ເຂົ້າຈ້າວ ວຽງຈັນ450-1 (VTE450-1)

ຊື່ແນວພັນ: ວຽງຈັນ450-1 (VTE450-1)
ຊະນິດເຂົ້າ: ເຂົ້າຈ້າວ
ຄູ່ປະສົມພັນ: IR70177-76-3-1-1/2*KDML105//KDML105///IR70177-76-3-1-1/2*KDML105//KDML105
ປະຫວັດພັນເຂົ້າ: ເປັນແນວພັນເຂົ້າຈ້າວທີ່ລວບລວມລັກສະນະທີ່ຕ້ອງການຈາກພັນເຂົ້າຫອມມະລິ105 (KDML105) ແລະ ສາຍພັນເຂົ້າອີແອ (IR ) ໂດຍການປະສົມພັນຫລາຍດ້ານຈາກສະຖາບັນຄົ້ນຄວ້າເຂົ້າສາກົນທີ່ປະເທດຟີລິບປີນ, ສາຍພັນຄົງຕົວໄດ້ນຳມາປູກຄັດເລືອກທີ່ສູນຄົ້ນຄວ້າທົດລອງເຂົ້າອຸບົນປະເທດໄທເຊີ່ງເປັນຕົວແທນໃຫ້ແກ່ປະເທດລຸ່ມອ່າງແມ່ນ້ຳຂອງມີກຳປູເຈຍ, ລາວ ແລະ ໄທພາຍໃຕ້ໂຄງການຮ່ວມມືໄທ-ອີລີ (Thai-IRRI) ລາວເຮົາໄດ້ເຂົ້າຮ່ວມການຄັດເລືອກໃນທ້າຍລະດູຝົນປີ 1999 ມີທັງໝົດ 100 ສາຍພັນທີ່ວິຊາການລາວໄດ້ຄັດເລືອກໄດ້ ແລະ ໄດ້ນຳມາປູກຄັດເລືອກທີ່ລ໋ອກນາ D1 ທີ່ສູນຄົ້ນຄວ້າກະສິກຳ-ນາພອກໃນລະດູຝົນປີ 2000 ແລະ ຄັດເລືອກເອົາ 3 ສາຍພັນ. ໃນລະດູຝົນປີ 2009ໄດ້ສືບຕໍ່ປູກຄັດເລືອກ ແລະ ເລືອກໄດ້ໜື່ງສາຍພັນຄື: IR77921-60-198-1-2-B
ການຮັບຮອງພັນ: ກົມປູກຟັງອອກແນວພັນພືດສົ່ງເສີມໃນວັນທີ 13 ສິງຫາ 2018
ລັກສະນະປະຈຳພັນ:
– ເປັນເຂົ້າຈ້າວຕົ້ນສູງປະມານ 110-120 ຊມ
– ເປັນເຂົ້າຮູ້ສຶກຕໍ່ຊ່ວງແສງຕໍ່າອາຍຸຍາວປານກາງ 135-140 ວັນ
– ລຳຕົ້ນສີຂຽວຕັ້ງຊື່, ມີຮວງຍາວປານກາງ ຕົ້ນແຂງບໍ່ລົ້ມງ່າຍ
– ໄລຍະພັກໂຕຂອງເມັດເຂົ້າ 3 ອາທິດ
– ເມັດເຂົ້າເປືອກແມ່ນສີເຟືອງ
– ເມັດເຂົ້າສານບໍ່ມີລັກສະນະທ້ອງໄຂ່
– ເມັດເຂົ້າກ້ອງມີລວງຍາວ, ກວ້າງ ແລະ ຄວາມໜາແມ່ນ 8.05 x 2.3×1.9 ມມ
– ປະລິມານທາດອາມີໂລສ 15-17%
– ຄຸນນະພາບເຂົ້າສຸກອ່ອນນຸ້ມຫອມອ່ອນ
ຜົນຜະລິດ: 3-5 ໂຕນ/ເຮັກຕາ
ລັກສະນະເດັ່ນ:
– ເປັນເຂົ້າຈ້າວຫອມອ່ອນ
– ທົນທານຕໍ່ພະຍາດເຂົ້າຜູ້, ທົນປານກາງຕໍ່ເຫລັກເປັນຜິດ, ພະຍາດໃບໄໝ້ ແລະ ຂອບໃບແຫ້ງ
– ກີນແຊບອ່ອນນຸ່ມດີປະໄວ້ດົນຍັງຮັກສາຄວາມອ່ອນນຸ່ມໄດ້ດີພໍສົມຄວນ
ຂໍ້ຄວນລະວັງ:
– ສາມາດປູກນາແຊງໄດ້ແຕ່ຕ້ອງຕົກກ້າລະຫວ່າງກາງເດືອນພະຈິກ-ຕົ້ນເດືອນທັນວາ
ພື້ນທີ່ແນະນຳ:
– ເໝາະສົມສຳລັບການຜະລິດໃນເຂດນາໂຄກ-ນາໂນນ ແລະ ເຂດນາທົ່ງຢູ່ພາກກາງ ແລະ ພາກໃຕ້ຂອງລາວເຮົາ

ແຫຼ່ງຂໍ້ມູນ: 

ຂໍ້ມູນເພີມຕື່ມ: 

ຂໍ້ມູນເຕັກນິກ: 

ວີດີໂອ: 

ຕິດຕໍ່: