ເຂົ້າຊີວນາມອນ (LG4646)

1. ປະຫວັດຄວາມເປັນມາ.

ແນວພັນເຂົ້າຊີວນາມອນ (LG4646) ເປັນແນວພັນເຂົ້າພື້ນເມືອງຂອງທ້ອງຖິ່ນເມືອງໄຊຍະບູລີ, ແຂວງໄຊຍະບູລີ. ໃນປີ 2005 ສູນຄົ້ນຄວ້າກະສິກຳ ແລະ ປ່າໄມ້ ພາກເໜືອ ໄດ້ນຳມາປູກເພື່ອຄັດເລືອກ ແລະ ໃນປີ 2008 ຈິ່ງໄດ້ນຳໄປປູກທົດສອບໃນພື້ນທີ່ໄຮ່ຂອງຊາວກະສິກອນ ແລະ ເຫັນວ່າມີການຈະເລີນເຕີບໂຕດີພ້ອມທັງໃຫ້ຜົນຜະລິດສູງ. ໃນປີ 2010 ໄດ້ນຳໄປທົດສອບ ແລະ ຂະຫຍາຍໃນພື້ນທີ່ 6 ເມືອງຂອງໂຄງການ NURIFaR.

2. ລັກສະນະປະຈຳພັນ.

3. ຈຸດດີ ແລະ ຈຖດອ່ອນ.

• ຈຸດດີ: ສາມາດປູກໄດ້ກັບດິນທີ່ມີຄວາມອຸດົມສົມບູນຕ່ຳສຸດ ຫາ ປານກາງ, ເໝາະສົມກັບດິນເຂດປ່າເລັ່າອ່ອນ ແລະ ສາມາດປູກຕໍ່ເນື່ອງໄດ້. ທົນທານຕໍ່ແມງໄຂ່ປາ (Rood Aphid).
• ຈຸດອ່ອນ: ເມັດເຂົ້າຄາຍ ແລະ ນ້ອຍ, ລຳຕົ້ນນ້ອຍບໍ່ແຂງແຮງ, ຖ້າປູກໃສ່ດິນທີ່ອຸດົມສົມບູນດີຕົ້ນເຂົ້າຈະລົ້ມ.

4. ວິທີການປູກ
   • ສະຖານທີ່ແນະນຳປູກ.

ສາມາດປູກໄດ້ໃນພື້ນທີ່ນາ ແລະ ພື້ນທີ່ ທີ່ມີຄວາມຄ້ອຍຊັນ 15%-60%, ລະດັບຄວາມສູງຈາກໜ້ານ້ຳທະເລ 300 – 1.500 ແມັດ. ປູກໄດ້ດຮໃນແຂວງພາກເໜືອ ເຊັ່ນ: ແຂວງບໍ່ແກ້ວ, ແຂວງໄຊຍະບູລີ, ຫຼວງພະບາງ, ອຸດົມໄຊ ແລະ ຫຼວງນ້ຳທາ.

• ການປູກ.

ຄວນນຳໃຊ້ແນວພັນປູກໃນອັດຕາ 60 ກລ/ຮຕ, ຄວາມງອກບໍ່ຕ່ຳກວ່າ 85%, ໄລຍະຫ່າງການປູກ 25 x 25 ຊມ, ຈຳນວນ 5-6 ເມັດຕໍ່ຂຸມ ແລະ ສັກເລິກປະມານ 2-3 ຊມ ເພື່ອປ້ອງກັນການທຳລາຍຂອງສັດຕູພືດ.

• ລະດູການປູກ.

ລະດູການປູກທີ່ເໝາະສົມແມ່ນທ້າຍເດືອນເມສາ ຫາ ເດືອນພຶດສະພາ, ຖ້າປູກຊ້າຈະເຮັດໃຫ້ຜົນຜະລິດຫຼຸດລົງ.

• ການບົວລະບັດຮັກສາ.

ຫຼັງຈາກສັກເຂົ້າແລ້ວປະມານ 15-25 ວັນ ຄວນເສຍຫຍ້າຄັ້ງທີ 1, ບໍ່ຄວນໃຫ້ຫຍ້າສູງເກີນໄປເພາະຫຍ້າຈະຍາດທາດອາຫານຈາກຕົ້ນເຂົ້າ ແລະ ເປັນບ່ອນລີ້ຊ່ອນຂອງແມງໄມ້.

• ການໃສ່ຝຸ່ນ.

ຖ້າເປັນພື້ນທີ່ ທີ່ມີຄວາມຄ້ອຍຊັນບໍ່ແນະນຳໃຫ້ໃສ່ຝຸ່ນເພາະຈະເຮັດໃຫ້ຝຸ່ນເຊາະໄຫຼໜີ. ຖ້າເປັນພື້ນທີ່ຮາບພຽງ ຫຼື ພື້ນທີ່ນາທີ່ມີຄວາມອຸດົມສົມບູນຂອງດິນຕ່ຳ ຫາ ປານກາງ, ມີການກຽມດິນແນະນຳໃຫ້ໃຊ້ຝຸ່ນສູດ 15-15-15 ຮອງພື້ນກ່ອນການປູກຈຳນວນ 100 ກລ/ຮຕ ( ຝຸ່ນຢູເຣຍ 46-00-00 ) ໃສ່ຫຼັງຈາກປູກ 45 ວັນ.

ຮຽບຮຽງໂດຍ: ສຸລິວົງ ກອງມະນີວົງ. ສູນຄົ້ນຄວ້ານະໂຍບາຍກະສິກຳ ແລະ ປ່າໄມ້