຕນ/ໄລ່ ເພື່ອປັບປຸງຄຸນນະພາບຂອງດິນ ການກຽມດິນຄວນໄຖກ່ອນຕົ້ນລະດູຝົນ ແລ້ວຄາດດິນໃຫ້ແຕກລະອຽດແລ້ວກໍ່ໃຊ້ໄຖຮ່ອງປູກລະຍະຫ່າງລະຫວ່າງແຖວ 75 ຊມ ລະຍະຫ່າງລະຫວ່າງຕົ້ນ 30 ຊມ

III ການກຽມຫົວພັນຂີ້ໝິ້ນສຳລັບປູກ
ການປູກຂີ້ໝິ້ນອາດໃຊ້ພັນໄດ້ 2 ລັກສະນະຄື ໃຊ້ຫົວແມ່ ແລະ ໃຊ້ແງ່ງ ຖ້າປູກໂດຍໃຊ້ຫົວແມ່ທີ່ມີຮູບຮ່າງຄືຮູບໄຂ່ຂະໜາດນໍ້າໜັກປະມານ 15-50 ກຼາມ/ຫົວ ຫົວແມ່ທີ່ສາມາດໃຫ້ຜົນຜະລິດປະມານ 3,300 ກິໂລ/ໄລ່ທີ່ລະຍະປູກ 75 X 30 ຊມ ຖ້າໃຊ້ຫົວແມ່ຂະໜາດນ້ອຍຈະລຸດລົງໄປຕາມສັດສ່ວນ ຖ້າປປູກດ້ວຍແງ່ງຂະໜາດ 15-30 ກຼາມ/ອັນ ຫຼື 7-10 ຂໍ້/ອັນ ຈະໃຫ້ຜົນຜະລິດນໍ້າໜັກສົດປະມານ 2,800 ກິໂລ/ໄລ່

IV ວິທີການປູກ
1. ຄັດຂະໜາດຂອງຫົວພັນຂີ້ໝິ້ນທີ່ຈະນຳໄປປູກໃຫ້ມີຂະໜາດໃກ້ຄຽງກັນ ແລະ ພັກຫົວຂີ້ມິ່ນທີ່ຄັດແຍກໄວ້ປະມານ 1 ອາທິດ ຫຼື ຈົນກວ່າຈະມີການແຕກໜໍ່ໃໝ່ຂື້ນມາ
2. ກ່ອນນຳລົງປູກຄວນແຊ່ດ້ວຍຢາກັນຮາກ ແລະ ຢາຂ້າເພ້ຍເພື່ອປ້ອງກັນພະຍາດຫົວເນົ່າ ແລະ ກຳຈັດເພ້ຍ ແຊ່ 30 ນາທີ
3. ໃຊ້ສຽມຂຸດຂຸມທີ່ມີຂະໜາດກວ້າງ 10 ຊມ ເລິກ 15 ຊມ
4. ນຳຫົວພັນທີ່ຂີ້ມິ່ນທີ່ກຽມໄວ້ມາປູກລົງໃນຂຸມ ພ້ອມທັ້ງອັດປາກຂຸມໃຫ້ສະນິດ
5. ຫຼັງຈາກປູກໄດ້ 8-12 ກໍ່ສາມາດຈຳໜ່າຍຂີ້ມິ່ນໄດ້

V ການບົວລະບັດ
1. ໝັ້ນກຳຈັດວັດສະພືດເດືອນລະຄັ້ງໃນຊ່ວງທີ່ຂີ້ໝິ້ນມີອາຍຸຕັ້ງແຕ່ 2-5 ເດືອນ
2. ການໃສ່ຝຸ່ນຈະໃສ່ຝຸ່ນວິທະຍາສາດສູດ 13-13-21 ຫຼື ຝຸ່ນຊີວະພາບປີລະ 2 ຄັ້ງ
3. ການຫົດນໍ້າ ຊ່ວງລະດູຝົນບໍ່ຈຳເປັນຕ້ອງຫົດນໍ້າເລີຍພຽງແຕ່ລະວັງຢ່າໃຫ້ມີນໍ້າຂັງ ຫາກວ່າຝົນບໍ່ຕົກໃຫ້ນໍ້າເສີມ ແລະ ໃຊ້ວັດສະດຸຄຸມດິນເພື່ອຮັກສາຄວາມຊຸ່ມຊື່ນ

VI ພະຍາດ ແລະ ແມງໄມ້ສັດຕູພືດ
ພະຍາດຂອງຂີ້ໝິ້ນເກີດຈາກການເນົ່າຂອງຫົວຂີ້ມິ່ນຈາກນໍ້າຖ້ວມຂັງ ຫຼື ການຫົດນໍ້າຫຼາຍເກີນໄປ ຫຼືອາດເກີດຈາກການປູກຊໍ້າບ່ອນເກົ່າຫຼາຍໆຄັ້ງເຮັດໃຫ້ເກີດການສະສົມຂອງພະຍາດ ພະຍາດທີ່ພົບໄດ້ແກ່ ພະຍາດເຫົ້ງາ ແລະ ພະຍາດເນົ່າຊຶ່ງເກີດຈາກເຊື້ອແບກທີ່ເຮຍ ພະຍາດຕົ້ນແຫ່ວ ແລະ ພະຍາດໃບຈຸດ ເກີດຈາກເຊື້ອຣາ ພະຍາດເຫຼົ່ານີ້ເມື່ອເກີດແລ້ວຮັກສາຍາກຈຶ່ງຄວນປ້ອງກັນກ່ອນປູກ ການປ້ອງກັນພະຍາດທີ່ດີຄວນເຮັດໂດຍການໝູນວຽນການປູກທຸກໆປີ
VII ການເກັບກ່ຽວ
ຫຼັງຈາກປູກຂີ້ມິ່ນຊ່ວງຕົ້ນລະດູຝົນຈົນເຂົ້າສູ່ລະດູໜາວທ້າຍເດືອນທັນວາ ລໍາຕົ້ນເລີ່ມສະແດງອາການຫ່ຽວແຫ້ງຈົນກະທັ້ງແຫ້ງຊະນິດຈຶ່ງເລີ່ມທຳການເກັບກ່ຽວ

ຮຽບຮຽງໂດຍ: ສີວິໄລ ອິນທະວົງ
ແຫຼ່ງຂໍ້ມູນ: ບຸນຮິນ ນົກນ້ອຍ http://oknation.nationtv.tv/blog/horti-asia/2012/10/16/entry-1
https://www.phakhaolao.la/kb/0000167
ໝວດໝູ່: ການປູກພືດ
ຂໍ້ມູນເພີ່ມເຕີມ:
ຂໍ້ມູນເຕັກນິກ:
ວີດີໂອ: