ຄູ່ມືແນະນໍາ ແລະ ການນໍາໃຊ້ແນວພັນເຂົ້າຊະນະຄາມ 2 (Sanakam 2 )

ແນວພັນ ຊະນະຄາມ 2 ຫຼື ສາຍພັນ TDK 10494-B-B-B-1-ND-B-BB-B ແມ່ນ ສູນຄົ້ນຄວ້າເຂົ້າໄດ້ປະສົມລະຫວ່າງແນວພັນ TDK1 ກັບສາຍພັນ Til4 (IR84639-7-97-6-6-2-2-4-2-2-2-B) (ເປັນສາຍພັນທີ່ໄດ້ໃຊ້Molecular Assistant Selection ໃນການກວດຫາ Gene ເຂົ້າຫອມ, ທົນພະຍາດໃຫ້ມ , ທົນນໍ້າຖ້ວມ) ໃຊ້ຮູບແບບປະສົມພັນແບບດ່ຽວ ໃນລະດູແລ້ງປີ 2017, ປູກຄັດເລືອກທີ່ສູນ ແບບສືບປະຫວັດ ພ້ອມກັບນໍາໃຊ້ເຕັກນິກການຄັດເລືອກແບບ Molecular Assistant Selection (ຊ່ວຍກວດຫາ Gene ທີ່ມີຄວາມຫອມ, ທົນພະຍາດໃຫ້ມ , ທົນນໍ້າຖ້ວມ) ຮອດຊົ່ວທີ່ 5 ແລ້ວສົ່ງໄປໃຫ້ໂຮງຮຽນຊາວນາບ້ານ.ນາເດືອເມືອງຊະນະຄາມ ແຂວງວຽງ ຈັນ ຄັດເລືອກຕໍ່ໃນຊົ່ວທີ່ 6 (ປີ 2020) ໂດຍ ນາງ ໂອ ປູກຄັດເລືອກຊົ່ວ 7 ຮອດຊົ່ວທີ່ 9 ກາຍເປັນສາຍພັນຄົງຕົວ, ແລະ ປັບ ຕົວໄດ້ດີໃນເຂດນີ້ແລ້ວທົດສອບການກິ່ນດົມຄວາມຫອມ, ຫລັງຈາກນັ້ນໄດ້ຂະຫຍາຍເມັດພັນເອົາໄປທົດສອບໃນຫລາຍ ໂຮງຮຽນຊາວນາ ແລະ ຊາວກະສິກອນກໍ່ໄດ້ຄັດເລືອກເອົາໄປປູກຕໍ່ໃນບ້ານໄກ້ຄຽງໄດ້ແກ່ບ້ານຫ້ວຍຕາວ, ບ້ານໂພນສະຫວ່າງ ແລະ ໂນນສະຫວັນ

1. ລັກສະນະເດັ່ນຂອງແນວພັນ ຊະນະຄາມ 2
– ທນພະຍາດໃຫ້ມ
– ຜົນຜະລິດດີ 4,5-5 ໂຕນ/ ເຮັກຕາ
– ກິນອອ່ນ, ຫອມໜ້ອຍໜື່ງ

ຕາຕະລາງປຽບທຽບລັກຊະນະຊະນະຄາມ 1 ກັບພໍ່ແມ່ພັນ

2. ແນະນາການປູກ
ແນວພັນ ຊະນະຄາມ 2 ສາມາດປູກໄດ້ 2 ລະດູຄື: ນາແຊງ ແລະ ນາປີ.
1 ວີທການປູກ:
– ນາດໍາແມ່ນແນະນໍາຕົກກ້າຊ່ວງເດືອນ ມິຖຸນາ (ນາປີ) ແລະ ທ້າຍເດືອນທັນວາ ຫາ ຕົ້ນເດືອນມັງກອນ (ນາແຊງ), ຕົ້ນກ້າໄດ້ 20-25 ວັນ ສາມາດນໍາໄປປັກດໍາໄດ້
– ສາມາດດໍາໃນອັດຕາ 2-3 ກີບກ້າຕໍ່ສຸ່ມ
2 ການໃສ່ຝຸ່ນ
ນາດິນຊາຍ ໃຫ້ໃສ່ຝຸ່ນປະສົມສູດ 15-15-15 ໃນ ອັດຕາ200 ກລ/ຮຕ, ນາດິນໜຽວໃສ່ຝຸ່ນປະສົມສູດ 16-20-00 ໃນ ອັດຕາ 200 ກລ/ຮຕ, ຫຼັງຈາກປັກດໍາໄດ້ 5-7 ມື້ ແລະ ໃຫ້ໃສ່ຝຸ່ນເລັ່ງ 2 ຄັ້ງ: ສູດ 46 0 0 ຫຼັງຈາກປັກດໍາໄດ້ 25 ມື້ ແລະ 45 ມື້ ໃນ ອັດຕາ 30 ກລ/ຮຕ/ຄັ້ງ.

3. ການເກັບກ່ຽວ
ເໝາະສົມໃນການ ນໍາໃຊ້ກົນຈັກເກັບກ່ຽວເຊິ່ງສາມາດເກັບກ່ຽວໄດ້ພາຍໃນ 30 ວັນ ນັບແຕ່ວັນອອກດອກໄດ້ 50%, ຫ້າມກ່ຽວຊ້າເພາະຈະເຮັດໃຫ້ເຂົ້າຫັກໃນເວລາສີເຮັດໃຫ້ເປີເຊັນເຂົ້າສານປະເພດ 1 ຕໍ່າ, ຖ້າໃຊ້ແຮງງານຄົນເກັບກ່ຽວຄວນຕາກຝ່ອນເຂົ້າໃນທົ່ງນາປະມານ 2 ແດດຈຶ່ງເກັບກູ້ ແລະ ຟາດຕີ

ແຫຼ່ງຂໍ້ມູນ: file:///C:/Users/HP/Downloads/j9sIRBdTNZRugy3k%20(1).pdf
ຕິດຕໍ່ປະສານແນວພັນ ທ່ານ ດວງປີ ຈັນທະກັນສອນ ກະສີກໍາ ແລະ ປ່າໄມ້ ເມືອງ ຊະນະຄາມ ແຂວງວຽງຈັນ
ໂທ: 02055732280