ເຕັກນິກການແທກສີຂອງໃບເຂົ້າ
ສີຂອງໃບເຂົ້າສາມາດບົ່ງບອກເຖິງຄວາມພຽງພໍ, ການຂາດແຄນຂອງທາດອາຫານ ຫຼື ການເກີດພະຍາດຕ່າງໆຂື້ນກັບຕົ້ນເຂົ້າ. ສິ່ງທີ່ສາມາດສັງເກດໄດ້ງ່າຍ ແມ່ນການຂາດແຄນທາດອເສົດ (N) . ການແທກສີຂອງໃບເຂົ້າໄດ້ຖືກພັດທະນາຂື້ນມາຄັ້ງທຳອິດຢູ່ປະເທດຍີ່ປຸ່ນ, ຕໍ່ມາກໍ່ມີການພັດທະນາຂື້ນມາໃໝ່ຢ່າງເປັນລະບົບໂດຍ IRRI. ການແທກສີທາງໃບແມ່ນການໃຊ້ເຄື່ອງມື ວັດແທກລະດັບທາດ (N) ຂອງຕົ້ນເຂົ້າ ເພື່ອແນ່ໃສ່ໃນການຈັດການກັບຝຸ່ນ (N) ໃຫ້ມີປະສິດຕິຜົນສູງ.
1. ແຜ່ນແທກສີ
ແຜ່ນແທກສີ ແມ່ນເຄື່ອງມືທີ່ໃຊ້ງ່າຍ ແລະ ລາຄາຖືກ ເຊິ່ງຊາວນາທົ່ວໄປກໍ່ສາມາດນຳໄປໃຊ້ໄດ້. ໂດຍໃຊ້ແຜ່ນແທກສີປຽບທຽບກັບສີຂອງໃບເຂົ້າດ້ວຍສາຍຕາເປົ່າ, ມັນບົ່ງບອກລະດັບຖານະຂອງທາດ (N) ທີ່ບັນຈຸ. ໃນກໍລະນີເຫັນພືດຂາດທາດ (N ຜູ້ນຳໃຊ້ກໍ່ສາມາດກຳນົດອັດຕາຝຸ່ນ (N) ໃສ່ໄດ້ທັນທີຕາມຂໍ້ແນະນຳ ເຮັດໃຫ້ການໃຊ້ຝຸ່ນມີປະສິດຕິຜົນຫຼາຍຂື້ນ.
ແຜ່ນແທກສີຈັດເປັນ 6 ລະດັບຄື: ແຕ່ລະດັບ 1ສີຕອງອ່ອນ ຫາ ລະດັບ 6 ສີຂຽວຊໍ້າ ເຊິ່ງມີຂໍ້ແນະນຳກ່ຽວກັບການນຳໃຊ້ຝຸ່ນ (N) ຕາມສີ.
2. ຄວາມສຳຄັນຂອງລະດັບສີ ຫຼື ລັກສະນະຂອງສີ
ຂໍ້ສຳຄັນຂອງການອ່ານສີຂອງໃບເຂົ້າເພື່ອເລັ່ງຝຸ່ນ (N) ແມ່ນ: ຖ້າຜົນຂອງການວັດແທກໃນໃບເຂົ້າມີຜົນ
– ຈາກລະດັບ 3 ລົງມາ ສຳລັບແນວພັນທີ່ໃບຂຽວອ່ອນ(ສຳລັບຊະນິດເຂົ້າທີ່ມີກິ່ນຫອມ)
– ຈາກລະດັບ 4 ລົງມາສຳລັບເຂົ້າຕໍ່າ(semi-dwarf)
– ຈາກລະດັບ 5 ລົງມາສຳລັບເຂົ້າພັນປະສົມ (Hybrids)
ນອກຈາກນັ້ນສີຂອງໃບເຂົ້າອາດແຕກຕ່າງໄປຍ້ອນວິທີການປັກດຳດ້ວຍ ເຊິ່ງມີມາດຖານການວັດແທກດັ່ງຕາຕະລາງລຸ່ມນີ້:
| ປະເພດເຂົ້າ | ນາຫວ່ານ,ນາຢອດເມັດ | ປັກດຳ |
| ເຂົ້າຫອມ(Aromatic rice) | – | 3 |
| ເຂົ້າຕໍ່າ(semi-dwarf) | 3 | 3,5-4 |
| ລູກປະສົມ(Hybrids) | 4 | 4 |
3. ວິທີການນຳໃຊ້ແຜ່ນແທກສີໃບເຂົ້າ
1 ໃຊ້ແຜ່ນແທກສີ ອ່ານສີຂອງໃບເຂົ້າຫຼັງຈາກປັກດຳໄດ້ 14 ວັນ ຫຼື ທຽບສີເມື່ອອາຍຸເຂົ້າໄດ້ 21 ວັນ ສຳລັບນາຫວ່ານ ແລະ ນາຢອດເມັດ. (ໂດຍມີການແທກເປັນປົກກະຕິໃນທຸກໆ 7 ວັນ ຫຼື 14 ວັນ. ແທກສີຈົນເຖິງວັນເຂົ້າເລີ້ມອອກດອກ).
2 ການແທກສີແຕ່ລະຄັ້ງຕ້ອງຢູ່ໃນຊ່ວງດຽວກັນ 8-10 ໂມງເຊົ້າ ຫຼື 2-4 ໂມງແລງ. ໂດຍຫັນຫຼັງບັງແສງແດດໄວ້ໃຫ້ເປັນຮົ່ມ ແລ້ວອ່ານສີໃບເຂົ້າພ້ອມບັນທຶກ.
3 ແຕ່ລະຄັງແທກເອົາ 7-10 ໃບເຂົ້າ ໂດຍຊຸ່ມເອົາແບບບັງເອີນ, ເລືອກແທກໃບທີ່ສົມບູນດີ.
4 ເລືອກແທກໃບຂະຫຍາຍໂຕເຕັມທີ່ໃນ 10 ກໍເຂົ້ານັ້ນໂດຍແປະເຄິ່ງກາງໃບໃສ່ແຜ່ນທຽບສີ(ຫ້າມຖອນ ຫຼື ຕັດໃບເຂົ້ານັ້ນເດັດຂາດ)
5 ພາຍຫຼັງການແທກສີຂອງໃບເຂົ້າໄດ້ 7 ຫຼື 10 ໃບແລ້ວຄ່າສະເລ່ຍອອກມາຕໍ່າກ່ອນລະດັບທີ່ກຳນົດໄວ້ນັ້ນ ຕ້ອງໃສ່ຝຸ່ນ (N) (23 kg N/fia) ສຳລັບລະດູຝົນ ຫຼື ໃສ່ (33 kg N/fia) ສຳລັບລະດູແລ້ງ
6 ປະລິມານຝຸ່ນ (N) ທີ່ໃສ່ໃນຊ່ວງໄລຍະການຈະເລີນເຕີບໂຕທີ່ແຕກຕ່າງກັນສຳລັບພັນເຂົ້າ (semi-dwarf) ແມ່ນດັ່ງລຸ່ມນີ້
| ລ/ດ | ເຂົ້ານາປັກດຳ | ລະດູແລ້ງ | ລະດູຝົນ |
| 1 | ຫຼັງການປັກດຳ 14-28 ວັນ | 30 kg N/fia | 20 kg N/fia |
| 2 | ຫຼັງການປັກດຳ 29-48 ວັນ | 45 kg N/fia | 30 kg N/fia |
| 3 | ຫຼັງການປັກດຳ 49 ວັນ ຫາ ອອກດອກ | 30 kg N/fia | 20 kg N/fia |
| ເຂົ້າຫວ່ານ,ນາຢອດເມັດ | |||
| 1 | ຫຼັງການຫວ່ານ,ຢອດເມັດ 21-34 ວັນ | 30 kg N/fia | 20 kg N/fia |
| 2 | ຫຼັງການຫວ່ານ,ຢອດເມັດ 33-55 ວັນ | 45 kg N/fia | 30 kg N/fia |
| 3 | ຫຼັງການຫວ່ານ,ຢອດເມັດ 56 ວັນ-ອອກດອກ | 30 kg N/fia | 20 kg N/fia
|
ແຫຼ່ງຂໍ້ມູນ: file:///C:/Users/HP/Downloads/IN3tAdu8YbhtgeqL.pdf
ໂຄງການສົ່ງເສີມລະບົບຕ່ອງໂສ້ການຜະລິດກະສິກຳເປັນສິນຄ້າ, ບ້ານດອນຕີ້ວ ໂທ: 030 4620706, 020 55792487
https://kasetgo.com/t/lcc-leaf-color-chart-1-n/891320
https://www.thairath.co.th/content/330311