ເຂົ້າອົບປົບ (Obpob)

ປະຫວັດຄວາມເປັນມາ.
ແນວພັນເຂົ້າໜຽວຈາກບ້ານນ້ຳທຸງ, ເມືອງນ້ຳທາ ທີ່ໄດ້ມີພີ່ນ້ອງນຳເຂົ້າມາແຕ່ ສປ ຈີນ, ແຕ່ປີ 2006. ຫຼັງຈາກນັ້ນ, ພະນັກງານວິຊາການກະສິກຳໄດ້ນຳໄປທົດສອບຢູ່ບາງເມືອງກ່ອນ ແລະ ບາງເມືອງແມ່ນທົດສອບໃນໄລຍະຈັດຕັ້ງປະຕິບັດໂຄງການ NURIFaR.
ລັກສະນະປະຈຳພັນ.

ຈຸດດີ ແລະ ຈຸດອ່ອນ.
ຈຸດດີ: ເປັນແນວພັນໃຫ້ຜົນຜະລິດສູງ, ສາມາດປູກທັງນາປີ ແລະ ນາແຊງ, ຕອບສະໜອງຕໍ່ຝຸ່ນໄນໂຕຼເຈນ (Nitrogen) ໄດ້ດີ. ສາມາດປັບຕົວໄດ້ດີໃນສະພາບແວດລ້ອມທີ່ກວ້າງຂວາງ, ເປັນແນວພັນຕົ້ນແຂງ, ບໍ່ລົ້ມ ແລະ ທົນບົ່ວໃນລະດັບກາງ ( ປູກຢູ່ເມືອງປາກອູ ທຽບໃສ່ແນວພັນດໍຂອງຈີນ ). ເໝາະສົມໃນເຂດພາກເໜືອ ເຊັ່ນ: ແຂວງຫຼວງພະບາງ, ແຂວງອຸດົມໄຊ, ແຂວງຫຼວງນ້ຳທາ, ແຂວງບໍ່ແກ້ວ….
ຈຸດອ່ອນ: ບໍທົນຕໍ່ດ້ວງກໍ.
ວິທີປູກ.
ລະດູຕົກກ້າ ແລະ ປັກດຳ.
• ນາປີ: ເລີ່ມຕົກກ້າກາງເດືອນມິຖຸນາ, ປັກດຳທ້າຍເດືອນມິຖຸນາ ແລະ ເກັບກ່ຽວຊ່ວງທ້າຍເດືອນຕຸລາ
• ນາແຊງ: ຕົກກ້າກາງເດືອນພະຈິກ, ປັກດຳກາງເດືອນທັນວາ ແລະ ເກັບກ່ຽວຊ່ວງທ້າຍເດືອນພຶດສະພາ.
• ອາຍຸກ້າເໝາະສົມໃນການປັກດຳ: 21 – 25 ວັນ ສໍາລັບນາປີ ແລະ 25 – 30 ວັນສໍາລັບນາແຊງ, ໃນເຂດໜາວອາຍຸກ້າອາດຈະຍາວກວ່າ, ແຕ່ຕ້ອງສັງເກດເບິ່ງຈຳນວນໃບກ້າທີ່ມີ 4.5 – 5.5 ໃບ ( ນັບທັງໃບເຄົ້າ ).
• ໄລຍະປັກດຳ: 20 x 20 ຫຼື 25 ສຸມຕໍ່ຕາລາງແມັດ.
• ຈຳນວນກີບກ້າປັກດຳ: 3 – 4 ກີບກ້າຕໍ່ສຸມ.
ອັດຕາຝຸ່ນເຄມີ.
• ຝຸ່ນຮອງພື້ນ: ປຸ໋ຍສູດ 16-20-00 ໃນອັດຕາ 150 ກລ/ຮຕ ( ສໍາລັບນາດິນໜຽວ ) ຫຼື 200 ກລ/ຮຕ ຂອງປຸ໋ຍສູດ 15-15-15 ( ສໍາລັບນາດິນຊາຍ ) ຫວ່ານໃນເລາປັກດໍາ.
• ຝຸ່ນເລັ່ງ: ຫວ່ານຝຸ່ນເລັ່ງ 2 ຄັ້ງ ໃນເວລາ 25 – 30 ວັນ ແລະ 45 – 50 ວັນ ຫຼັງປັກດໍາໃນອັດຕາ 50 ກລ/ຮຕ ໃນແຕ່ລະຄັ້ງ.
ໝາຍເຫດ: ນາຕີນບ້ານ ຫຼື ດິນທີ່ມີຄວາມອຸດົມສົມບູນສູງບໍ່ຕ້ອງໃສ່ຝຸ່ນ ( ເມື່ອສັງເກດເຫັນໃບເຂົ້າຂຽວຢູ່ຕະຫຼອດ ). ສ່ວນນາດິນບໍ່ດີຄວນໃສ່ຝຸ່ນຄອກໃນອັດຕາ 3 – 5 ໂຕນ/ເຮັກຕາ ກ່ອນ.

ແຫຼ່ງຂໍ້ມູນ: ປື້ມຄຳແນະນຳການນຳໃຊ້ແນວພັນເຂົ້າສຳລັບພາກເໜືອຂອງລາວ. ໂຄງການຄົ້ນຄວ້າລະບົບການຜະລິດກະສິກຳ ໂດຍເອົາເຂົ້າເປັນພື້ນຖານ ໃນເຂດພູດອຍ ຢູ່ພາກເໜືອ.

ຂໍ້ມູນເພີມຕື່ມ:

ຂໍ້ມູນເຕັກນິກ:

ວີດີໂອ:

ຮຽບຮຽງໂດຍ: ສຸລິວົງ ກອງມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນລະບົດ