ຕົ້ນອ່ອນດອກຕາເວັນຊ່ວຍເຮັດໃຫ້ລະບົບຂັບຖ່າຍດີ, ຊ່ວຍບຳລຸງສະໝອງ, ປ້ອງກັນໂລກສະໝອງເຊື່ອມ (ອັລໄຊເມີ) ໂດຍພົບວ່າປະໂຫຍດຕົ້ນອ່ອນດອກຕາເວັນນັ້ນມີໂປຣຕີນຢູ່ສູງ, ວິຕາມິນ A, E ສູງ, ບໍາລຸງສາຍຕາ, ບໍາລຸງຜີວພັນ ແລະ ຍັງລົດຄໍແລໂຕຣອນ ເປັນອາຫານທີ່ຍ່ອຍງ່າຍ ແລະ ໄຂມັນທີ່ຢູ່ໃນເມັດດອກຕາເວັນເປັນໄຂມັນທີ່ບໍ່ອີ່ມຕົວ, ເນື່ອງຈາກຂະບວນການງອກເຮັດໃຫ້ໂມເລກຸນຂອງສານອາຫານໃນເມັດປ່ຽນແປງໄປຢູ່ໃນຮູບທີ່ຮ່າງກາຍຍ່ອຍໄດ້ງ່າຍເຊັ່ນ: ໂປຣຕີນປ່ຽນເປັນກົດອະມິໂນ, ແປ້ງປ່ຽນເປັນຄາໂບໄຮເດຼດ ຫຼື ກຣູໂຄສ ແລະ ໄຂມັນປ່ຽນເປັນກົດໄຂມັນ.
I. ວັດຖຸທີ່ໃຊ້ສຳຫຼັບປູກຕົ້ນອອ່ນດອກຕາເວັນ
– ເມັດດອກຕາເວັນສີດຳ( black oil sunflower seeds ) ສາມາດຊື້ໄດ້ຕາມຮ້ານຂາຍທົ່ວໄປ.
– ຖາດ ຫຼື ຊາມທຶບແສງ 2 ອັນ.
– ດິນສຳຫຼັບປູກ (ດິນສວນ ຫຼື ດິນສຳຫຼັບປູຕົ້ນໄມ້ທຳມະດາ).
– ສະເປສີດນ້ຳ.

II. ວິທີການປູກ
1. ແຊ່ແກ່ນດອກຕາເວັນໃນນ້ຳໄວ້ 1 ຄືນ.
2. ຕຽມຊາມ 2 ໜ່ວຍບໍ່ຕ້ອງເຈາະຮູລະບາຍນ້ຳ ຫຼື ຖ້າມີຮູກໍ່ບໍ່ເປັນຫຍັງ.
3. ເອົາດິນໃສ່ລົງໃນຊາມສູງປະມານເຄິ່ງນີ້ວ ຫຼື ໜຶ່ງນີ້ວມືເພື່ອໃຫ້ຮາກມີບ່ອນຍຶດຈັບ.
4. ໃຊ້ສະເປສີດນ້ຳໃຫ້ພໍຊຸ່ມບໍ່ໃຫ້ປຽກຫຼາຍຈົນເກີນໄປ.
5. ໂຮຍແກ່ນດອກຕາເວັນທີ່ແຊ່ນ້ຳແລ້ວກະຈາຍໃຫ້ທົ່ວຊາມໃຊ້ສະເປສີດນ້ຳໃຫ້ທົ່ວແລ້ວໃຊ້ຊາມອີກໜ່ວຍງວມໄວ້.
6. ເປີດຫົດນ້ຳໂດຍການໃຊ້ສະເປສີດມື້ລະ 2 ເທືອ ເຊົ້າ-ແລງ ຫຼັງຈາກນັ້ນປິດໄວ້ຄືເກົ່າ, ປະມານ 2-4 ມື້ຕົ້ນຈະງອກສູງປະມານ 1 ນີ້ວມື.
7. ເລີ່ມມີໃບ 1 ຄູ່ໃຫ້ປີ້ນຊາມວາງທັບທາງເທິງເພື່ອເປັນການບັງຄັບໃຫ້ຕົ້ນດອກຕາເວັນງອກໃນລະດັບດຽວກັນ ແລະ ໃຊ້ສະເປຫົດນ້ຳ ເຊົ້າ-ແລງ ແລ້ວວາງຊາມໄວ້ຄືເກົ່າ.
8. ຕອນນີ້ລຳຕົ້ນຈະສູງປະມານ 2-3 ນີ້ວ ເອົາຊາມທີ່ວາງທັບທາງເທິງນັ້ນອອກ, ຈະສັງເກດເຫັນໃບມີສີເຫຼືອງ ເນືອງຈາກບໍ່ໄດ້ຮັບແສງໃຫ້ເອົາຊາມທີ່ງອກວາງໄວ້ໃນທີ່ຮົ່ມບໍ່ໃຫ້ຖືກແສງແດດໃບຈະຄ່ອຍໆປ່ຽນເປັນສີຂຽວ, ໃຊ້ສະເປສີດຫົດນ້ຳ ເຊົ້າ-ແລງ.
9. ວັນທີ່ 7-11 ສາມາດເກັບມາກິນເປັນອາຫານໄດ້ (ຖ້າປະໄວ້ດົນຈະເລີ່ມມີໃບລ້ຽງຄູ່ທີ່ສອງອອກມາຈະບໍ່ແຊບປານໃດ).
10. ເວລາເກັບຕົ້ນອ່ອນກໍ່ຮວບເອົາເປັນກໍາໆແລ້ວໃຊ້ມີດ ຫຼື ມີດຕັດໆຮາກຖີ້ມລ້າງນໍ້າໃຫ້ສະອາດຜຶ່ງໃຫ້ສະເດັດນໍ້າເມື່ອແຫ້ງແລ້ວ ຈຶ່ງເກັບຮັກສາໄວ້ໃນຕູ້ເຢັນເພື່ອປຸງແຕ່ງອາຫານ ຫຼື ຂາຍເພື່ອສ້າງລາຍຮັບ.

ແຫຼ່ງທີ່ມາ: www.farmthailand.com
ຜູ້ຮຽບຮຽງ: ລັດຕະນາ ໄຊຍະວົງ
ໝວດໝູ່: ພືດຜັກ
ຂໍ້ມູນເພີມຕື່ມ:
ຂໍ້ມູນເຕັກນິກ:
ວີດີໂອ:

ຕິດຕໍ່:

I. ຄຸນປະໂຫຍດ ແລະ ຄວາມສໍາຄັນ
ການປູກຜັກສວນຄົວປອດສານພິດໃນແບບກະສິກຳທຳມະຊາດສາມາດປູກໄວ້ເພື່ອກິນເປັນອາຫານ ແລະ ປະກອບກັບອາຫານໃນຄົວເຮືອນໄດ້ດີ ຖ້າເຮັດໃນຈຳນວນຫຼາຍກໍ່ສາມາດນຳໄປຂາຍ ເພື່ອສ້າງລາຍຮັບສາມາດຍຶດຖືເອົາເປັນອາຊີບໄດ້ເຊັ່ນດຽວກັນກັບການປູກພືດຜັກທົ່ວໄປແຕ່ບໍ່ໃຊ້ປຸຍເຄມີ ແລະ ສານພິດໃນການກະຈັດພະຍາດ ແລະ ແມງໄມ້ໂດຍໃຊ້ປຸຍອິນຊີ ຊີວະພາບ, ນໍ້າໝັກຊີວະພາບ ແລະ ສະໝູນໄພແທນ ທັງເປັນການຊ່ວຍຫຼຸດຕົ້ນທຶນໃນການຜະລິດ ແລະ ຍັງທຳລາຍຊີວິດ ແລະ ສິ່ງແວດລ້ອມອີກດ້ວຍ.
ການປູກພືດຜັກຊະນິດຕ່າງໆຕ້ອງຄວບຄູ່ກັບການຫົດນໍ້າ ແລະ ໃສ່ປຸຍເພື່ອການຈະເລີນເຕີບໂຕປຸຍເປັນສິ່ງສຳຄັນສຳລັບເປັນທາດອາຫານໃຫ້ແກ່ພືດ ຖ້າພືດໄດ້ປຸຍໜ້ອຍ ຫຼື ຂາດປຸຍກໍ່ຈະເຮັດໃຫ້ພືດບໍ່ຈະເລີນເຕີບໂຕ ຫຼື ຈະເລີນເຕີບໂຕຊ້າ ແລະ ໃຫ້ຜົນຜະລິດໜ້ອຍ, ປຸຍອິນຊີທີ່ຜະລິດຈາກຂີ້ສັດຊຶ່ງເປັນປະໂຫຍດຕໍ່ດິນ ແລະ ພືດຜັກເປັນການເພີ່ມຈຸລິນຊີວັດຖຸໃນດິນ ແລະ ຮັກສາຄວາມອຸດົມສົມບູນໃນດິນຢູ່ສະເໝີ ການເຮັດປຸຍອິນຊີແລ້ວອາດຈະນໍາມາອັດໃຫ້ເປັນເມັດເພື່ອສະດວກໃນການນໍາໃຊ້ຊ່ວຍລົດການຟຸ້ງກະຈາຍເວລານໍາໃຊ້.
II. ການປະສົມນໍ້າໝັກເພື່ອໃຊ້ປະໂຫຍດຕາມຊ່ວງອາຍຸການຈະເລີນເຕີບໂຕຂອງພືດ
1. ນໍ້າໝັກຈາກໝາກໄມ້ ເປັນນໍ້າພໍ່ຂອງພືດສາມາດເຮັດໄດ້ຈາກໝາກໄມ້ທຸກຊະນິດເຊັ່ນ: ໝາກອຶ, ໝາກຫຸງ, ໝາກກ້ວຍ, ໝາກບວບ, ໝາກນັດ, ໝາກເຂືອ, ໝາກເລັ່ນ ແລະ ອື່ນໆ ນໍາເອົາໝາກໄມ້ 3 ກິໂລມາປະສົມກັບກາກນໍ້າຕານ 1 ລິດ ແລ້ວໝັກປະໄວ້ 7 ວັນ ກໍ່ສາມາດນໍາໃຊ້ໄດ້ຄືກັບການເຮັດ ແລະ ນໍາໃຊ້ນໍ້າໝັກຊະນິດຕ່າງໆ.

2. ນໍ້າໝັກຈາກພືດສີຂຽວ ເປັນນໍ້າແມ່ຂອງພືດເຮັດຄືກັນກັບນໍ້າໝັກຈາກໝາກໄມ້ພຽງແຕ່ປ່ຽນວັດຖຸດິບຈາກໝາກໄມ້ມາເປັນເສດພືດຜັກ.
3. ເມື່ອນໍາໃຊ້ນໍ້າໝັກຈາກໝາກໄມ້ທີ່ເປັນຄືກັບພໍ່ຂອງພືດມາໃຊ້ຮ່ວມກັບນໍ້າໝັກຈາກພືດສີຂຽວທີ່ເປັນຄືກັບແມ່
ຂອງພືດຈະເພີ່ມປະສິດທິພາບໃຫ້ສູງຂື້ນ ແລະ ເຮົາຈະຕ້ອງນໍາມາປະສົມນໍ້າໃຫ້ເຈືອຈາງໂດຍໃຊ້ນໍ້າໝັກທີ່ປະສົມແລ້ວ 1 ສ່ວນປະສົມນໍ້າ 500 ສ່ວນ ຕາມສັດສ່ວນຂອງການປະສົມເພື່ອໃຊ້ກັບພືດໃຫ້ເໝາະສົມກັບຊ່ວງອາຍຸການຈະເລີນເຕີບໂຕ ແລະ ເພື່ອໃຫ້ມີຄວາມສະດວກໃນການນໍາໃຊ້.
III. ສູດການນຳໃຊ້
1. ສູດທີ່ 1 ເລັ່ງການຈະເລີນເຕີບໂຕ ( N ): ແມ່ນນໍາໃຊ້ນໍ້າແມ່ 10 ສ່ວນຕໍ່ນໍ້າພໍ່ 1 ສ່ວນ.
2. ສູດທີ່ 2 ເລັ່ງການອອກດອກ ( P ) : ແມ່ນນໍາໃຊ້ນໍ້າແມ່ 1 ສ່ວນຕໍ່ນໍ້າພໍ່ 1 ສ່ວນ.
3. ສູດທີ່ 3 ເລັ່ງການອອກດອກ ( K ) : ແມ່ນນໍາໃຊ້ນໍ້າແມ່ 1 ສ່ວນຕໍ່ນໍ້າພໍ່ 10 ສ່ວນ.
IV. ສານໄລ່ແມງໄມ້
4.1. ວັດຖຸອຸປະກອນທີ່ໃຊ້ປະກອບມີ
1. ຂົມກະເດົາ 3 ກິໂລ.
2. ຫຍ້າຂີວ 2 ກິໂລ.
4. ຫົວຂ່າແກ່ 2 ກິໂລ.
5. ຫົວສີໄຄ 2 ກິໂລ.
6. ໃບໝາກຂຽບ ຫຼື ໃບວິກ 1 ກິໂລ.
7. ເຄືອເຂົາຮໍ ຫຼື ໃບໝາກເຍົາ ຫຼື ຂີ້ເຫຼັກ 1 ກິໂລ.
8. ຢາສູບ ຫຼື ຫາງໄຫຼ 1 ກິໂລ.
9. ກາກນໍ້າຕານ 3 ລິດ ຫຼື ນໍ້າຕານ 3 ກິໂລ.
10. ນໍ້າສະອາດ 40 ລິດ.
11. ຖັງໝັກ.
4.2. ວິທີການປະຕິບັດ
ນຳເອົາສ່ວນປະສົມຕ່າງໆ ທີ່ກຽມໄວ້ມາຟັກເປັນຕ່ອນໃຫ້ນ້ອຍໆ ຫຼື ບົດໃຫ້ລະອຽດໄດ້ຍິ່ງດີນໍາເອົາວັດຖຸດິບທຸກຢ່າງມານວດປະສົມໃຫ້ເຂົ້າກັນດີກ່ອນ ຫຼັງຈາກນັ້ນຈຶ່ງນຳກາກນໍ້າຕານມາລາດລົງໃຊ້ມືນວດປະສົມໃຫ້ເຂົ້າກັນດີພໍສົມຄວນ ແລ້ວກໍ່ເທນໍ້າສະອາດທີ່ຕຽມໄວ້ລົງຄົນໃຫ້ເຂົ້າກັນດີໝັກໄວ້ໃນຖັງດົນເທົ່າໃດຍິ່ງດີ ແຕ່ຢ່າງນ້ອຍສຸດຕ້ອງ 7-14 ວັນກໍ່ສາມາດນໍາມາໃຊ້ໄດ້.

V. ການໃຊ້ນໍ້າໝັກ ແລະ ປຸຍຊີວະພາບໃຫ້ເກີດປະໂຫຍດກັບພືດ
1. ຫຼັງຈາກຕຽມໜານທີ່ຈະປູກຜັກໄດ້ສຳເລັດແລ້ວຫວ່ານດ້ວຍປຸຍອິນຊີຊີວະພາບພໍປະມານ ຫຼື 2 ກຳມື/ຕາແມັດ.
2. ໜານປູກຜັກຄວນເຮັດທາງຍາງ ແລະ ຮອ່ງລະບາຍນໍ້າເພື່ອໃຫ້ສະດວກ.
3. ເອົາເຟືອງເຂົ້າ ຫຼື ແກບປົກໝານຜັກແລ້ວຫົດດ້ວຍນໍ້າໝັກຊີວະພາບ (ນໍ້າພໍ່ ຫຼື ນໍ້າແມ່) ໃນອັດຕາສ່ວນ 3 ບ່ວງແກງ/ນໍ້າ 10 ລິດ ຫົດໜານປູກໃຫ້ຊຸ່ມຊື່ນປະໄວ້ 7 ວັນຈຶ່ງປູກພືດໃສ່.
4. ເມື່ອພືດອາຍຸໄດ້ 2 ເດືອນຢ່າງເຊັ່ນ: ກະຫຼໍ່າ ແລະ ບັອກໂຄລີ່ ຄວນໃສ່ປຸຍຊີວະພາບອີກ 1 ກຳມື/ຂຸມປູກ.
5. ຫຼັງຈາກປູກພືດໄດ້ປະມານ 10-12 ວັນຖ້າພືດບໍ່ຈະເລີນເຕີບໂຕດີຕ້ອງໃຫ້ປຸຍອິນຊີຊີວະພາບເພີ່ມອີກ.
6. ຫົດນໍ້າໝັກຊີວະພາບ ແລະ ສານໄລ່ແມງໄມ້ຕາມຊ່ວງອາຍຸການຈະເລີນເຕີບໂຕຂອງຕົ້ນພືດ ອາທິດລະ 1-2 ເທື່ອ ໃນອັດຕາສ່ວນນໍ້າໝັກຊີວະພາບ 3 ບ່ວງແກງ/ນໍ້າ 20 ລິດ .
ແຫຼ່ງທີ່ມາ: www.rakbankerd.com
ຜູ້ຮຽບຮຽງ: ລັດຕະນາ ໄຊຍະວົງ
ໝວດໝູ່: ການປູກພືດຜັກ
ຂໍ້ມູນເພີມຕື່ມ:
ຂໍ້ມູນເຕັກນິກ:
ວີດີໂອ:
ຕິດຕໍ່:

ສະພາບລວມ: ປະຊາຊົນຢູ່ຕາມຊານເມືອງ ແລະ ຊົນນະບົດມີຄວາມສາມາດໃນການລ້ຽງປາແບບປະສົມປະສານກັບການລ້ຽງສັດ ແລະ ປູກຝັງ ຢູ່ຕາມໜອງທຳມະຊາດທີ່ມີຢູ່ແລ້ວ ແລະ ໜອງທີ່ສ້າງຂື້ນເອງ, ສັດທີ່ນິຍົມລ້ຽງຮ່ວມກັບປາສ່ວນຫຼາຍຈະແມ່ນ: ໄກ່ພັນຊີ້ນ, ໄກ່ພັນໄຂ່, ເປັດ ແລະ ໝູພັນ. ອາຫານທີ່ນຳມາໃຊ້ໃນການລ້ຽງປາຈະມີ ຮຳ, ເຂົ້າປຽນ, ສາລີ, ມັນຕົ້ນ ແລະ ຜັກຊະນິດຕ່າງໆ ທີ່ຫາໄດ້ງ່າຍຕາມທ້ອງຖິ່ນ ແລະ ມີລາຄາຖືກ.
I. ພັນສັດ
1. ໄກ່ພັນຊີ້ນ
ແນວພັນໄກ່ທີ່ນຳມາລ້ຽງແມ່ນສາມາດຊື້ໄດ້ຈາກຟາມ, ນ້ຳໜັກສະເລ່ຍເວລາປ່ອຍໄກ່ລ້ຽງ 35-40 ກຣາມ, ຖ້າລ້ຽງໄກ່ໃນເງື່ອນໄຂທີ່ດີໃນເວລາ 45 ວັນ ໄກ່ຈະມີນ້ຳໜັກປະມານ 1500 -1800 ກຣາມ.

2. ປານິນ
ລ້ຽງງ່າຍ, ໃຫຍ່ໄວ, ທົນຕໍ່ສະພາບແວດລ້ອມຕ່າງໆໄດ້ດີ, ປາຊະນິດນີ້ກິນພືດ ແລະ ສັດເຊັ່ນ: ອາຫານຈຳພວກໄຮນ້ຳພືດ, ໄຮນ້ຳສັດ, ພືດນ້ຳຂະໜາດນ້ອຍ, ຖ້າລ້ຽງໃນສະພາບແວດລ້ອມທີ່ດີ ໃນໄລຍະ 6-8 ເດືອນ ປາຈະມີນໍ້າໜັກປະມານ 300-500 ກຣາມ, ເປັນປາທີ່ຂະຫຍາຍພັນໄດ້ງ່າຍ ແລະ ລ້ຽງໄດ້ຕະຫຼອດປີ.

3. ປາໄນ
ເປັນປາທີ່ລ້ຽງງ່າຍ, ໃຫຍ່ໄວ, ທົນຕໍ່ສະພາບແວດລ້ອມໄດ້ດີກິນພືດ ແລະ ສັດເຊັ່ນ: ອາຫານຈຳພວກໄຮນ້ຳພືດ, ໄຮນ້ຳສັດ, ກິນສັດນ້ຳຂະໜາດນ້ອຍ, ຖ້າລ້ຽງໃນສະພາບແວດລ້ອມທີ່ດີ ໃນໄລຍະ 6-8 ເດືອນ ປາຈະມີນໍ້າໜັກປະມານ 400-700 ກຣາມ, ເປັນປາທີ່ຂະຫຍາຍພັນໄດ້ງ່າຍ ຂະຫຍາຍພັນໃນລະດູໜາວ.

4. ປາປາກ
ເປັນປາພື້ນເມືອງ, ເປັນປາທີ່ລ້ຽງງ່າຍ, ໃຫຍ່ໄວ, ເວລາລ້ຽງເມື່ອມີນ້ຳເນົ່າເສຍຈະຕາຍກ່ອນປາຊະນິດອື່ນ, ເປັນປາກິນພືດ, ພືດນ້ຳ, ແໜ, ໄຄນ້ຳ ແລະ ກິນສັດນ້ຳຂະໜາດນ້ອຍ, ຖ້າລ້ຽງໃນສະພາບເງື່ອນໄຂທີ່ດີໃນເວລາ 6-8 ເດືອນ ຈະມີນໍ້າໜັກ 300-400 ກຣາມ, ເປັນປາທີ່ຂະຫຍາຍພັນໄດ້ງ່າຍໃນລະດູຝົນ.

II. ຂັ້ນຕອນການຈັດຕັ້ງປະຕິບັດ
1. ການກຽມໜອງປາ
– ປ່ອຍນ້ຳອອກຈາກໜອງໃຫ້ໝົດແລ້ວໂຮຍປູນຂາວລົງໃນອັດຕາ 400 ກິໂລກຣາມ, ເພື່ອຂ້າເຊື້ອພະຍາດ ແລະ ປັບປຸງຄຸນນະພາບນ້ຳໃຫ້ມີຄວາມເປັນກົດເປັນດ່າງ (Ph) 6-8 ແລ້ວຕາກໜອງໄວ້ປະມານ 1 ອາທິດ.
– ປ່ອຍນ້ຳເຂົ້າໃສ່ໜອງປະໄວ້ 1 ເດືອນ ເພື່ອໃຫ້ເກີດອາຫານທຳມະຊາດໃນໜອງປາເຊັ່ນ: ໄຮນ້ຳພືດ ແລະ ໄຮນ້ຳສັດ.
2. ການສ້າງຄອກໄກ່
ການສ້າງຄອກໄກ່ແມ່ນເຮັດໃສ່ເທິງໜອງປາເລີຍເຊິ່ງມີຂະໜາດ ລວງຍາວ 8 ແມັດ, ລວງກ້ວາງ 5 ແມັດ ແລະ ສູງ 2 ແມັດ, ວັດຖຸ ແລະ ອຸປະກອນທີ່ນຳມາສ້າງຄອກມີເສົາສີມັງ, ໄມ້ໄຜ່.

III. ການປ່ອຍແນວພັນສັດ ແລະ ອັດຕາການປ່ອຍ
1. ແນວພັນໄກ່
ລູກໄກ່ທີ່ຈະລ້ຽງສາມາດຊື້ໄດ້ຈາກຟາມຫຼື ສະຖານທີ່ອື່ນໆທີ່ຂາຍ, ເປັນລູກໄກ່ພັນຊີ້ນ ແລ້ວນຳມາປ່ອຍໃນຄອກທີ່ສ້າງໄວ້ອັດຕາການປ່ອຍແມ່ນເນື້ອທີ່ໜອງ 2700 ມ2 ແມ່ນໃຫ້ປ່ອຍ 340 ໂຕ, ໂດຍທົ່ວໄປອັດຕາການປ່ອຍແມ່ນ 1250 ໂຕ/ຮຕ.
2.ແນວພັນປາ
ໃນເນື້ອທີ່ໜອງ 2700 ມ2 ແມ່ນໃຫ້ປ່ອຍປານິນ 4000 ໂຕ , ປາໄນ 2000 ໂຕ ແລະ ປາປາກ 2000 ໂຕ ໂດຍອັດຕາການປ່ອຍແມ່ນ30,000ໂຕ/ຮຕ.
IV.ການໃຫ້ອາຫານ
1.ການໃຫ້ອາຫານໄກ່:ແມ່ນໄດ້ນຳໃຊ້ອາຫານສຳເລັດຮູບເບີ201ອາຍຸທຳອິດຫາ15ວັນແລະເບີ 202 ອາຍຸ 15 ວັນຂື້ນໄປຈາກໂຮງງານອາຫານສັດທີ່ມີທາດຊີ້ນສູງກວ່າ 30 %.
2. ການໃຫ້ອາຫານປາ: ແມ່ນໄດ້ນຳໃຊ້ຮຳເປັນອາຫານເສີມຈາກໂຮງສີເຂົ້າ ແລະ ສິ່ງເສດເຫຼືອຈາກໄກ່ເຊັ່ນ: ເສດອາຫານຂອງໄກ່ເຮ່ຍ ແລະ ມູນໄກ່.
3. ການເກັບຜົນຜະລິດ: ເມື່ອລ້ຽງໄກ່ໄດ້ 40-45 ວັນ ກໍ່ສາມາດນຳມາຂາຍໄດ້, ສວ່ນການເກັບຜົນຜະລິດຂອງປາແມ່ນຂຶື້ນກັບປາທີ່ປ່ອຍ ຖ້າປ່ອຍປາຂະໜາດ 3-5 ຊມ ກໍ່ໃຊ້ເວລາປະມານ 6-12 ເດືອນກໍ່ສາມາດເກັບປາຂາຍໄດ້, ແຕ່ຖ້າປ່ອຍປາຂະໜາດ 15-20 ຊມ ຫຼື ນໍ້າໜັກປາ 250-400 ກຣາມ ໃຊ້ເວລາປະມານ 2-4 ເດືອນ ກໍ່ສາມາດເກັບຜົນຜະລິດຂາຍໄດ້. ດັ່ງນັ້ນ ເພື່ອໃຫ້ມີຜົນຜະລິດຂາຍຢ່າງຕໍ່ເນື່ອງຄວນລ້ຽງປາເປັນຊຸດໆໄປ ເພື່ອໃຫ້ເປັນອາຫານຫານໃຫ້ແກ່ປາຈົນເຖິງເວລາເກັບຜົນຜະລິດຂອງປາ.

ແຫຼ່ງທີ່ມາ: ອຸໄລທຳ ລາຊາສິມມາ
ຜູ້ຮຽບຮຽງ: ລັດຕະນາ ໄຊຍະວົງ
ຂໍ້ມູນເພີມຕື່ມ:
ຂໍ້ມູນເຕັກນິກ:
ວີດີໂອ:
ຕິດຕໍ່:

1. ການປູກໝາກນອດແຊມສວນຍາງພາລາ.
ຫມາກນອດເປັນພືດທີ່ສາມາດກິນໄດ້ ແລະ ດອກມີກິ່ນຫອມ. ຊີ່ງສວ່ນໃຫ່ຍຈະນິຍົມປູກເພື່ອຕ້ອງການຈໍາຫນ່າຍໝາກເປັນສວ່ນໃຫ່ຍ ແລະ ໃຊ້ພື້ນທີ່ໃນການປູກບໍ່ຫຼາຍ ການປູກ ແລະ ການດູແລຮັກສາງ່າຍໆ.
2. ວັດສະດຸ ແລະ ອຸປະກອນ.
1. ການກ້າພັນຫມາກນອດ
2. ໄມ້ໄຜ່ສໍາລັບປັກ
3. ຄ້າງສໍາລັບປູກ
4. ລວດ ເບີ 14
5. ເຊື່ອກໄນລອກ

3. ວິທີການປູກ.
– ຕຽມດິນຂຸດຂຸມ ຂະໝາດ 30 x 30 ຊມ. ນໍາຕົ້ນທີ່ກ້າລົງໄປປູກ
– ໃຊ້ໄມ້ໄຜ່ປັກ ແລະ ຜູກຕິດກັບຄ້າງເພື່ອໃຫ້ຍອດເກາະກັບຄ້າງຈີ່ງຈະເລີ່ມເຕີບໂຕໄດ້ໄວ້
– ຄ້າງໃຊ້ເສົາໄມ້ເປັນຫຼັກໂດຍຈະວາງເສົາຫຼັກໄວ້ຮອບໝານປູກ ຈາກນັ້ນດືງລວດ ຫຼື ເຊືອກປານ ໂດຍໃຊ້ລວດເບີ 14 ສານເປັນໂຄງສ້າງ ແລະ ເຊືອກໃນລອກສານເປັນຕາຕ່າງຂະໝາດ 40 x 50 ຊມ.
• ຂໍ້ຄວນລະວັງໃນການເຮັດຄ້າງ ຄື: ເສົາຫຼັກທີ່ໃຊ້ຄວນມີຄວາມສູງບໍ່ຕໍ່າກວ່າ 3.50 ແມັດ ຖ້າຕໍ່າກວ່ານີ້ການເກັບກ່ຽວຈະບໍ່ສະດວກ.
– ໝາກນອດຈະອອກດອກ ແລະ ໃຫ້ຜົນລະຜິດສູງສຸດປະມານ 5-7 ເດືອນຫຼັງການປູກ.
– ສໍາລັບຫມາກນອດສົດນັ້ນຈະອອກດອກຕິດໝາກໄວ້ກວ່າ ເນື່ອງຈາກເປັນຕົ້ນກ້າທີ່ປ່ຽນຍອດແຕ່ອາຍຸເໝາະສົມທີ່ຄວນໃຫ້ຕິດໝາກບໍ່ຕໍ່າກວ່າ 5 ເດືອນ.

4. ການເກັບກ່ຽວ.
ຫຼັງຈາກທີ່ໝາກນອດໄດ້ອາຍຸ 60-70 ວັນ ຫຼັງອອກດອກບານໄລຍະທີ່ເໝາະສົມໝາກຈະມີການປ່ຽນສີໆຂຽວເປັນສີເຫຼື່ອງ ເກັບກ່ຽວອາທິດລະ 1 ຄັ້ງ ຊື່ງມີພໍ່ຄ້າຈາກໂຮງງານມາຮັບຊື່ຢູ່ເຮືອນ.

ໝາຍເຫດ: ການຂະຫຍາຍພັນ ແລະ ຜະລິດຕົ້ນພັນໝາກນອດນັ້ນຕ້ອງມີການວາງແຜນໃຫ້ສອ່ງຄອງກັບໄລຍະເວລາ ທີ່ຕ້ອງການປູກ ການວາງແຜນທີ່ຖືກຕ້ອງຈະເຮັດໃຫ້ໝາກນອດໃຫ້ຜົນຜະລິດຢ່າງເຕັມທີ ແລະ ການດູແລຮັກສານອ້ຍທີ່ສຸດ ໂດຍຕ້ອງວາງແຜນຜະລິດຕັ້ນພັນໃຫ້ມີອາຍຸເໝາະສົມພໍດີ ເມື່ອເຖີ່ງເວລາປູກແບບອາໃສນໍ້າຝົນ ການຜະລິດຕົ້ນພັນຈະມີປັນຫາລະບົບຮາກ ການຜະລິດຕ້ອງລ້າຊ້າກໍ່ຈະເຮັດໃຫ້ຕົ້ນພັນບໍ່ແຂງແຮງ ແລະ ບໍ່ສົມບູນກັບໄລຍະການປູກທີ່ເໝາະສົມ.
ແຫ່ງຂໍ້ມູນ: https://www.rakbankerd.com/agriculture/page.php?id=6356&s=tblplant
ຮຽບຮຽງໂດຍ: ເດືອນເພັງ ສີຫາລາດ
ໝວດໝູ່: ການປູກໄມ້ໃຫ້ໝາກ
ຂໍ້ມູນເພີມຕື່ມ:
ຂໍ້ມູນແນວພັນ:
ວິດີໂອ:

ຕິດຕໍ່:

1. ລັກສະນະທົ່ວໄປ.
ເປັນຕົ້ນໄມ້ຫຼົນໃບ ມີຄວາມສູງເຖິງ 45 ມ ແລະ ມີໝ້າຕ້າງພຽງເອິກ ຮອດ 1 ມ ມັກມີລໍາຕົ້ນກົມກ້ຽງ ເຖິງຄວາມສູງ ປະມານ 20 ມ ແລະ ມີພຶງສູງຮອດ 3 ມ. ຕົ້ນໝາກຕ້ອງ ເປັນໄມ້ ທີ່ມັກມີລໍາຕົ້ນຄົດ ແລະ ເປັນຮ່ອງມັກມີກິ່ງງ່າກອ່ງລົງຕໍ່າເກືອບຈໍາດິນ, ເປືອກຂອງມັນມີນໍ້າຢາງຂາວ ໃບປະກອບມີ 3 ໃບຍອ່ຍ ລຽງກັນເປັນກຽວ, ດອກເປັນສີເຫຼືອງແກມຂຽວ ແລະ ໝາກໃຫ່ຍ ມົນສີເຫຼືອງ ຂະໝາດໝ້າຕັດ 8 ຊຕມ ເປັນໝາກນຸ້ມ ມີນວນເປືອກໝາ ບັນຈຸມີແກ່ນຂະໝາດໃຫ່ຍແຕາ 1 ຫາ 4 ແກ່ນ ທີ່ຫຸ້ມຫໍ່ດວ້ຍເນື້ອເຫຍື້ອໃສໆສີຂາວນວນ, ກິນໄດ້ ແລະ ມີລົກຊາດດີ.
2. ການຕຽມດິນປູກໝາກຕ້ອງ.
1. ເລີ່ມເຮັດການໄຖພວນດິນປະສົມກັບມູນສັດ ຫຼືປຸ໋ຍຄອກ 50 ກິໂລກຣາມຕໍ່ໄລ່ ຕາກດິນໄວ້ປະມານ 10-15 ວັນ.
2. ຂຸດຂຸມເລີກປະມານ 50 x 50 ຊມ. ໄລຍະຫ່າງລະຫວ່າງຂຸມປະມານ 4 x 4 ແມັດ.
3. ນໍາປຸ໋ຍຄອກ 1-2 ກິໂລກຣາມປະສົມກັບປຸ໋ຍຟອສເຟຕ ຄົນໃຫ້ເຂົ້າກັນແລ້ວໃສ່ລົງໃນຂຸມໆລະ 1 ກິໂລກຣາມ ແລ້ວນໍາຕົ້ນໝາກຕ້ອງທີ່ຕຽມໄວ້ໄປປູກໃນຂຸມທີ່ຕຽມໄວ້ ແລ້ວນໍາດິນຖົມໃຫ້ແໝ່ນ ແລ້ວຫົດນໍ້າໃຫ້ຊຸ່ມ.
4. ຊວ່ງໄລຍະທໍາອິດ ໃຫ້ຫົດນໍ້າວັນເວັນວັນ ປະມານ 30-45 ວັນ ໂດຍປະມານຮາກໝາກຕ້ອງຈະຕິດ ແລະ ແຂງແຮງ ຈາກນັ້ນຫົດນໍ້າອາທິດລະຄັ້ງ.

3. ການໃຫ້ນໍ້າ ແລະ ໃສ່ປຸ໋ຍ.
1. ຊ່ວງທີ່ໝາກຕ້ອງຍັງບໍ່ຕິດໝາກທຸກໆ 3 ເດືອນ ໃຫ້ປຸ໋ຍຄອກຄັ້ງລະເຄິ່ງກິໂລກຣາມ ອອ້ມຕົ້ນ ແລະ ປຸ໋ຍສູດ 16-16-16 ຄັ້ງລະ 1-2 ຊວນ ອອ້ມຕົ້ນໝາກຕ້ອງຫ່າງຈາກຕົ້ນປະມານ 1 ແມັດ.
2. ໄລຍະທີ່ໆາກຕ້ອງຕິດໝາກ ຄວນປ່ຽນມາເປັນປຸ໋ຍຄອກສະລັບກັບປຸ໋ຍສູດ 15-15-15 ເພື່ອບໍາລຸງໝາກ.
3. ໃນຊວ່ງທີ່ຕົ້ນໝາກຕ້ອງເລີ່ມອອກຊໍ່ດອກ ແລະ ຕິດໝາກຈະຕ້ອງໃຫ້ນໍ້າຢ່າງຕໍ່ເນື່ອງ ເພື່ອຊວ່ຍໃຫ້ຊໍ່ດອກມີຄວາມອຸດົມສົມບູນ ຕິດໝາກດີ ຊື່ງໝາກທີ່ຕິດແລ້ວມີການຈະເລີ່ມເຕີບໂຕຢ່າງສະໝໍ່າສະເໝີສວນທີ່ມີການໃຫ້ນໍ້າດີ ຈະເຮັດໃຫ້ໝາກມີຂະໝາດໃຫ່ຍກວ່າສວນຂາດແຄນນໍ້າ ແລະ ຊວ່ຍລົດປັນຫາເລື່ອງໝາກແຕກໄດ້ ຊື່ງປັນຫານີ້ຈະພົບສະເໝີໃນສວນທີ່ຂາດແຄນນໍ້າ.
4. ຫຼັງຕິດດອກໄດ້ປະມານ 80-100 ວັນ ໝາດຈະມີຂະໝາດ 5-6 ຊມ.
5. ໃນໄລຍະຕິດໝາກແລ້ວ 1 ເດືອນ ຄວນໃສ່ປຸ໋ຍເພື່ອບໍາລຸງໝາກ ກອ່ນເກັບກ່ຽວຜົນຜະລິດຢ່າງໝອ້ຍ 20 ວັນ ແລະ ຄວນໃສ່ປຸ໋ຍທີ່ມີທາດໂປແຕສເຊີຍມສູງ ຈະຊວ່ຍປັບປຸງຄຸນນະພາບຂອງໝາກໃຫ້ໄດ້ດີຂື້ນ ອັດຕາການໃສ່ແລ້ວແຕ່ຊະນິດຂອງປຸ໋ຍຄອກທີ່ໃຊ້ ສໍາລັບຕົ້ນທີ່ມີອາຍຸປະມານ 10 ປີ ອາດໃຊ້ອັດຕາຕັ້ງແຕ່ 25-50 ກກ/ຕົ້ນ.
4. ການປ້ອງກັນໂລກແມງ.
1. ຊວ່ງໝາກເລີ່ມໃຫ່ຍຜິວຈະເລີ່ມປ່ຽນສີເປັນສີຂຽວຂີ້ມ້າ ແລະ ຫຼັງຈາກນີ້ອີກ 7-10 ວັນ ຈະເລີ່ມປ່ຽນເປັນສີກະດັງງາຊື່ງເປັນຊ່ວງທີ່ແມງວັນໝາກໄມ້ຈະເລີ່ມເຂົ້າທໍາລາຍ.
2. ເພື່ອປ້ອງກັນແມງວັນທອງຕ້ອງທໍາການຫໍ່ໝາກຕັ້ງແຕ່ສີຜິວເປັນສີຂຽວຂີ້ມ້າ ແລະ ຊວ່ຍໃຫ້ຜິວຂອງໝາກງາມ ໝາກມີຂະໝາດໃຫ່ຍຂື້ນເນື້ອມີຄຸນນະພາບດີຂື້ນແຕ່ບໍ່ຄວນຫໍ່ໝາກຕັ້ງແຕ່ໝາກທີ່ຍັງນອ້ຍຢູ່ ເພາະຈະເຮັດໃຫ້ໝາກຮ່ວງຢູ່ໃນຖຸງຫໍ່ໄດ້.
3. ການແກ້ປັນຫາແມງວັນທອງອີກວິທີ່ໝື່ງຄື: ນໍາກະປ໋ອງມາເຈາະກັ້ນເພື່ອໃຫ້ແມງວັນເຂົ້າມາແລ້ວນໍາສໍາລີຊຸບດວ້ຍນໍ້າຢາກໍາຈັດແມງ ແລ້ວນໍາມາໃສ່ໄວ້ໃນຂວດພລາສະຕິກທີ້ງໄວ້ແມງວັນທອງຈະເຂົ້າມາຕິດກັບດັກແລ້ວກໍ່ຕາຍ.
4. ການເກັບກ່ຽວ.
ຫຼັງຈາກຫໍ່ໝາກຕ້ອງປະມານ 45-50 ວັນ ກໍ່ສາມາດເກັບກ່ຽວຜົນຜະລິດໝາກຕ້ອງໄດ້ໂດຍແກາະຖຸງດູວ່າເປືອກປ່ຽນສີປ່ຽນເປັນສີເຫຼືອງ ແລະ ມີລົດຊາດ ທີ່ສະແດງໃຫ້ຮູ້ວ່າມັນສຸກແກ່ໄດ້ເຕັມທີ່.

5. ການນໍາໃຊ້ປະໂຫຍດ.
ໝາກຕ້ອງດິບ ແລະ ໝາກຕ້ອງສຸກ ແມ່ນກິນສົດ ຫຼື ນໍາໄປປຸງແຕ່ງກິນກໍ່ໄດ້. ເປືອກໝາກຕ້ອງມີສານຝາດ ແລະ ໄດ້ຖືກນໍາໄຊ້ເຂົ້ນໃນການຍອ້ມແຫ ຫຼື ມອງ ທັງເປັນຢາຂ້າພະຍາດຕົວກົມ, ປິ່ນປົວໂລກມະເຮັງ ແລະ ອາການຈຸກສຽບ ອອກຮອ້ນ. ສໍາລັບໃບນັ້ນ ນໍາມາບົດ ແລະ ໃຊ້ທາຜິສໝັງ ຫຼື ນໍາໄປຕົ້ມກັນ ເອົານໍ້າມັນ ມາໃຊ້ປິ່ນປົວອາການເປັນໄຂ້. ຮາກທີ່ມີກິ່ນຫອມຂອງມັນມີຄຸນສົມບັດ ໃນການຕ້ານເຈັບສຽບກະທັນຫັນ, ຕ້ານເຊື້ອ ແລະ ມີຄຸນສົມບັດລະງັບ ແລະ ຖືກໃຊ້ໃນການປິ່ນປົວການເຈັບທ້ອງ, ຖອກທ້ອງ ແລະ ລົດກົດໃນກະເພາະອີກດວ້ຍ. ນອກຈາກນີ້ເພີ່ນຍັງໄດ້ວາງໃຫ້ ເປັນຢາບໍາລຸງ.
ຮຽບຮຽງໂດຍ: ເດືອນເພັງ ສີຫາລາດ
ໝວດໝູ່: ການປູກໄມ້ໃຫ້ໝາກ
ແຫຼ່ງຂໍ້ມູນ: https://www.rakbankerd.com/agriculture/page.php?id=5657&s=tblplant
ຂໍ້ມູນເພີມຕື່ມ:
ຂໍ້ມູນແນວພັນ:
ວິດີໂອ:

ຕິດຕໍ່:

