ເຂົ້າປ່າ NIVARA
ຊື່ພາສາລາວ: ເຂົ້າປ່າ
ຊື່ພາສາອັງກິດ: Wild Rice
ຕະກູນ: Poaceae
ຊະນິດ: O. nivara
ຊື່ວິທະຍາສາດ: Oryza nivara L.
ລັກສະນະທົ່ວໄປ: ເຂົ້າປ່າແມ່ນສາມາດແບ່ງອອກເປັນຫລາຍຊະນິດ, ໃນແຕ່ລະຊະນິດຈະມີຫລາຍລັກສະນະ ແລະ ກໍ່ມີຄວາມສຳຄັນຫລາຍຢ່າງແຕກຕ່າງກັນອອກໄປຂອງຊະນິດນັ້ນໆ. ເຂົ້າປ່າແມ່ນເປັນບັນພະບູລຸດຂອງເຂົ້າໃນປະຈຸບັນ, ເປັນເຂົ້າອີກຊະນິດໜຶ່ງທີ່ມີໃນທຳມະຊາດເຊິ່ງສາມາດເກີດຂື້ນໄດ້ໃນບ່ອນຫລູບ ແລະ ບ່ອນໂນນ, ເຂົ້າປ່າເຖິ່ງຈະມີຫລາຍຊະນິດ ແລະ ຫລາຍລັກສະນະທີ່ແຕກຕ່າງກັນແຕ່ມີບ່າງລັກສະນະ ທີ່ຄືກັນນັ້ນແມ່ນເມັດຂອງເຂົ້າປ່າໃນໜຶ່ງຮວງແມ່ນສຸກແກ່ບໍ່ພ້ອມກັນເຊັ່ນ: ໃນເຂົ້າປ່າຮວງໜຶ່ງເມັດຈະແກ່ໃນ 9 ຫາ 30 ວັນ. ເມື່ອເວລາເມັດແກ່ແລ້ວກໍ່ຈະຫລົນ, ເມັດຈະມີລັກສະນະການພັກໂຕທີ່ແຕກຕ່າງກັນຫລາຍເລີ່ມແຕ່ບໍ່ມີການພັກໂຕຈົນໄປຮອດຫລາຍປີ, ເມັດເຂົ້າເປືອກ ແລະ ເຂົ້າກ້ອງຈະມີຫລາກຫລາຍສີ, ເມັດອາດມີຫາງຍາວເຖິງ 10 ເທົ່າຂອງຄວາມຍາວເມັດຂອງມັນ ແລະ ກໍ່ຍັງມີຫລາຍສີ[1]. ຢູ່ທີ່ລາວເຮົາແມ່ນພົບເຫັນຢູ່ 5 ຊະນິດ,
ແຫລງພົບເຫັນ:ພົບເຫັນຢູ່ຕາມທຳມະຊາດ, ທາງທິດຕາເວັນອອກ, ທິດໃຕ້ ແລະ ທິດຕາເວັນອອກຊຽງໃຕ້ຂອງທະວີບ ເອເຊຍເຊັ່ນ: Bangladest, Cambodia, China, India, Lao, Malasia, Myanmar, Nepal, Srilanka, Thailand and Vietnam.
ຄວາມແຕກຕ່າງຂອງເຂົ້າ ແລະ ເຂົ້າປ່າ:
| ເຂົ້າ | ເຂົ້າປ່າ |
| • ເມັດຍາວ • ບໍ່ມີຫາງ • ອອກຮວງໃກ້ຄຽງກັນ ແລະ ສຸກແກ່ພ້ອມກັນທັງຮວງ • ມີເມັດເຕັມຫລາຍກ່ອນ 95% • ເມັດຫລົນປານກາງ • ເມັດມີການພັກໂຕ 6-8 ອາທິດ |
• ເມັດສັ້ນປ້ອມ • ຫາງຍາວກວ່າ 10 ເທົ່າຂອງເມັດ • ອອກຮວງບໍ່ພ້ອມກັນ • ສຸກແກ່ບໍ່ພ້ອມກັນພາຍໃນຮວງ • ມີເມັດເຕັມແຕ່ 50-95% • ເມັດຫລົນງ່າຍຫາຫລົນຍາກ • ເມັດບໍ່ພັກໂຕຫາພັກໂຕສິບປີ[2] |
ລັກສະນະປະຈຳພັນຂອງ Nivara:
• ສະຖານທີ່: ພົບເຫັນຢູ່ຕາມໜອງນ້ຳທຳມະຊາດ
• ອາຍຸ: ປີດຽວ, ອອກດອກແລ້ວຕາຍ
• ຂະຫຍາຍພັນ: ເມັດ[4]
• ຄວາມສູງ: ຕ່ຳ-ປານກາງ
• ຮວງ: ແໜ້ນ-ປານກາງ
• ເມັດຍາວ: 6-10.4 ມມ
• ເມັດກວ້າງ: 1.9-3.4 ມມ
• ຫາງຍາວ: 4-10 ຊມ
• ເກສອນຜູ້ຍາວ: 1.5-3 ມມ
ເອກະສານອ້າງອີງ:
1. ອົງຄວາມຮູ້ເລື່ອງເຂົ້າ, ສຳນັກວິໃຈແລະພັດທະນາເຂົ້າ, ກົມການເຂົ້າ
2. www.ricethailand.go.th/info_riceknowledge.htm
3. https://en.wikipedia.org/wiki/Oryza_nivara
4. Rice in Laos pp 223.
ແຫຼ່ງຂໍ້ມູນ:
ຂໍ້ມູນເພີມຕື່ມ:
ຂໍ້ມູນເຕັກນິກ:
ວີດີໂອ:
ຕິດຕໍ່: