ການປູກເຫັດບົດ

ການປູກເຫັດບົດ
ເຫັດບົດ ຫຼື ເຫັດກະດ້າງ ສ່ວນຫຼາຍມັກພົບເຫັນໃນທໍາມະຊາດເກີດຕາມໂຄດໄມ້ຕາຍ ແລະ ເປັນເຫັດພື້ນເມືອງທີ່ມີລົດຊາດແຊບດີ ມີຄຸນຄ່າທາງດ້ານອາຫານສູງ ປະກອບດ້ວຍທາດຕ່າງໆເຊັ່ນ: ທາດໂປຣຕີນ. ຄາໂບໄຮເດດ ແລະ ແຫ່ທາດອື່ນໆ ດອກເຫັດມີຂະໝາດໃຫ່ຍ ແລະ ມີເສັ້ນຂະໝາດຜ່າສູນກາງຂອງດອກ 5-12 ຊຕມ. ກ້ານດອກສັ້ນ 1-2 ຊຕມ. ມີສີນໍ້າຕານປົນດໍາ ມັກພົບເຫັນໃນຊ່ວງລະດູຮ້ອນຢ່າງເຂົ້າລະດູຝົນ ເຫັດຊະນິດນີ້ເມື່ອດອກອ່ອນຈະນັ່ມ ເມື່ອແກ່ແລ້ວຈະໝຽວ ແລະ ແຂ້ງ.
ເຫັດບົດ ຫຼື ເຫັດກະດ້າງ ສາມາດເກັບຮັກສາໄວ້ໄດ້ດົນເປັນປີ ເວລານໍາມາປຸງແຕ່ງອາຫານກໍນໍາໄປແຊ່ນໍ້າໃຫ້ຄືນສະພາບເດີມ ເຫັດກະດ້າງມີລາຄາແພງກວ່າເຫັດຊະນິດອື່ນ ເນື່ອງຈາກເປັນເຫັດທີ່ເກີດຕາມລະດູການພຽງປີລະເທື່ອ. ຈີ່ງກາຍເປັນທີ່ນິຍົມຂອງຊາວກະສິກອນ ໃນການນໍາມາປູກເປັນສິນຄ້າ.
1. ລັກສະນະເຮືອນເຫັດ.
ເຮືອນທີ່ໃຊ້ປູກເຫັດຄວນມີຂະຫນາດກວ້າງ 4 ແມັດ, ຍາວ 6 ແມັດ, ສູງ 3 ແມັດ. ຫລັງຄາມຸງດ້ວຍໄພຫຍ້າ ດ້ານຂ້າງຂອງເຮືອນເຫັດຄວນເປັນພລາສຕິກເຄືອບສາມາດເປີດ ແລະ ປິດໄດ້ສະດວກ

2. ການຜະລິດຖົງເຊື້ອເຫັດ.
ມີສູດອາຫານທີ່ໃຊ້ເຮັດກ້ອນເຊື້ອປູກເຫັດດັ່ງນີ້:
ສູດທີ 1:
– ຂີ້ເລື່ອຍໄມ້ເນື້ອອ່ອນ 100 ກິໂລ
– ຮຳລະອຽດ 75 ກິໂລ
– ປູນຂາວ 2 ກິໂລ
– ຢິບຊຳ 500 ກິໂລ
– ດີເກືອ 200 ກິໂລ
– ຄວາມຊຸ່ມ 65-75 ເປີເຊັນ
ສູດທີ 2:
– ຂີ້ເລື່ອຍໄມ້ເນື້ອອ່ອນ 100 ກິໂລ
– ຮຳລະອຽດ 3 ກິໂລ
– ນ້ຳຕານຊາຍ 2 ກິໂລ
– ປູນຂາວ 1 ກິໂລ
– ຢິບຊຳ 2 ກິໂລ
– ດີເກືອ 200 ກິໂລ
– ຄວາມຊຸ່ມ 65-75 ເປີເຊັນ
ນຳຂີ້ເລື່ອຍມາປະສົມກັບອາຫານເສີມຄົນໃຫ້ເຂົ້າກັນດີຕື່ມນ້ຳລົງໄປຈົນກວ່າຈະມີຄວາມຊຸ່ມພໍດີຄື: ໃນເວລາກຳຂີ້ເລື່ອຍໄວ້ໃນມືຈະບໍ່ມີນ້ຳໄຫລອອກມາຕາມວ່າງມື ເມື່ອແບມືອອກຂີ້ເລື່ອຍຍັງຈັບຕົວກັນເປັນກ້ອນ ຫລື ແຕກປະມານ 2-3 ກ້ອນ ຈາກນັ້ນນຳສ່ວນປະສົມດັ່ງກ່າວບັນຈຸລົງຖົງພລາສຕິກທົນຮ້ອນໃຫ້ແຫນ້ນພໍສົມຄວນ ປະມານຖົງລະ 800 ກຣາມ ພ້ອມໃສ່ຄໍພລາສຕິກ ແລະ ຈຸກດ້ວຍສຳລີນຳໄປຫນຶ້ງຂ້າເຊື້ອດ້ວຍອຸນຫະພູມ 100 ອົງສາເຊ ເປັນເວລາ 2 ຊົ່ວໂມງ ແລ້ວນຳໄປໃສ່ເຊື້ອເຂົ້າຝ້າງ (ຫົວເຊື້ອເຫັດ) ຖົງຫນຶ່ງປະມານ 10-20 ເມັດ.