1. ການປູກຜັກໃນຖັງຊ່ວຍປະຢັດພື້ນທີ່ທັງເປັນຕົ້ນໄມ້ປະດັບນຳອີກ.
ໃນຍຸກທີ່ເຕັມໄປດ້ວຍມົນລະພາວະ ຫລື ມົນລະພິດ ແລະ ສານເຄມີ ໃນຄະນະທີ່ຜູ້ຄົນຫັນມາໃສ່ໃຈສຸຂະພາບເພີ່ມຂຶ້ນ ໂດຍການກິນຜັກທີ່ປອດສານພິດປະຕິເສດບໍ່ໄດ້ວ່າການປູກຜັກກິນ ເອງເພາະນອກຈາກຈະໃຫ້ຄວາມຫມັ້ນໃຈແລ້ວຍັງຊ່ວຍທ່ານປະຢັດລາຍຈ່າຍ ຈຳນວນຫນຶ່ງອີກທັງຍັງສາມາດໃຊ້ເປັນຕົ້ນໄມ້ປະດັບປະດາຕົກແຕ່ງເຮືອນໄດ້. ດັ່ງນັ້ນ ມື້ນີ້ຄໍລຳກະສິກຳຈິ່ງມີເຄັດລັບໃນການປູກຜັກ ໃນຖັງມາຝາກເພາະການປູກແບບນີ້ເຫມາະສົມກັບຄອບຄົວທີ່ມີພື້ນທີ່ຈຳກັດ ຫລື ຄົວເຮືອນທີ່ມັກປູກໄວ້ເພື່ອເປັນຕົ້ນໄມ້ແບບປະດັບສາມາດຮັບປະທານໄດ້ຂໍ້ດີແມ່ນປະຢັດພື້ນທີ່ໃນການປູກ. ສາມາດເຄືອນຍ້າຍໄດ້ຕາມຄວາມຕ້ອງການ, ສະດວກຕໍ່ການຮັກສາ ແລະ ເກັບກ່ຽວ, ສາມາດນຳຜັກທີ່ປູກໃນຖັງໄປວາງຕົກແຕ່ງໃສ່ສວ່ນ ຫລື ຈັດເປັນໄມ້ປະດັບໄດ້.
2. ຂັ້ນຕອນການປູກມີດັ່ງນີ້:
1. ກຽມອຸປະກອນ: ສາມາດໃຊ້ວັດຖຸຢູ່ໃນເຮືອນເຊັ່ນ: ຊາມທີ່ບໍ່ໃຊ້ແລ້ວ, ຖັງປູກຕົ້ນໄມ້, ຢາງລົດ, ຖັງນ້ຳ ແລະ ອື່ນໆ. ຫາກມີສານປົນເປື້ອນນ້ຳມັນ ຫລື ສານເຄມີຕ່າງໆຕ້ອງລ້າງໃຫ້ສະອາດກ່ອນຈິ່ງໃຊ້ຈັດແຕ່ງເຊັ່ນ: ຕັດປາກ, ເຈາະກົ້ນ ຫລື ເຮັດຂອບເພື່ອໃຫ້ທົນທານ ແລະ ງາມ, ການເລືອກຖັງຈຳເປັນຕ້ອງເລືອກໃຫ້ເຫມາະສົມກັບຜັກທີ່ຈະປູກຄື ຖ້າຜັກທີ່ມີຮາກເລິກຄວນປູກໃນອ່າງທີ່ມີຄວາມເລິກ.
2. ການເລືອກຜັກທີ່ຈະນຳມາປູກກໍ່ສຳຄັນນອກຈາກຈະເລືອກໃຫ້ເຫມາະສົມ ກັບອ່າງທີ່ກຽມໄວ້ແລ້ວຄວນປູກຜັກທີ່ ມັກໃຊ້ບໍລິໂພກໃນເຮືອນຄົວເປັນປະຈຳກ່ອນເພາະຈະເຮັດໃຫ້ຜັກທີ່ປູກໄດ້ຮັບຄວາມສົນໃຈ ແລະ ມີການນຳໄປໃຊ້ປະໂຫຍດໄດ້ຫລາຍ.

3. ການກຽມດິນ: ດິນທີ່ປູກຕ້ອງກຽມໃຫ້ດີ ແລະ ເຫມາະສົມກັບຜັກແຕ່ລະຊະນິດເຊິ່ງສາມາດເຮັດເອງໂດຍມີສ່ວນປະສົມ ຄື ເອົາດິນ, ຊາຍ, ປຸຍຫມັກ ຫລື ຝຸ່ນຄອກຂີ້ແກບ ຫລື ເປືອກຫມາກພ້າວ ( ສີກໃຫ້ເປັນເສັ້ນນ້ອຍໆ ) ໃນອັດຕາສ່ວນເທົ່າກັນແລ້ວປະສົມທັງ 4ຢ່າງເຂົ້າກັນດີນຈິ່ງນຳມາໃສ່ຊາມ ຫລື ຖັງທີ່ກຽມໄວ້ນັ້ນຖ້າຖັງຮູໃຫຍ່ໃຫ້ນຳກ້ອນຫີນມາອັດເພື່ອບໍ່ໃຫ້ດິນອອກ, ສ່ວນປະສົມດັ່ງກ່າວຖ້າບໍ່ສາມາດຫາໄດ້ໃຫ້ໃຊ້ດິນປະສົມກັບໃບໄມ້ແຫ້ງ (ໃບຜຸ) ຫາກບໍ່ສະດວກສາມາດຫາຊື້ໄດ້ທີ່ຮ້ານຂາຍເບ້ຍໄມ້ ຫລື ດິນປູກທີ່ເຮັດເປັນຖົງຂາຍ (ໃສ່ໃຫ້ເຕັມຖັງ) ຫລັງຈາກປູກແລ້ວຄວນເພີ່ມດິນໃຫ້ຢູ່ໃນລະດັບທີ່ເຫມາະສົມ.

• ການບົວລະບັດຜັກໃນຖັງ: ສາມາດເບິ່ງແຍງບົວລະບັດໄດ້ງ່າຍໂດຍຫົດນ້ຳໃຫ້ດິນໃນຖັງມີຄວາມຊຸ່ມຊື່ນສະຫມ່ຳສະເຫມີກຳຈັດສັດຕູພືດ, ພວນດິນ, ໃສ່ຝຸ່ນເວລາປູກໃຫ້ສັງເກດເບິ່ງວ່າຫາກຜັກມີການຈະເລີນເຕີບໂຕບໍ່ດີໃຫ້ປ່ຽນດິນໃນການປູກຄັ້ງຕໍ່ໄປ ຫລື ປູກຊະນິດໃຫມ່ໃຫ້ສັງເກດເບິ່ງວ່າ ຖ້າບ່ອນວາງຖັງຮັບແສງບໍ່ພຽງພໍໃຫ້ຍ້າຍໄປໄວ້ບ່ອນທີ່ມີແສງເພື່ອການຈະເລີນເຕີບໂຕຂອງຜັກ.
• ການຫົດນ້ຳ: ຈຳເປັນຕ້ອງໃຫ້ນ້ຳແບບພຽງພໍຄວນຫົດນ້ຳໃນຕອນ ເຊົ້າ  ແລງ ບໍ່ຄວນຫົດຕອນແສງແດດແຮງຄວນຫົດແຕ່ພໍຊຸ່ມ (ບໍ່ປຽກຈົນເກີນໄປອາດເຮັດໃຫ້ຮາກຜັກເນົ່າ)
• ການໃສ່ຝຸ່ນມີ 2 ໄລຍະຄື: ຂັ້ນຕອນການກຽມດິນໃສ່ຮອງພື້ນຖັງກ່ອນເອົາດິນລົງຫລັງຈາກປູກແລ້ວຄວນໃສ່ປຸຍໂດຍແບ່ງເປັນ 2 ຄັ້ງ: ຫລັງຈາກ 2-3 ອາທິດໃສ່ເພີ່ມລະວັງຢ່າໃສ່ຫລາຍເກີນໄປເພາະຈະເຮັດໃຫ້ພືດຕາຍໄດ້ເມື່ອໃສ່ປຸຍແລ້ວຄວນພວນດີນ ແລະ ຫົດນ້ຳທັນທີ.

• ການປ້ອງກັນກໍາຈັດສັດຕູພືດ.
ຄວນບໍາລຸງຮັກສາຕົ້ນພືດໃຫ້ແຂງແຮງ ໂດຍການກໍາຈັດວັດສະພືດ ການໃຫ້ນໍ້າຢ່າງພຽງພໍ ແລະ ໃສ່ຝຸ່ນຕາມຈໍານວນທີ່ກໍາໝົດເພື່ອໃຫ້ຜັກຈະເລີ່ນເຕີບໂຕແຂງແຮງ ທົນທານຕໍ່ໂລກ ແລະ ແມງ ຫາກມີໂລກ ແລະ ແມງລະບາດຫຼາຍຄວນໃຊ້ສານທໍາມະຊາດ ຫຼື ໃຊ້ວິທີຕ່າງໆ ໃນການປ້ອງກັນກໍາຈັດ ເຊັ່ນ. ໝອນຕ່າງໆ ໃຊ້ມືຈັບອອກ ໃຊ້ພິກໄທບົດຜະສົມນໍ້າແລ້ວສີດພົ່ນ ໃຊ້ນໍ້າຄັ້ນຈາກໃບ ຫຼື ເມັດກະເດົາຖ້າເປັນພວກເພ້ຍ ເຊັ່ນ. ເພ້ຍອ່ອນ, ເພ້ຍແປ້ງ, ຫອຍຫາກ ແລະ ເພ້ຍຈັກຈັ້ນ ໃຫ້ໃຊ້ນໍ້າຍາ ລ້າງຈານ 15 ຊີຊີ. ຜະສົມກັບນໍ້າ 20 ລິດ. ສີດພົ່ນໃຕ້ໃບເວລາເຢັ້ນ ຖ້າເປັນພວກມົດ ຫອຍ ແມ່ໃຫ້ເອົາປູນຂາວໂຮຍບາງໆ ລົງບໍລິເວນພື້ນດິນ.

• ການເກັບກ່ຽວ: ຫາກເປັນພືດທີ່ບໍລິໂພກສ່ວນຂອງໃບໃຫ້ເກັບໃບລຸ່ມກ່ອນຈົ່ງຍອດໄວ້ ໃຫ້ຈະເລີນເຕິບໂຕຕໍ່ໄປເຊັ່ນ: ຜັກກາດນາ ຜັກກາດດອກ ແຕ່ຖ້າເປັນຜັກທີ່ໃຊ້ຍອດອ່ອນຄວນເກັບສະເພາະຍອດອ່ອນເທົ່ານັ້ນ ເພື່ອໃຫ້ມີການແຕກຍອດຕໍ່ໄປເຊັ່ນ: ກະເພົາ. ບົວລະພາ. ອີ່ຕູ່ ເປັນຕົ້ນ.

ຮຽບຮຽງໂດຍ: ເດືອນເພັງ ສີຫາລາດ
ໝວດໝູ່: ການປູກພືດ
ແຫຼ່ງຂໍ້ມູນ http://oknation.nationtv.tv/blog/horti-asia/2013/12/16/entry-3
ຂໍ້ມູນເພີມຕື່ມ:
ຂໍ້ມູນແນວພັນ:
ວິດີໂອ:

ຕິດຕໍ່:

ຄູ່ມື ການປູກສາລີແອ້

1. ການປູກສາລີແອ້.
ສາລີແອ້ ເປັນພືດອາຍຸສັ້ນ ໂດຍໃຊ້ເວລາປູກປະມານ 45-50 ວັນ ກໍ່ສາມາດເກັບກ່ຽວໄດ້. ມີເຕັກນິກການປູກທີ່ບໍ່ຫຸ້ຍງຍາກ, ບໍ່ຈໍາເປັນຕ້ອງໃຊ້ສານເຄມີ ໃນການກໍາຈັດສັດຕູພືດ ເຮັດໃຫ້ມີຄວາມປອດໄພຕໍ່ສຸຂະພາບ ສາມາດປູກໄດ້ທົ່ວທຸກພາກຂອງປະເທດ ແລະ ປູກໄດ້ຕໍ່ເນື່ອງຕະຫຼອດປີ ຖ້າມີການຈັດສະໝອງນໍ້າໄດ້ຢ່າງພຽງພໍ ຕະຫຼອດລະດູການປູກ.
2. ວິທີການປູກ.
1. ໄລຍະປູກ.
ການປູກມີ 2 ວິທີໄດ້ແກ່:
• ປູກແບບແຖວດຽວ ໃຊ້ໄລຍະ 75 x 30 ຊມ ຈໍານວນ 2-3 ຕົ້ນ/ຂຸມ
• ປູກແບບແຖວຄູ່ ໃຊ້ໄລຍະລະຫວ່າງແຖວ 120 ຊມ ໂດຍຍົກຮ່ອງແລ້ວປູກຂ້າງຮ່ອງທັງສອງຂ້າງໂດຍປູກລະຫວ່າງຂຸມ 30 ຊມ ຈໍານວນ 2-3 ຕົ້ນ/ຂຸມ
2. ການກຽມດິນ
ໄຖ ແລະ ຕາກດິນໄວ້ 7 ວັນ ແລ້ວໄຖຄົ້ນປະໄວ້ອີກ 3-5 ວັນ ປັບໝ້າດິນໃຫ້ສະເໝີ ເກັບເສດວັດສະພືດອອກຈາກແປງໃຫ້ໝົດ ຖ້າເປັນດິນນາທີ່ເປັນດິນໝຽວຄວນໃສ່ຝຸ່ນໝັກ ຫຼື ຝຸ່ນຄອກ ເພື່ອເພີ່ມທາດອາຫານໃນດິນ ໃນອັດຕາ 2-3 ໂຕນ/ໄລ່ ໂດຍຫວ່ານ ແລ້ວພວນດິນ.

https://www.kehakaset.com/articles_details.php?view_item=411

3. ການປູກ
ຢອດເມັດ 2-3 ເມັດ/ຂຸມ.
ອັດຕາການປູກ 5 ກິໂລ/ໄລ່.

3. ການບົວລະບັດຮັກສາ
1. ການໃຫ້ນໍ້າ
• ໃຫ້ນໍ້າຢ່າງສະໝໍ່າສະເໝີ ໂດຍໃຫ້ທັນທີຫຼັງປູກ ແລະ ຫຼັງຈາກໃສ່ຝຸ່ນແຕ່ລະຊ້ວງ ທໍາອິດນັບຈາກມື້ປູກຮອດ 10 ວັນ.
• ກໍລະນີໃຫ້ນໍ້າຕາມຮ່ອງໃນດິນໝຽວຄວນໃຫ້ນໍ້າທຸກອາທິດ.
• ຢ່າປອ່ຍໃຫ້ນໍ້າຖວ້ມຂັງ ໃນແປງເກີນ 24 ຊົ່ວໂມງ ອາດຈະເຮັດໃຫ້ຜົນຜະລິດຫຼຸດລົງ ຫຼື ອາດຕາຍໄດ້.
• ພັກໄລຍະການໃຫ້ນໍ້າຕາມສົມຄວນ ເມື່ອສາລີ ສົມບູນແລ້ວ ແຕ່ຢ່າປອ່ຍໃຫ້ລໍາຕົ້ນສາລີ ຫ່ຽວແຫ້ງ ( ຖ້າສັງເກດເຫັນຕົ້ນສາລີຫ່ຽວ ຄວນໃຫ້ນໍ້າທັນທີ )
2. ການໃສ່ຝຸນເຄມີ
• ຄັ້ງທີ 1 ຮອງພື້ນກອ່ນຢອດເມັດດວ້ຍຝຸ່ນເຄມີ ສູດ 15-15-15 ອັດຕາ 50 ກິໂລ/ໄລ່ ຫຼື ຝຸ່ນ 16-20-0 ອັດຕາ 40-45 ກິໂລ/ໄລ່ ຫຼື ຝຸ່ນ 20-10-10 ອັດຕາ 75 ກິໂລ/ໄລ່.
• ຄັ້ງທີ 2 ເມື່ອສາລີມີອາຍຸ 15-25 ວັນ ໃສ່ຝຸ່ນເຄມີສູດ 46-0-0 ອັດຕາ 25 ກິໂລ/ໄລ່ ໂດຍໂຮຍຂ້າງຕົ້ນ ແລ້ວພວນດິນຖົມຝຸ່ນ.
• ຄັ້ງທີ 3 ເມື່ອສາລີອາຍຸ 35-40 ວັນ ( ກອ່ນຖອດຍອດ ) ໃສ່ຝຸ່ນເຄມີ 46-0-0 ອັດຕາ 25 ກິໂລ/ໄລ່.
3. ການຖອດຍອດ
• ເມື່ອສາລີເລີ່ມອອກຊໍ່ດອກໂຕຜູ້ ຫຼື ດອກຫົວ ໃຫ້ຖອດດອກໂຕປູ້ຖີ້ມ (ພາຍຫຼັງປູກແລ້ວ 45 ວັນ).4. ການປ້ອງກັນກໍາຈັດວັດສະພືດ
1. ວັດສະພືດ
• ໄຖດິນ 1-2 ຄັ້ງກອ່ນປູກ ແລະ ຕາກດິນປະມານໄວ້ 5-7 ວັນ ແລ້ວເກັບວັດສະພືດອອກຈາກແປງ.
• ໃຊ້ແຮງງານຄົນ ຫຼື ເຄື່ອງຈັກກໍາຈັດວັດສະພືດ ລະຫວ່າງແຖວປູກ ແລະ ພວນດິນຫຼັງການປູກ ໃສ່ຝຸ່ນເຄມີເມື່ອສາລີອາຍຸ 20-25 ວັນ.
2. ພະຍາດ
ສ່ວນໃຫ່ຍການປູກສາລີແອ້ ແມ່ນບໍ່ມີບັນຫາເລື່ອງພະຍາດ, ແຕ່ຖ້າກໍ່ບໍ່ຫລາຍ. ສ່ວຍຫຼາຍໄດ້ແກ່ ພະຍາດລານໍ້າຄ້າງໂດຍພົບເຫັນການລະບາດໃນຊ້ວງລະດູຝົນ ປະມານເດືອນ ພຶດສະພາ ຈົນເຖິງ ໝົດລະດູຝົນ ຊຶ່ງສາມາດປ້ອງກັນໄດ້ ໂດຍໃຊ້ເມັດພັນ ທີ່ມີການປະສົມເຄມີແລ້ວ ຫຼື ກໍລະນີຖ້າພົບຕົ້ນທີ່ເປັນພະຍາດໃຫ້ຖອນ ແລະ ທໍາລາຍຖີ້ມ.
5. ການເກັບກ່ຽວ.
• ໄລຍະເກັບກ່ຽວທີ່ເໝາະສົມ ສາລີແອ້ ມີອາຍຸ 45-50 ວັນ ຫຼັງຈາກງອກ ຫຼື 5-10 ວັນ ຫຼັງຈາກຖອດຍອດຖີ້ມ.
• ເກັບເມື່ອຝັກມີໃໝພົ້ນຍາວອອກປະມານ 1-2 ເຊັນ (1 ຂໍ້ມື).
• ຕັດ ຫຼື ຫັກ ໃຫ້ເຖິງບໍລິເວນ ກ້ານຝັກທີ່ຕິດລໍາຕົ້ນ ລະວັງບໍ່ໃຫ້ຝັກ ຫຼື ສວ່ນປາຍຝັກເກີດເສຍຫາຍ.
• ເກັບກ່ຽວໄດ້ທຸກວັນ ພາຍໃນ 7-10 ວັນ.
• ຫຼັງຈາກເກັບແລ້ວໃຫ້ນໍາຝັກສາລີແອ້ເຂົ້າຮົ່ມ ບອ່ນທີມີການລະບາຍອາກາດໄດ້ດີ ບໍ່ໃຫ້ຖືກແສງແດດໂດຍກົງ.
• ເວລາຂົນບໍ່ຄວນກອງຝັກສາລີໃສ່ລົດ ໂດຍກົງ ຄວນຫາຜ້າປູ ຫຼື ໃສ່ເປົ໋າ.
• ຕົ້ນ ແລະ ເສດເຫຼືອ ຂອງສາລີແອ້ ໃຫ້ຕັດ ແລະ ຂົນຍ້າຍໄປໄວ້ນອກແປງ ເພື່ອເປັນອາຫານຂອງສັດ.

ຮຽບຮຽງໂດຍ: ເດືອນເພັງ ສີຫາລາດ
ໝວດໝູ່: ການປູກພືດ
ແຫຼ່ງຂໍ້ມູນ: ກະຊວງກະສິກຳ ແລະ ປ່າໄມ້; ກົມປູກຝັງ

ຂໍ້ມູນເພີມຕື່ມ:
ຂໍ້ມູນແນວພັນ:
ວິດີໂອ:

ຕິດຕໍ່:

1. ລັກສະນະທົ່ວໄປ.
ຖົ່ວພູເປັນພືດລົ້ມລຸກປະເພດເຖາເລື້ອຍ ແຕ່ໃບເປັນຍອ່ຍ ມີ 3 ໃບເທິງກ້ານໝື່ງ ດອກຄ້າຍດອກແຄແຕ່ນອ້ຍກວ່າ ໝາກຍາວ ເມື່ອຕັດຕາມຂວາງຈະເປັນຮູບສີ່ເຫຼື່ຍມມີປີກ ຫຼື ພູອອກໄປຕາມມຸມ ທັ້ງ 4 ດ້ານ ສວນທີ່ໃຊ້ບໍລິໂພກຄື: ໝາກອອ່ນ.

https://guru.sanook.com/9089/

2. ການຂະຫຍາຍພັນ.
ຂະຫຍາຍພັນໂດຍການເພາະແກ່ນ
3. ການປູກ.
ຕຽມພື້ນທີ່ໂດຍການໄຖພວນດິນ ໄຖຄັ້ງທໍາອິດຕາກດິນໄວ້ 5-7 ວັນ ແລ້ວຈືງໄຖດິນຄັ້ງທີ່ສອງ ຂຸດຂຸມປູກ ໄລຍະ 1 x 1 ແມັດ ນໍາເມັດພັນລົງໃສ່ໃນຂຸມໆລະ 5 ແກ່ນ ເມື່ອເມັດງອກຈົນມີໃບຈິ່ງໃຫ້ຖອນແຍກເຫຼືອຂຸມລະ 2 ຕົ້ນຕໍ່ຂຸມ ເມື່ອຖົ່ວພູມີອາຍຸ 15 ວັນ ຈືງປັກຄ້າງໃຫ້ຖົ່ວພູເລື້ອຍຂື້ນ ແລະ ຫົດນໍ້າວັນລະ 1-2 ຄັ້ງທຸກວັນ.
ການໃສ່ປຸ໋ຍໃນຊ່ວງທໍາອິດຂອງການຈະເລີ່ມເຕີບໂຕໃສ່ປຸ໋ຍຢູເຮີຍ ເມື່ອຖົ່ວພູເລີ່ມອອກດອກ ໃສ່ປຸ໋ຍສູດ 16-16-16 ອັດຕາ 10 ກິໂລກຣາມຕໍ່ໄຮ່.

4. ໂລກແມງທີ່ສໍາຄັນ.
1. ໂລກໃບຈຸດ ເກີດຈາກເຊື້ອລາ ຊື່ງມີລັກສະນະຄ້າຍຈຸດໄຂ່ປະສີດໍານອ້ຍໆຂື້ນເປັນກະຈຸຢູ່ກວາງແຜ່ ມັກເກີດກັບໃບແກ່ຂອງຖົ່ວພູທີ່ຢູ່ຂ້າງລຸ່ມ ໂດຍຈະເຮັດໃຫ້ເນື້ອເຍື້ອໃບແຫ້ງເປັນຈຸດວົງກົມ ຫຼື ຈຸດເຫຼີ່ຍມສີນໍ້າຕານແດງ ອາດເປັນແຜ່ນອ້ຍໆ ຫຼື ໃຫ່ຍກໍ່ໄດ້.
5. ການປ້ອງກັນກໍາຈັດ.
1. ໃຊ້ສານເຄມີພວກແມນໂຄເຊັບ ຫຼື ມາເນ໌ບ 30 ກຣາມຕໍ່ນໍ້າ 20 ລິດ ແລະ ແຄປຕາຟອສ 30 ຊີຊີ. ຕໍ່ນໍ້າ 20 ລິດ ສີດພົ່ນທົ່ວທັ້ງລໍາຕົ້ນທຸກ 5-7 ວັນຕໍ່ຄັ້ງ.
2. ໂລກຣາສນິມ ເກີດຈາກເຊື້ອລາທໍາລາຍໃບຖົ່ວພູ ຕັ້ງແຕ່ໃບລຸ່ມຂື້ນມາຈົນກະທັ້ງເຖີ່ງຍອດ ລັກສະນະອາການເປັນຈຸດສນິມເຫຼັກ ກົມ ຫຼື ຄອ່ນຂ້າງກົມ ມູມບົນໃບພືດສີນໍ້າຕານແດງ ເຫັນໄດ້ຊັດທັ້ງດ້ານບົນດ້ານລຸ່ມຂອງໃບ ຖ້າເປັນຫຼາຍ ໃບຈະເຫຼືອງ ແລະ ລົ້ມໃນທີ່ສຸດເຮັດໃຫ້ຜົນຜພລິດຖົ່ວພູຕໍ່າລົງ.
3. ການປ້ອງກັນກໍາຈັດ: ປູກຖົ່ວພູຕ້ານທານ ຫຼື ໃຊ້ສານໄດເທນ ເອ໌ມ 45 ອັດຕາ 30 ກ້ານຕໍ່ນໍ້າ 20 ລິດ ສີດພົ່ນທຸກ 5-7 ວັນຕໍ່ຄັ້ງ.
4. ໝອນຊອນໃບ ໝອນຈະກັດກິນດອກ ແລະ ໝາກອອ່ນ ສວ່ນໃບກໍ່ຈະຖູກທໍາລາຍ.
5. ໃຊ້ສານສະເດາຊະນິດນໍ້າ ອັດຕາການໃຊ້ 60-150 ນິນລິລິດຕໍ່ນໍ້າ 20 ລິດ ສີດພົ່ນທຸກ 5 ວັນ ເມື່ອເລີ່ມມີການລະບາດ ໃນໄລຍະແຕກໃບອອ່ນ ສາມາດຫົດປ້ອງກັນກໍາຈັດໄດ້ດີ.
6. ການເກັບກ່ຽວ.
ເລີ່ມເກັບກ່ຽວຄັ້ງທໍາອິດ ເມື່ອຖົ່ວພູອາຍຸປະມານ 2 ເດືອນ ເກັບກ່ຽວວັນເວັ້ນ3 ວັນ ນິຍົມເກັບໝາກອອ່ນ ເພາະລາຄາດີກ່ວາໝາກແກ່.

ຮຽບຮຽງໂດຍ: ເດືອນເພັງ ສີຫາລາດ
ໝວດໝູ່: ການປູກພືດ
ແຫຼ່ງຂໍ້ມູນ:https://www.rakbankerd.com/agriculture/page.php?id=8933&s=tblplant
ຂໍ້ມູນເພີມຕື່ມ:
ຂໍ້ມູນແນວພັນ:
ວິດີໂອ:

ຕິດຕໍ່

1. ການປູກຜັກຂະເແຍງປອດສານຜິດ.
ຜັກຂະແຍງເປັນວັດສະພືດໃນນາເຂົ້າ ລໍາຕົ້ມມີກີ່ນຫອມ ຊາວອີ່ສານໃຊ້ໃສ່ແກງໝໍ່ໄມ້, ແກງປາ ມີກີ່ນຫອມຊວ່ຍດັບກິ່ນຄາວ ແລະ ເປັນພືດສະມຸນໄພ ທາງພາກອີ່ສານ ໃຊ້ລໍາຕົ້ນເປັນຢາຂັບນໍ້ານົມ ຂັບລົມ ແລະ ເປັນຢາລະບາຍທ້ອງອືດ, ແກ້ອາການບວມ ເປັນຢາລະບາຍອອ່ນໆ ຕົ້ນທີ່ຕາກແຫ້ງສາມາດເກັບໄວ້ດົນໄດ້ 1 ປີ ຕົ້ນນໍ້າດຶ່ມ ແກ້ພິດເບື່ອເມົາ.
2. ລັັກສະນະທົ່ວໄປ.
ຜັກຂະແຍງ ເປັນພືດນໍ້າຊະນິດໝື່ງ ທີ່ມີຫຼາຍງ່າ ມີຄວາມຍາວ ປະມານ 0.1-1ມ. ໃບເປັນຮູບຫອກ ມີຂະໝາດ 2-7 ຊຕມ x 5-15 ມມ ເກີດເປັນຊັ້ນ ຊັ້ນລະ 3 ໃບ, ຂອບໃບເປັນລັກສະນະແຂ້ວເລື່ອຍ. ດອກບາງຄັ້ງເກີດເປັນຊໍ່ຍາວ, ດອກມີສີຟ້າ ແຕ່ລະດອກ ຄວາມຍາວປະມານ 1-1.3 ຊຕມ. ໝາກເປັນຄືກັບ ຮູບໄຂ່ ຂະໝາດ 6×3 ມມ ບັນຈຸມີຫຼາຍແກ່ນ ແຕ່ລະແກ່ນຍາວ 0.5 ມມ.
3. ວິທີປູກຜັກຂະແຍງປອດສານຜິດ.
ຜັກຂະແຍງເປັນພືດຜັກພື້ນບ້ານທີ່ນິຍົມກິນກັນຫຼາຍ ພົບເຫັນນໍາທົ່ງນາທົ່ວໄປ ສາມາດເພາະຂະຫຍາຍພັນ ໄດ້ດວ້ຍວິທີການແຍກກໍ.

4. ການປູກ.
ຕຽມພື້ນທີ່ປູກລັກສະນະຄ້າຍກັນໄຮ່ນາເພື່ອປັກດໍາ ໂດຍການເຮັດເປັນແປງນານອ້ຍໆ ໄຖຄາດ ຫຼື ໃຊ້ຈົບຂຸດພອ້ມກັບໃສ່ປຸ໋ຍຄອກ ແລ້ວລະບາຍນໍ້າເຂົ້າ.
5. ການປັກດໍາ.
ໃຊ້ພັນທີ່ໄດ້ຈາກການແຍກກໍມາປັກດໍາລົງໃນນາເຂົ້າ ດວ້ຍວິທີການຄ້າຍກັບການດໍານາ ໂດຍໃຊ້ໄລຍະປູກ 30×30 ຊຕມ ຫຼັງການປັກດໍາປະມານ 2-3 ວັນ ຕົ້ນຜັກຂະແຍງຈະເລີ່ມຕົ້ງຕົວໄດ້.

6. ການດູແລຮັກສາ.
ຫຼັງຕົ້ນຜັກຂະແຍງເລີ່ມຕັ້ງຕົວໄດ້ແລ້ວໃຫ້ຫວ່ານປຸ໋ຍເຄມີສູດ 16-16-8 ຫຼື 15-15-15 ເປັນຄັ້ງທໍາອິດ ແລະ ໃຫ້ປຸ໋ຍຄອກ ແລະ ປຸ໋ຍເຄມີສູດ 16-16-8 ຫຼື 15-15-15 ອີກຄັ້ງຫຼັງການເກັບກ່ຽວ ຫຼື ທຸກຄັ້ງຫຼັງການເກັບກ່ຽວ ຈາກນັ້ນໃຫ້ນໍ້າຂັງລະດັບນໍ້າເໝື່ອຜິວດິນປະມານ 2-3 ຊຕມ ພາຍໃນໄລຍະເວລາ 1-2 ອາທິດ ຄວນໃຫ້ມີນໍ້າຂັງຢູ່ໃນນາທີ່ປູກຜັກຂະແຍງຢ່າງສະໝໍ່າສະເໝີ.
7. ໂລກແມງສັດຕູພືດ.
ພົບເຫັນໄດ້ໝອ້ຍຫຼາຍເນື່ອງຈາກຜັກຂະແຍງນັ້ນມີກິ່ນຫອມສຸນ ປັນຫາສວ່ນໃຫ່ຍຄື: ເຊື້ອລາເຮັດໃຫ້ຕົ້ນເຫີ່ຍວແຫ້ງ ແລະ ເນົ່າເສຍ.
8. ການເກັບກ່ຽວ.
ສາມາດເກັບກ່ຽວພາຍຫຼັງການປູກ 20-30 ວັນ ກໍ່ເກັບກ່ຽວໄດ້ ໂດຍວິທີການຖອນແຍກອອກ ແລະ ປວ່ຍສວ່ນຮາກໃຫ້ເຫຼືອຕິດກັບດິນ ຫຼັງຈາກນັ້ນກໍ່ຫວ່ານປຸ໋ຍບໍາລຸງຕົ້ນຜັກຂະແຍງ ແລະ ດູແລຮັກສາຕໍ່ໄປຈົນກວ່າຈະສາມາດເກັບກ່ຽວຄັ້ງຕໍ່ໄປໄດ້ອີກ.

9. ການນໍາໃຊ້ປະໂຫຍດ.
ຍອດອອ່ນ ແລະ ໃບຂອງຜັກຂະແຍງ ມີກິ່ນຫອມ ແລະ ສາມາດກິນດິບກັບປາແດກ ຫຼື ແຈ່ວໄດ້, ທັງສາມາດນໍາມາປະກອບເປັນເຄື່ອງປຸງກິ່ນ ແລະ ລົດຊາດຂອງອາຫານປະເພດແກງຕ່າງໆ ໂດຍສະເພາະ ແມ່ນແກງໝໍ່ໄມ້. ໃບຂອງມັນມີສັບພະຄຸນປິ່ນປົວອາການເບື່ອເມົາ ແລະ ການເຈັບປວດໄດ້ ແລະ ກໍ່ມີການເຊື່ອກັນວ່າ ສາມາດປ້ອງກັນມະເຮັງໄດ້. ສໍາລັບລໍາຕົ້ນເປັນຢາກິນເຂົ້າແຊບ, ກໍາຈັດນໍ້າເມືອກ ຫຼື ນໍ້າຢາງເຫຼືອງ, ປິ່ນປົວອາການໄຂ້, ຂ້າພະຍາດລໍາໄສ້ ແລະ ຊວ່ຍຍອ່ຍອາຫານ.

ຮຽບຮຽງໂດຍ: ເດືອນເພັງ ສີຫາລາດ
ແຫຼ່ງຂໍ້ມູນ: https://www.rakbankerd.com/agriculture/page.php?id=7052&s=tblplant
ຂໍ້ມູນເພີມຕື່ມ:
ຂໍ້ມູນແນວພັນ:
ວິດີໂອ:

ຕິດຕໍ່

ທີ່ມາຂອງຮູບ http://www.prd.go.th/ewt_news.php?nid=86589

ຫມາກນັດ ເປັນພືດລົ້ມລຸກຊະນິດຫນຶ່ງທີ່ມີຕົ້ນກໍາເນີດມາຈາກ ອາເມລິກາໃຕ້ ລໍາຕົ້ນມີຂະຫນາດສູງປະມານ 80-100 ຊັງຕີແມັດ, ສວ່ນການປູກກໍ່ສາມາດປູກໄດ້ງ່າຍດວ້ຍການໃຊ້ຫນໍ່ ຫລື ທີ່ເປັນສວ່ນຍອດຂອງຫມາກທີ່ເອີ້ນກັນວ່າ ‘’ຈອມ’’ ນໍາມາຝັງລົງກັບດິນໄວ້ແລ້ວຈະອອກເປັນຫມາກ.
1. ລັກສະນະທົ່ວໄປ.
ລັກສະນະຂອງຫມາກນັດ ເປັນພືດໃບລ້ຽງດຽວຈັດຢູ່ໃນຈໍາພວກໄມ້ເນື້ອອອ່ນທີ່ມີອາຍຸ ໄດ້ຫຼາຍປີສາມາດທົນຕໍ່ສະພາບກວດລອ້ມຕ່າງໆໄດ້ດີ ແລະ ປູກໄດ້ໃນດິນເກືອບທຸກແຫ່ງໃນທົ່ວປະເທດ, ເໝາະສົມແກ່ຊາວສວນທີ່ມີພື້ນທີ່ຢູ່ແລ້ວແຕ່ບໍ່ຮູ້ປູກພືດຊະນິດໃດເພື່ອເປັນສິນຄ້າ, ສາມາດສ້າງລາຍຮັບໄດ້ ແລະ ຫມາກນັດກໍ່ເປັນພືດທີ່ຄົນນິຍົມບໍລິໂພກເພາະມີລົດຊາດທີ່ແຊບ ແລະ ຫອມຫວານນໍາອີກ.
2. ວິທີປູກ.
ການປູກຫມາກນັດສາມາດເຮັດໄດ້ດວ້ຍວິທີງ່າຍໆ ສໍາລັບ ພື້ນທີ່ເຄີຍປູກຫມາກນັດມາກອ່ນແລ້ວດວ້ຍການໄຖແລ້ວສັບໃບ ແລະ ຕົ້ນຖິ້ມໄວ້ປະມານ 2-3 ເດືອນແລ້ວໄຖປົກ 1 ຄັ້ງ ຈາກນັ້ນຕາກດິນປະໄວ້ 7-10 ວັນ. ຈາກນັ້ນໃຫ້ພວນດິນ 1 – 2 ຄັ້ງພອ້ມທັງຍົກຫນານໃຫ້ສູງ 1-5 ຊັງຕີແມັດແລ້ວຂຸດຂຸມປູກຫມາກນັດ, ແຕ່ພື້ນທີ່ທີ່ບໍ່ເຄີຍປູກກໍ່ສາມາດໄຖດິນຕາກແດດພອ້ມທັງກັບເສຍຫຍ້າອອກແລ້ວປູກໄດ້ເລີຍ.

ທີ່ມາຂອງຮູບ https://www.posttoday.com/social/local/316713

3. ການເລືອກແນວພັນປູກ.
ສວ່ນຂັ້ນຕອນຂອງການເລືອກແນວພັນປູກແມ່ນປະຕິບັດໄດ້ດວ້ຍວິທີໃຊ້ ຫນໍ່ເພື່ອຂະຫຍາຍພັນ, ເພາະຫມາກນັດຂະຫຍາຍແນວພັນດວ້ຍການໃຊ້ຫນໍ່ເຊັ່ນ: ຂັດຫນໍ່ໃຫ້ມີຂະຫນາດດຽວກັນສໍາລັບປູກໃນແຕ່ລະຫນານ ເພື່ອຈະເກັບກ່ຽວໄດ້ພອ້ມກັນ, ບໍ່ຄວນໃຊ້ຫນໍ່ທີ່ຫັກຈາກຕົ້ນແລ້ມເກັບໄວ້ດົນເກີນໄປເພື່ອໄປປູກ, ສວ່ນການເລືອກຫນໍ່ກໍ່ສໍາຄັນເພາະຈະສາມາດບັງຄັບການອອກດອກໄດ້ ເມື່ອອາຍຸປູກ 8-12 ເດືອນເຊິ່ງຈະຂື້ນຢູ່ກັບຂະຫນາດຂອງຫນໍ່ທີ່ໃຊ້ປູກ.
ກ່ອນ​ຈະ​ປູກ​ຫມາກ​ນັດ​ເຮົາ​ຕ້ອງ​ຈຸ່ມ​ຫນໍ່​ຫມາກ​ນັດ​ດ້ວຍ​ສານ​ປ້ອງ​ກັນ​ໂລກ​ ຮາກ​ເຫນົ່າ ເພື່ອ​ບໍ່​ໃຫ້​ຫນໍ່ ຫລື ຕົ້ນ​ເຫນົ່າ ໂດຍ​ສະເພາະ​ຖ້າ​ຫາກ​ປູກ​ໃນ​ໄຍ​ະ​ລະດູຝົນ. ການ​ປູກ​ແມ່ນ​ສາມາດ​ເຮັດ​ເປັນ​ແຖວ​ຄູ່​ໄລຍະ​ປູກ 30 x 30 x(80-90) ຊັງ​ຕີ​ແມັດ, ປູກ​ໄດ້​ປະມານ 7,500 – 8,500 ຕົ້ນ​ຕໍ່​ໄລ່, ແຕ່​ຕ້ອງ​ບໍ່​ໃຫ້​ເກີນ 12,000 ຕົ້ນ​ຕໍ່​ໄລ່ ເພາະ​ຈະ​ເຮັດ​ໃຫ້​ພືດ​ມີ​ອາຫານ​ບໍ່​ພຽງພໍ ແລະ ຈະເລີນ​ເຕີບ​ໂຕ​ຊ້າ​ລົງ.
4. ການບົວລະບັດຮັກສາ.
ການ​ດູ​ແລ​ຮັກສາ ແລະ ການ​ໃຫ້​ນ້ຳ​ໃນ​ການ​ປູກ​ຫມາກ​ນັດ, ເຊິ່ງ​ຫມາກ​ນັດ​ບໍ່​ຈຳເປັນ​ຕ້ອງ​ໃຫ້​ນ້ຳ​ຖ້າ​ຫາກ​ມີ​ປະລິມານ​ນ້ຳ​ຝົນ​ສະ​ຫມ່ຳ​ສະເຫມີ​ຕະຫລອດ​ລະດູ​ການ, ແຕ່​ສຳລັບ​ພຶ້ນ​ທີ່​ໆ​ບໍ່​ມີ​ຝົນ​ພຽງພໍ​ແມ່ນ​ຈະ​ໃຫ້​ໃນ​ເມື່ອ​ໄລຍະ​ທີ່​ຫມາກ​ນັດ​ກຳລັງ​ເຕີບ​ໃຫຍ່​ຄວນ​ໃຫ້​ອາທິດ​ລະ 1 – 2 ລິດ​ຕໍ່​ຕົ້ນ, ຫລັງ​ຈາກ​ການ​ໃສ່​ຝຸ່ນ ຖ້າ​ຫາກ​ຝົນ​ບໍ່​ຕົກ​ຕ້ອງ​ໃຫ້​ນ້ຳ​ເພື່ອ​ໃຫ້​ຕົ້ນ​ຫມາກ​ນັດ​ດູດ​ຊືມ​ເອົາ​ຝຸ່ນ​ໄດ້​ຫມົດ, ຄວນ​ຈະ​ໃຫ້​ນ້ຳ​ກ່ອນ ແລະ ຫລັງ​ການ​ອອກດອກ, ຈາກ​ນັ້ນ​ກໍ່​ຢຸດ​ການ​ໃຫ້​ນ້ຳ​ກ່ອນ​ທີ່​ຈະ​ເກັບ​ກ່ຽວ​ ປະມານ 15 – 30 ວັນ.

ທີ່ມາຂອງຮູບ https://www.posttoday.com/social/local/316713

5. ການໃສ່ຝຸ່ນ.
ຫຼັງຈາກໄຖໝານແລ້ວ ກ່ອນປູກໝາກນັດ ຄວນໃສ່ຝຸ່ນເຄມີ ຫຼື ຝຸ່ນຄອກ 1 ກະສອບ ຜະສົມປຸ໋ຍຫິນຟໍອສເຟດສູດ 0-3-0 ໃນອັດຕາ50-100 ກິໂລກຣາມ/ໄລ່. ໂຮຍເປັນແຖວຕາມແນວແຖວປູກເພື່ອປັບປຸງດິນກະຕຸ້ນການອອກຮາກ.
ໃສ່ປຸ໋ຍສູດທີ່ມີພວກໂພແທສເຊືຍມສູງ 3:1:4 ເຊັ່ນ. ສູດ 12-4-18 ທາດອາຫານເສີມ 15-5-20, 13-13-21 ຫຼື ສູດທີ່ໃກ້ຄຽງຊື່ງໃນໂຕເຈນແມ່ນບໍ່ຄວນໃສ່ເກີນ 15% ຫຼັງຈາກໄດ້4-6 ເດືອນ. ເພື່ອປ້ອງກັນສານໄນເຕຣທຕົກຄ້າງອັດຕາ 10 ກຣາມຕໍ່ຕົ້ນ. ໃສ່ບໍລິເວນໃບລຸ່ມ ໃບໃຫ້ມີນໍ້າພຽງພໍເພື່ອຈະລະລາຍປຸ໋ຍໄດ້.

ຮຽບຮຽງໂດຍ: ເດືອນເພັງ ສີຫາລາດ

ໝວດໝູ່: ໄມ້ໃຫ້ໝາກ

ແຫຼ່ງຂໍ້ມູນ:https://www.vichakaset.com/%E0%B8%A7%E0%B8%B4%E0%B8%98%E0%B8%B5%E0%B8%9B%E0%B8%A5%E0%B8%B9%E0%B8%81%E0%B8%AA%E0%B8%B1%E0%B8%9A%E0%B8%9B%E0%B8%B0%E0%B8%A3%E0%B8%94/
ຂໍ້ມູນເພີມຕື່ມ:
ຂໍ້ມູນເຕັກນິກ: 
ວີດີໂອ:

ຕິດຕໍ່: