ຄູ່ມືແນະນໍາ ແລະ ການນໍາໃຊ້ແນວພັນເຂົ້າເມືອງພຽງ 2 (Meung Pieng 2)

ແນວພັນເມືອງພຽງ 2 ຫຼື ສາຍພັນ Mp10001 ແມ່ນໄດ້ຈາກການປັບປຸງພັນດ້ວຍການປະສົມພັນລະຫວ່າງ ແນວພັນທ່າດອກຄໍາ 11 ກັບເຂົ້າຕາຂຽດ ໃຊ້ຮູບແບບການປະສົມພັນແບບດ່ຽວເຊິ່ງແມ່ນປະສົມຢູ່ໂຮງຮຽນຊາວນາກຸ່ມບ້ານເມືອງພຽງ ເມືອງພຽງ ແຂວງໄຊຍະບູລີ ລະດູຝົນປີ 2013 ຫຼັງຈາກປະສົມພັນໄດ້ແລ້ວລະດູທຳອິດແມ່ນປູກຄັກເລືອກຢູ່ບ້ານໂພນຫີນ ເມືອງພຽງ ແຂວງໄຊຍະບູລີປີ 2014 , ປີ 2015-2016 ແມ່ນ ນາງບຸນມີ ນໍາໄປປູກຄັດເລືອກຢູ່ບ້ານໂພນໄຊ ເມືອງພຽງ ແຂວງໄຊຍະບູລີ, ຄັດເລືອກແບບລວມ ຫຼັງຈາກຄັດໄດ້ສາຍພັນທີ່ມີລັກຊະນະແຕກຕ່າງຈາກພັນເດີມ ,ເຫັນວ່າດີ ແລະ ມີຄວາມຄົງຕົວແລ້ວລະດູຝົນ 2017 ໄດ້ສົ່ງສາຍພັນດັ່ງກ່າວໄປຄັດເລືອກໃນພື້ນທີ່ນາຂອງຊາວກະສິກອນ,ບ້ານນາຊີງ,ບ້ານໜອງບົວພີ່ນ້ອງ,ບ້ານສົມສະຫວັນ ເມືອງພຽງ ແຂວງໄຊຍະບູລີ ແລະ ຍັງໄດ້ແລກປ່ຽນກັບຊາວນາຈາກຕ່າງແຂວງ ໃນງານແລກປ່ຽນແນວພັນຢູ່ ສູນຄົ້ນຄ້ວາເຂົ້າປີ 2019,. ໃນປີ 2021 ໄດ້ປູກຂະຫຍາຍເມັດ ແລະ ເອົາໄປປູກປຽບທຽບຜົນຜະລິດຢູ່ 18 ບ້ານໃນ 6 ແຂວງ (ອຸດົມໄຊ, ຫລວງພະບາງ, ໄຊຍະບູລີ, ວຽງຈັນ, ສາລະວັນ ແລະ ອັດຕະປື) ເຫັນວ່າການຈະເລີນເຕີບໂຕດີ, ທົນທານຕໍ່ສະພາບແວດລ້ອມໄດ້ດີ, ທົນທານຕໍ່ພະຍາດ ແລະ ແມງໄມ້ໄດ້ປານກາງ,ປູກໄດ້ໃນດິນທຸກປະເພດສາມາດເກັບກ່ຽວໄດ້ໃນເຂດພື້ນທີ່ແຫ້ງແລ້ງຜົນຜະລິດປານກາງຕັ້ງແຕ່ 3,5 ຫາ 5 ໂຕນ/ເຮັກຕາ ສະເລ່ຍ 18 ບ້ານ ຜົນຜະລິດສະເລ່ຍ 4,5 ໂຕນ/ເຮັກຕາ

1. ລັກສະນະເດັ່ນຂອງແນວພັນເມືອງພຽງ 2
– ເໝາະກັບດິນທຸກປະເພດ
– ທົນພະຍາດໃຫ້ມ , ປັບຕົວກັບສະພາບແວດລ້ອມໄດ້ດີ, ທົນບົ່ວປານກາງ,
– ຜົນລິດດີ 4,5-5 ໂຕນ/ ເຮັກຕາ.
– ອາຍຸເກັບກ່ຽວສັ້ນເໝາະສໍາລັບພື້ນທີ່ໆມີການຜະລິດຫຼາຍຮອບວຽນ

ຕາຕະລາງປຽບທຽບລັກຊະນະເມືອງພຽງ 2 ກັບພໍ່ແມ່ພັນ

2. ແນະນໍາການປູກ
ແນວພັນເມືອງພຽງ 2 ສາມາດປູກໄດ້ 2 ລະດູຄື: ນາແຊງ ແລະ ນາປີ.

1 ວິທີການປູກ:
– ນາດໍາແມ່ນແນະນໍາປັກດໍາອາຍຸກ້າ 20-25 ປັກດໍາໄລຍະຫ່າງ 20 x 20 ຊມ.
– ນາຫວ່ານ ຫຼື ນາຢອດ ແນະນໍາໃຫ້ຫວ່ານ ຫຼື ຢອດປຽກແມ່ນເໝາະສົມທີ່ສຸດ

2 ການໃສ່ຝຸ່ນ
ນາດິນຊາຍ ໃຫ້ໃສ່ຝຸ່ນປະສົມສູດ 15-15-15 ໃນ ອັດຕາ200 ກລ/ຮຕ, ນາດິນໜຽວໃສ່ຝຸ່ນປະສົມສູດ 16-20-00 ໃນ ອັດຕາ 200 ກລ/ຮຕ, ຫຼັງຈາກປັກດໍາໄດ້ 5-7 ມື້ ແລະ ໃຫ້ໃສ່ຝຸ່ນເລັ່ງ 2 ຄັ້ງ: ສູດ 46-00-00 ຫຼັງຈາກປັກດໍາໄດ້ 25 ມື້ ແລະ 45 ມື້ ໃນອັດຕາ 30 ກລ/ຮຕ/ຄັ້ງ
3. ການເກັບກ່ຽວ
ເໝາະສົມໃນການນໍາໃຊ້ກົນຈັກເກັບກ່ຽວເຊິ່ງສາມາດເກັບກ່ຽວໄດ້ພາຍໃນ 30 ວັນ ນັບແຕ່ວັນອອກດອກໄດ້ 50%, ຫ້າມກ່ຽວຊ້າເພາະຈະເຮັດໃຫ້ເຂົ້າຫັກໃນເວລາສີເຮັດໃຫ້ເປີເຊັນເຂົ້າສານປະເພດ 1 ຕໍ່າ, ຖ້າໃຊ້ແຮງງານຄົນເກັບກ່ຽວຄວນຕາກຝ່ອນເຂົ້າໃນທົ່ງນາປະມານ 2 ແດດຈິ່ງເກັບກູ້ ແລະ ຟາດຕີ

ແຫຼ່ງຂໍ້ມູນ: file:///C:/Users/HP/Downloads/tFOiXGQSIM2iXeXs.pdf

ຕິດຕໍ່ປະສານແນວພັນ ຕີ ຈັນທະວົງ, ບຸນມີ ພົມພິພັກ, ພອນປະເສີດ ສີຫາ
ໂທ: 020 98003521, 55878330, 58115511