3. ການບົ່ມພັກກ້ອນເຊື້ອເຫັດ.
ຫລັງຈາກທີ່ໄດ້ທຳການເຂ່ຍເຊື້ອລົງກ້ອນຖົງເຫັດແລ້ວນຳຖົງກ້ອນເຊື້ອໄປບົ່ມພັກໄວ້ໃນເຮືອນເຫັດທີ່ມີອຸນຫະພູມປະມານ 28-30 ອົງສາເຊ (ອຸນຫະພູມຫ້ອງ) ໃຫ້ມີການຖ່າຍເທ ແລະ ລະບາຍອາກາດຢ່າງພຽງພໍ ບົ່ມພັກກ້ອນເຊື້ອເຫັດປະມານ 25-30 ວັນ ເຊື້ອເຫັດຈະເລີນເຕັມຖົງ ບົ່ມພັກຕໍ່ໄປອີກປະມານ 1-2 ເດືອນ ເພື່ອໃຫ້ເສັ້ນໃຍເດີນຫນາແຫນ້ນ ແລະ ແຂງແຮງ (ເສັ້ນໃຍຮັດຕົວ) ຈາກນັ້ນຈິ່ງຂົນຍ້າຍເຂົ້າໂຮງເຮືອນສຳລັບເປີດດອກ.
4. ການຜະລິດດອກເຫັດ.
ເມື່ອນຳເອົາກ້ອນເຫັດທີ່ເດີນເຕັມຖົງ ແລະ ແຫນ້ນໂຕແລ້ວເຂົ້າເຮືອນເຫັດເປີດດອກໃຫ້ດຶງຈຸກສຳລີອອກ ຫົດນ້ຳໃຫ້ຊຸ່ມ ອຸນຫະພູມພາຍໃນເຮືອນຄວນຢູ່ປະມານ 35-40 ອົງສາເຊ, ປະມານ 7-10 ວັນ ເຫັດກໍ່ຈະເກີດຕຸ່ມດອກນ້ອຍໆບໍລິເວນປາກຖົງ ໃຫ້ເອົາມີດປາດປາກຖົງອອກໃຫ້ຫມົດ ພໍດອກເຫັດເລີ່ມໃຫຍ່ໃຫ້ເປີດເຮືອນເຫັດ ໂດຍການມ້ວນພລາສຕິກດ້ານຂ້າງຂຶ້ນ ເພື່ອລະບາຍອາກາດ ເຫັດສາມາດເກີດດອກໄດ້ຫລັງຈາກເສັ້ນໃຍແຫນ້ນ ຫລື ວ່າອິ່ມຕົວແລ້ວ 1-2 ເດືອນ.

5. ການເກັບຜົນຜະລິດ.
ໃຫ້ເກັບມື້ລະ 2 ຄັ້ງຄື: ເຊົ້າ ແລະ ແລງ ໂດຍໃຊ້ມືດຶງດອກເຫັດທີ່ໃຫຍ່ເຕັມທີ່ອອກ ທະຍອຍເກັບເລື້ອຍໆຈົນຫມົດ ຈາກນັ້ນຈິ່ງປ່ອຍປະໄວ້ໂດຍບໍ່ຕ້ອງຫົດນ້ຳ 7-10 ວັນ, ຫລັງຈາກນັ້ນຄ່ອຍໆຫົດນ້ຳ ແລ້ວຄວບຄຸມອຸນຫະພູມໃຫ້ຢູ່ປະມານ 37-40 ອົງສາເຊ ຈົນເຫັດເກີດຕຸ່ມດອກ ແລະ ເມື່ອດອກເຫັດເລີ່ມໃຫຍ່ ຈິ່ງເປີດພລາສຕິກດ້ານຂ້າງອອກ ເພື່ອຖ່າຍເທລະບາຍອາກາດອີກຄັ້ງ.

ຮຽບຮຽງໂດຍ: ເດືອນເພັງ ສີຫາລາດ

ໝວດໝູ່: ການປູກພືດ
ແຫຼ່ງຂໍ້ມູນ:http://www.chaimayofarm.com/article/6/%E0%B8%81%E0%B8%B2%E0%B8%A3%E0%B9%80%E0%B8%9E%E0%B8%B2%E0%B8%B0%E0%B9%80%E0%B8%AB%E0%B9%87%E0%B8%94%E0%B8%9A%E0%B8%94-%E0%B9%80%E0%B8%AB%E0%B9%87%E0%B8%94%E0%B8%81%E0%B8%A3%E0%B8%B0%E0%B8%94%E0%B9%89%E0%B8%B2%E0%B8%87-%E0%B8%AB%E0%B8%A3%E0%B8%B7%E0%B8%AD-%E0%B9%80%E0%B8%AB%E0%B9%87%E0%B8%94%E0%B8%A5%E0%B8%A1-%E0%B9%82%E0%B8%94%E0%B8%A2-%E0%B9%84%E0%B8%8A%E0%B8%A1%E0%B8%B0%E0%B9%82%E0%B8%A2%E0%B8%9F%E0%B8%B2%E0%B8%A3%E0%B9%8C%E0%B8%A1
ຂໍ້ມູນເພີມຕື່ມ:
ຂໍ້ມູນແນວພັນ:
ວິດີໂອ:

ຕິດຕໍ່