ຄູ່ມືແນະນຳ ແລະ ການນຳໃຊ້ແນວພັນສາລີເຂົ້າໜຽວຄຳ 1
ແນວພັນສາລີເຂົ້າໜຽວຄຳ 1 ແມ່ນ ທ່ານ ຄຳມີໄຊ ຈັນທະລາ ໄດ້ປັບປຸງພັນຢູ່ບ້ານທ່າຫີນ ເມືອງສາມະຄີໄຊ ແຂວງອັດຕະປື ລະດູຝົນ 2019 , ລະດູແລ້ງ 2020 ໂດຍປະສົມລະຫວ່າງ ແນວພັນສາລີເຂົ້າໜຽວພື້ນເມືອງ ກັບແນວພັນສາລີຈີນ. ໃຊ້ຮູບແບບປັບປຸງພັນແບບປະສົມຂ້າມໂດຍກຳນົດເອົາສາລີຈີນເປັນຕົ້ນພໍ່ພັນ ແລະ ເອົາສາລີເຂົ້າໜຽວພື້ນເມືອງເປັນຕົ້ນແມ່(ສາລີຈີນເປັນສາລີທີ່ໃຫ້ຝັກສະໝໍ່າສະເໝີຜົນຜະລິດດີ, ກິນແຊບ, ຕະຫຼາດຕ້ອງການ ແຕ່ບໍ່ສາມາດເກັບເປັນແນວພັນປູກໃນລະດູການຕໍ່ໄປໄດ້. ສ່ວນສາລີເຂົ້າໜຽວພື້ນເມືອງລັກສະນະລຳຕົ້ນກໍ່ບໍ່ສະໝໍ່າສະເໝີກິນຂ້ອນຂ້າງແຂງ, ຕະຫຼາດບໍ່ຕ້ອງການ ແຕ່ວ່າມັນທົນຕໍ່ລ້ວງເຈາະລຳຕົ້ນໄດ້ ແລະ ກໍ່ສາມາດເກັບເປັນແນວພັນປູກປູກໃນລະດູການຕໍ່ໄປໄດ້) ເຊິ່ງສາມລີສອງແນວພັນນີ້ມີອາຍຸການເກັບກ່ຽວຂ້ອນຂ້າງຊໍ່າກັນດັາງນັ້ນ, ເຮົາຈຶ່ງສາມາດປູກພ້ອມກັນໄດ້.ວິທີການປູກແມ່ນຈະປູກເປັນແຖວສະສັບກັນສຳລັບຕົ້ນແມ່ເມືອຮອດເວລາອອກດອກຜູ້ ຫຼື ກ່ອນມັນຈະພົ້ນອອກຕ້ອງໄດ້ຕັດຖີ້ມໝົດຮວງເພື່ອບໍ່ໃຫ້ເກສອນມາປົນ ຫຼື ປະສົມກັນເອງຈົງເອົາໄວ້ແຕ່ເກສອນຕົ້ນຜູ້ທີ່ເຮົາກຳນົດໄວ້ແລ້ວໃຫ້ມັນປະສົມພັນກັນເອງໂດຍທຳມະຊາດແລ້ວລໍຖ້າໃຫ້ມັນແກ່ກໍ່ສາມາດເກັບມາເປັນແນວພັນປູກໃນລະດູການຕໍ່ໄປໄດ້. ປະຈຸບັນແນວພັນດັ່ງກ່າວໄດ້ທົບສອບການກິນເຫັນວ່າກິນແຊບອ່ອນນຸ້ມ, ຫວານເປັນທີ່ຕ້ອງການຂອງຕະຫຼາດ ແລະ ປູກຂະຫຍາຍຢູ່ພາຍໃນແຂວງ ແລະ ນຳໄປປູກທົດລອງຢູ່ແຂວງທີ່ມີກິດຈະກຳໂຮງຮຽນຊາວນາກໍ່ເຫັນວ່າມີຄົນສົນໃຈຫຼາຍ.
I. ລັກສະນະເດັ່ນຂອງແນວພັນສາລີເຂົ້າໜຽວຄຳ 1
– ເໝາະກັບດິນຊາຍ, ຊາຍແກບຕົມ
– ປັບຕົວກັບສະພາບແວດລ້ອມໄດ້ດີ
– ຜົນຜະລິດດີ 6,5-7ໂຕນ/ເຮັກຕາ
– ກິນອ່ອນ, ຫອມໜ້ອຍໜຶ່ງ
ລັກສະນະປະຈຳພັນຂອງສາລີເຂົ້າໜຽວຄຳ 1
ລ/ດ | ຄຸນລັກຊະນະ ແລະ ຮູບປະກອບ | ລັກຊະນະປະຈຳພັນ |
1 | ສີລຳຕົ້ນອ່ອນ | ຂຽວ |
2 | ສີຂອງໃບອ່ອນ | ຂຽວອ່ອນ |
3 | ອາຍຸເຖິງອອກດອກ 50% | 35 |
4 | ອາຍຸອອກໃໝ່ 50% | 45 |
5 | ສີຂອງເກສອນຜູ້ | ເຫຼື່ອງອ່ອນ |
6 | ສີຂອງໄໝ | ສີທອງ |
7 | ສີລຳຕົ້ນ | ຂຽວ |
8 | ການແຕກແໜ່ງ | 2 |
9 | ລັກຊະນະຂອງໃບ | ກວ້າງຍາວ |
10 | ອາຍຸເກັບຝັກສົດ | 65 |
11 | ອາຍຸເກັບເປັນເມັດພັນ | 80-85 |
12 | ຄວາມສູງຕົ້ນ ມ | 2,3 |
13 | ຄວາມສູງການຈັບຝັກ ມ | 0,6 |
14 | ປາຍຫຸ້ມຜັກ | ແຫຼມ |
15 | ຜັກມີປີກ ຫຼື ບໍ່ມີ | ບໍ່ມີ |
16 | ຄວາມຍາວຂອງຝັກ ຊມ | 20 |
17 | ຄວາມກວ້າງຂອງຝັກ ຊມ | 4 |
18 | ຈຳນວນແຖວຕໍ່ຝັກ | 14 |
II. ແນະນຳການປູກ
ລະດູການປູກ ສາມາດປູກໄດ້ 2 ລະດູ
1. ຕົ້ນລະດູຝົນ ເດືອນ ເມສາ – ພືດສະພາ
2. ທ້າຍລະດູຝົນ ເດືອນກໍລະກົດ – ສິງຫາ
ກ. ການກຽມດິນ
1. ໄຖ 1 ຄັ້ງ ເລີກ 20-30 ຊັງຕີແມັດ, ຕາກແດດ 7-10 ວັນ
2. ປັ່ນດິນໃຫ້ລະອຽດແລ້ວຍົກຮ່ອງ
ຂ. ການປູກ
1. ໄລຍະປູກ 25 x75 ຊັງຕີແມັດ
2. ຂຸມລະ 1-2 ເມັດ
3. ໃຊ້ແນວພັນ 20 ກີໂລກຼາມ/ເຮັກຕາ
II. ການບົວລະບັດຮັກສາ
– ກຳຈັດວັດສະພືດ 1 ຄັ້ງ ຫຼັງຈາກປູກໄດ້ 15-20 ວັນ ກ່ອນການໃສາຝຸ່ນ ຄັ້ງທີ່ 1- 2 ຫຼັງຈາກກຳຈັດວັດສະພືດຄັ້ງທີ່ 1 ໃຊ້ຝຸ່ນເຄມີ 16-20-00 ຫຼື 15-15-15 ໃນອັດຕາ 250 ກິໂລກຼມ/ເຮັກຕາ ແລະ ຝຸ່ນອິນຊີ 50 ກຼາມ/ຂຸມ, ໃສ່ຝຸ່ນຄັ້ງທີ່ 2 ຫຼັງຈາກງອກໄດ້ 45 ວັນ ໃສ່ຝຸ່ນເຄມີ 46-00-00 ໃນອັດຕາ 50 ກິໂລກຼາມ/ເຮັກຕາ ໂຮຍຂ້າງແຖວປູກພວນດິນຖົມ
IV. ການເກັບກ່ຽວ
ເກັບຝັກສົດເມື່ອໝາກສາລີມີອາຍຸ 65-70 ວັນ ຫຼື ຈະສັງເກດເບິ່ງໄໝສາລີຍຸມ 4-5 ວັນ ກໍ່ສາມາດເກັບກ່ຽວໄດ້. ຖ້າເຮັດແນວພັນຕ້ອງໃຫ້ສາລີແກ່ຈົນຝັກ ຫຼື ຕົ້ນແຫ້ງ ເປັນສີເຫຼືອງຈຶ່ງສາມາດເກັບກ່ຽວໄດ້
ແຫຼ່ງ ຂໍ້ມູນ: file:///C:/Users/HP/Downloads/8O1KX46A3m3D08VI%20(1).pdf
https://www.rakbankerd.com/agriculture/print.php?id=5131&s=tblplant